Baaghi TV

Author: +9251

  • پیغمبراسلامﷺ کی حرمت سےمتعلق میری کوششوں کی تائید وحمایت پرروسی صدرکاشکریہ اداکرتا ہوں‌:وزیراعظم

    پیغمبراسلامﷺ کی حرمت سےمتعلق میری کوششوں کی تائید وحمایت پرروسی صدرکاشکریہ اداکرتا ہوں‌:وزیراعظم

    اسلام آباد:پیغمبر اسلامﷺ کی حرمت سے متعلق میری کوششوں کی تائید وحمایت پر روسی صدرکا شکریہ ادا کرتا ہوں‌:اطلاعات کے مطابق وزیراعظم عمران خان نے کہا ہے کہ روسی صدر ولادی میر پیوٹن کے پیغمبر اسلام ﷺ کی حرمت سے متعلق دیئے گئے بیان کا خیر مقدم کرتا ہوں۔ توہین رسالت سے متعلق بیان میرے مؤقف کی تائید ہے۔

     

    سماجی رابطے کی ویب سائٹ ٹویٹر پر اپنے ایک بیان میں وزیراعظم نے لکھا کہ میں صدر پیوٹن کے اس بیان کا خیرمقدم کرتا ہوں جو میرے اس پیغام کی تصدیق کرتا ہے کہ ہمارے نبی پاک ﷺ کی توہین "آزادی اظہار” نہیں ہے۔ ہم مسلمانوں کو خصوصاً مسلم رہنماؤں کو اسلامو فوبیا کا مقابلہ کرنے کے لیے اس پیغام کو غیر مسلم دنیا کے رہنماؤں تک پہنچانا چاہیے۔

    سالانہ پریس کانفرنس میں روسی صدر کا کہنا تھاکہ شان رسالت ﷺ میں گستاخی لوگوں کو ناراض کرنے اور اشتعال دلانے کا باعث بنتی ہے اور پیغمبر اسلام حضرت محمد ﷺ کی شان میں گستاخی آزادی اظہار رائے نہیں۔

    ان کا کہنا تھاکہ شان رسالت ﷺ میں گستاخی مذہبی آزادی کے خلاف ہے اور مسلمانوں کے جذبات کو مجروح کرنا ہے۔

    متنازع فرانسیسی میگزین چارلی ہیبڈو پر حملے کی طرف اشارہ کرتے ہوئے روسی صدر کا کہنا تھاکہ ایسی حرکتیں انتہا پسندی کی طرف لے جاتی ہیں۔

    خیال رہے کہ وزیراعظم عمران خان اسلاموفوبیا کے خلاف سرکردہ فورمز پر آواز اٹھا چکے ہیں۔ اس کے علاوہ وزیراعظم عمران خان نے توہین رسالت اور اسلاموفوبیا کے معاملے پر مسلم ممالک کے سربراہان کو خط بھی لکھا تھا۔

  • شہرقائد میں جمعےکو مہاجر کلچر ڈے منایا گیا، اور شہر کے مختلف علاقوں سے ریلیاں نکالی گئیں

    شہرقائد میں جمعےکو مہاجر کلچر ڈے منایا گیا، اور شہر کے مختلف علاقوں سے ریلیاں نکالی گئیں

    کراچی : شہرقائد میں جمعےکو مہاجر کلچر ڈے منایا گیا، اور شہر کے مختلف علاقوں سے ریلیاں نکالی گئیں ۔

