Author: +9251

اسلام آباد: قومی رہنماوں کا سینیئر صحافی اور ماہر افغان اُمور رحیم اللہ یوسفزئی کی وفات پر اظہار تعزیت ،اطلاعات کے مطابق پاکستان کے سینیئربذرگ صحافی رحیم اللہ یوسف زئی آج قضائے الٰہی سے وفات پاگئے ہیں ،ان کی وفات پرپاکستان بھر کی قومی ، مذہبی ، سیاسی ، سماجی ، حکومتی اور صحافتی شخصیات نے گہرے دکھ اورافسوس کا اظہار کرتے ہوئے تعزیت بھی کی ہے ،

اس سلسلے میں معروف صحافی کی وفات کی خبر سن کر صدر مملکت ڈاکٹر عارف علوی نے سینیئر صحافی اور ماہر افغان اُمور رحیم اللہ یوسفزئی کی وفات پر اظہار افسوس کیا ہے

صدرپاکستان ڈاکٹر عارف الرحمن علوی نے بذرگ صحافی کی وفات پر گہرے دکھ کا اظہارکرتے ہوئے کہا کہ مرحوم نے صحافت اور تحقیق کے شعبے میں نمایاں خدمات انجام دیں،

ان کا کہنا تھا کہ مرحوم حالات حاضرہ باالخصوص افغان اُمور پر گہری نظر رکھتے تھے،مرحوم کے انتقال سے صحافت کا ایک اہم باب اختتام پذیر ہوا،

صدر پاکستان ڈاکٹرعارف الرحمن علوی نے کہا کہ اللہ تعالیٰ مرحوم کو غریقِ رحمت فرمائے، اہل خانہ کو صبر جمیل عطا فرمائے،

چیئر مین سینیٹ محمد صادق سنجرانی نے سینئر صحافی و تجزیہ کار اور ماہر افغان امور رحیم اللہ یوسف زئی کی وفات پر گہرے دکھ اور غم کا اظہار کیا ، چیئرمین سینیٹ صادق سنجرانی نے کہا کہ اللہ پاک مرحوم کی مغفرت اور جنت میں اعلیٰ مقام عطا فرمائے،

چیئرمین سینیٹ نے کہا کہ دکھ کی اس گھڑی میں  لواحقین  کے غم میں برابر کے شریک ہیں،اللہ تعالیٰ غم زدہ خاندان کو صبر جمیل عطا فرمائے،مرحوم کی صحافت کے لئے خدمات کو ہمیشہ یاد رکھا جائے گا۔

قائمقام چیئرمین سینیٹ مرزا محمد آفریدی نے بھی سینئر صحافی رحیم اللہ یوسف زئی کی وفات کو صحافی برادری کے لیے بڑا نقصان قرار دیا

قائم مقام چیئرمین سینیٹ جو کہ ڈپٹی چیئرمین سینیٹ بھی ہیں‌ نے ان کی شخصیت کوخراج تحسین پیش کرتے ہوئے کہاکہ رحیم اللہ یوسف زئی ملنسار اور انسان دوست شخصیت کے مالک تھے۔

سینیٹ میں قائد ایوان سینٹر ڈاکٹر شہزاد وسیم ، سینیٹ میں قائد حزب اختلاف سید یوسف رضا گیلانی نے بھی رحیم اللہ یوسف زئی کی وفات پر افسوس کا اظہار کیا

وزیر اعلیٰ پنجاب سردار عثمان بزدار نے سینئر صحافی رحیم اللہ یوسفزئی کے انتقال پر اظہار افسوس کرتے ہوئے ان کی مغفرت کے لیے دعائیں بھی کیں‌، وزیر اعلیٰ عثمان بزدار نے سوگوار خاندان سے دلی ہمدردی و اظہار وتعزیت کرتے ہوئے کہا کہ وہ ایک اچھے انسان تھے

