Author: +9251

اسلام آباد :جب تقدیرغالب آجائےتو:ہزاروں فٹ کی بلندی پرمسافر کی روح پرواز کرگئی ،اطلاعات کے مطابق اسلام آباد سے راس الخیمہ جانے والی پی آئی اے کی پرواز میں ایک مسافر دل کا دورہ پڑنے سےانتقال کر گیا تاہم پرواز کے راس الخیمہ پہنچنے پر مسافرکی میت اسپتال منتقل کردی گئی۔

تفصیلات کے مطابق پی آئی اے کے طیارے میں دوران پرواز افسوسناک واقعہ پیش آیا ، جہاں اسلام آباد سے راس الخیمہ جانے والی پی آئی اے کی پرواز میں مسافر کی اچانک طبیعت خراب ہونے پر موت واقع ہو گئی۔

ترجمان پی آئی اے کا کہنا تھا کہ 40سالہ مسافرمعذاللہ خان دل کادورہ پڑنے سے انتقال کرگیا، پرواز کےراس الخیمہ پہنچنےپرمسافرکی میت اسپتال منتقل کردی گئی۔

یاد رہے 2 ماہ قبل اسلام آباد سے لندن جانے والی برٹش ایئر ویز کی پرواز میں ایک پاکستانی نژاد خاتون مسافر کو دل کا دورہ پڑا، جو جان لیوا ثابت ہوا تھا۔

بعد ازاں جہاز کے کپتان نے تاشقند کے کنٹرول ٹاور سے رابطہ کر کے تاشقند ایئر پورٹ پر میڈیکل ایمرجنسی لینڈنگ کی اجازت طلب کی، اجازت ملنے پر طیارے کو تاشقند ایئر پورٹ پر اتار لیا گیا تھا۔

یاد رہےکہ یہ پہلا کیس نہیں بلکہ اس طرح‌کے درجنوں کیسز ہوچکے ہیں جن میں مرنے والا نہ زمین پرہوتا ہے اورنہ آسمان پربلکہ درمیان میں ہزاروں فٹ زمین سے بلندی پرموت نے سب کوموت کا پیغام تو یاد کروا دیا مگرحقیقت سے ہرکوئی جان بوجھ کرپردہ پوشی کررہا ہے

اسلام آباد:کسی نے زمین تو کسی نےجمع پونجی وقف کردی؛مسجد کی تعمیر کی ایمان افروز داستان بزرگ عالم دین نے اپنی جمع پونجی جبکہ تاجر بھائی نے کروڑوں مالیت کی قیمتی زمین اللہ کی رضا کے لئے وقف کر دی، مسجد کے لیے قیمت کے تعین کے وقت مجھے بہت شرم محسوس ہوئی جس پر میں اللہ کے حضور معافی کا خواستگار ہوں ، وصول شدہ رقم بھی مسجد کی تعمیر میں خرچ ہوگی ریئل اسٹیٹ کے بزنس سے وابستہ ممتاز تاجر بھائی محمد طارق آفریدی کا جامع مسجد رحمت للعلمین کی سنگ بنیاد کی تقریب کے موقع پر اشکبار آنکھوں کے ساتھ جذباتی خطاب

تفصیلات کے مطابق نیو انٹرنیشنل ایئرپورٹ اسلام آباد کے قریب واقع مشہور گاؤں پنڈ رانجھا میں برلب سڑک واقع انتہائی قیمتی اور کمرشل زمین پر جب جامع مسجد رحمت للعلمین اورخانقاہ نقشبندیہ کی تعمیر کے لیے زمین کے مالک ممتاز تاجر اور رئیل اسٹیٹ کے بزنس سے وابستہ بھائی محمد طارق آفریدی سے بزرگ عالم دین اور محبوب العلماء والصلحاء مولانا پیر ذوالفقار احمد نقشبندی کے خلیفہ مجاز مولانا محمد قاسم منصور خطیب جامع مسجد مسجد اسامہ بن زید جی ایٹ ٹو اسلام آباد نے رابطہ کیا اور اس حوالے سے نشست ہوئی تو انہوں نے اس عظیم مقصد کے لیے زمین دینے پر آمادگی کا اظہار کیا