    نوجوان مہاجر کے تحت کریم آباد سے مزار قائد تک ریلی نکالی گئی ، ریلی کی قیادت آرگنائزر زوہیب اعظم، حسن خان، عمیر مصودی نے کی،شر کا نے مہاجر ڈے کی مناسبت سے لباس زیب تن کئے ہوئے تھے، مزار قائد پر خطاب کرتے ہوئے ایم کیو ایم کے رہنما اور رکن سندھ اسمبلی محمد حسین نے کہا کہ مہاجر حقوق کے لئے ایک ہونا ہوگا 2 سال سے نوجوان کامیاب مہا کلچر ڈے منا رہے ہیں ان کومبارک دیتا ہوں ، پی ٹی آئی کے رکن قومی اسمبلی ڈاکٹر عامر لیاقت حسین نے کہا کہ تمام مہاجروں کو مبارکباد پیش کرتا ہوں ہمیں اقلیت کا طعنہ دینے والے سن لیں ہم نے تمہیں بولنا سکھایا ہم نے تمہیں سندھ میں رہنا سکھایا جب طالبان سے بات ہوسکتی تو ایم کیو ایم قائد سے بھی بات ہوسکتی ہے، ڈاکٹر سلیم حیدر نے کہا کہ نوجوان قوم کہ سپاہی ہے مہاجر قوم سب سے تعلیم یافتہ ہیں مہاجر سب سے زیادہ طاقتور ہے سپر پاور مہاجر پاور مہاجر کلچر ہمیشہ زندہ رہے گا، ایم کیو ایم بحالی کمیٹی کے سر براہ ڈاکٹر فاروق ستار آج ایک رہنا بولتا ہے گھبرانا نہیں ہے ہمارے آباواجداد نے ملک بنانا شروع کیا تو کہا تھا گھبرانا نہیں اور ملک بنادیا جو ملک کے حالات ہے اس میں ہمارا کوئی ہاتھ نہیں ہے، دوسری جانب ٹیم مہاجر پاکستان کے زیر اہتمام کراچی پریس کلب پر مہاجر ڈے کی تقریب کا انعقاد کیا گیا جس سے مختلف رہنمائوں نے خطاب کیا، آرگنائزر احسن قریشی نے کہا کہ مہاجر ڈے پر مہاجروں کو متحد کرنے کی کوشش کررہے ہیں، ہر قوم اپنی ثقافت کا دن مناتی ہے،ہمارا مقصد بھی اپنی ثقافت کو اجاگر کرنا ہے۔

  • کرسمس پرڈی ایم سی کورنگی کے تحت گرجا گھروں اور مسیحی بستیوں میں مثالی بلدیاتی انتظامات

    کرسمس پرڈی ایم سی کورنگی کے تحت گرجا گھروں اور مسیحی بستیوں میں مثالی بلدیاتی انتظامات

    کراچی : ڈی ایم سی کورنگی کی جانب سے کرسمس پر مسیحی بستیوں اور گرجا گھروں پر مثالی بلدیاتی انتظامات ،مسیحی رہنمائوں اور عوام کو انتظامات پر ایڈمنسٹریٹر اور میونسپل کمشنر DMC کورنگی سے اظہار تشکر ،ضلع کورنگی کی حدود میں شاہ فیصل ،ملیر ماڈل ،کورنگی اور لانڈھی کے گرجا گھروں اور مسیحی آبادیوں میں کرسمس کے موقع پر صفائی وستھرائی ،روشنی کے انتظامات کی بہتری کے حوالے سے انتظامات منتظمین کی باہمی مشاورت کے ساتھ انجام دیا گیا ۔

    ایڈمنسٹریٹر ڈی ایم سی کورنگی ساجدہ قاضی نے میونسپل کمشنر ارشاد احمد کے ہمراہ ضلع کورنگی کا تفصیلی دورہ کرکے گرجا گھروں کے اطراف ڈی ایم سی کورنگی کی جانب سے کرسمس کے حوالے سے جاری انتظامات کا معائنہ کیا اس موقع پر ڈائریکٹر ہیلتھ سروسز سلیم رضا ،XENایم اینڈ ای جاوید بھائیو ،ڈائریکٹر انفارمیشن ایاز محمد خان اور دیگر بھی موجود تھے ،ایڈمنسٹریٹر ساجدہ قاضی نے مسیحی رہنمائوں سے ملاقات کی اور اُن سے انتظامات پر تبادلہ خیال کیا اس موقع پر مسیحی رہنمائوں اور عوام نے ڈی ایم سی کورنگی کی جانب سے انتظامات پر اطمینان کا اظہار کیا ۔

