Author: +9251

کراچی: کینیڈا میں پی آئی اے پائلٹ کی غفلت:طیارہ حادثے سے بچ گیا،تحقیقات کا حکم ،اطلاعات کے مطابق کینیڈا میں پی آئی اے پائلٹ کی مبینہ غفلت کے معاملے پر کینیڈین سول ایوی ایشن اتھارٹی نے واقعہ کی رپورٹ جاری کر دی۔

کینیڈین سول ایو ایشن اتھارٹی کے مطابق ٹورنٹو میں پی آئی اے اور ائیر کینیڈا کے طیارے آمنے سامنے آگئے تھے، پی آئی اے کی پرواز پی کے 782 ٹورنٹو سے اسلام اباد آ رہی تھی، پائلٹ بغیر کلیرنس کے ہولڈ شاٹ لائن سے ٹیکسی وے پر چلا گیا، کپتان کی مبینہ غفلت کے باعث حادثہ رونما ہوسکتا تھا۔

رپورٹ میں کہا گیا کہ ایئر کینیڈا کا طیارہ بھی اسی رن وے پر لینڈنگ کے حتمی مرحلے پر آچکا تھا، پی آئی اے طیارہ ٹیکسی وے سے رن وے پروٹیکٹڈ ایریا میں رن وے 23 کیلئے چلاگیا تھا۔ پی آئی اے طیارہ کے باعث ائیر کینیڈا کے طیارے کو اے ٹی سی نے گو راونڈ کے لئے کہا۔

یاد رہے ٹورنٹو ائیر پورٹ پر 17 اکتوبر کو پی آئی اے اور ائیر کینیڈا بوئنگ 777 سامنے آگئے تھے۔ ترجمان پی آئی اے کے مطابق پی آئی اے کی مبینہ غفلت پر ایئر لائن انتظامیہ پہلے ہی نوٹس لے چکی ہے۔

راولپنڈی :محکمہ جیل خانہ جات راولپنڈی ریجن جیل وارڈرز کی ترقیاں ،اہم اجلاس میں بڑے فیصلے،اطلاعات کے مطابق محکمہ جیل خانہ جات راولپنڈی ریجن جیل وارڈرز کی ترقیوں کا معاملہ زیرغورآیا ، اس سلسلے میں اس اہم اجلاس میں بڑےفیصلے بھی کیئے گئے

باغی ٹی وی ذرائع کے مطابق ڈیپارٹمنٹل پرموشن بورڈ کا اجلاس ڈی آئی جی راولپنڈی ریجن ملک شوکت فیروز کی سربراہی میں منقعد ہوا

ڈیپارٹمنٹل پرموشن بورڈ میں ممبران ڈیپٹی سیکرٹری داخلہ محکمہ جیل خانہ جات تسنیم علی، سپریٹنڈنٹ ڈسڑکٹ جیل منڈی بہاؤالدین وحید احمد بھی شامل تھے ، ڈیپارٹمنٹل پرموشن بورڈ نے 13 جیل وارڈنز کو ہیڈوارڈر کے عہدے پر ترقی دینے کی منظوری دی

بورڈ کی منظوری کے بعد ترقی پانے والے ہیڈوارڈر کے باقاعدہ نوٹیفیکیشن بھی جاری کردیئے گئے ملک شوکت فیروز ڈی آئی جی محکمہ جیل راولپنڈی ریجن شامل ہیں‌، ترقی پانے والوں میں منظور حسین، حاجی فاروق محمد ریاض وغیرہ شامل ہیں

اسلام آباد:پاکستان کے کپتان وزیر اعظم پاکستان کی دلچسپ ویڈیو:پی ڈی ایم کی ہمت جواب دےگئی،اطلاعات کے مطابق پارلیمنٹ کے مشترکہ اجلاس کے سلسلے میں وزیر اعظم عمران خان کی ایک دل چسپ ویڈیو سامنے آئی ہے۔

تفصیلات کے مطابق پاکستان تحریک انصاف کے آفیشل ٹوئٹر اکاؤنٹ پر ایک ویڈیو شیئر کی گئی ہے، جس میں عمران خان اوپر کی طرف دیکھ کر صحافیوں کے سوال کا جواب دے رہے ہیں۔

ویڈیو میں ان کے ساتھ وفاقی وزیر اطلاعات فواد چوہدری اور وزیر اعلیٰ پنجاب عثمان بزدار بھی نمایاں ہیں، یہ ویڈیو وزیر اعظم کے آج اسلام آباد میں للہہ جہلم روڈ کیرج وے کے سنگ بنیاد کی تقریب سے خطاب کے موقع کی ہے۔

 

 