جب زمین کی قیمت کی بات آئی تو انہوں نے زمین کی قیمت کے تعین میں کمرشل کی جگہ رہائشی ریٹ لگانے کی بات کی جو کہ تب بھی کروڑوں بنتی تھی پھر زمین کے لیے تین اطراف سے راستہ دیا گیا اور مین روڈ پر ایک بڑے فرنٹ کے ساتھ تقریبا سات کنال زمین کی بات فائنل ہوئی جس کا کم از کم ریٹ مقرر کیا گیا اور پھر ایک ہی نشست میں تین کروڑ سے زائد کی رقم اللہ کی رضا کے لیے چھوڑ دی اس کے بعد پیر مولانا محمد قاسم منصور نے بیعانہ کے طور پر پر اپنی جمع پونجی (پنشن) 50 لاکھ روپے فوری ادا کر دیے اور بقایا رقم کی ادائیگی کے لیے ایک ٹائم فریم طے کیا گیا

گزشتہ روز پنڈ رانجھا میں واقع مذکورہ مقام پر جامع مسجد رحمت للعلمین اور خانقاہ نقشبندیہ کی سنگ بنیاد کی تقریب منعقد تھی جس سے خطاب کرتے ہوئے بھائی محمد طارق آفریدی نے کہا کہ ٹاپ سٹی کے پہلے مالک چودھری افتخار مرحوم میرے دوست تھے جنہوں نے نامعلوم وجوہات کی بنا پر خود کشی کر لی تھی میں ان کے ساتھ اس علاقے میں آیا تھا اگرچہ میں ان کے پروجیکٹ میں پارٹنر تو نہیں بن سکا لیکن یہاں میں نے کچھ رقبہ خرید لیا اللہ پاک نے اس زمین کے مقدر اچھے لکھے تھے اور آج بفضل خدا یہاں مسجد کی بنیاد رکھی جارہی ہے

انہوں نے کہا کہ بیت اللہ شریف میں حاضری کے موقع پر میں نے ملتزم پر کھڑے ہو کر اللہ کے حضور اس زمین کے لیے برکت کی دعا مانگی تھی لیکن برکت سے مراد واللہ یہ نہیں تھی کہ مجھے یہاں سے زیادہ مال آجائے بلکہ برکت سے مراد یہی چیز تھی جو آج یہاں قائم ہو رہی ہے اس کے علاوہ بھی یہاں ایک اور مسجد اور یتیم خانہ کا منصوبہ زیر غور ہے اللہ کریم قبول فرمائے انہوں نے کہا کہ جب حضرت اس مقصد کے لئے میرے دفتر تشریف لائے تھے تو مجھے بہت شرم آرہی تھی کہ ہم مسجد کے لیے زمین کے بدلے میں پیسے لے رہے ہیں جب ریٹ کی بات ہوئی تب بھی میرا یہی عالم تھا لیکن اس وقت میں کچھ نہیں کہہ سکا پھر حضرت نے اپنی جمع پونجی (پنشن) کی رقم اس مد میں خرچ کی وہ تو برکت والی رقم تھی جو واپس نہیں کی جائے گی

اسلام آباد ہی میں اپنے گھر کے قریب تعمیر ہونے والی نئی مسجد میں ان مبارک پیسوں سے تعمیر کی ابتدا ء کی جائے گی حضرت کے برکت والے پیسوں کے علاوہ اس زمین کی مزید کوئی بھی قیمت وصول نہیں کی جائے اور ان شاء اللہ العزیز اس زمین پر ہم اللہ کا گھر بنائیں گے انہوں نے کہا کہ یہ ساری زمین اللہ ہی کی ہے زمین اور آسمان میں اسی اللہ کی بادشاہت ہے اور سب کچھ اسی کا ہے ہم سب اسی کے ہیں یہ سب کچھ ہمارے رب کا ہے اللہ رب العزت اس خانقاہ اور مسجد کو سارے عالم میں ہدایت کے پھیلانے کا ذریعہ بنائے