  • سرگودھا : تھانہ کوٹمومن پولیس کی کارواٸی ۔ بدنام زمانہ منشیات فروش گرفتار

    سرگودھا : تھانہ کوٹمومن پولیس کی کارواٸی ۔ بدنام زمانہ منشیات فروش گرفتار

    *سرگودھا:تھانہ کوٹ مومن پولیس کی کاروائی، بدنام زمانہ منشیات فروش رنگے ہاتھوں گرفتار، 250بوتل شراب برآمد*
    سرگودھا: ڈسٹرکٹ پولیس آفیسر ڈاکٹر رضوان احمد خان کی ہدایت پرمنشیات فروشوں کے خلاف کاروائی کرتے ہوئے ایس ایچ او تھانہ کوٹ مومن فاروق حسنات نے اسسٹنٹ سب انسپکٹرشاہد اقبال ودیگر ملازمان پرمشتمل ٹیم کے ہمراہ محلہ تارڑاں والا ریڈ کرکے بدنام زمانہ منشیات فروش جاوید مسیح کوشراب فروخت کرتے ہوئے رنگے ہاتھوں گرفتارکرلیا گیا ہے۔ گرفتارملزم کے قبضہ سے شراب250لٹر برآمد کرکے اسکے خلاف منشیات فروشی کی دفعات کے تحت مقدمہ درج کرلیا گیا ہے مزید تفتیش جاری ہے۔(ترجمان سرگودھا پولیس)

  • سرگودھا : تھانہ ساہیوال پولیس کی کارواٸی ، موٹرساٸیکل چور گینگ گرفتار

    سرگودھا : تھانہ ساہیوال پولیس کی کارواٸی ، موٹرساٸیکل چور گینگ گرفتار

    سرگودھا:ساہیوال پولیس کی کارروائی۔ 2 رکنی بین الاضلاعی موٹر سائیکل چور گینگ گرفتار

    سرگودھا: ملزمان کے قبضہ سے لاکھوں روپے مالیت کے 9 موٹر سائیکل برآمد

    سرگودھا: ایس ایچ او عارف حسین چیمہ نے ٹیم کے ہمراہ کارروائی کرتے ملزمان کو گرفتار کی

    سرگودھا: ملزمان ذیشان اور عنصر نے ساہیوال کے مختلف علاقوں سے موٹرسائیکل چوری کئے

    سرگودھا: گرفتار ملزمان بغیر پارکنگ اور لاوارث کھڑے کئے گئے موٹر سائیکل چراتے تھے

    سرگودھا: ملزمان دیگر علاقوں میں جا کر موٹرسائیکل فروخت کردیتے تھے

  • سرگودھا میں تاجر برادری سراپہ احتجاج ۔

    سرگودھا میں تاجر برادری سراپہ احتجاج ۔

    سرگودھا سمیت ملک بھر میں روز بروز بڑھتی کمر توڑ مہنگائی و سیلز ٹیکس کی جبری رجسٹریشن کے خلاف تاجر برادری سراپہ احتجاج بن گئی حکومت سے فل فور ایف بی آر کی جبری رجسٹریشن اور پوائنٹ آف سیلز کے قانون کو ختم کروانے کا مطالبہ کر دیا
    Vo
    صدراتی آرڈیننس و پوائنٹ آف سیلز کے خلاف آل پاکستان انجمن صارفہ ایسوسی ایشن کا بھی پارہ ہائی ہو گیا ایف بھی آر کی تاجر دشمن پالیسیوں کو مسترد کر دیا اس موقع پر جرنل سکیرٹری صرافہ ایسوسی ایشن کے عہدیداران محمد اسلام کا کہنا تھا کہ ایف بی آر نے تاجروں کا جینا دوبھر کر دیا ھے آئے روز نوٹسز پوائنٹ آف سیلز اور جبری رجسٹریشن نے ہمارا کاروبار چلانا مشکل بنا دیا ھے یہ ایسے ہی ھے کہ سرمایہ ہم لگائیں اور دوکان کی چابیاں ایف بی آر کو دے دیں یہ کسی صورت ممکن نہیں ھے یہ سرا سر تاجروں کے ساتھ زیادتی و ظلم ھے انہوں نے کہا کہ ملک بھر میں مہنگائی کا طوفان ھے ایدرواں میں کرپشن کا بازار گرم ھے مگر ایف بی آر تاجر برادری کو ہراساں کرنے پر تلے ہیں حکومت تاجروں کو تحفظ فراہم کریں اور اگر ہمارے جائز مطالبات مانتے ہوئے تاجر دشمن پالیسیوں کو ترک کریں

