اسلام آباد: وزیر اعظم عمران خان کی زیرصدارت RUDA اور CBD پرجائزہ اجلاس:اہم فیصلے،اطلاعات کے مطابق “راوی اربن ڈویلپمنٹ اتھارٹی(RUDA)، سینٹرل بزنس ڈسٹرکٹ (CBD) والٹن اور نالہ لئی ایکسپریس وے جیسے جدید رئیل اسٹیٹ منصوبوں کے ذریعے شہروں کی ترقی حکومت کی اہم ترجیحات ہیں جن کی جلدازجلد تکمیل کے لیے تیزی سے کام کیا جائے”۔ وزیر اعظم عمران خان نے RUDA اور CBD پر ایک جائزہ اجلاس کی صدارت کرتے ہوئے کہا۔
"یہ ملکی تاریخ میں پہلی بار ہوا ہے کہ ان جدید منصوبوں کے ذریعے غیر استعمال شدہ سرکاری اراضی کی صورت میں پڑے مردہ سرمائے کو قیمتی اثاثے میں تبدیل کیا جا رہا ہے۔ یہ منصوبے نہ صرف روزگار کے مواقع پیدا کریں گے بلکہ بڑھتی شہری آبادی کی ضروریات کو بھی پورا کریں گے”۔ وزیر اعظم
قبل ازیں وزیراعظم کو بتایا گیا کہ سی بی ڈی نے لاہور ڈاون ٹاؤن میں 07 مکس یوز کمرشل پلاٹوں کی نیلامی کے ذریعے آمدنی پیدا کرنے کا منصوبہ بنایا ہے۔ اس کے علاوہ برج الجناح کی تعمیر، پاکستان کی بلند ترین فلک بوس عمارت؛ باب پاکستان میں دو پریمیم رہائشی ٹاورز اور 500 بستروں کے ہسپتال کی تعمیر؛ سی بی ڈی اسکوائر اور والٹن روڈ فلائی اوور کی تعمیر؛ اور والٹن ہوائی اڈے کی میراث برقرار رکھنے کے لیے کلاسک ایوی ایشن میوزیم کی تعمیر بھی CBD کے اہداف میں شامل ہیں۔.
مزید برآں دریائے راوی واٹر فرنٹ کی ترقی، انڈسٹریل اسٹیٹ کے قیام، سیفائر بے اور راوی چہار باغ سوسائٹی پر ترقیاتی کام تیزی سے جاری ہیں۔
وزیراعظم کو یہ بھی بتایا گیا کہ ان تاریخی منصوبوں میں مقامی اور غیر ملکی سرمایہ کاری کے ذریعے زیادہ سے زیادہ محصولات حاصل کرنے کے لیے میڈیا کے ذریعے ایک موثر آگاہی مہم شروع کی گئی ہے۔
وزیر اعظم نے متعلقہ حکام کو ہدایت کی کہ وہ تمام قانونی رکاوٹوں کو جلد از جلد دور کریں تاکہ زیادہ سے زیادہ سرمایہ کاروں کو راغب کیا جا سکے۔
اسلام آباد :اور جب میں بیمار ہوتا ہوں تو وہی (اللہ) شفا دیتا ہے’۔صدر مملکت ڈاکٹرعارف الرحمن علوی نے ایسا کیوں کہا؟اطلاعات ہیں کہ صدر مملکت ڈاکٹر عارف الرحمن علوی ایک مرتبہ پھر کرونا وائرس میں مبتلا ہوگئے۔اور انہوں نے اس موقع پر ایک دعوت ، دعا اورنصیحت بھرا پیغام بھی جاری کیاہے
سربراہ مملکت و مرکزی رہنما پاکستان تحریک انصاف ڈاکٹر عارف علوی نے کرونا وائرس ٹیسٹ مثبت آنے کی تصدیق ٹوئٹ کے ذریعے کی۔
انہوں نے ٹوئٹر اکاؤنٹ سے عوام کو بتایا کہ ‘میرا کرونا ٹیسٹ مثبت آگیا ہے’۔
صدر مملکت نے اپنے ٹوئٹ میں کہا کہ چار پانچ دن سے گلا خراب تھا مگر بہتر ہورہا تھا اور دو رات قبل چند گھنٹوں کےلیے ہلکا بخار محسوس کیا لیکن اس کے علاوہ کوئی علامت ظاہر نہیں ہوئی۔
ڈاکٹر عارف علوی نے تمام دوستوں اور عزیزوں سے وبا سے محفوظ رہنے کےلیے احتیاط کی اپیل کی اور ساتھ ہی دعا بھی لکھی ‘اور جب میں بیمار ہوتا ہوں تو وہی (اللہ) شفا دیتا ہے’۔
خیال رہے کہ مارچ 2021 میں بھی صدر مملکت ڈاکٹر عارف علوی کا کرونا وائرس کا ٹیسٹ مثبت آیا تھا، انہوں نے ٹوئٹر پر اپنے کرونا ٹیسٹ مثبت آنے کی تصدیق کرتے ہوئے بتایا تھا کہ ‘اللہ تمام کرونامتاثرین پر رحم کرے’۔