وزیراعلیٰ عثمان بزدارنے رحیم اللہ یوسفزئی کی شعبہ صحافت میں گراں قدر خدمات کو اور کہاکہ رحیم اللہ یوسفزئی کا انتقال صحافت کے لئے ناقابل تلافی نقصان ہے۔ عثمان بزدار نے کہا کہ رحیم اللہ یوسفزئی کے انتقال سے صحافت کا ایک روشن اورتاریخ ساز عہد ختم ہو گیا ہے-

عثمان بزدارنے کہا کہ رحیم اللہ یوسفزئی کے انتقال سے پیدا ہونے والا خلا کبھی پُر نہیں ہوسکتا-رحیم اللہ یوسفزئی ایک قومی اثاثہ تھے اور انکے بچھڑنے کا دکھ ہمیشہ رہیگا۔ مرحوم کی صحافت کے شعبہ کیلئے خدمات کو تادیر یاد رکھاجائے گا-اللہ تعالیٰ مرحوم کی روح کو جوار رحمت میں جگہ دے اور غمزدہ خاندان کو صبر جمیل عطا فرمائے۔

اسپیکر قومی اسمبلی اسد قیصر اور ڈپٹی اسپیکر قاسم خان سوری نے قومی ایوارڈ یافتہ ماہر افغان امور، تجریہ کار سینئر صحافی رحیم اللہ یوسف زئی کے انتقال پر گہرے دکھ اور افسوس کا اظہار کیا اور کہا کہ رحیم اللہ یوسف زئی صاف گو علاقائی و عالمی امور پر گہری نظر رکھنے والے نامور صحافی تھے،

اسپیکر ڈپٹی اسپیکر قومی اسمبلی کا کہنا تھا کہ رحیم اللہ یوسف زئی کا انتقال شعبہ صحافت اور ملک کے لیے ناقابل تلافی نقصان ہے، رحیم اللہ یوسف زئی کی وفات سے پیدا ہونے والا خلاء پر نہیں ہو سکے گا، افغانستان کیصورتحال پر رحیم اللہ یوسف زئی کا موقف انتہائی اہمیت کا حامل سمجھا جاتا تھا،

اسد قیصر نے کہا کہ رحیم اللہ یوسف زئی ماہر افغان امور ہونے کے ساتھ ساتھ خطے کی صورتحال پر بھی گہری نظر رکھتے تھے، رحیم اللہ یوسف زئی کی صحافتی خدمات کو ہمیشہ یاد رکھا جائے گا،

مرحوم کے اہلخانہ کے غم میں برابر کے شریک ہیں اور ان سے دلی تعزیت کا اظہار کرتے ہیں،رحیم اللہ یوسف زئی کا انتقال انکے اہلخانہ کے لیے عظیم صدمہ اور ناقابل تلافی نقصان ہے،

اسپیکر اور ڈپٹی اسپیکر کا اللہ تعالیٰ سے مرحوم کے درجات کی بلندی اور سوگوار خاندان کو اس ناقابل تلافی نقصان کو برداشت کرنے کے لیے صبر جمیل عطاء فرمانے کی دعا۔

نارووال(نمائندہ باغی ٹی وی)کمشنر گوجرانوالہ ڈویژن ذوالفقار احمد گھمن نے کہا ہے کہ وزیراعلیٰ پنجاب سردار عثمان بزدار اور چیف سیکرٹری پنجاب کی واضح ہدایات کی روشنی میں سرکاری افسران اپنی کارکردگی کو بہتر بناتے ہوئے ترقیاتی منصوبوں کو مفاد عامہ کے لئے جلد پایہ تکمیل تک پہنچائیں اور چاروں میگا پراجیکٹس کی 15دن کے اندر الائینمنٹ مکمل کریں تاکہ ان پر جلد کام شروع کیا جا سکے اس ضمن میں پارلیمنٹرینز کو بھی اعتماد میں لیا جائے۔ ان خیالات کا اظہار انہوں نے اپنے دورہ نارووال کے دوران ڈی سی آفس میں مختلف سرکاری محکموں کے افسران سے خطاب کرتے ہوئے کیا۔

