Author: +9251

اسلام آباد: 1194ملزموں کو سزائیں ہوئیں:نیب نے کیا کھویا کیا پایا تفصیلات آگئیں ،اطلاعات کے مطابق نیب نے جسٹس ریٹائرڈ جاوید اقبال کی زیر نگرانی چار سالہ کارکردگی رپورٹ جاری کردی ہے جس کے مطابق چار برسوں میں 1194ملزموں کو سزائیں ہوئیں۔

نیب کی چار سالہ کارکردگی رپورٹ جاری کی گئی جس میں بتایا گیا کہ چار سالوں میں 1194 ملزموں کو سزائیں ہوئیں جبکہ چیئرمین نیب جسٹس ریٹائرڈ جاوید اقبال کی زیر نگرانی چار سالوں میں نیب کےسیکشن دس کے تحت 447 ملزموں کو سزائیں ہوئیں،نیب کے سیکشن 25 بی کے تحت چار سالوں میں 747 ملزموں کو سزائیں ملیں۔

رپورٹ کے مطابق سیکشن دس کے تحت سب سے زیادہ نیب کراچی میں 205 ملزموں کو سزائیں ہوئیں ،اسلام آباد میں 54، لاہور 50 اور سکھر میں 41 ملزموں کو سزائیں ملیں۔

سیکشن 25 بی کے تحت نیب سکھر میں چلنے والے کیسز میں سب سے زیادہ 291 ملزموں کو سزائیں ہوئیں جبکہ کراچی اور لاہور میں 167 ، 167،راولپنڈی میں 75 ملزموں کو سزائیں سنائی گئیں۔

دوسری طرف ن لیگی ارکان نے نیب پرسخت تنقید کا سلسلہ جاری رکھا ہے اوریہ کہا ہے کہ نیب عمران خان کی خواہشات کے مطابق کام کرتا ہے اورشریف فیملی کے پیچھے پڑا ہوا ہے

اسلام آباد:پارلیمنٹ کا مشترکہ اجلاس بدھ کو طلب کیے جانے کا امکان:حکومتی مشن مکمل ،اطلاعات کے مطابق انتخابی اصلاحات سمیت اہم قانون سازی سے متعلق پارلیمنٹ کا مشترکہ اجلاس بدھ کو طلب کیے جانے کا امکان ہے جبکہ مشیر پارلیمانی امور بابر اعوان نے کہا کہ حتمی فیصلہ کل مشاورتی اجلاس میں ہوگا۔

ذرائع کے مطابق پارلیمنٹ کا مشترکہ اجلاس بدھ کو بلائے جانے کا امکان ہے،مشترکہ اجلاس میں انتخابی اصلاحات سے متعلق قانون سازی ہو گی جبکہ ای وی ایم ، بیرون ملک مقیم پاکستانیوں کو ووٹ کا حق دینے کی قانون سازی ہونی ہے ۔

مشیر پارلیمانی امور بابر اعوان نے کہا کہ پارلیمان کا مشترکہ اجلاس بلانے کے حوالے سے کل مشاورتی اجلاس ہوگا اوراجلاس کے بارے میں کل فیصلہ کیا جائے گا۔

دوسری جانب ذرائع کا کہنا ہے کہ حکومت اوراتحادی جماعتوں کے وفد کی کل اہم ملاقات ہو گی، اتحادی جماعتوں کو ای وی ایم اور انتخابی اصلاحات پر بریفنگ دی جائے گی جبکہ حکومتی وفد اتحادی جماعتوں کے تحفظات دور کرے گا۔

پاکستان ڈیمو کریٹک موومنٹ(پی ڈی ایم)کی حکومت مخالف تحریک کا جائزہ لینے، سیاسی اور معاشی صورتحال پر غور کے لئے وزیراعظم نے پارٹی رہنماؤں کا اجلاس کل جبکہ وفاقی کابینہ کی میٹنگ منگل کو طلب کرلی ہے جس کے لئے آٹھ نکاتی ایجنڈا بھی تیار کرلیا گیا ہے۔

ادھر ذرائع کےمطابق وزیر اعظم عمران خان کی جانب سے طلب کئے گئے اجلاس میں وفاقی وزراء اور پارٹی سینئر رہنما شریک ہوں گے،اجلاس دن 11 بجے وزیراعظم ہاؤس میں ہو گا جس میں ملکی سیاسی صورتحال کا جائزہ لیا جائے گا۔

اجلاس میں اتحادی جماعتوں کے تحفظات دور کرنے سے متعلق مشاورت ہو گی،اپوزیشن کے ساتھ رابطوں میں پیش رفت کا جائزہ لیا جائے گا جبکہ انتخابی اصلاحات اور دیگر قانونی بلوں کی منظوری کے حوالے سے حکمت عملی طے کی جائے گی