صدر عارف علوی نے اپنے ٹوئٹ میں لکھا تھا کہ کرونا ویکسین کی ایک ڈوز لے چکا ہوں اور ویکسین کی دوسری ڈوز چند ہفتوں میں لگے گی۔
ادھر کورونا کے کیسز تشویشناک حد تک بڑھنے لگے، 24 گھنٹوں میں 320 کیس سامنے آ گئے۔ مثبت کیسز کی شرح 4 فیصد ریکارڈ کی گئی۔ اومی کرون ویرینٹ کے بھی 41 کیسز رپورٹ ہوئےجبکہ مجموعی کیسز 211 ہو گئے ہیں۔ صوبائی وزیر ڈاکٹر یاسمین راشد میں بھی اومی کرون ویرینٹ کی تصدیق ہوئی ہے۔
الماتی:قازقستان میں کابینہ کی برطرفی کے باوجود پر تشدد مظاہروں کا سلسلہ نہ رک سکا۔ حالات کشیدہ ہیں، مظاہرین کے ساتھ جھڑپ میں 16 سیکیورٹی اہلکار ہلاک اور ساڑھے تین سو سے زائد زخمی ہوگئے۔
قازقستان میں سیاسی انتشار اور دنگے فساد جاری ہیں، کابینہ کی برطرفی کے باوجود عوامی غصہ کم نہ ہوسکا، مظاہرین نے سرکاری دفاتر اور پولیس کی گاڑیوں کو آگ لگا دی۔ کئی علاقوں میں مظاہرین اور سیکیورٹی اہلکاروں کے درمیان جھڑیں بھی ہوئیں۔
روسی میڈیا کے مطابق مظاہرین کے ہاتھوں درجنوں سیکیورٹی اہلکار اور مظاہرین ہلاک ہوچکے ہیں زخمیوں کے تعداد سینکڑوں میں ہے۔
قازق پولیس چیف کا کہنا ہے کہ انتہا پسند مظاہروں کی صفوں میں شامل ہوچکے ہیں، صورتحال پر قابو پانے کے لیے فوج پولیس کی مدد کے لیے پہنچ چکی ہے۔
مظاہروں پر قابو پانے کے لیے صدر قاسم جمارت توکایوف نے ملک بھر ایمرجنسی نافذ کردی، حالات معمول پر آنے تک ملک میں غیر ملکیوں کے داخلے پربھی پابندی لگا دی گئی۔
دوسری طرف روس کے زیرقیادت فوجی اتحاد نے پہلا فوجی دستہ قازقستان بجھوا دیا،روس کے زیرقیادت فوجی اتحاد کے بیان میں کہا گیا ہے کہ قازقستان میں جاری بدامنی پرقابوپانے میں مدد دینے کے لئے فوجیوں کا پہلا دستہ بھیج دیا گیا ہے۔
بیان کے مطابق قازقستان میں صورتحال معمول پرآنے تک قازقستان میں رہیں گے۔ قازقستان کی حکومت نے ملک میں جاری بدامنی روکنے کے لئے مدد کی درخواست کی تھی۔
دوسری جانب قازقستان کی پولیس نے گزشتہ رات پارلیمنٹ کی عمارت پردھاوا بولنے والے درجنوں مظاہرین کوہلاک کرنے کا دعویٰ کیا ہے۔قازقستان کی وزارت صحت کے مطابق ہنگاموں میں اب تک 1000سے زائد افراد زخمی ہوچکے ہیں۔ زخمیوں میں سے 62 کی حالت تشویشناک ہے۔
قازقستان میں پٹرولیم منصوعات کی قیمتوں میں اضافے کیخلاف ملک گیراحتجاج کیا جارہا ہے۔مظاہروں پرقابو پانے کے لئے ملک میں ایمرجنسی نافذ کردی گئی ہے۔
لاہور:برٹش ایئرویز کا لاہور کے لیے اپنا فلائٹ آپریشن بند کرنے کا اعلان ،اطلاعات کے مطابق برٹش ایئرویزلاہور کے لیے اپنے شروع ہونے کے صرف 16 ماہ بعد 27 فروری 2022 سے لاہور، پاکستان سے لندن، ہیتھرو کے لیے اپنا فلائٹ آپریشن بند کرنے کا اعلان کیا ہے،
تفصیلات کے مطابق برٹش ایئرویز نے لاہور سے ہیتھرو روٹ کی بکنگ بند کر دی ہے اور اس کی ویب سائٹ میں فروری 2022 کے بعد کی کوئی بکنگ نہیں دکھائی دے رہی ۔ ایوی ایشن رپورٹر طاہر عمران میاں نے بھی اس حوالے سے ٹویٹ کرتے ہوئے تصدیق کی ہے
British Airways to stop Lahore flights. Just after 16 months.
Key factors. A recent visit by British officials seems to be the cause. No secret that Lahore airport is a mess lately. PIA TCO decision coming. Uncertain future of its Key supporters at PM office.
