Author: +9251

کراچی :کنٹونمنٹ بورڈ انتخابات:کراچی میں پی ٹی آئی کی مقبولیت کوڈنڈوں ، مُکّوں سے روکنے کی کوششیں‌، اطلاعات کے مطابق جیسے جیسے کنٹونمنٹ انتخبات کا مرحلہ قریب آرہا ہے ، سیاسی جماعتوں‌کے ورکروں کے درمیان لڑائی جھگڑوں کی اطلاعات بھی بہت زیادہ آنے لگی ہیں ،

کنٹومنٹ بورڈ الیکشن حیدرآباد میں مخالفین تحریک انصاف کی مقبولیت سے بوکھلا گئے !!

تحریک انصاف حیدرآباد کے سینئیر رہنماء ایڈوکیٹ علی اکبر جونیجو کے بھائی مظہر علی جونیجو پر وارڈ نمبر 3 میں الیکشن مہم میں مصروف تھے کہ مخالفین نے حملہ کردیا۔۔ مظہر علی جونیجو حملے میں زخمی ہو گئے۔ pic.twitter.com/seBeiNSHEY

— PTI Sindh Official (@PTISindhOffice) September 2, 2021

لاہور ہو یا کراچی ہرجگہ ہرسیاسی جماعت اپنی جیت کے لیے ہتھکنڈے استعمال کرنے سے گریز نہیں کررہی ، ایسا ہی کچھ معاملہ سندھ یعنی کراچی شہر کا بھی ہے جہاں پی ٹی آئی کے ورکروں کی شبانہ وار محنت اورکوششوں کے نتیجے میں ووٹروں‌ کے رجحان کوموڑنے کے لیے پی ٹی آئی کے مخالفین نے بھی کچھ ایسا ہی ہتھکنڈا استمعال کیا ہے اورمار مار کرشدید زخمی کردیا ہے

کراچی سے اطلاعات کے مطابق تحریک انصاف حیدرآباد کے سینئیر رہنماء ایڈوکیٹ علی اکبر جونیجو کے بھائی مظہر علی جونیجو پر وارڈ نمبر 3 میں الیکشن مہم میں مصروف تھے کہ مخالفین نے حملہ کردیا۔۔ مظہر علی جونیجو حملے میں زخمی ہو گئے۔

کابل:جمعۃ المبارک کا مبارک دن: آج افغانستان میں‌ جمعہ کے بعدامارت اسلامی کی حکومت کے قیام کا اعلان ہوگا،اطلاعات کے مطابق امارت اسلامی افغانستان کی جانب سے آج نماز جمعہ کے بعد نئی حکومت کا اعلان ہوگا۔

تفصیلات کے مطابق امارت اسلامیہ کے ایک ٹوئٹ میں کہا گیا ہے کہ انشاء اللہ آج نماز جمعہ کے بعد نئی حکومت کا اعلان کیا جائے گا۔

یاد رہے کہ افغانستان میں حکومت سازی کے لیے چند دن قبل دوحہ میں طالبان عہدے داروں نے اعلان کرتے ہوئے کہا تھا کہ جلد ہی حکومت کا اعلان کیا جائے گا، جس میں نئے چہرے شامل ہوں گے، جو لوگ سابقہ ​​حکومتوں میں خدمات انجام دے چکے ہیں، انھیں نئی حکومت میں شامل نہیں کیا جائے گا۔

امارت اسلامیہ افغانستان کے وفد نے دوحہ میں فرانسیسی وفد سے ملاقات کی تھی، ترجمان سہیل شاہین نے بتایا تھا کہ ملاقات میں افغانستان کی حالیہ صورت حال اور سیاسی معاملات پر تبادلہ خیال کیا گیا۔

امارات اسلامیہ وفد نے بتایا کہ ملک میں امن بحال کر دیا گیا ہے، اور بچے بچیاں اسکول جانے لگے ہیں، ملک میں امن ہے، میڈیا کام کر رہا ہے۔

طالبان رہنما عباس ستانکزئی کا کہنا تھا کہ افغانستان میں طالبان حکومت کا اعلان آئندہ 24 سے 48 گھنٹے میں متوقع ہے۔