قبل ازیں اجتماع سے مولانا پیر شفیق الرحمن ، مولانا ڈاکٹر نثار احمد ، مولانا مفتی محمد عبداللہ ہزاروی ، مولانا عبد الرحمن قاسم ، مولانا عبد الوہاب ، سینیئر صحافی حفیظ اللہ عثمانی نے بھی اس عظیم کام کی اہمیت اور افادیت پر قرآن و حدیث کی روشن میں اپنے خیالات کا اظہار کیا تقریب کا اختتام پیر طریقت مولانا پیر محمد قاسم منصور کے وعظ و ارشاد ، حلقہ ذکر اور دعا کے ساتھ ہوا انہوں نے کہا کہ یہ مساجد دنیا اور آخرت دونوں جہانوں میں مسلمانوں کی کامیابی ، راحت اور سکون کا ذریعہ ہیں اور ہر مسلمان کو اپنے اللہ سے مساجد کی تعمیر کے لئے دعائیں مانگنی چاہیے انہوں نے کہا کہ اللہ تعالی نے بھائی محمد طارق آفریدی کو یہ توفیق نصیب فرمائی کہ انہوں نے پہلے تین کروڑ بارہ لاکھ پچاس ہزار روپے اپنی طرف سے اللہ کی رضا کے لئے چھوڑ دیئے اللہ کریم قبول فرمائے اور آج بقیہ رقم بھی چھوڑ دی اللہ کریم قبول فرمائے اب قیامت تک ان شاء اللہ العزیز ان کے نامہ اعمال میں اس نیکی کا اجر لکھا جاتا رہے گا

علمائے کرام نے کہا کہ مساجد زمین پر جنت کے ٹکڑے ہیں ان کو قائم کرنا بہت بڑی سعادت کی بات ہے اور مساجد کو آباد کرنا مساجد کی تعمیر میں حصہ لینا اور مساجد کی خدمت کرنا دنیا آخرت میں کامیابی کا ذریعہ ہے اللہ کریم ہمیں مساجد آباد کرنے کی اور مساجد سے محبت نصیب فرمائے آمین

اسلام آباد:رانا شمیم کےذریعے دھماکہ خیزانکشافات کرنے والوں کے منہ پرزوردارطمانچہ:،اطلاعات کے مطابق پاکستان کے سنیئر صحافی تجزیہ نگار کامران خان نے نوازشریف کو فائدہ پہنچانے کے حوالے سے سابق جسٹس رانا شمیم کی طرف سے کئے گئے انکشافات جلد ہی دم توڑ گئے ،رانا شمیم کے ذریعے دھماکے دار انکشافات کرانے والوں کے منہ پرایسا زوردار طمانچہ پڑا ہے کہ لاہور سے لندن تک چودہ طبق روشن ہوگئے ہیں

اس حوالے سے سینئر صحافی کامران خان کہتے ہیں کہ پہلے تو بہت پریشان ہوئے کہ یہ کیا ہورہا ہے جوالزامات لگ رہے ہیں یہ تو واقعی خطرناک ہے لیکن بہت جلد یہ حقائق بھی کھل کرسامنے آگئے کہ الزام لگانے والے خود ہی جال میں پھنس گئے ہیں اوربہت جلد ان کی چیخوں کی آوازیں دور دور تک سنائی دیں گی

دھماکہ خیز پیش رفت جسٹس رانا شمیم کے سنسنی خیز بیان حلفی میں کہا گیا کہ ان کی موجودگی میں چیف جسٹس ثاقب نثار نے اسلام آباد ہائیکورٹ جج جسٹس عامر فاروق کو ٹیلیفون ہدایت دی نواز شریف و مریم نواز کی الیکشن سے پہلے ضمانت نہ لیں اب پتا چلا جسٹس عامر فاروق تواس بینچ کا حصہ ہی نہیں تھے

— Kamran Khan (@AajKamranKhan) November 15, 2021

اس حوالےسے کامران خان کہتےہیں کہ پہلے تو انکشافات سن کوزمین پیروں تلے نکل گئی مگرجب یہ معلوم ہوا کہ جس محترم جج کےبارے میں الزامات لگائے جارہےہیں وہ تو اس بینچ کا حصہ ہی نہیں تھے جس کے بارے میں یہ لندن پلان تیار کیا گیا

کامران خان کہتےہیں کہ الزام لگانے والے نے بڑی خطرناک منصوبہ بندی کی تھی وہ کہتے ہیں کہ :دھماکہ خیز پیش رفت جسٹس رانا شمیم کے سنسنی خیز بیان حلفی میں کہا گیا کہ ان کی موجودگی میں چیف جسٹس ثاقب نثار نے اسلام آباد ہائیکورٹ جج جسٹس عامر فاروق کو ٹیلیفون ہدایت دی نواز شریف و مریم نواز کی الیکشن سے پہلے ضمانت نہ لیں

کامران خان کہتے ہیں کہ جھوٹ بہت جلد بے نقاب ہوجاتا ہے ، ان کا یہ کہنا تھا کہ عدلیہ پرالزام لگانے والوں نے یہ خیال نہیں کیا کہ ایک فرد کی سیاست کوبچانے کےلیے اداروں پرالزامات کتنے زہریلے ہوتے ہیں اور انکا ناقابل تلافی نقصان ہوتا ہے