طاہر عمران نے اتوار کو ٹویٹ کرتے ہوئے کہا ہے کہ "برٹش ایئرویز 16 ماہ بعد لاہور کی پروازیں بند کر دے گی۔” انہوں نے مزید کہا کہ برطانوی فلیگ کیرئیر کے حکام کی جانب سے ہوائی اڈے کا حالیہ دورہ اس فیصلے کے پیچھے ایک اہم عنصر ہو سکتا ہے۔
واضح رہے کہ لاہور کا علامہ اقبال انٹرنیشنل ایئرپورٹ اپنے مرکزی رن وے کی تعمیر کے باعث دیر سے تعطل کا شکار ہے۔ مزید یہ کہ صوبائی دارالحکومت میں موسم کی خرابی کے باعث پروازیں باقاعدگی سے تاخیر کا شکار اور منسوخ ہو رہی ہیں۔شاید یہی وجہ ہے کہ برٹش ایئرویزنے اپنی سروسز لاہور کے لیے معطل کردی ہیں
The reverse of "Tabdeeli" widely celeberated by Youthias mean that Virgin Atlantic might also pull out of Lahore. This is also doesn't bid well for other aspirants who every other day we hear about. But this will help Pakistani airlines who this govt tried their best to destroy. https://t.co/TlxJZi0dIU
طاہر عمران کہتے ہیں کہ یہ چیز پاکستان میں تبدیلی کے خواہاں لوگوں کے لیے ایک پریشان کن چیز ہے ،ان کا کہنا تھا کہ اگریہ حال رہا تو کل کو اور بھی انٹرنیشنل فضائی کمپنی ایسا فیصلہ کرسکتی ہے
یاد رہے کہ لاہور کےلیے برٹش ایئرویز نے 14 اکتوبر 2020 کو ہفتے میں چار دن کی پرواز کا شیڈول شروع کیا،
ہیتھرو سے لاہور بدھ، جمعہ اور اتوار کو آؤٹ باؤنڈ اور پیر، جمعرات اور ہفتہ کو ان باؤنڈ چلتی ہے۔ یہ 214 سیٹ والے B787-8s کا استعمال کرتا ہے، خاص طور پر کم پریمیم روٹس کے لیے اچھا ہے
اس حوالے سے معلوم ہوا ہے کہ برٹش ایئر ویز نے لاہور کےلیے پروازوں کی منسوخی کا فیصلہ اس وقت کیا جب کیریئر 27 مارچ کو اسلام آباد کو ہیتھرو سے گیٹوک کے لیے پرواز کرے گا،
کہا جاتا ہے کہ پاکستان میں برٹش ایئرویز اور ورجن کی دلچسپی مختلف وجوہات کی بنا پر ہے،جن میں سب سے پہلے تو مضبوط پوائنٹ ٹو پوائنٹ ڈیمانڈ، عام طور پر مضبوط فریٹ ڈیمانڈ ہے ،پھر ہی بین الاقوامی فضائی کمپنیاں اپنی سروسز کی فراہمی پر سوچتی ہیں
لاہور: نظام عدل کا حسین امتزاج:جسٹس عائشہ اے ملک کو سپریم کورٹ کا جج بنانے کی سفارش ،اطلاعات کے مطابق چیف جسٹس آف پاکستان جسٹس گلزار احمد خان نے لاہور ہائیکورٹ کی جسٹس عائشہ اے ملک کو سپریم کورٹ کا جج بنانے کی سفارش کر دی۔
چیف جسٹس پاکستان کی زیر صدارت جوڈیشل کمیشن کا اجلاس مہوا، اجلاس میں لاہورہائیکورٹ کی جسٹس عائشہ اے ملک کو سپریم کورٹ کا جج بنانے کی سفارش کی گئی، جوڈیشل کمیشن نے جسٹس عائشہ اے ملک کو سپریم کورٹ کا جج بنانے کے لیے سفارش پارلیمانی کمیٹی کو ارسال کردی۔
یاد رہے کہ جسٹس عائشہ اے ملک 1966ء کو پیدا ہوئیں، جسٹس عائشہ ملک نے ابتدائی تعلیم پیرس، نیویارک اور پھر کراچی سے حاصل کی۔
انہوں نے بی کام کراچی سے کرنے کیا اور لاہور سے ایل ایل بی کی ڈگری حاصل کی، ایل ایل ایم انہوں نے ہارورڈ لا سکول امریکا سے کیا، 55 سالہ جسٹس عائشہ ملک نے بطور جج لاہورہائیکورٹ عہدہ کا حلف 27 مارچ 2012ء کو اٹھایا تھا۔
جسٹس عائشہ اے ملک مارچ 2031 تک عدالت عظمیٰ کی جج رہیں گی۔ جسٹس عائشہ ملک لاہور ہائی کورٹ میں سنیارٹی لسٹ میں چوتھے نمبر پر ہیں۔
یاد رہے کہ پاکستان بارکونسل نے لاہور ہائیکورٹ کی جسٹس عائشہ ملک کی تقرری کے معاملے پر جوڈیشل کمیشن اجلاس کے دن یعنی
آج 6 جنوری کو ہڑتال اور عدالتی بائیکاٹ کا اعلان کیا تھا۔