  • دنیا سُن لے : پیغمبر اسلامﷺ کی توہین آزادی اظہار نہیں ہے: روسی صدر پیوٹن

    دنیا سُن لے : پیغمبر اسلامﷺ کی توہین آزادی اظہار نہیں ہے: روسی صدر پیوٹن

    ماسکو:دنیا سُن لے کہ پیغمبر اسلامﷺ کی توہین آزادی اظہار نہیں ہے:اطلاعات کے مطابق روسی صدر ولادی میر پیوٹن نے کہا ہے کہ پیغمبر اسلامﷺ کی توہین آزادی اظہار نہیں ہے۔

    روسی خبر رساں ایجنسی کی رپورٹ کے مطابق پیوٹن نے اپنی سالانہ نیوز کانفرنس کے دوران کہا کہ پیغمبرﷺ کی توہین مذہبی آزادی کی خلاف ورزی اور مسلمانوں کے جذبات کی خلاف ورزی ہے۔

    پیوٹن نے عام طور پر فنکارانہ آزادی کی تعریف کرتے ہوئےکہا کہ ان لوگوں کی اپنی حدود ہیں اور ان کی آزادی کی خلاف ورزی کرنا بھی کسی طور درست نہیں ہے۔

    انہوں نے مزید کہا کہ روس ایک کثیر النسلی اور کثیر الاعتقادی ریاست کے طور پر تیار ہوا ہے اور ہم ایک دوسرے کی روایات کا احترام کرنے کے عادی ہیں،مگر کچھ دوسرے ممالک اس چیز کو پس پشت ڈال دیتے ہیں۔

    اس سے قبل وزیراعظم پاکستان عمران خان پوری دنیا کو باور کراتے رہے ہیں کہ مغربی دنیا کو معلوم ہی نہیں کہ ہم مسلمان نبیﷺ سے کتنا لگاؤ اور محبت رکھتے ہیں،دنیا کو بتانے کے لئے رحمت اللعالمین اتھارٹی بنائی ہے جو دنیا کو آگاہ کرے گی کہ توہین پیغمبرﷺ ہمارے لئے کسی صورت بھی قبول نہیں۔

    واضح رہے کہ 2018 میں یورپی یونین کی عدالت برائے انسانی حقوق (ای ایچ سی آر) نے کہا تھا کہ پیغمبرِ اسلام ﷺکی توہین آزادیِ اظہار کی جائز حدوں سے تجاوز کرتی ہے اور اس کی وجہ سے تعصب کو ہوا مل سکتی ہے اور اس سے مذہبی امن خطرے میں پڑ سکتا ہے۔

    یہ فیصلہ عدالت نے پیغمبرِ اسلام ﷺکے بارے میں توہین آمیز کلمات کہنے والی آسٹریا سے تعلق رکھنے والی ای ایس نامی خاتون کے خلاف سزا کے فیصلے کی اپیل پر صادر کیا تھا۔عدالت نے کہا کہ ای ایس کے خلاف فیصلہ ان کے بنیادی انسانی حقوق کی خلاف ورزی نہیں ہے۔

  • کورونا نے برطانوی معیشت کوڈبودیا:4 ارب پونڈز میں بہت بڑا ڈیپارٹمنٹل اسٹوربیجنے پرمجبور

    کورونا نے برطانوی معیشت کوڈبودیا:4 ارب پونڈز میں بہت بڑا ڈیپارٹمنٹل اسٹوربیجنے پرمجبور

    لندن :کورونا نے برطانوی معیشت کوڈبودیا:4 ارب پونڈز میں بہت بڑا ڈیپارٹمنٹل اسٹوربیجنے پرمجبور،اطلاعات کے مطابق جہاں کورونا نے غریب اور بہت زیادہ آبادی والے ملکوں کو تہس نہس کرکے رکھ دیا ہے وہاں اس وبا کی وجہ سے کم آبادی والے اور بہت زیادہ وسائل والے ترقی یافتہ ممالک بھی متاثرہوئے بغیرنہ رہ سکے ، ،تازہ ترین اطلاعات میں بتایا گیاہے کہ برطانیہ جسے ایک امیر ملک اور کم آبادی کے ساتھ بہت زیادہ وسائل والا ملک کہا جاتاہے اب ماضی کا حصہ بن گیا اور معیشت اس قدر تباہ حال ہوگئی ہے کہ ڈپارٹمنٹ اسٹورکو4 ارب برطانوی پونڈز میں فروخت کرنا پڑا

