Author: +9251

لاہور:ٹی ٹوئنٹی ورلڈکپ میں ٹیمیں پنجہ آزمائی کرنے کے لیے تیار ،اطلاعات کے مطابق ٹی ٹوئنٹی ورلڈکپ آج سے متحدہ عرب امارات اور عمان میں شروع گا۔

ٹی ٹوئنٹی ورلڈ کپ کے پہلے مرحلے میں 6 کوالیفائرز اور رینکنگ پر موجود نویں اور دسویں نمبر کی ٹیمیں بنگلا دیش اور سری لنکا شریک ہوں گی۔

17 سے 22 اکتوبر تک جاری رہنے والے اس مرحلے سے چار ٹیمیں دیگر ٹاپ 8 ٹیموں کو سپر 12 میں جوائن کریں گی اور سپر 12 معرکہ 23 اکتوبر سے شروع ہوگا۔

اتوار 17 اکتوبر کو پہلا میچ پاپوا نیو گنی اور میزبان عمان کے درمیان مسقط میں ہوگا جبکہ اسی میدان پر دوسرا میچ بنگلا دیش اور اسکاٹ لینڈ کی ٹیموں کے درمیان ہوگا۔

ایونٹ میں ویسٹ انڈیز کی ٹیم اعزاز کا دفاع کرے گی جبکہ دیگر ٹیمیں یہ ٹرافی اپنے نام کرنے کیلئے کوشاں ہوں گی۔

یہ کشمکش اگلے چار ہفتوں تک جاری رہے گی اور15 نومبر کو چیمپئن کا فیصلہ ہوجائے گا۔

دوسری طرف پاکستان نے اپنی قومی ٹیم کے لیے قومی پرچم کے سبز رنگ کے ساتھ مسلّمہ جرسی متعارف کروا کرقومی ٹیم کے کھلاڑیوں کوایک نیا حوصلہ دیا ہے

فیصل آباد:عمران خان نے کشمیریوں کے لیے وہ کچھ نہیں کیا جوہم نے کیا:اطلاعات کے مطابق فیصل آباد میں پی ڈی ایم کے جلسے سے خطاب کرتے ہوئے پی ڈی ایم کے سربراہ نے وزیراعظم عمران‌ خان کو تنقید کا نشانہ بناتے ہوئے کہا ہے کہ جو کشمیرکے لیے وہ کرگئے عمران خان نے وہ سب کچھ ضائع کردیا

فیصل آباد میں جلسے سے خطاب کرتے ہوئے امیر جمعیت علمائے اسلام ف کا کہنا تھا کہ احتساب کا ڈرامہ اب ختم ہوچکا ہے، پی ڈی ایم کا پلیٹ فارم صرف اقتدارحاصل کرنے کے لیے نہیں بنایا گیا،اب پی ڈی ایم نے تمہارا احتساب شروع کر کے کیفر کردار تک پہنچانا ہے۔ ہم پاکستان کوانصاف کا گہوارا بنائیں گے۔ ہم اداروں کے دشمن نہیں، مستحکم اورطاقت وردیکھنا چاہتے ہیں۔

انہوں نے کہا کہ آئین نے ہرادارے کا دائرہ کارمتعین کیا ہے، ہرایک کواپنے دائرے میں رہ کرذمہ داری ادا کرنا ہوگی، پارلیمنٹ عوام کی نمائندہ اوربااختیارادارہ ہے، آج ملکی معیشت کوتباہ کردیا گیا ہے۔پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمان نے کہا ہے کہ غیر ملکی تحائف چھپانے والے قوم کے چہرے پر بد نما داغ ہیں، انہیں دھونے کیلئے سڑکوں پر آنا ہوگا۔

انہوں نے کہا کہ چین کے ساتھ سترسال سے دوستی ہے، بیجنگ کے ساتھ دوستی کو شہد سے زیادہ میٹھی سمجھتے ہیں، دوست ملک نے پاکستان میں70ارب ڈالرکی سرمایہ کی، عمران خان نے چین کوبھی ناراض کردیا ہے۔ چین دنیا کی ایک متبادل اقتصادی قوت بننے جارہا ہے، پاکستان پردباؤبڑھ گیا ہے،

فضل الرحمن نے کہا کہ آج کا حکمران چین کی اقتصادی قوت کو توڑنے کا ایجنڈا لیکر آیا ہے، اگرمعیشت گر جائے تو پھر ریاست اپنا وجود برقرار نہیں رکھ سکتی۔ افغان جہاد نے سوویت یونین کوزمین بوس کردیا تھا، ایک بارپھردنیا میں معیشت کی جنگ شروع ہوچکی ہے۔