”سپورٹس مین جب گراؤنڈ میں قدم رکھتا ہے تو وہ ہمیشہ سمجھتا ہے کہ وہ جیتے گا۔“
وزیراعظم عمران خان کا کل پارلیمان کے مشترکہ اجلاس سے متعلق صحافیوں کے سوالات پر جواب pic.twitter.com/VcZX1bVQeI

— PTI (@PTIofficial) November 16, 2021

وزیر اعظم عمران خان نے کل پارلیمان کے مشترکہ اجلاس سے متعلق صحافیوں کے سوالات پر دل چسپ جواب دیا۔

جب وہ سیڑھیاں اتر کر ہال کی طرف جا رہے تھے تو پریس گیلری میں بیٹھے صحافیوں نے اوپر سے سوالات کرنا شروع کر دیے، ایک صحافی نے پوچھا، سر کل کے اجلاس سے متعلق آپ کتنے پُر امید ہیں، جب کہ ایک اور صحافی نے شکوے کے رنگ میں کہا کہ سر کبھی کبھی کمنٹ کر جایا کریں۔

اس پر وزیر اعظم نے رک کر پریس گیلری کی طرف اوپر دیکھتے ہوئے جواب دیا، ”اسپورٹس مین جب گراؤنڈ میں قدم رکھتا ہے تو وہ ہمیشہ سمجھتا ہے کہ وہ جیتے گا۔“

لاہور:احسن اقبال شہبازگل کے چیلنج پرجواب گول مول کرگئے،اطلاعات کے مطابق پاکستان مسلم لیگ (ن) کے جنرل سیکرٹری احسن اقبال نے وزیراعظم عمران خان کے معاون خصوصی برائے سیاسی روابط شہباز گل کے الزام کا جواب دے دیا۔

احسن اقبال نے اپنے نانا کی تصویر پوسٹ کرتے ہوئے لکھا کہ میرے نانا چوہدری رانا عبدالرحمان رانا آف راہوں، جالندھر مشرقی پنجاب سے تھے اور پنجاب کی قانون ساز اسمبلی کے 1927 تا 1930، 1930 تا 1936 اور1937 تا 1945ممبر منتخب ہوئے۔

 

الحمدللّٰہ میرے نانا چوہدری رانا عبدالرحمن رانا آف راہوں،جالندھر،مشرقی پنجاب سے تھے اور پنجاب لیجیسلیٹو اسمبلی کے 1927تا 1930, 1930تا1936اور137تا1945ممبر منتخب ہوئے-وہ کمزور مسلمانوں کی مظبوط آواز تھے-اللہ تعالی ان کے درجے بلند فرمائے آمین!
شجروں پہ بات نہ ہی کریں تو عافیت ہے- https://t.co/v87QuZlgUw pic.twitter.com/YKzaFpkEiu

— Ahsan Iqbal (@betterpakistan) November 16, 2021

 

ان کا کہنا تھاکہ میرے نانا کمزور مسلمانوں کی مضبوط آواز تھے۔ احسن اقبال نے مزید کہا کہ شجروں پر بات نہ ہی کریں تو عافیت ہے۔

احسن اقبال نے اپنے نانا چوہدری رانا عبدالرحمن کی قیام پاکستان اور بانی پاکستان قائد اعظم محمد علی جناح کی مخالفت کی تردید نہ کرسکے ، ہاں انہوں نے شہاز گل کوایسی باتیں چھیڑنے سے سختی سے منع ضرور کردیا ہے

خیال رہے کہ شہباز گِل نے الزام عائد کیا تھا کہ مسلم لیگ ن کے رہنما احسن اقبال کے نانا چوہدری رانا عبدالرحمان پاکستان بننے کے خلاف تھے اور انہوں نے 1945 میں مسلم لیگ کے خلاف الیکشن لڑا تھا۔

یاد رہےکہ شہبازگل نے احسن اقبال کی طرف سے اداروں کے خلاف زبان درازیوں کے بعد یہ انکشاف کیا تھا کہ ن لیگ کے مرکزی رہنما چوہدری احسن اقبال کے ننھیال کی قیام پاکستان کے خلاف جدوجہد کا ایک پرانا تاریخی واقعہ سامنے آنے پرپاکستانی حیران رہ گئے

 

https://احسن اقبال کےنانا قیام پاکستان اوربانی پاکستان کےواقعی بہت مخالف تھے:اہم شخصیت نےحقیقت سے پردےہٹا دیئے

احسن اقبال کےنانا قیام پاکستان اوربانی پاکستان کےواقعی بہت مخالف تھے:اہم شخصیت نےحقیقت سے پردےہٹا دیئے

https://login.baaghitv.com/ahsan-iqbals-grandfather-was-against-the-establishment-of-pakistan-shahbaz/