    گروپ کی طرف سے جمعہ کو جاری کردہ ایک بیان میں کہا گیا ہے کہ سودا ‘دنیا کے معروف اومنی چینل لگژری ڈپارٹمنٹ اسٹور گروپس سے کیا گیا ہے
    یہ بھی کہا گیاہے کہ یہ ڈیپارٹمنٹل اسٹور 4 ارب برطانوی پونڈز میں فروخت ہوا اور اس میں انگلینڈ، نیدرلینڈز اور آئرلینڈ میں 18 ڈیپارٹمنٹل اسٹورز شامل ہیں۔

    وہ ڈپارٹمنٹل اسٹوراور اس کی شاخیں ایک مشترکہ سینٹرل اور سگنا پورٹ فولیو کا حصہ بنیں گے جس میں اٹلی میں Rinascente، ڈنمارک میں Illum، سوئٹزرلینڈ میں Globus اور جرمنی اور آسٹریا میں KaDeWe گروپ شامل ہیں۔سنٹرل گروپ، جس کا کنٹرول تھائی چیراتھیواٹ فیملی، اور آسٹریا کے رئیل اسٹیٹ ماہرین سگنا گروپ، 50-50 مشترکہ منصوبے میں سیلفریجز کا کنٹرول سنبھالیں گے۔

    دوسری طرف یہ بھی کہا جارہاہےکہ قطر انویسٹمنٹ اتھارٹی اس ڈیپارٹمنٹل اسٹور کی کامیاب بولی لگانے میں ناکام رہی

     

     

    ویسٹنز کے ساتھ معاہدے میں کھانے پینے کے برطانیہ کے چار اسٹورز شامل ہوں گے – دو مانچسٹر میں، ایک برمنگھم میں اور لندن کی آکسفورڈ اسٹریٹ پر اس کی فلیگ شپ سائٹ – نیز آئرلینڈ میں آرنٹس اور براؤن تھامس سمیت 14 دیگر دکانیں شامل ہوں گی۔

    سیلفریجز کی بنیاد 1908 میں ہیری گورڈن سیلفریج نے رکھی تھی۔ ڈبلیو گیلن ویسٹن نے 2003 میں فلیگ شپ آکسفورڈ اسٹریٹ سیلفریج اسٹور خریدا اور 2010 میں سیلفریجز گروپ بنایا۔

    یہ برطانوی ہائی اسٹریٹ کے لئے ایک تباہ کن خبر ہے، اس سے پہلے معاشی تباہی کی وجہ سے ڈیبن ہیمس، ٹاپ شاپ اور ڈوروتھی پرکنز سمیت بڑے ریٹیل گروپس بھی اب اپنا وجود کھو چکے ہیں‌

    سیلفریجز گروپ کے چیئرمین، اور ڈبلیو گیلن ویسٹن کی زندہ بچ جانے والی بیٹی، ایلانا ویسٹن نے کہا کہ یہ حصول ‘خوبصورت، واقعی تجرباتی، ڈپارٹمنٹ اسٹورز کے ایک مشہور گروپ کے لیے میرے والد کے وژن کی کامیابی کا ثبوت ہے’۔

    سینٹرل گروپ نے تھائی لینڈ کا پہلا ڈپارٹمنٹ اسٹور 1956 میں کھولا اور اب دنیا بھر میں تقریباً 3,700 اسٹورز ہیں۔اس کے نان ایگزیکٹیو ڈائریکٹر Vittorio Radice نے 1996 اور 2003 کے درمیان Selfridges چلایا اور 2006 سے اٹلی میں ایک ڈپارٹمنٹ اسٹور کا انتظام کر رہے ہیں۔

  • پاکستان سارک سربراہی اجلاس کی بھی مہمان نوازی کرنا چاہتاہے :وزیراعظم نے درخواست کردی

    پاکستان سارک سربراہی اجلاس کی بھی مہمان نوازی کرنا چاہتاہے :وزیراعظم نے درخواست کردی