بہاولنگر:عورت پرتشدد کی ویڈیو منظرعام آنے پر ویمن پروٹیکشن اتھارٹی پنجاب کا نوٹس،اطلاعات کے مطابق بہاولنگر کے علاقے رانجھے والا میں عورت پر تشدد کی ویڈیو منظر عام آنے پر ویمن پروٹیکشن اتھارٹی پنجاب کی چیئرپرسن کنیز فاطمہ چدھڑنے لے لیا ہے

یہ بھی معلوم ہوا ہے کہ رانجھے گاوں میں خاتون پر تشدد کا نوٹس لیتے ہوئے ویمن پروٹیکشن اتھارٹی پنجاب نے ڈی پی او بہاول نگر ظفر بزدار سے واقعہ سے متعلق رپورٹ طلب کرلی

دوسری طرف یہ بھی معلوم ہوا ہے کہ اس ملزم کے خلاف سخت کارروائی کی ہدایت ایف آئی آر درج کروا دی

ڈی پی او نے چیئرپرسن کنیز فاطمہ چدھڑ کو بتایا کہ ان کی ہدایات جاری ھونے کے فوری بعد ملزم کی گرفتاری کیلئے ٹیمیں روانہ کر دی گئی ہے

چیئرپرسن پنجاب ویمن پروٹیکشن اتھارٹی کنیز فاطمہ چدھڑ نے کہا کہ ملزم کی گرفتاری کو ہر صورت یقینی بنایا جائے اور متاثرہ خاتون کو تحفظ فراہم کیا جائے

دوسری طرف عوام الناس پریشان ہیں کہ ملک میں خواتین پر تشدد کے واقعات نہ تھم سکے ، سوشل میڈیا پراہل پاکستان کا کہنا تھا کہ ظالم خاوند کا اپنی بیوی کو باندھ کر بہیمانہ تشدد ہے مگرجب تک کوئی داد رسی کےلیے چیخے چلائے نہ کوئی پوچھتا نہیں

بعض کا یہ کہنا تھا کہ حسین نامی شخص کی جانب سے بیوی پر وحشیانہ تشدد کی ویڈیو سوشل میڈیا پر وائرل ہوگئی ،ویڈیو میں عورت کے پاوں چھت سے باندھ کر ڈنڈوں سے کیے گئے تشدد کو دیکھا جاسکتا ہے. لیکن پچھلے واقعات کی طرح یہ بھی کاغذوں کی زینت بن کرختم ہوجائے گا اورحوا کی بیٹیاں پھر رسوا ہوتی رہیں گی

لاہور:احسن اقبال کے نانا قیام پاکستان اوربانی پاکستان کے مخالف تھے:اہم شخصیت نے حقیقت سے پردے ہٹا دیئے ،اطلاعات کے مطابق ن لیگ کے مرکزی رہنما چوہدری احسن اقبال کے ننھیال کی قیام پاکستان کے خلاف جدوجہد کا ایک پرانا تاریخی واقعہ سامنے آنے پرپاکستانی حیران رہ گئے

اس حوالے سے ویسے تو مورخین نے کئی بار ن لیگ کے مرکزی رہنما احسن اقبال کے نانا چوہدری رانا عبدالرحمان کی پاکستان کے قیام کے خلاف جہدوجہد کو بے نقاب کیا تھا لیکن اب پھرسے قیام پاکستان کو قریب سے دیکھنے والوں کو پھر یہ مناظربے چین کرنے لگے ہیں اوراس بے چینی کی وجہ سے یہ حقیقت کھل کرسامنے آگئی ہے کہ واقعی ن لیگ کے مرکزی رہنما چوہدری احسن اقبال کے نانا رانا عبدالرحمن نہ صرف قیام پاکستان کے شدید مخالف تھے بلکہ وہ بانی پاکستان قائداعظم محمد علی جناح کے بھی سیاسی دشمن تھے

احسن اقبال تم سے ایک سال پہلے یہ سوال پوچھا تھا اس کا جواب نہیں ملا۔ کیا آپ نسل در نسل غدار وطن نہیں ہو؟ کیا یہ سچ نہیں ہے آپکا خاندان پاکستان کے خلاف تھا