پاکستان بار کونسل کے وائس چیئرمین خوشدل خان کا کہنا تھاکہ 6 جنوری کو جوڈیشل کمیشن اجلاس والے ہڑتال اور عدالتی بائیکاٹ کیا جائے گا۔
تفصیلات کے مطابق پاکستان بار کونسل کے وائس چیئرمین خوشدل خان نے کہا تھا کہ 6 جنوری کو جوڈیشل کمیشن اجلاس والے ہڑتال اور عدالتی بائیکاٹ کیا جائے گا۔ انہوں نے کہا کہ جسٹس عائشہ ملک کو لانے کا کیا مقصد ہے جو سمجھ سے بالاتر ہے۔ سپریم کورٹ میں ایک کے بجائے 3 خواتین ججز لائیں لیکن ان کی سینیارٹی کے مطابق ان کی تعیناتی کی جائے ۔وائس چیئرمین نے مزید کہا ہے کہ چیف جسٹس کہہ چکے ہیں کہ ججز تقرری کا معاملہ نئے چیف جسٹس پرچھوڑنا چاہیے۔
خیال رہے کہ گزشتہ برس ستمبر میں چیف جسٹس آف پاکستان جسٹس گلزار احمد کی زیر صدارت جوڈیشل کمیشن کاایک اجلاس کیا گیا جس میں لاہور ہائی کورٹ کی جسٹس عائشہ ملک کی سپریم کورٹ میں تقرری کا معاملہ چار چار سے ٹائی ہوگیا ۔اُس وقت بھی جسٹس عائشہ ملک کی سپریم کورٹ میں تقرری کے معاملے پر وکلا کی جانب سے ہڑتال اور احتجاج کیا گیا تھا۔
ذرائع کے مطابق کہ چیف جسٹس پاکستان سپریم کورٹ میں جج کی تقرری کے لیے ہائی کورٹ کے جج کے نام کی سفارش کی جاتی ہے جس کی منظوری جوڈیشل کمیشن کی جانب سے دی جاتی ہے جبکہ جسٹس عائشہ ملک کے نام کی بھی چیف جسٹس پاکستان کی جانب سے سفارش کی گئی تھی تاہم تکنیکی طور پر جسٹس عائشہ کا نام سپریم کورٹ میں بطور جج تقرری کے لیے مسترد کردیا گیا تھا۔
خیال رہے کہ مزید رپورٹس کے مطابق جوڈیشل کمیشن کے اجلاس میں چیف جسٹس پاکستان جسٹس گلزار احمد، جسٹس عمر عطا بندیال، اٹارنی جنرل پاکستان اور وزیر قانون نے جسٹس عائشہ ملک کے نام کی حمایت کی تھی جب کہ جسٹس سردار طارق مسعود، جسٹس مقبول باقر، ،سپریم کورٹ کے سابق جج جسٹس (ر) دوست محمد اور پاکستان بار کونسل کے اراکین نے جسٹس عائشہ ملک کی عدالتِ عظمیٰ میں تقرری کے مخالف ووٹ ڈالا تھا ۔
گوادر:گوادر:بارشیں،سیلاب اورسخت سردی:پاک فوج کی امدادی سرگرمیاں جاری:پاک فضائیہ کا سی 130 طیارہ گوادر پہنچ گیا،اطلاعات کے مطابق بلوچستان کے معاشی حب گوادر میں شدید بارشوں اور سیلاب کی ابتر صورت حال پر پاکستان آرمی مقامی انتظامیہ کے شانہ بشانہ کھڑی ہوگئی ہے۔
پسنی میں بارشوں سے نقصان کا تخمینہ لگانے اور ضلعی انتظامیہ کی مدد کیلئے پاکستان آرمی اور پی ڈی ایم اے کی امدادی ٹیموں کا ریسکیو آپریشن جاری ہے، ریسکیو آپریشن کے لئے آرمی ہیلی کاپٹرز کو استعمال کیا جارہا ہے، جس کا مقصد دور دراز علاقوں کے متاثرین میں جلد از جلد بنیادی ضروریات کو فراہم کرنا ہے۔
اسی تناظر میں پاک فوج نے پسنی ، گوادر کے نشیبی علاقوں میں سیلابی ریلے میں پھنسے افراد کو ہیلی کاپٹروں کے ذریعے ٹینٹ ،کھانے پینے کی اشیا فراہم کیں۔
ادھر بلوچستان کےعلاقےضلع کیچ میں سیلابی بارشیں تباہی مچانے کے بعد تھم گئیں، لیکن معمولات زندگی بحال نہ ہو سکی ،طوفانی بارشوں نے کیچ کے متعد دعلاقوں کو شدید متاثر کیا، متعدد مکانات کو نقصان پہنچا ہے جبکہ کئی علاقوں میں سیلابی ریلا سڑکوں کو بھی بہا لےگیا ہے۔
پی ڈی ایم اے, لیویز اور ایف سی کا بھی ریلیف آپریشن جاری ہے، ڈی سی کیچ نےطوفانی بارشوں کے پیش نظربلنگور کو آفت زدہ قرار دے کر ہنگامی صورتحال سے نمٹنے کیلئے ایمرجنسی نمبر جاری کردئیے ہیں۔