    اسلام آباد: سارک سربراہی اجلاس پاکستان مہمان نوازی کرنا چاہتاہے:وزیراعظم نے درخواست کردی ،اطلاعات کے مطابق وزیر اعظم عمران خان نے پاکستان میں سارک سربراہی اجلاس کی میزبانی کرنے کا عندیہ دے دیا ہے۔

    تفصیلات کے مطابق وزیر اعظم عمران خان سے آج سیکریٹری جنرل سارک ایسالا رووَن ایراکون نے ملاقات کی، جو اِن دنوں دورہ پاکستان پر ہیں، وزیر اعظم نے سارک سیکریٹری جنرل سے سیالکوٹ واقعے میں سری لنکن شہری کی ہلاکت پر افسوس کا اظہار کیا۔

    وزیر اعظم نے کہا اس طرح کی کارروائیوں کا کوئی جواز نہیں تھا، قصورواروں کو انصاف کے کٹہرے میں لانے کے لیے اقدامات اٹھائے گئے ہیں۔

    انھوں نے کہا سارک اقتصادی ہم آہنگی پیدا کرنے کے لیے خطے میں سازگار ماحول فراہم کر سکتا ہے، سارک کا کردار جنوبی ایشیا کے لوگوں کے معیار زندگی کو بدل دے گا۔

    عمران خان نے ملاقات میں موسمیاتی تبدیلی، تعلیم، اور غربت کے خاتمے کے چیلنجز پر تعاون کو مضبوط بنانے پر بھی زور دیا، اور سارک کے عمل کو بہتر بنانے کے لیے سیکریٹری جنرل کی کوششوں کو سراہا۔

    وزیر اعظم نے اپنی حکومت کی جانب سے سارک کے تعاون کو مزید مضبوط بنانے کے لیے حمایت جاری رکھنے کا عزم کیا، اور پاکستان میں سارک سربراہی اجلاس کی میزبانی کرنے کا عندیہ دیا۔

    سیکریٹری جنرل سارک نے متعلقہ امور پر رہنمائی پر وزیر اعظم پاکستان کا شکریہ ادا کیا، انھوں نے کہا جنوبی ایشیائی ممالک کے درمیان تعاون کو مضبوط بنانے کے لیے کوششیں تیز کریں گے۔

    یاد رہےکہ اس سے پہلے پاکستان کو یہ بھی اعزاز حاصل ہے کہ پاکستان نے 40 سال بعد اوآئی سی کی میزبانی کا شرف حاصل کرکے اداسیاں ختم کردی تھیں ، ادھر یہ بھی اطلاعات ہیں کہ پاکستان نے اوآئی سی جنرل سیکرٹری سے یہ بھی درخواست کی ہے کہ وزرائے خارجہ کی سطح پرہونے والا آو آئی سی کا اجلاس بھی پاکستان میں منعقد کروانے کےلیے پاکستان نے میزبانی کا شرف ایک بارپھرحاصل کرنے کی کوششیں تیز کردی ہیں‌

  • غریب جیلوں میں اورملک کا اربوں‌ لوٹنے والے نوازشریف کی سیاسی دباوپرسزا کا خاتمہ ہو:یہ ناممکن ہے:وزیراعظم

    غریب جیلوں میں اورملک کا اربوں‌ لوٹنے والے نوازشریف کی سیاسی دباوپرسزا کا خاتمہ ہو:یہ ناممکن ہے:وزیراعظم

    اسلام آباد:غریب جیلوں میں بےبس اورملک کا اربوں‌ لوٹنے والے نوازشریف کی سیاسی دباوپرسزا کا خاتمہ ہو:یہ ناممکن ہے:،اطلاعات کے مطابق وزیراعظم عمران خان نے کہا ہے کہ سابق وزیراعظم نواز شریف نے عوام کا پیسہ لوٹ کر باہر منتقل کیا، عدالت کی جانب سے دی گئی سزا کا خاتمہ ممکن نہیں۔

    وزیراعظم عمران خان کی زیر صدارت ترجمانوں کا اجلاس ہوا، اجلاس کے دوران ملکی سیاسی صورتحال، بلدیاتی الیکشن سے متعلق اہم امور پر تبادلہ خیال کیا گیا۔

