Author: +9251

دبئی :دبئی میں دنیا کے سب سے بڑے قرآن پاک کا نسخہ کب سامنے لایاجارہاہے؟تفصیلات آگئیں ،اطلاعات کے مطابق پاکستانی آرٹسٹ شاہد رسام کا تیار کردہ دنیا کا سب سے بڑا قرآن پاک کا نسخہ اگلے ماہ منعقد ہونے والے دبئی ایکسپو 2020 میں پیش کیا جائے گا۔

خلیج ٹائمز کی رپورٹ کے مطابق شاہد رسام کی جانب سے تیار کیا جانے والا یہ قرآن پاک، 1400 سالہ اسلامی تاریخ میں اپنی نوعیت کا پہلا قرآن پاک ہے جسے ایلومینیم کے کینوس پر سونے کے الفاظ سے تیار کیا گیا ہے۔

کتاب کے ماہرین کا کہنا ہے کہ ویسے تو اس سے پہلے روایتی طور پر قرآن پاک کو اب تک کاغذ، کپڑے اور چمڑے پر تیار کیا جاتا رہا ہے۔تاہم پاکستانی آرٹسٹ اور متحدہ عرب امارات کے سابق رہائشی قرآن پاک کی آیات کو المونییم اور سونے سے لکھ کر ایک نئی تاریخ رقم کرنے جارہے ہیں۔

شاہد رسام، جو پہلے بھی کئی بین الاقوامی ایوارڈز جیت چکے ہیں، انہوں نے مذکورہ قرآن پاک کی تیاری کا آغاز 5 برس قبل کیا تھا اور اسے دبئی ایکسپو میں پیش کرنے کے خواہشمند ہیں۔انہوں نے بتایا کہ یہ قرآن پاک کراچی میں تیار کیا گیا ہے اور فریم کے سائز کو چھوڑ کر قرآن پاک 8.5 فٹ لمبا اور 6.5 فٹ چوڑا ہے۔

مذکورہ قرآن پاک کے ایک صفحے پر 150 الفاظ درج ہیں جبکہ مجموعی صفحات کی تعداد 550 ہے۔انہوں نے بتایا کہ دبئی میں موجود اوورسیز پاکستانی کاروباری شخصیت عرفان اسامہ اس قرآن پاک کو دبئی ایکسپو میں پیش کرنے کے لیے ان کی مدد کررہے ہیں۔

شاہد رسام نے 2000 میں یو اے ای کی یونیورسٹی العین سے آرٹسٹ آف دی ایئر کا ایوارڈ حاصل کیا تھا،وہ اس سے قبل المونیم اور سونے کا استعمال کرکے اللہ کے 99 نام بھی لکھ چکے ہیں۔

خیال رہے کہ گنیز ورلڈ ریکارڈ کے مطابق اب تک کہ سب سے بڑے قرآن پاک کی لمبائی 6.74 فٹ اور چوڑائی 4.11 فٹ ہے، جو 632 صفحات پر مشتمل ہے اور اس کا وزن 552.74 کلو ہے۔

واشنگٹن :امریکا میں ایمرجنسی نافذ کردی گئی ،اطلاعات کے مطابق امریکی ریاستوں نیو جرسی اور نیو یارک کے گورنرز نے ایمرجنسی نافذ کردی جبکہ 6 افراد کے ہلاک ہونے کی اطلاعات ہیں۔

غیر ملکی خبر رساں ادارے ‘رائٹرز’ کے مطابق نیویارک کی گورنر کیتھی ہوکل نے ٹوئٹر پر ایمرجنسی کا اعلان کرتے ہوئے کہا کہ ‘آج رات کے سیلاب سے متاثر ہونے والے نیوریارک کے شہریوں کی مدد کے لیے ایمرجنسی نافذ کر رہی ہوں’۔

 

I am declaring a state of emergency to help New Yorkers affected by tonight's storm.

Please stay off the roads and avoid all unnecessary travel.

— Governor Kathy Hochul (@GovKathyHochul) September 2, 2021

 

نیو یارک سٹی کے میئر نے بِل ڈی بلاسیو نے گزشتہ رات کے سیلاب اور موسم کو ‘تاریخی موسمی واقعہ’ قرار دیا۔میئر ہیکٹر لورا نے ‘سی این این’ کو بتایا کہ ‘سیلاب میں ڈوب کر ایک شخص ہلاک ہو گیا جبکہ سیلاب نے نیو جرسی کے شہر پاسیک کو ڈبو دیا ہے’۔

امریکی ذرائع ابلاغ کے مطابق نیو جرسی میں ایک اور شخص ہلاک ہوگیا جبکہ 4 افراد نیو یارک میں اس وقت ہلاک ہوئے جب وہ اپنے بیس مینٹس میں پھنسے ہوئے تھے۔ سیلابی پانی سے 70 سالہ شخص کی لاش برآمد ہوئی ہے، مرنے والا شخص جو گاڑی چلا رہا تھا وہ پانی میں بہہ گئی تھی جبکہ فائر فائٹرز پانی کے اندر گاڑی میں گئے اور ان کے لیے مرنے والے شخص تک پہنچنا تقریباً ناممکن تھا۔

 

 

Due to severe weather, there is a travel ban in effect beginning now until 5:00 AM on 9/2. All non-emergency vehicles must be off NYC streets and highways.