پاک فضائیہ کا C-130 طیارہ گوادر بلوچستان میں سیلاب سے متاثرہ علاقوں کے لیے امدادی سامان لے کرپسنی ائیر پورٹ پہنچ گیا۔ پاک فضا ئیہ، حکومت پاکستان کی ہدایت پر سیلاب سے متاثرہ علاقوں میں ریلیف آپریشن سر انجام دے رہی ہے۔ طیارہ 39,860 پاؤنڈ سے زائد امدادی سامان لے کر روانہ ہوا جن میں خوراک، ٹینٹ اور ادویات شامل ہیں۔
ترجمان پاک فضائیہ کے مطابق حالیہ سیلاب نے گوادر کے نشیبی علاقوں میں بہت تباہی مچائی ہےجس سے دیہات اور انفراسٹرکچر کو بری طرح نقصان پہنچا ہے۔ پاک فضائیہ نے ہمیشہ فضائی سرحدوں کے دفاع کے ساتھ ساتھ قدرتی آفات کے دوران عوام کی امداد کے لیے اپنا کردار بھرپور ادا کیا ہے۔
اسلام آباد :دبئی ایکسپو:وزیراعظم عمران خان کا اعزازپاکستان کا اعزاز:اعلانات ہوگئے ،اطلاعات کے مطابق پاکستان کی سیاسی قیادت کے دانشمندانہ فیصلوں کی وجہ سے پاکستان کا عالمی سطح پر وقار بلند ہوا ہے ،اس سلسلے میں تازہ جو اعزاز پاکستان کے لیے بتایا جارہا ہے اس سلسلے میں وزیر اعظم عمران خان کو دبئی ایکسپو میں انٹرنیشنل اسپورٹس پرسنالٹی ایوارڈ سے نوازا جائے گا، تقریب اتوار کو ہوگی۔
دبئی ایکسپو میں اس حوالے سے تیاریاں جاری ہیں اور یہ کہا جارہا ہے کہ اس حوالے سے وزیر اعظم عمران خان کو پاکستان میں کرکٹ کے فروغ کیلئے خدمات کے اعتراف میں دبئی کے ولی عہدمحمدبن راشد المکتوم کی جانب سے انٹرنیشنل اسپورٹس پرسنالٹی ایوارڈ سےنوازاجائے گا، تقریب اتوار کو دبئی ایکسپو ٹوئنٹی ٹوئنٹی میں ہوگی۔
یاد رہے نومبر 2021 میں وزیراعظم عمران خان نے کھیلوں کے شعبے میں خدمات اور کاوشوں کے اعتراف میں انٹرنیشنل سپورٹس پرسنالٹی ایوارڈ جیتا تھا۔
یہ بھی یاد رہےکہ اس سے پہلے بھی ایک اعزاز وزیراعظم عمران خان کومل چکا ہےجس میں وزیر اعظم نے 1992 کے کرکٹ ورلڈ کپ میں پاکستانی ٹیم کی قیادت کرنے پر دبئی کا مشہور محمد بن راشد المکتوم تخلیقی اسپورٹس ایوارڈ جیتا۔
عمران خان کے نام کا اعلان دبئی میں دنیا کے سب سے گہرے ڈائیونگ پول ڈیپ کے سنگم میں منعقدہ ایک تقریب میں کیا گیا تھا، جہاں دبئی اسپورٹس کونسل کے چیئرمین شیخ منصور بن محمد بن راشد المکتوم مہمان خصوصی تھے۔
خیال رہے عمران خان نے 21 سال کے شاندار کرکٹ کیریئر میں پاکستان کے لیے 88 ٹیسٹ اور 175 ایک روزہ بین الاقوامی میچ کھیلے، انہوں نے 362 وکٹیں حاصل کیں اور ٹیسٹ میں 3,807 رنز بنائے جبکہ ایک روزہ بین الاقوامی میچوں میں 182 اور 3,709 رنز بنائے۔
دوسری طرف اس وقت سوشل میڈیا پریہ گفتگو چل رہی ہے کہ بہرکیف تمام ترکمزوریوں کے باوجود وزیراعظم عمران خان پاکستان کوعالمی فورم پر ایک کامیاب ملک کے طورپرپیش کرنے میں کامیاب ہیں اور یہ ہی نہیںبلکہ اب تو اقوام متحدہ اور دیگرملکوں کی طرف سے کئی اعزازات کا اعلان ہوچکا ہے جو کہ پاکستان کے لیے اعزاز ہے
نئی دہلی :پاکستان نیوی کے پاس ایسے ہتھیار آچکے کہ اب بھارتی نیوی کی تباہی یقینی ہے:بھارتی دفاعی حکام سخت پریشان ،بھارتی وزارت دفاع اس وقت بہت پریشان ہے اور بھارتی فوجی حکام کے ذہنوں پر ایک چیز سوار ہوچکی ہے کہ پاکستان نیوی نے چین سے ایسے جنگی ہیلی کاپٹر اورمیزائل حاصل کرلیے ہیں کہ جن کے استعمال کی صورت میں بھارتی بحریہ کی تباہی کے واضح آثار ہیں