ان کا کہنا تھا کہ ایران اس وقت بھارت کے ترازو میں بیٹھا ہوا ہے، بھارت نے کشمیرچھین لیا اورتم کشمیرفروش ہو، تم اپنی قوم سے غداری کر رہے ہو، کس بنیاد پر تمہیں قوم کا نمائندہ کہا جائے، تم کب تک فلانا چور، چور کہتے رہو گے، منفی نعرے کی بنیاد پرتم سیاست کر رہے ہو، تم نے مجھ پربھی الزامات لگائے تھے، تمہیں اندازہ ہوگیا تھا تمہارے لیے میرا ایک مکا ہی کافی ہے

فیصل آباد:میرے وزیراعظم صاحب :آپ نے قوم کو رلا کر اپنا وعدہ پورا کر دیا:اطلاعات کے مطابق پاکستان مسلم لیگ ن کی نائب صدر مریم نواز نے کہا ہے کہ عمران خان نے ایک ہی وعدہ پورا کیا اور وہ یہ کہ اس نے پوری قوم کو رلا دیا۔

تفصیلات کے مطابق پاکستان ڈیمو کریٹک موومنٹ (پی ڈی ایم) نے احتجاج کا سلسلہ ایک مرتبہ پھر شروع کر دیا ہے، حکومت مخالف اتحاد نے پنجاب میں پہلا جلسہ فیصل آباد میں کیا، جس میں پاکستان مسلم لیگ ن کی نائب صدر مریم نواز، پاکستان ڈیمو کریٹک موومنٹ مولانا فضل الرحمان سمیت دیگر قائدین نے شرکت کی۔

جلسے سے خطاب کرتے ہوئے پاکستان مسلم لیگ ن کی نائب صدر مریم نواز نے کہا کہ آج فیصل آباد میں بہت بڑا جلسہ ہے، میں آپ کا شکریہ ادا کرتی ہوں، رانا ثناء اللہ نے منشیات کا جعلی مقدمہ بھگتا، لیکن آج بھی وہ قائد مسلم لیگ ن کے ساتھ کھڑے ہیں،

مریم نواز نے کہا کہ عابد شیر علی کی اہلیہ کا انتقال ہوا اوروہ پاکستان تک نہیں آ سکے۔ نواز شریف کے شیر جھکے نہ بکے۔ قائد ن لیگ کے مخالفین کو اللہ تعالیٰ نے عبرت کا نشانہ بنایا۔ اللہ تعالیٰ نے میرے والد کو سرخرو اور مخالف کو نامراد کر دیا۔ نواز شریف تمہارے بغیر عوام رل گئے ہیں۔

مریم نواز نے کہا کہ عمران خان نے کہا تھا جب چینی ،آٹا مہنگا ہو جائے تو سمجھ لو وزیراعظم چور ہے۔ کہتے تھے چینی مہنگی ہو تو سمجھ لو وزیراعظم چور ہے۔ نواز شریف کے دور میں چینی 50 روپے اور آج 120 روپے کلو ہے۔

ان کا کہنا تھا کہ جب ڈیزل مہنگا ہوتا ہے تو ہر چیز مہنگی ہوتی ہے، پیٹرول، ڈیزل اور دیگر اشیا تاریخ کی بلند سطح پر ہیں، ن لیگ کے دور میں پٹرول فی لٹر 70 روپے اور آج 138 روپے ہے۔ ہمارے دور میں بجلی 10 روپے اور آج 20 روپے فی یونٹ ہے۔ مہنگائی کر کے ان کو سکون نہیں ملا، یہ بے حس لوگ ہیں۔ جان بوجھ کر ایل این جی مہنگی کی گئی

باجوڑ:باجوڑ‎ میں پاک فوج اور فرنٹیئر کور کے تعاون سے ایک اور سکول کا افتتاح ،اطلاعات کے مطابق قبائلی ضلع باجوڑ میں پاک فوج اور فرنٹیئر کور خیبر پختونخواہ نارتھ کے تعاون سے باجوڑ کی تحصیل ناواگئی کے گاوں بابڑہ چارمنگ میں گورنمنٹ پرائمری سکول کا افتتاخ کیا گیا –

ذرائع کے مطابق اس موقع پر سکول کی عمارت میں لیب، سولر پینلز ، اسٹاف روم سمیت تمام سہولیات مہیا کی گئی ہیں –

تقریب کے مہمان خصوصی سابق گورنر انجنیئر شوکت اللہ خان نے سکول کا افتتاخ کیا – اس موقع پرعلاقہ کے مشران کی ایک بڑی تعداد بھی موجود تھیں –

تقریب سے خطاب کرتے ہوئے مہمان خصوصی نے تعلیم کی اہمیت پر زور دیا اور فرنٹیئر کور اور پاک فوج کی ترقیاتی منصوبوں اور کاوشوں کو سراہا-علاقہ کے عوام نے پاک فوج اور فرنٹیئر کور نارتھ کا ان منصوبوں کی تکمیل پر شکریہ ادا کیا۔