    وزیراعلیٰ خیبرپختوانخوا کے معاون خصوصی بیرسٹر سیف نے وزیراعظم کو بریفنگ کے دیتے ہوئے بلدیاتی الیکشن میں ووٹ حاصل کرنے سے متعلق اعدادوشمار سے بھی آگاہ کرتے ہوئے بتایا کہ ویلیج کونسل کے نتائج میں بہتری کی امید ہے۔ تحریک انصاف کے پی کے میں ووٹوں کے تناسب سے مقبول اور بڑی جماعت بن کر سامنے آئی ہے۔

    اس موقع پر وزیراعظم نے کہا کہ تحریک انصاف کو ووٹ زیادہ پڑا، اس کو اجاگر کیا جائے، مسلم لیگ ن اور پیپلز پارٹی کا خیبرپختونخوا الیکشن سے متعلق خوشیاں منانا حیران کن ہے، یہ ممکن نہیں کہ ہے کہ سزا یافتہ شخص کی سزا ختم ہو جائے۔

    عمران خان کا کہنا تھا کہ نواز شریف نے عوام کا پیسہ لوٹا اور باہر منتقل کیا، پانامہ میں نواز شریف کا نام آیا اور عدالت نے نا اہل کیا، نواز شریف آج تک منی ٹریل بھی نہیں دے سکے، تحریک انصاف کا ووٹر اور عوام ہمارے ساتھ کھڑی ہے۔

    عمران خان نےکہا کہ پیڈ میڈیا اور سیاسی دباو سے ایک مجرم شخص کی سزا معاف کردی جائے اور غریب جیلوں میں بے بس تڑپ رہے ہوں ایسے ممکن نہیں ہوسکتا ،

    ادھراطلاعات کے مطابق لاہور کی بینکنگ جرائم کورٹ نے شہباز شریف اور حمزہ شہباز کے خلاف منی لانڈرنگ کیس میں عدالت کے دائرہ اختیار پر وکلاء کو تیاری کے لیے حتمی مہلت دے دی۔

     

     

    بینکنگ کورٹ کے جج سردار طاہر صابر نے ایف آٸی اے کی جانب سے دائرہ اختیار پر دائراعتراض پر سماعت کی، وکلا نے کیس پر تیاری کے لیے مزید مہلت کی استدعا کی جس کو منظور کرتے ہوٸے عدالت نے سماعت چار جنوری تک ملتوی کر دی۔

    عدالت نے قرار دیا کہ آٸندہ سماعت پر فریقین کے وکلاء عدالتی دائرہ اختیار پر دلائل مکمل کریں۔ شوگر انکواٸری منی لانڈرنگ کیس میں ایف آٸی اے نے عدالت کے داٸرہ اختیار پر اعتراضات اٹھاٸے تھے جس میں کہا گیا تھا کہ بینکنگ کورٹ شہباز شریف اور حمزہ شہباز کی درخواست ضمانت پر سماعت نہیں کر سکتی۔

    اس حوالے سے مشیر احتساب شہزاد اکبر نے کہا کہ آج منی لانڈرنگ کیس سے شہباز شریف کے وکلا غیر حاضر رہے، روز روز چالان مانگنے والے آج عدالت سے فرار ہوگئے۔

    دوسری جانب شہبازگل نے بھی طنزیہ وار کرتے ہوئے کہا کہ اب چابی بھری ترجمان کیا فرماتی ہیں، جھوٹی باجی کو اطلاع دینی تھی کہ شہباز شریف عدالت سے بھاگ رہے ہیں۔

    دوسری طرف سوشل میڈیا پر شریف فمیلی کے اس شاہانہ طرز عمل پر ایک طوفان بدتمیزی بپا ہے ، پاکستانی پوچھ رہے ہیں کہ کیا یہ ہے ایک پاکستان جہاں طاقتور کے لیے قانون اور جبکہ غریب کے لیے قانون اور

    بعض نے لکھا ہے کہ اس ملک کی تباہی میں ان بڑے لوگون کا ہاتھ ہے اور ان کو خودساختہ قانون کا ساتھ بھی نصیب ہے

    بعض نے لکھا ہے کہ اس ملک کی عدالتوں میں غریب رسوا ہورہے ہیں اور شرفائے سیاست عدالتوں کو جوتے کی نوک پربھی نہیں سمجھتے یہ کیا ہورہا ہے ، ہمیں اس نظام سے کون بچائے گا