اس حوالے سے ویسے تو مورخین نے کئی بار ن لیگ کے مرکزی رہنما احسن اقبال کے نانا چوہدری رانا عبدالرحمان کی پاکستان کے قیام کے خلاف جہدوجہد کو بے نقاب کیا تھا لیکن اب پھرسے قیام پاکستان کو قریب سے دیکھنے والوں کو پھر یہ مناظربے چین کرنے لگے ہیں اوراس بے چینی کی وجہ سے یہ حقیقت کھل کرسامنے آگئی ہے کہ واقعی ن لیگ کے مرکزی رہنما چوہدری احسن اقبال کے نانا رانا عبدالرحمن نہ صرف قیام پاکستان کے شدید مخالف تھے بلکہ وہ بانی پاکستان قائداعظم محمد علی جناح کے بھی سیاسی دشمن تھے

 

احسن اقبال تم سے ایک سال پہلے یہ سوال پوچھا تھا اس کا جواب نہیں ملا۔ کیا آپ نسل در نسل غدار وطن نہیں ہو؟ کیا یہ سچ نہیں ہے آپکا خاندان پاکستان کے خلاف تھا

اگر کوئی شرم باقی ہے تو آج پریس کانفرنس کرو اس کا جواب بھی دو اور اگر میرے بارے کوئی ثبوت ہے تو وہ بھی بتاؤ۔ https://t.co/8jMmQ4hO5R

— Dr. Shahbaz GiLL (@SHABAZGIL) November 15, 2021

 

جہاں یہ بات مورخین اورتاریخ کے طالب علموں نے کئی بار دہرائی ہے اسی بات کو وزیراعظم عمران خان کے معاون خصوصی برائے سیاسی ابلاغ شہباز گِل نے پھر سے دہراتے ہوئے کہا ہے کہ مسلم لیگ ن کے رہنما احسن اقبال کے نانا چوہدری رانا عبدالرحمان پاکستان بننے کے خلاف تھے اور انہوں نے 1945 میں مسلم لیگ کے خلاف الیکشن لڑا تھا۔

شہبازگِل نے کہا کہ انھوں نے ایک سال پہلے احسن اقبال سے یہ سوال پوچھا تھا مگر احسن اقبال نے اس کا جواب نہیں دیا۔اس سے پہلے احسن اقبال نے کہا تھا کہ اُن کا تعلق اُس تیسری نسل سے ہے جس نے قائداعظم کے خوابوں میں رنگ بھرنے کے لیے اپنی زندگی بسر کی۔

شہباز گل کے بیان پر احسن اقبال کا ردعمل سامنے نہیں آیا ہے۔ اس کی وجہ یہ بھی ہے کہ رانا عبدالرحمن واقعی قیام پاکستان اور بانی پاکستان کے سخت مخالف تھے اوراس مخالفت کوتاریخ نے محفوظ کرلیا ہے ،

لاہور: قبل ازوقت ریٹائرمنٹ کیلئے عمرکی حد مقرر:حکومتی فیصلے نے دروازے بند کردیئے،اطلاعات کے مطابق پنجاب میں سرکاری ملازمین کی قبل از وقت ریٹائرمنٹ کی عمر کے حوالے سے قانون میں تبدیلی کردی گئی۔

محکمہ سروسز اینڈ جنرل ایڈمنسٹریشن کی جانب سے نوٹیفکیشن جاری کیا گیا ہے جس کے مطابق سرکاری ملازمین اب 55 سال کی عمر سے پہلے قبل از وقت ریٹائرمنٹ نہیں لے سکیں گے۔

اس سے قبل سرکاری ملازمین 25 سال کی ملازمت پوری ہونےکے بعد قبل از وقت ریٹائرمنٹ لے سکتے تھے۔نوٹیفکیشن کے مطابق اب 55 سال عمر سے پہلے قبل ازوقت ریٹائرمنٹ نہیں ملےگی، خواہ ملازمت 25 سال کی ہوگئی ہو۔

یاد رہے کہ اس سے قبل سرکاری ملازمین 25 سال کی ملازمت پرریٹائرمنٹ لے کرجہاں قبل از وقت دہرے فوائد حاصل کرتے ہیں وہاں حکومت کوخالی پوسٹ پرفوری تعیناتی بھی کرنا پڑتی ہے جس سے خزانے پرایک ہی وقت میں تین گناہ بوجھ پڑجاتا ہے

اس نقصان سے بچنے کے لیے حکومت نے سرکاری ملازموں‌ کے لیے ریٹائرمنٹ کی حد مقرر کردی ہے