Author: +9251

کابل:افغان طالبان کی طرف سے معروف صحافی رحیم اللہ یوسف زئی کی وفات پراظہارتعزیت،اطلاعات کے مطابق افغان طالبان کی طرف سے معروف صحافی رحیم اللہ یوسف زئی کی وفات پرگہرے دکھ کا اظہارکیاگیاہے

افغان طالبان کے ترجمان سہیل شاہین کی طرف سے رحیم اللہ یوسف زئی کی وفات پراظہارافسوس کرتے ہوئے کہاگیا ہے کہ رحیم اللہ یوسف زئی ایک انتہائی اچھے نفیس اوراعلیٰ اخلاق کے مالک تھے ،

I was so shocked to hear the sad demise of veteran journalist Rahimullah Yousafzai. He was a friend of mine and I knew him for the past two decades. His void is irreparable. May Allah rest his soul in paradise. We belong to Allah and to Him, we will return.

— Suhail Shaheen. محمد سهیل شاهین (@suhailshaheen1) September 9, 2021

سہیل شاہین کہتے ہیں ان کے ساتھ رحیم اللہ یوسف زئی کی بہت زیادہ شفقت تھی وہ بہت محبت سے پیش آتے تھے ، ان کا مزید کہنا تھاکہ ان کو ایک قابل اورافغان امورکے ماہرصحافی کی وفات پربہت زیادہ دکھ ہوا ہے

وہ اپنے رب سے دعا گو ہیں کہ اللہ تعالیٰ ان کی مغفرت فرمائے اوران کے لواحقین کوصبر جمیل عطافرمائے

راولپنڈی: انسپکٹر جنرل آف پولیس پنجاب راؤ سردار علی خان کا پولیس لائن ہیڈ کوارٹرز راولپنڈی کا دورہ. ، اطلاعات کے مطابق اس موقع پر آر پی او راولپنڈی عمران احمر، سی پی او راولپنڈی محمد احسن یونس، ایس ایس پی آپریشنز، ایس ایس پی انویسٹی گیشن، ایس پی ہیڈکوارٹرز اور ڈویژنل ایس پیز نے آئی جی پنجاب کا استقبال کیا،

ذرائع کے مطابق انسپکٹر عمران عباس شہید کے بچوں نے یادگار شہداء پر آئ جی پنجاب کو گلدستے پیش کیے،آئی جی پنجاب بچوں سے شفقت سے ملے اور بات چیت کی،

آئی جی پنجاب نے یادگار شہداء پر پھول چڑھائے اور شہداء کے درجات کی بلندی کے لئے دعا کی،آئ جی پنجاب نے شہداء گیلری کا دورہ کیا اور اپنے تاثرات قلمبند کئے،

آئ جی پنجاب راؤ سردار علی خان نے کہا کہ شہید انسپکٹر عمران عباس کے بچوں کا جذبہ قابل رشک ہے،

شہریوں کی جان و مال کی حفاظت کرتے ہوۓ اپنی جانیں قربان کرنے والے شہداء ہمارا فخر ہیں، آئ جی پنجاب راؤ سردار علی خانپولیس کے چاق و چوبند دستے نے آئ جی پنجاب کو سلامی پیش کی،

اسلام آباد:سید امین الحق سے پی ایف یو جے، نیشنل پریس کلب عہدیداران کی ملاقات:صحافیوں کے مسائل حل کرنے کا وعدہ ،اطلاعات کے مطابق ایم کیو ایم کے سینئر رہنما و وفاقی وزیر سید امین الحق سے پی ایف یو جے ،نیشنل پریس کلب عہدیاداران نے ملاقات کی ہے

باغی ٹی وی کے ذرائع کےمطابق ملاقات میں سیکریٹری جنرل پی ایف یوجےناصر زیدی،صدر نیشنل پریس کلب شکیل انجم اورسیکریٹری انوررضا شریک ہوئے

اس موقع پرصحافی رہنماؤں نے وفاقی وزیرسید امین الحق کو میڈیا ڈویلپمنٹ اتھارٹی پراپنےتحفظات سےآگاہ کیا صحافی تنظیموں کی جانب سے وفاقی وزیر امین الحق کو پارلیمنٹ ہاؤس کے باہر مظاہرے میں شرکت کی دعوت بھی دی

وفاقی وزیرسید امین الحق نے اس موقع کہا کہ ایم کیو ایم ہمیشہ صحافیوں کی جدوجہد اور ان کے مسائل کے حل کیلئے شانہ بشانہ رہی،پارلیمنٹ میں بطور جماعت ایم کیو ایم صحافیوں کے حقوق کی آواز بلند کرے گی،

سید امین الحق نے کہا کہ کسی بھی قسم کی قانون سازی یا اتھارٹی کے قیام سے قبل اسٹیک ہولڈرز سے مشاورت ہونی چاہیئے، اگر مجوزہ میڈیا اتھارٹی صحافیوں کے مفاد میں ہے تو صحافتی تنظیموں کو اعتماد میں لینا چاہیے،

امین الحق نے کہاکہ بطور غریب و متوسط طبقے کی نمائندہ جماعت ہم نے ہمیشہ غلط کو غلط اور صحیح کو صحیح کہا،