امریکی اور بھارتی خفیہ ایجنسیوں نے یہ دعویٰ کیا ہے کہ پاک بحریہ کے 054 A/P فریگیٹس چین تیار کر رہے ہیں۔بھارتی دفاع حکام کا یہ بھی کہنا ہے کہ ایسے ہی جیسے مثال کے طور پر پی این ایس طغرل گزشتہ سال فراہم کیا گیا تھا۔بھارتی فوجی قیادت کے درمیان ہونے والی گفتگو سے پتہ چلتا ہےکہ بھارت کو یہ اطلاعات مل چکی ہیں کہ پاکستان چین سے ایک نہیں بلکہ تین قسم کے جدید خطرناک ہتھیاراپنی نیوی میں شامل کرنے کےلیے لے رہا ہے ،۔ اطلاعات کے مطابق ان میزائلوں کا ہدف بظاہر بھارتی جنگی جہاز جیسے کولکتہ اور ویزاگ کلاس ڈسٹرائرز اور اسٹیلتھ فریگیٹس ہیں۔
بھارتی اورامریکی دفاعی حکام کا یہ بھی دعویٰ ہے کہ پاکستان اپنے جنگی جہازوں کے لیے LY-70 ایئر ڈیفنس میزائل سسٹم خریدنے کے لیے بھی چین سے بات چیت کر رہا ہے۔ اس نے پہلے ہی مینوفیکچرر ALIT سے تکنیکی اور بجٹ تجویز کی درخواست کی ہے۔ پاکستان نیوی نے دو دہائیاں قبل اپنے طارق کلاس فریگیٹس کے لیے پچھلی قسم، LY-60N خریدی تھی۔
اس رپورٹ میں یہ بھی انکشاف کیا گیا ہے کہ پاکسان کےلیے چینی ہاربن ایئر کرافٹ انڈسٹری گروپ ہاربن Z-9 حملہ ہیلی کاپٹر تیار کرتا ہے۔ Z-9EC ایک اینٹی سب میرین وار فیئر ویرینٹ ہے جو پاکستان نیول ایئر آرم کے لیے تیار کیا گیا ہے۔ دشمن کی آبدوزوں کی شناخت، ٹریک کرنے اور انہیں ختم کرنے کے لیے، ہیلی کاپٹر ASW ٹارپیڈو اور سینسر اور ریڈار کے ساتھ ایک ہی وقت میں کئی خوبیوں سے مزین ہے
پاک بحریہ نے چین کی طرف سے چار قسم کے 054A/P فریگیٹس کی فراہمی کا آرڈر دیا ہے۔اس رپورٹ میں یہ بھی دعویٰ کیا گیا ہے کہ چینی اسلحہ سازکمپنیون نے نومبر 2021 میں چینی ساختہ پہلی قسم 054A/P گائیڈڈ میزائل فریگیٹ PNS Tughril کو شروع کیا۔
بھارتی دفاعی ماہرین کا کہنا ہے کہ نیا طغرل الیکٹرونک جنگی نظام، جدید ترین سطح، زیر زمین، اور اینٹی ایئر ہتھیاروں کے ساتھ ساتھ جنگی انتظامی نظام سے لیس ہے، اور اسے F-22P فریگیٹ کے لیے چینی فراہم کردہ جانشین کے طور پر دیکھا جاتا ہے۔ جنگی جہاز بنیادی طور پر اینٹی ایئر وارفیئر کے لیے بنایا گیا ہے، حالانکہ یہ اینٹی سرفیس اور اینٹی سب میرین کاموں کو بھی انجام دے سکتا ہے۔
انڈین اور امریکن ڈیفنس ماہرین کا کہنا ہے کہ CM-501GA زمین پر حملہ کرنے والے CM-501G میزائل کا ہلکا قسم ہے۔ چائنا ایرو اسپیس سائنس اینڈ انڈسٹری کارپوریشن یہ میزائل تیار کرتی ہے، جن کی رینج تقریباً 40 کلومیٹر ہے۔ لائٹر ویریئنٹ کو چینی ساختہ ہاربن Z-9 ہیلی کاپٹر سے لانچ کیا جا سکتا ہے، جسے پاکستان کی بحریہ بھی استعمال کرتی ہے۔
میزائل کا ڈیزائن CM-501G پر مبنی ہے، ایک زمینی حملہ کرنے والا میزائل جسے ابتدائی طور پر نومبر 2012 میں 9ویں Zhuhai Air شو میں دکھایا گیا تھا۔ سی ایم 501 جی میزائل کی رینج 70 کلومیٹر ہے۔ یہ میزائل امریکی NLOS-LS Netfires میزائل یا اسرائیلی JUMPER میزائل کے چینی مساوی سمجھا جاتا ہے۔
اس رپورٹ میں یہ بھی کہا گیا ہے کہ CM-501G سسٹم دو گاڑیوں پر مشتمل ہے، دونوں گاڑیاں شانکسی آٹوموبائل گروپ SX2190 6 x 6 کراس کنٹری ہیوی ڈیوٹی ٹرک پر مبنی ہیں۔ دو لانچرز/کنٹینرز، جن میں سے ہر ایک تین بائی تھری لے آؤٹ میں نو میزائلوں کے ساتھ، لانچنگ گاڑی کے پچھلے حصے میں نصب ہیں، جن کی کل تعداد 18 ہے۔ یہ Netfires کے 15 سے زیادہ ہے لیکن JUMPER کے 24 سے کم ہے۔