انہوں نے کہا کہ طالبان حکومت میں پرانے چہرے شامل نہیں ہوں گے۔ ہرقومیت کے نئے اہل افراد کو نئی حکومت کا حصہ بنایا جائے گا۔

انہوں نے دعویٰ کیا تھا کہ طالبان حکومت میں سرکاری اداروں میں خواتین کی نمائندگی ہو گی

لاہور:ن لیگ کی مائزہ حمید مراد سعید کے پیچھے پڑگئیں،اطلاعات کے مطابق ن لیگ کی مائزہ حمید آج کل بہت جارحانہ انداز اختیار کیے ہوئےہیں اورپی ٹی آئی کو آڑے ہاتھوں لے رہی ہیں

مائزہ حمید نے اپنا غصہ نکالتے ہوئے سماجی رابطے کی ویب سائٹ پرخوب سیاسی طعنے دیئے ہیں وہ کہتی ہیں کہ وہ والا اسد عمر کہاں ہے جو کہتا تھا پٹرول 40 روپے لیٹر کردوں گا؟

وہ والا اسد عمر کہاں ہے جو کہتا تھا پٹرول 40 روپے لیٹر کردوں گا؟ وہ والا مراد سعید کہاں ہے جو کہتا تھا جس دن عمران خان وزیراعظم بنا ، اس سے اگلے دن 100 ارب ڈالر آجائے گے ؟ والا علی محمد خان کہاں ہے ریاست میں اگر کسی کا قتل ہو تو حکومت ذمہ دار ہوتی ہے ؟

— MaizaHameed (@MaizaHameedMNA) September 2, 2021

مائزہ حمید آگے چل کرمراد سعید پرخوب برستی ہیں وہ کہتی ہیں کہ وہ والا مراد سعید کہاں ہے جو کہتا تھا جس دن عمران خان وزیراعظم بنا ، اس سے اگلے دن 100 ارب ڈالر آجائے گے ؟

پھر اس کے بعد مائزہ حمید علی محمد خان کو چیلنچ کرتی ہیں‌ اور کہتی ہیں‌ کہ علی محمد خان کہاں ہے ریاست میں اگر کسی کا قتل ہو تو حکومت ذمہ دار ہوتی ہے ؟

یاد رہے کہ مائزہ حمید ن لیگ کی سوشل میڈیا ٹیم کا حصہ ہیں اورہروقت وہ پی ٹی آئی حکومت کی کوتاہیوں اورخامیوں پران کو آڑے ہاتھوں لیتی ہیں

اسلام آباد:سابق آئی بی آفیسرڈی جی آئی بی ڈاکٹرسلیمان کی نوکری ختم کرانے کے لیے ہائی کورٹ پہنچ گئے ،اطلاعات کے مطابق سابق آئی بی آفیسر ایم جمیل قریشی نے ڈی جی آئی بی ڈاکٹر سلیمان خان کی تقرری کو سی جے آئی بی ڈی ہائیکورٹ کے سامنے چالان کیا تاکہ ان کی تقرری رولز آف بزنس 1973 کو کالعدم قرار دے۔

اپنی درخواست میں جمیل قریشی نے عدالت سے استدعا کی کہ چونکہ ڈاکٹرسلیمان کی تقرری رولز آف بزنس 1973 کے خلاف ہے لٰہذا ان کوڈی جی کے عہدے سے فارغ کردیا جائے

یاد رہےکہ مئی 2018 میں وفاقی حکومت نے ڈاکٹر محمد سلیمان خان کو سول انٹیلی جنس ایجنسی انٹیلی جنس بیورو( آئی بی ) سربراہ مقرر کردیا گیا تھا ۔

وفاقی حکومت نے ڈاکٹرمحمد سلیمان خان کی بطور ڈائریکٹر جنرل آئی بی تقریری کا نوٹیفکیشن جاری کردیا ہے ، وہ منگل 8 مئی سے اپنا نیا عہدے پرفائز ہوئے تھے ۔

ڈاکٹر محمد سلیمان اس سے قبل آئی بی میںبحیثیت جوائنٹ ڈائریکٹر جنرل اپنی ذمہ داریاں ادا کررہے تھے ،انہیں گریڈ 21 سے 22 میں ترقی دے کر ڈائریکٹر جنرل آئی بی مقرر کردیا گیا تھا ۔