اسلام آباد:سب حاضر ہوجائیں:وزیراعظم نے پارٹی رہنماؤں کا اجلاس کل،وفاقی کابینہ کی میٹنگ منگل کو طلب کرلی،اطلاعات کے مطابق پاکستان ڈیمو کریٹک موومنٹ کی حکومت مخالف تحریک کا جائزہ لینے، سیاسی اور معاشی صورتحال پر غور کے لئے وزیراعظم نے پارٹی رہنماؤں کا اجلاس کل جبکہ وفاقی کابینہ کی میٹنگ منگل کو طلب کرلی ہے جس کے لئے آٹھ نکاتی ایجنڈا بھی تیار کرلیا گیا ہے۔

ذرائع کےمطابق وزیر اعظم عمران خان کی جانب سے طلب کئے گئے اجلاس میں وفاقی وزراء اور پارٹی سینئر رہنما شریک ہوں گے،اجلاس دن 11 بجے وزیراعظم ہاؤس میں ہو گا جس میں ملکی سیاسی صورتحال کا جائزہ لیا جائے گا۔

اجلاس میں اتحادی جماعتوں کے تحفظات دور کرنے سے متعلق مشاورت ہو گی،اپوزیشن کے ساتھ رابطوں میں پیش رفت کا جائزہ لیا جائے گا جبکہ انتخابی اصلاحات اور دیگر قانونی بلوں کی منظوری کے حوالے سے حکمت عملی طے کی جائے گی۔

دوسری جانب وزیراعظم خان نے وفاقی کابینہ کا اجلاس منگل کو طلب کرلیا ہے جس میں کابینہ کو مہنگائی کے تازہ اعدادو شمار ،وزارتوں اور ڈویژنز میں خالی آسامیوں بارے بریفنگ دی جائے گی جبکہ کابینہ پی او ایف اینڈ ایچ آئی ٹی بورڈ میں منسٹیریل کوآرڈینشن ممبر کی تعیناتی کی منظوری دے گی۔

وفاقی کابینہ تربت اورخیبر پختونخوا میں آئی جی ایف سی کی تقرری ،کابینہ الیکٹرانک سرٹیفیکیشن ایکریڈیشن کونسل کی ممبر تقرری کی منظوری دے گی۔

کابینہ حیسکو کے چیف ایگزیکٹو آْفیسر سے متعلق وزارت توانائی کی سفارشات کاجائزہ لے گی جبکہ احساس راشن رعایت پیکج ،کریانہ مرچنٹ انسنٹیو بارے بریفنگ دی جائے گی اورکمیٹی برائے توانائی کے فیصلوں کی توثیق کی جائے گی۔

اس کے ساتھ ساتھ یہ بھی معلوم ہوا ہے کہ پاکستان مسلم لیگ نے بھی پاکستان تحریک انصاف کی حکومت کےساتھ اپنی محبت کے بدلے اچھے رویے نہ ملنے کا شکوے کیے ہیں اوریہ تاثردیا ہے کہ شاید وہ حکومت کا ساتھ مزید نہ دے سکیں‌، بعض ذرائع کا یہ بھی کہنا ہے کہ کل کے اجلاس میں وزیراعظم مشترکہ اجلاس کے بارے میں حکمت عملی وضح کریں گے

لاہور: شکوہ اور جواب شکوہ:اپوزیشن کی طرف سے لکھے گئے خط پرکل ہوگی مشاورت ،اطلاعات کے مطابق حکومتی ٹیم کل متحدہ اپوزیشن کے سپیکر کو لکھے گئے جوابی خط کا جائزہ لے گی۔

سپیکر قومی اسمبلی اسد قیصر نے اہم قانون سازی پر اتفاق رائے کے لئے اپوزیشن لیڈر کو خط لکھا تھا جس کے بعد اپوزیشن لیڈر شہبازشریف نے خط متحدہ اپوزیشن کی اسٹیئرنگ کمیٹی کو ریفر کردیا تھا۔

متحدہ اپوزیشن کی اسٹیرنگ کمیٹی نے جوابی خط اسپیکر قومی اسمبلی کو ارسال کردیاہے اورمتحدہ اپوزیشن نے اتفاق رائے سے قانون سازی کے لئے اپنی تجاویز دی ہیں۔

حکومتی ٹیم کل اسپیکر سے رابطہ کرکے اپوزیشن کے خط کے مندرجات کاجائزہ لےگی جبکہ حکومتی ٹیم اس ضمن میں قابل عمل مشاورتی عمل کے حوالے سے اسپیکر کو اپنی رائے دےگی۔

قبل ازیں پارلیمنٹ میں متحدہ اپوزیشن نے اسپیکر قومی اسمبلی کو جوابی خط لکھا جس میں تجویز دی گئی ہے کہ پارلیمنٹ کے دونوں ایوانوں پر مشتمل سپیکر کی تشکیل کردہ کمیٹی میں انتخابی اصلاحات کے پورے پیکج کو زیرغور لایا جائے۔