ماہرین کے مطابق اوپن آرکیٹیکچر اور ماڈیولر ڈیزائن کے تصور نے CM-501G سسٹم کو اتنا ورسٹائل بنا دیا ہے کہ وہ مختلف گائیڈنس سسٹمز کا انتخاب کر کے صارفین کے مختلف مطالبات کو پورا کر سکے: جب فنڈنگ محدود ہو تو دو طرفہ ڈیٹا لنک اور امیجنگ انفرا ریڈ۔ (IIR) کو سستے سیمی ایکٹیو لیزر (SAL) کے ساتھ تبدیل کیا جا سکتا ہے، اور سیٹلائٹ رہنمائی GPS، GLONASS، یا BeiDou میں سے کوئی بھی ہو سکتی ہے۔
فائر کنٹرول ماڈیول، ایمونیشن اڈاپٹر، اور خود مختار پاور کیبلز فائر کنٹرول سسٹم کو تشکیل دیتے ہیں۔ نیٹ ورک کے جنگی نیٹ ورک میں ضم ہونے کے بعد آپریٹرز ریموٹ کنٹرول استعمال کر سکتے ہیں۔ چونکہ یہ بارود کے اڈاپٹر سے ڈیٹا پر کارروائی کر سکتا ہے اور ہدف کو پوزیشن میں رکھ سکتا ہے، اس لیے فائرنگ کا نظام خود مختار طور پر کام کر سکتا ہے۔
ایک کمپیکٹ C41SR سسٹم جسے جنگی نیٹ ورک سے منسلک کیا جا سکتا ہے کمانڈ سسٹم کے طور پر کام کرتا ہے۔ یہ فائرنگ سسٹم کی رہنمائی کرنے، ڈیٹا کو پروسیسنگ اور اسٹور کرنے، ہدایات جاری کرنے، نقصان کا اندازہ لگانے اور سسٹم کی حالت کی نگرانی کرنے کے قابل ہے۔ پراجیکٹائل کی بہترین جنگی تاثیر ہوتی ہے کیونکہ جاسوسی اور فائر پاور یونٹ مؤثر طریقے سے کمانڈ سسٹم سے منسلک ہوتے ہیں۔
اس کی لانچنگ اور آپریشنل کنٹرول گاڑیاں خود مختار طور پر نیویگیٹ کر سکتی ہیں اور نامعلوم ماحول میں تیز رفتار ہتھکنڈے اور جدید ترین فائرنگ کے مشن کو انجام دے سکتی ہیں۔ لانچ گاڑی کو فائر کرنے کے لیے تیار ہونے میں تقریباً پانچ منٹ لگتے ہیں۔ شوٹنگ کے بعد موبائل موڈ پر واپس آنے میں ایک منٹ لگتا ہے۔
CM-501GA ٹی وی/انفراریڈ امیجری کے امتزاج کا استعمال کرتے ہوئے سیر کرتا ہے۔ CM-501GA میزائل 2 میٹر لمبا ہے جس کا قطر 180 ملی میٹر ہے۔
اس کے پاس 20 کلو گرام ہائی ایکسپوزیو وار ہیڈ ہے جس کی رینج 5-40 کلومیٹر ہے اور اس کا وزن 100 کلو ہے۔ مینوفیکچرر کے مطابق، ہٹ کی درستگی کو 1 میٹر کے اندر ریگولیٹ کیا جا سکتا ہے اور ہٹ کی شرح 90% ہے۔
صحافت ٹوکریوں کی زد، میں ،تحریر:ارم شہزادی
ایک وقت تھا جب صحافت کو معزز پیشہ سمجھا جاتا تھا، جب لوگ کسی صحافی سے مل کر اس لیے خوش، ہوتے تھے کہ انکے مسائل کو ایوانوں تک پہنچایا جائے گا اور یقیناً کوئی نا کوئی حل بھی نکلےگا۔اور ایسا ہوتا بھی تھا کہ مسائل نا صرف احکام بالا تک پہنچتے تھے بلکہ حل بھی ہوتے تھے۔ دوسری طرف لوگ صحافت سے یا صحافیوں سے ڈرتے بھی تھے کہ کوئی غلطی کی ایک بار منفی طرز، زندگی کی وجہ سے نام اخبارات کی زینت بنا تو باقی زندگی بہت مشکل ہوجائے گی۔ عزت خاک میں مل جائے گی۔ یعنی صحافت کی وجہ سے لوگوں کے طرز زندگی مختلف تھا۔ اخبارات بھی چند گنے چنے تھے، جنگ، نوائےوقت، ڈان، وغیرہ وغیرہ۔ ان اداروں سے وابستہ صحافیوں کا معاشرے میں ایک مقام تھا، نام تھا، ایک ہی چینل تھا پی ٹی وی اس، پے چلنے والے پروگرام حکومت پاکستان سے منظورشدہ ہوتے تھے۔ عام طور پر اپوزیشن کی نمائندگی ناہونے کے برابر تھی۔ پھر وقت بدلا پرائیویٹ چینل دھڑا دھڑ بنے ساتھ اخبارات بھی، اور یوں صحافت معزز پیشے سے نکل کر کمرشلائز ہوگیا۔ حکومتی اراکین نے اور اپوزیشن نے اپنے اپنے چینل چنے اور ان میں کام کرنے والے ملازمین کو اپنے ساتھ ملا لیا اپنی اپنی راہ ہموار کرنے میں لگ گئے اوراس راہ کی ہمواری میں وطن اوراسکی محبت کہیں دور رہ گئی۔ میڈیا چاہے پرنٹ ہو یا الیکٹرانک، یا پھر سوشل رائے عامہ ہموار کرنے کا بہترین زریعہ ہے اور عوام کی رائے اپنے حق میں استعمال کرنے کرنے کے لیے ہر طریقہ ازمایا گیا۔ کہیں پیسے دیےگئے، کہیں پلاٹ دیے گئے، کہیں دھمکایا گیا، اور کہیں بچے صحافیوں کے باہر سیٹ کیے گئے۔