اجلاس میں ممبر صوبائی اسمبلی مولانا غیاث الدین، راہنما پی ٹی آئی کرنل (ر)جاوید صفدر،عارف خاں،حافظ ذوالفقارمہیس،کرنل( ر)انوار الحق،ڈپٹی کمشنر نبیلہ عرفان ،اے سی جی تنویر یاسین،اے سی ریونیو رانا منظور حسین، ڈائریکٹرڈویلپمنٹ ،ڈائر یکٹرلوکل گورنمنٹ ،چئیر مین اوورسیز پاکستانیز کمیٹی عرفان عابد، ایڈیشنل ڈپٹی کمشنر ریونیو عائشہ غضنفر، ایڈیشنل ڈپٹی کمشنر جنرل محمد حنیف، ایڈیشنل ڈپٹی کمشنر فنانس اینڈ پلاننگ عمر فاروق، ڈائریکٹرہیلتھ گوجرانولہ ڈوثرن ڈاکٹر لطیف احمد، تینوں تحصیلوں کے اسسٹنٹ کمشنرز عثمان سکندر،ارشد علی،ایکسیئن بلڈنگز، روڈز، ایم اینڈ آرکے افسران کےعلاوہ دیگر متعلقہ محکموں کے افسران بھی موجودتھے۔

قبل ازیں ڈپٹی کمشنر نبیلہ عرفان نے ریونیو سٹاف، حکومتی واجبات کی وصولی، دیہی مراکز مال، اراضی ریکارڈ سنٹرز، بلاک کھیوٹ، میوٹیشن ایشوز، ریونیو کورٹ کیسز، پٹوار سرکلز، پرائس کنٹرول مجسٹریٹس کی کارکردگی، کورونا ویکسی نیشن، انسدادڈینگی و پولیو، شجرکاری، اوور سیز پاکستانیز کمیشن اورسالانہ ترقیاتی سکمیوں کے حوالے سے تفصیلی بریفنگ دی۔ انہوں نے بتایا کہ ضلع نارووال میں 4۔میگا پراجیکٹس جبکہ اے ڈی پی کی 110۔ترقیاتی سکیمز ہیں جن میں سے 64۔پر ترقیاتی کام جاری ہے اور 46نئئ سکیمز ہیں انہوں نے کہا کہ ضلع نارووال سرکاری واجبات کی وصولی کے حوالے سے گوجرانولہ ڈویژن میں نمایاں پوزیشن حاصل کر چکا ہے.

جس پر کمشنر نے کہا کہ زیرالتوا کورٹ کیسز کا کام جلد از جلد مکمل کیا جائے۔ کمشنر نے چیف سیکرٹری کی ہدایات کا حوالہ دیتے ہوئے ا فسران کو متنبہ کیا کہ ان کے دورے کا مقصد ضلع میں صحت، تعلیم، پرائس کنٹرول، کلین اینڈ گرین مہم، روڈذ،صفائی ستھرائی،شجرکاری انفراسٹرکچر،سٹیزن پورٹلز، سرکاری محکموں کی کارکردگی اور دیگر مفاد عامہ کے امور کے حوالے سے جائزہ لینا ہے۔ انہوں نے افسران کو ہدایت کی کہ وہ دفاتر میں اپنی موجودگی،دفتری اوقات کار کی پابندی، صفائی ستھرائی کے نظام کی بہتری، فیلڈ ورکس اور اوپن ڈور پالیسی پر خصوصی توجہ دیں۔ اس سلسلے میں زیرو ٹالرنس کی پالیسی اپنائی جائے گی اور اعلیٰ حکام کی جانب سے مانیٹرنگ کا عمل بھی جاری ہے۔ انہوں نے افسران کو ہدایت کی کہ ترقیاتی پراجیکٹس کے حوالے سے کنسلٹنٹ کی خدمات کو ترقیاتی کاموں کا لازمی حصہ بنایا جائے اور روڈ انفراسٹرکچر پر خصوصی توجہ دی جائے۔ انہوں نے افسران پر واضح کیا کہ ضلع میں جاری ترقیاتی پراجیکٹس میں ذاتی دلچسپی لے کر ترجیحی بنیادوں پر مکمل کئے جائیں جہاں فنڈز کی کمی ہو گی