اگر کوئی شرم باقی ہے تو آج پریس کانفرنس کرو اس کا جواب بھی دو اور اگر میرے بارے کوئی ثبوت ہے تو وہ بھی بتاؤ۔ https://t.co/8jMmQ4hO5R

— Dr. Shahbaz GiLL (@SHABAZGIL) November 15, 2021

جہاں یہ بات مورخین اورتاریخ کے طالب علموں نے کئی بار دہرائی ہے اسی بات کو وزیراعظم عمران خان کے معاون خصوصی برائے سیاسی ابلاغ شہباز گِل نے پھر سے دہراتے ہوئے کہا ہے کہ مسلم لیگ ن کے رہنما احسن اقبال کے نانا چوہدری رانا عبدالرحمان پاکستان بننے کے خلاف تھے اور انہوں نے 1945 میں مسلم لیگ کے خلاف الیکشن لڑا تھا۔

شہبازگِل نے کہا کہ انھوں نے ایک سال پہلے احسن اقبال سے یہ سوال پوچھا تھا مگر احسن اقبال نے اس کا جواب نہیں دیا۔اس سے پہلے احسن اقبال نے کہا تھا کہ اُن کا تعلق اُس تیسری نسل سے ہے جس نے قائداعظم کے خوابوں میں رنگ بھرنے کے لیے اپنی زندگی بسر کی۔

شہباز گل کے بیان پر احسن اقبال کا ردعمل سامنے نہیں آیا ہے۔ اس کی وجہ یہ بھی ہے کہ رانا عبدالرحمن واقعی قیام پاکستان اور بانی پاکستان کے سخت مخالف تھے اوراس مخالفت کوتاریخ نے محفوظ کرلیا ہے ،

لاہور:سنیئرصحافی مبشرلقمان کی طرف سے سپریم کورٹ بار ایسوسی ایشن کے نومنتخب صدر کے اعزاز میں عشائیہ ،اطلاعات کے مطابق پاکستان کے سنیئر تجزیہ نگار،معروف صحافی مبشرلقمان کی طرف سے سپریم کورٹ بار ایسوسی ایشن کے نومنتخب صدر کے اعزاز میں عشائیہ دیا گیا ہے، اس عیشائیے میں پاکستان کی سیاسی ،مذہبی اورسماجی شخصات کے علاوہ وکلا ، سپریم کورٹ اور ہائی کورٹ بار کے ممبران نےشرکت کی

ذرائع کے مطابق اس عیشائیے میں شرکت کرنے والوں میں سپریم کورٹ بار کے صدر احسن بھون ، سنیئر وکیل عابد زبیری ، سابق سینیٹرسینئرقانون دان اورپاکستان پیپلزپارٹی کے مرکزی رہنما فاروق ایچ نائیک ،بیرسٹربختیارمحمود قصوری، صوبائی وزیرمیاں اسلم اقبال ، حسان خان ترجمان پنجاب حکومت، سینئرصحافی تجزیہ نگارآفتاب اقبال، ڈاکٹرحسن عسکری، سینیٹر مصدق ملک رمضان چوہدری ، چاکراعظم خان ، احمد پنسوٹا،چوہدری رمضان ، نعیم حنیف ، صابرشاہ بیرسٹرناہید بیگ،عابد ساقی سمیت بڑی تعداد میں مہمانان گرامی شامل تھے

باغی ٹی وی کے مطابق سینیئر صحافی مبشرلقمان کی طرف سے سپریم کورٹ بار ایسوسی ایشن کے نومنتخب صدر کے اعزاز میں عشائیے میں حکومتی اورحزب مخالف کے افراد نے بھی شرکت کی

یہ بھی معلوم ہوا ہےیہ عیشائیہ معزز مہمان سپریم کورٹ بار کے صدر احسن بھون کے اعزاز میں دیا گیا اس عیشائیے میں اہم شخصیات کی آمد سے یہ دسترخوان تمام جماعتوں ، سینئر قانون دانوں اور دیگر دوست احباب کی یادوں کا دریچہ بن گیا اورپرانے دوست نئی امیدوں کے ساتھ جب ملے توایک عید کا سماں تھا اورہرایک دوسرے کو مل کر بہت خوش تھے جس نے اس عیشائیے کو چارچاند لگا دیے، یہ وجہ ہے کہ معززمہمانوں کی محبت دیکھ کرسینئرصحافی مبشرلقمان نے تمام احباب کا شکریہ ادا کیا اورنیک تمناوں ، دعاوں اوراچھے الفاظ کےساتھ رخصت کیا