آج پاکستان کے نامور صحافی کسی نا کسی جماعت کے کانے ہیں پورے پورے چینلز مخالفین کے خلاف پروپیگنڈہ کرنے میں مصروف ہیں اس وقت جب پاکستان مسلم۔لیگ ن کی وائس چیئرمین مریم نواز نے مخالفین کی غیر اخلاقی ویڈیوز ریلیز کرنے کی دھمکی دی تو کئی چینلز جو کہ اس سیاسی جماعت کے پے رول پر ہے خوب پروپیگنڈہ کیا مریم نواز کو اس کا کوئی خاص فائدہ ابھی تک نہیں ہوا تھا کہ مریم کی اپنی آڈیوزریلز ہونا شروع ہوگئیں جس، میں وہ میڈیا کو مینج کرنے کا اعتراف کرتی نظر آئیں۔ جبکہ اس سے پہلے جب حکومت نے کہا تھا کہ مخالفین کی پگڑیاں اچھالنا بند کی جائیں اور فیک نیوز پھیلانے پر میڈیا کو ریگولائز کیا جائے تو یہی مسلم۔لیگ ن نے بہت شور مچایا اور میڈیا کی آزادی پر سٹینڈ لیا جبکہ یہخود میڈیا مینج کرتی آئیں تھیں اور ساتھ فیک نیوز، پھیلانے کا سہرا بھی مریم نواز کے سر ہیں۔ ابھی ایک دن پہلے پھر ایک آڈیو لیک ہوئی جس میں مریم نواز نے پرویز رشید سے بات کرتے ہوئے بتایا کہ کیسے کچھ صحافی جیو کے انکے خلاف ہیں بلکہ ایک لفظ استعمال کیا کہ "بھونکنے والے کتے بٹھا دیے گئے ہیں”۔ کیا یہ لفظ ایک جماعت کی وائس چیئرمین جوکہ خود کو مستقبل کی وزیراعظم سمجھتی ہیں سوٹ کرتا ہے؟ اور صحافیوں کو مینج کرنے کا کل ایک نیا طریقہ بتایا کہ کہ انکے والد صاحب آذربائیجان سے ٹوکریاں لائے تھے وہ ایک صحافی اور اینکر ہیں نصرت جاوید انکو دینی ہے اور دوسری ٹوکری رانا جواد کو دینی ہے۔ یعنی میڈیا مینجمنٹ جو لفافوں اور پلاٹوں سے شروع ہوئی تھی وہ ٹوکریوں تک جا پہنچی ہے۔ کل اس پرسوشل میڈیا پر بہت شور سنا گیا پاکستان تحریک انصاف کے کارکنان نے باقاعدہ ٹوکریوں کی صحافت پر ٹرینڈ کیے۔ نہیں معلوم کہ اب مزید صحافت کہاں تک بدنام ہوگی۔ افسوس اس بات پر ہے کہ عمران خان کے لفظ اوئے کہنے پر سارا سارا دن پروگرام کرنے والے صحافی اور چینلز خود کے لیے لفظ کتا سن کر بھی تاحال خاموش ہیں۔ اس سے پہلے اسی لفظ سے چیئرمین پیپلزپارٹی بلاول زرداری بھی کہہ چکا ہے۔
ویٹی کن سٹی:انسان کا اپنے بچوں ،اولاد کوچھوڑکر کُتے بلیوں سے پیار کرنا،حیوانیت اورخودغرضی ہے:اطلاعات کے مطابق کیتھولک عیسائیوں کے مذہبی پیشوا پوپ فرانسس کا کہنا ہے کہ پالتو جانوروں کو بچوں پر فوقیت دینے والے لوگ خود غرض ہیں۔
برطانوی نشریاتی ادارے بی بی سی کے مطابق پوپ فرانسس نے ویٹی کن میں عام افراد سے بات چیت کرتے ہوئے کہا کہ جو لوگ پالتو جانوروں کو بچوں پر فوقیت دیتے ہیں وہ خود غرض ہیں۔
انہوں نے کہا کہ ہمیں خود غرضی کی ایک شکل نظر آتی ہے کہ کچھ لوگ بچے پیدا نہیں کرنا چاہتے یا بعض اوقات ان کا ایک بچہ ہوتا ہے لیکن ان کے پاس کتے اور بلیاں ہوتی ہیں جو بچوں کی جگہ لیتی ہیں۔
انہوں نے کہاکہ اس پر لوگوں کو ہنسی آتی ہے پر یہ حقیقت ہے جبکہ یہ عمل باپ اور ماں بننے سے انکار ہے جو ہماری انسانیت کو چھین لیتا ہے۔
پوپ فرانسس نے کہا کہ جو لوگ طبی وجوہات کی بنا پر بچے پیدا کرنے سے قاصر ہیں انہیں بچے گود لینے پر غور کرنا چاہیے۔
یہ پہلا موقع نہیں ہے جب پوپ فرانسس نے ان لوگوں کو نشانہ بنایا ہے جو بچوں پر پالتو جانوروں کا انتخاب کرتے ہیں۔ 2014 میں انہوں نے کہا تھا کہ بچوں کی بجائے پالتو جانور رکھنا ثقافتی تنزلی ہے