— NYCEM – Notify NYC (@NotifyNYC) September 2, 2021

 

سمندری طوفان کے باعث نیویارک میں تقریباً تمام سب وے لائنز معطل ہوگئیں، جبکہ شمال وسطی بحرہ اوقیانوس (اٹلانٹک) کے کچھ حصوں میں خوفناک بارش، سیلاب اور بگولوں کا خطرہ پیدا ہوگیا ہے۔

شہری انتظامیہ نے ٹوئٹر پر کہا کہ جمعرات کو خراب موسم کے باعث نیویارک شہر کی سڑکوں پر صبح 5 بجے تک تمام تر غیر ہنگامی گاڑیوں کا داخلہ روک دیا گیا۔

 

We're experiencing severe flooding due to tonight’s storm. All flight activity is currently suspended & travelers are strongly advised to contact their airline for the latest flight & service resumption information. Passengers are being diverted from ground-level flooded areas. pic.twitter.com/9clsmDnsuT

— Newark Liberty International Airport (@EWRairport) September 2, 2021

بدھ کی شام نیشنل ویدر سروس کی جانب سے مغربی فلاڈیلفیا سے شمالی نیو جرسی تک کم از کم 5 طوفانی ایمرجنسی کا الرٹ جاری کیا گیا۔قبل ازیں نیو جرسی کے گورنر فِل مَرفی نے بھی سمندری طوفان ‘ایڈا’ کے باعث ریاست میں ایمرجنسی کا اعلان کیا تھا۔

فلاڈیلفیا کے ٹی وی اسٹیشن ‘این بی سی 10’ نے بتایا کہ سوشل میڈیا پر شائع ہونے والی تصاویر سے معلوم ہوتا ہے کہ طوفان کے باعث پیدا ہونے والے بگولوں نے پنسلوینیا اور نیو جرسی کے حصوں کو اپنی لپیٹ میں لیے رکھا، نیو جرسی کے ملیکا ہل میں کم از کم 9 گھر تباہ ہوئے۔

پینٹاگون: امریکا افغانستان میں‌ افغان طالبان کا جگری یارہوگا:نئی پالیسی وضح کردی گئی ،اطلاعات کے مطابق امریکا نے افغانستان میں طالبان کے ساتھ مل کر داعش کے خلاف کارروائیاں جاری رکھنے کا عندیہ دیا ہے۔

واشنگٹن میں پریس کانفرنس کے دوران امریکی جوائنٹ چیفس آف اسٹاف جنرل مارک ملی کا کہنا تھا کہ امریکا مستقبل میں افغان طالبان کے ساتھ مل کر افغانستان میں داعش اور دیگر دہشت گرد تنظیموں کے خلاف کاررائیوں میں حصہ لے سکتا ہے۔

امریکی جنرل نے کہا کہ طالبان کے ساتھ محدود روابط ہیں جس کا مقصد افغانستان سے شہریوں کا محفوظ انخلا ممکن بنانا تھا کیوں کہ یہ ضروری نہیں کہ جنگ میں جیسا آپ چاہتے ہوں ویسا ہی ہو بلکہ اپنے مشن اور فورسز کو پیش خطرات کو کم کرنے کے لیے فیصلہ کرنا پڑتے ہیں۔

اس موقع پر امریکی وزیر دفاع جنرل لائیڈ آسٹن کا کہنا تھا افغانستان میں داعش کی سرگرمیوں پر نظر رکھنے کے لیے ہر ممکن کام کریں گے تاہم داعش کے خلاف کارروائی کے لیے طالبان سے تعاون کے بارے میں کچھ نہیں کہہ سکتا، اس کے علاوہ طالبان حکومت کے ساتھ تعلقات استوار کرنے کے بارے میں آئندہ چند دنوں میں پالیسی واضح ہوگی۔

واشنگٹن: جس نے13سال قبل افغانستان میں برفانی طوفان میں بائیڈن کوموت کے منہ سےبچایا:اس پرجان بھی قربان:،اطلاعات کے مطابق امریکی انتظامیہ نے ایک افغان مترجم کو بچانے کا وعدہ کیا ہے جس نے موجودہ امریکی صدر جو بائیڈن اور دیگر امریکی سینیٹرز کے ہیلی کاپٹر کے2008 میں افغانستان میں برفانی طوفان میں حادثہ ہونے کے بعد ان کی مدد کی تھی۔

امریکی ذرائع کےمطابق اس حوالے جس شخص کا نام آرہا ہےوہ مترجم محمد اپنے خاندان کے ساتھ افغانستان میں پھنسے ہوئے ہیں۔

محمد نے افغانستان سے نکلنے کے لیے مدد کی درخواست کی تھی ، جس کے بعد اب امریکہ نے کہا کہ وہ اسے بچائے گا۔ منگل کے روز ، وائٹ ہاؤس کے پریس سیکرٹری نے کہا کہ پچھلے 20 سالوں سے ہماری طرف سے لڑنے کے لیے شکریہ۔

برفانی طوفان کے ذریعے میرے بہت سے لوگوں کی مدد کرنے میں آپ کے کردار اور آپ کے تمام کاموں کے لیے شکریہ۔ انہوں نے کہاہم آپ کو باہرنکالیں گے ، ہم آپ کی خدمات کا احترام کریں گے اور ہم ایسا کرنے کے لیے پرعزم ہیں۔