سید امین الحق نے کہا کہ تاریخ شاہد ہے کہ صحافت کو پابند کرنےوالے ہمیشہ نقصان میں رہے،جبری برطرفی، تنخواہوں میں کٹوتی، اور عامل کامل صحافیوں کے استحصال کو روکنے کی ضرورت ہے،

سید امین الحق نے کہا کہ صحافتی تنظیمیں اپنے اندر سے پیراشوٹر اور جعلی صحافیوں کو بھی نکال باہر پھینکیں، اس طرح کے صحافی غلط اور گمراہ کن خبروں سے صحافتی اقدار کو پامال کررہے ہیں،

رحیم یار خان: جنوبی پنجاب سے تعلق رکھنے والے مسلم لیگ ن کے عہدیداران نے بلاول بھٹو سے ملاقات کے بعد پاکستان پیپلزپارٹی میں شمولیت کا اعلان کردیا۔

مسلم لیگ ن ضلع بہاولپور کے ضلعی چیئرمین شیخ دلشاد، خانیوال سے تعلق رکھنے والی سید اسد عباس شاہ، حافظ حسین مدنی نے اپنے ساتھیوں سمیت شمولیت کا اعلان کیا۔

شمولیت کرنے والے رہنماؤں نے میڈیا سے گفتگو کرتے ہوئے مسلم لیگ ن کی پالیسیوں پر تنقید کی اور پی پی کو جنوبی پنجاب کا روشن مستقبل قرار دیا۔

علاوہ ازیں سابق وزیراعظم اور پی پی رہنما راجہ پرویز اشرف کے اعزاز میں پاکستان پیپلزپارٹی وسطی پنجاب کے جنرل سیکریٹری نے ظہرانہ دیا۔

راجہ پرویز اشرف نے کارکنان نے خطاب کرتے ہوئے کہا کہ ’ وسطی پنجاب کو جیالوں کا گڑھ بنائیں گے، یونین کونسل اور وارڈ کی سطح پر پارٹی کو منظم کرنے کا کام شروع کردیا ہے‘۔

جکارتہ :انڈونیشیا کی ایک جیل میں آتشزدگی کے نتیجے میں 41 افراد ہلاک اور درجنوں زخمی ہوگئے۔غیر ملکی خبر رساں ادارے کے مطابق جکارتہ کے مضافات میں واقع ایک پرہجوم تانگیرانگ جیل میں علی الصبح آگ بھڑک اٹھی جس نے دیکھتے ہی دیکھتے تیزی سے متعدد بیرکوں کو اپنی لپیٹ میں لے لیا۔

بیرکوں پر تالے لگے ہونے اور قیدیوں کے نیند میں ہونے کی وجہ سے بھگدڑ مچ گئی اور قیدیوں کو اپنی جان بچانے کا موقع نہ مل سکا۔

جکارتہ پولیس کے سربراہ فدیل عمران نے میڈیا سے گفتگو کرتے ہوئے کہا کہ جیل کے سی بلاک میں آگ بھڑک اٹھی جس کے نتیجے میں 41 قیدی ہلاک اور 70سے زائد زخمی ہوگئے۔واقعے کے وقت بلاک سی میں 122 قیدی بند تھے، حالانکہ اس میں صرف 40 قیدیوں کی گنجائش ہے۔

اس بلاک میں منشیات سے متعلق جرائم کی سزا کاٹنے والے قیدیوں کو رکھا جاتا ہے اور آگ لگنے کے وقت غیر ملکی شہریت والے قیدی بھی بند تھے جن میں جنوبی افریقہ اور پرتگال شامل ہیں۔

امدادی ادارے کافی کوشش کے بعد آگ پر قابو پانے میں کامیاب ہوگئے ہیں۔ ابتدائی تحقیقات کے مطابق جیل میں ممکنہ طور پر شارٹ سرکٹ سے آگ لگی تاہم ابھی مزید تحقیقات جاری ہیں۔

لاہور: نوازشریف نے رانا مشہود کوقربانی کا بکرا بنانے کا فیصلہ کرلیا ، رپورٹس کےمطابق ن لیگ کے رہنما رانا مشہود احمد خان کو بھی میاں نوازشریف نے استعمال کرکے ان کوسیاسی طورنقصان دینے کے اقدامات کرلیے

ذرائع کے مطابق چند دن پہلے تحریک انصاف کی قیادت نے اپنی کارکردگی بتائی جس میں عوام کو کچھ نہ بتاسکے

رانا مشہود کہتے ہیں کہ اداروں کی مجرمانہ خاموشی ان پر سوالات اٹھا رہی ہے ، تین سالوں میں ان نالائقوں نے برا حال کردیا ہے

رانا مشہود نے اس موقع پر عمران خان پرچڑھائی کرتےہوئے کہا کہ عمران خان کہتے تھے آئی ایم ایف سے قرضے نہیں لوں گا خودکشی کرلوں گا، رانا مشہود کا کہنا تھا کہ آج کرنٹ آؤٹ خسارہ بڑھتا جارہا ہے