پنجشییر :جب تک تمام نسلی گروہوں پرمشتمل حکومت نہیں بنے گی ،طالبان کوتسلیم نہیں کریں گے:اطلاعات کے مطابق پنجشیر میں قومی مزاحمتی فرنٹ افغانستان کے رہنما احمد ضیامسعود کا کہنا ہےکہ طالبان کو افغانستان کے تمام نسلی گروہوں پرمشتمل جامع حکومت کی صورت میں ہی تسلیم کیاجائےگا۔

امریکی نشریاتی ادارے سی این این کو دیےگئے انٹرویو میں سابق جہادی کمانڈر احمد شاہ مسعودکے بیٹے احمد مسعود نےکہا کہ ہم مذاکرات کےحق میں ہیں تاہم طالبان کے ساتھ ابھی مذاکرات میں کوئی پیش رفت نہیں ہوسکی ہے۔

احمد مسعود کا کہنا تھا کہ طالبان کے ساتھ سماجی انصاف، مساوات، حقوق، آزادی اور جمہوریت کے تحفظ کے لیے مذاکرات کر رہے ہیں۔

قومی مزاحمتی فرنٹ افغانستان کے رہنما کا کہنا تھا کہ اگر جارحیت کا سامنا کرنا پڑا تو اپنی زمین، عوام اور اقدارکے دفاع کے لیے مزاحمت پر مجبور ہوں گے۔

ان کا کہنا تھا کہ بدقسمتی سےطالبان تبدیل نہیں ہوئے ہیں، وہ اب بھی ملک میں برتری چاہتے ہیں، ہم سیاسی قوت کے ذریعے اکثریت پربرتری، عدم برداشت اور دباؤ کے خلاف مزاحمت کررہے ہیں،

کثیرالثقافتی ریاست پر طالبان کو حکمرانی کی اجازت نہیں دی جاسکتی، اگر طالبان ایساکریں گے تو ہم مزاحمت کریں گے۔

احمد مسعود کا یہ بھی کہنا تھا کہ ہمیں طویل مدت تک مزاحمت جاری رکھنےکے لیے مددکی ضرورت ہوگی۔

احمد مسعود کا کہنا تھا کہ طالبان نےحکومت کی کمزوری کی وجہ سےملک پرکنٹرول حاصل کیا،سابق افغان صدر اشرف غنی نےطالبان سےلڑنے والی فوج کو ختم کر دیا، غنی اور حمد اللہ محب کی فوج کے فیصلہ سازی کے عمل میں مداخلت نے افواج کو کمزور کیا، یہ دونوں فوجی تربیت اور تجربہ نہ ہونےکے باوجودجنگ سےمتعلق حتمی فیصلےکرتے تھے۔

کراچی:حکومتی اقدامات: زرمبادلہ کے ذخائر ملکی تاریخ کی بلند ترین سطح پر پہنچ گئے ،اطلاعات کے مطابق زرمبادلہ کے ذخائر ملکی تاریخ کی بلند ترین سطح پر پہنچ گئے ہیں۔

سٹیٹ بینک نے ایک اعلامیہ میں بتایا گیا کہ آئی ایم ایف سے 2 ارب 75 کروڑ 18 لاکھ ڈالر موصول ہوئے،27 اگست تک بیرونی قرض کی مد میں18.40 کروڑ ڈالر کی ادائیگی کی گئی۔

ادائیگی کے بعد سٹیٹ بینک کے زخائرمیں 2.56 ارب ڈالر اضافہ ہوا، سٹیٹ بینک کے ذخائر بڑھ کر ملکی تاریخ کی بلند سطح 20 ارب 14 کروڑ ڈالر سے تجاوز کرگئے۔

سٹیٹ بینک کے مطابق کمرشل بینکوں کے زخائر 4.20 کروڑ ڈالر اضافے سے 7 ارب 8 کروڑ 21 لاکھ ڈالر ہوگئے ہیں،مجموعی ملکی ذخائر 2.60 ارب ڈالر اضافے سے 27ارب 22 کروڑ ڈالر کی نئی بلند ترین سطح پر پہنچ چکے ہیں ۔