پارلیمنٹ میں متحدہ اپوزیشن کی سٹئیرنگ کمیٹی کا اہم اجلاس منعقد ہوا جس مں سپیکر قومی اسمبلی کے قائد حزبِ اختلاف شہباز شریف کو لکھے گئے خط پر تفصیلی غور کیا گیا جس کے بعد پارلیمنٹ میں متحدہ اپوزیشن نے سپیکر قومی اسمبلی کو جوابی خط لکھ دیا۔ متحدہ اپوزیشن کی سٹیئرنگ کمیٹی کے اجلاس میں سپیکر کے خط کا جواب لکھا گیا۔

خط میں پارلیمنٹ کے مشترکہ اجلاس میں قانون سازی سے متعلق درست طریقہ بتا دیا، خط میں کہا گیا کہ سپیکر نے 23 جون 2021 کو قانون سازی سے متعلق کمیٹی تشکیل دی تھی، کمیٹی نے 10 جون 2021 کو قومی اسمبلی سے منظور کردہ 21قانونی مسودات پر غور کرنا تھا، حکومت نے 21 قانونی مسودات پر قانون سازی کے لئے طے شدہ طریقہ کار پر عمل نہیں کیا۔

خط میں مزید کہا گیا ہے کہ اس کمیٹی کے تین اجلاس 9 جون، 30 اگست اور9 ستمبر کو منعقد ہوئے، گزشتہ 8 ہفتوں میں اس کا ایک بھی اجلاس نہیں ہوا۔

کراچی :علامہ سید شہنشاہ حسین نقوی کی طبیعت:صدرمملکت عارف علوی اور علی زیدی کا فون،اطلاعات کے مطابق معروف عالم دین علامہ سید شہنشاہ نقوی کی طبعیت ناسازہوگئی ہے اوران کی خریت دریافت کرنے کا سلسلہ جاری وساری ہے

اطلاعات یہ بھی ہیں کہ صدر پاکستان ڈاکٹر عارف علوی نے معروف عالم دین علامہ سید شہنشاہ حسین نقوی کو ٹیلیفون کرکے ان کی خیریت دریافت کی ہے
اس کے حوالے سے یہ بھی معلوم ہوا ہے کہ صدر پاکستان ڈاکٹر عارف علوی نے نے علامہ شہنشاہ حسین نقوی کی جلد صحتیابی کی دعا کی۔

یہ بھی معلوم ہوا ہے کہ اس موقع پر علامہ شہنشاہ حسین نقوی نے صدر پاکستان کا شکریہ ادا کیا۔

یہ بھی معلوم ہوا ہے کہ وفاقی وزیر برائے بحری امور علی حیدر زیدی نے بھی معروف عالم دین علامہ سید شہنشاہ حسین نقوی کو ٹیلیفون کرکے علامہ سید شہنشاہ حسین نقوی کی طبیعت دریافت کی۔

یہ بھی معلوم ہوا ہے کہ علامہ شہنشاہ حسین نقوی نے وفاقی وزیر علی زیدی کا شکریہ ادا کیا۔

نئی دہلی :بھارت:مساجد پر حملےکے ثبوت سامنےلانے والی 2 خواتین صحافی گرفتار،اطلاعات کے مطابق بھارت میں دو خاتون صحافی ریاست تریپورہ میں ہندو انتہا پسندوں کے ہاتھوں جلائی گئی مساجد اور مسلمانوں کی املاک کی ویڈیوز سامنے لے آئیں۔

مسلمانوں کے خلاف ہونے والے مظالم کا پردہ چاک کرنے پر انتہا پسند اور حکومت آگ بگولہ ہوگئے ، دونوں صحافیوں کے خلاف مقدمہ درج کرکے انہیں گرفتار کرلیا گیا۔

بھارتی میڈیا کے مطابق دونوں خواتین کے خلاف ہندو انتہا پسند جماعت وشوا ہندو پریشدکی درخواست پر مقدمہ درج کیا گیا ہے اور ان پر الزام ہےکہ انہوں نے ریاست میں مذہب کی بنیاد پر مختلف گروہوں کے درمیان دشمنی کو فروغ دینےکی کوشش کی ہے۔

گرفتاری سے قبل خواتین صحافیوں کا کہنا تھا کہ پولیس کی جانب سے انہیں ہوٹل میں آکر ڈرایا گیا اور انہیں کمرے سے نکلنے سے بھی روک دیا گیا۔

خیال رہےکہ بھارت کی ریاست تریپورہ میں گذشتہ دنوں ہندو انتہاپسندوں کی جانب سے مسلمانوں کے خلاف پرتشدد واقعات پیش آئے تھے، اس دوران ہندو انتہا پسندوں نےکئی مساجد کی بے حرمتی کی اور مسلمانوں کی املاک جلادیں۔پولیس کی جانب سے مسلمانوں کے خلاف پر تشدد واقعات کی تردید کی گئی تھی۔