وہاں ضلع کے انتظامی امور اور بنیادی ضروریات کو پورا کیا جائے گا۔قبل ازیں کمشنر نے ڈی ایچ کیو ہسپتال کے مختلف شعبوں،پناہ گاہ،شعبہ ڈائیلائسز،او پی ڈی، دیہی مرکز مال کا دورہ کیا۔ انہوں نے دیہی مرکز مال پر آنے والے مختلف سائلین سے بات چیت کر کے مسائل سنے اور ان کے حل کیلئے احکامات بھی جاری کئے۔ انہوں نے کہا کہ دیہی مرکز مال کے قیام کا مقصد ہی قانون گوئی کی سطح پر زمینداروں کو ان کی دہلیز پر ہی اراضی، انتقالات و فرد ملکیت کی نقول دستیاب ہوں گی۔ انہوں نے ڈی ایچ کیو ہسپتال کے مختلف شعبوں کا بھی دورہ کیا اور مریضوں کو طبی سہولیات کی فراہمی کا جائزہ لیا۔اس موقع پر انہوں نے ضروری ہدایات بھی جاری کیں۔

انہوں نے کہا کہ حکو مت پنجاب سرکاری ہسپتالوں میں مریضوں کو مفت طبی علاج معالجہ کی فراہمی کیلئے کثیر فنڈز مہیا کر رہی ہے یہی وجہ ہے کہ صوبہ بھر میں صحت میں جدیدطبی سہولیات کی فراہمی کیلئے تمام وسائل بروئے کار لائے جا رہے ہیں۔انہوں نے ایم ایس کو ہدایت کی کہ خواتین اور مردوں کے لیے علیحدہ علیحدہ پرچی کاونٹرز قائم کئے جائیں اور مریضوں کے لواحقین کے لیے پانی اور بیٹھے کا مناسب انتظام بھی کیا جائے۔انہوں نے ناقص کارکردگی اور کورونا ویکسین کا ہدف پورا نا کرنے پر سی ای او ہیلتھ سے اظہار ناراضگی کیا اور کارکردگی بہتر بنانے کی ہدایت کی۔

محمد عارف راشد باغی ٹی وی نارووال

نارووال(نمائندہ باغی ٹی وی)ڈپٹی کمشنر نبیلہ عرفان کا علی الصبح شہر کادورہ،ڈپٹی کمشنر نارووال نے فیض پارک سمیت چوک جسٹر بائی پاس و دیگر مقامات پر صفائی ستھرائی کا جائزہ لیا۔ڈپٹی کمشنر نبیلہ عرفان نے اپنی موجودگی میں میونسپل کمیٹی کے عملے سے صفائی کروائی اور اس حوالے سے مزید ہدایات جاری کیں۔میونسپل آفیسرطیب مقصود ودیگر اس موقع پر موجود تھے ۔

انہوں نےکہاکہ شہر کی خوبصورتی اور صفائی ان کی اولین ترجیح ھے اس پر کسی قسم کی کوتاہی برداشت نہیں کی جائے گی ،شہر بھر میں پارکوں،گرین بیلٹس ،سڑکوں،ندی نالوں اور سیوریج کی مکمل صفائی کے لیے میونسپل کمیٹی کا عملہ پوری طرح متحرک رہے جبکہ گلیوں اور چوکوں کی صفائی کا کام باقاعدگی سے کیا جائےاور کوڑا کرکٹ اٹھا کر شہر سے باہردور مقامات پر ٹھکانے لگایا جائے۔

انہوں نے اس موقع پر کہا کہ وزیر اعلی پنجاب سردار عثمان بزدارکے صاف ستھرا پنجاب کےخواب کے تحت کلین گرین پنجاب مہم کو ہر صورت شرمندہ تعبیر کیا جائے گا۔

محمد عارف راشد باغی ٹی وی نارووال