Author: +9251

نئی دہلی :کرونا وائرس کے بھارت پرحملے شروع:21 افراد میں‌ کرونا وائرس کی تصدیق سے کھلبلی مچ گئی ،اطلاعات کےمطابق بھارت میں کرونا وائرس سے متاثرہ افراد کی تعداد میں اضافہ ہونے لگا، 21 اطالوی سیاحوں میں وائرس کی تصدیق کے بعد مریضوں کی تعداد 21 ہوگئی۔

تفصیلات کے مطابق فلو سے مشابہ وائرس کے باعث دنیا بھر میں‌ اموات کا سلسلہ جاری ہے، وائرس سے متاثرہ افراد کی تعداد 93 ہزار ہوچکی ہے جبکہ 3200 افراد کرونا کے باعث لقمہ اجل بن چکے ہیں۔ذرائع کا کہنا ہے کہ بھارت میں پندرہ اطالوی سیاحوں میں وائرس کی تصدیق ہوئی ہے، جس کے بعد بھارتی حکام نے کرونا سے متعلق معلومات کےلیے 104 خصوصی ہیلپ لائن بھی متعارف کرادی ہے۔

بھارتی میڈیا کی رپورٹ کے مطابق حکام نے کرونا وائرس پھیلنے کے خدشے کے باعث ریاست اتر پردیش کے شہر نوئیڈا میں دو اسکول بند کردیئے گئے ہیں جبکہ دارالحکومت میں بہت سے اسکولوں نے والدین سے درخواست کی ہے کہ اگر بچوں میں سردی اور کھانسی کی علامات ظاہر ہوں انہیں گھروں میں ہی رکھیں۔خیال رہے کہ عالمی ادارہ صحت کی جانب سے کرونا وائرس پر قابو پانے کےلیے 12 ارب ڈالر کے پیکج کا اعلان کیا گیا ہے۔

عالمی بینک کا کہنا ہے کہ رقم کرونا وائرس سے متاثرہ ممالک کی مدد کےلیے استعمال کی جائے گی، اس رقم سے شعبہ صحت کو مضبوط بنایا جائے گا۔ورلڈ بینک کا کہنا تھا کہ 12 ارب ڈالر کے ابتدائی پیکج سے ادویات اور دیگر سامان خرید کر متاثرہ ممالک میں پہنچایا جائے گا جبکہ تجارتی سرگرمیوں کے فروغ کےلیے 2 ارب ڈالر مختص کیے گئے ہیں۔

گزشتہ 24 گھنٹوں کے دوران چین سے باہر کے ممالک میں تقریباً 40 افراد کرونا وائرس کا شکار ہو کر ہلاک ہوئے، جبکہ چین میں 24 گھنٹے کے دوران 1 ہزار 792 کیسز رپورٹ ہوئے ہیں جبکہ چین سے باہر کیسز کی تعداد 10 ہزار سے بڑھ گئی ہے، اب تک دنیا بھر کے 73 ممالک میں یہ وائرس لوگوں کو متاثر کرچکا ہے۔

ریاض :بیٹیوں کی والدین سے محبت خدا کی رحمت : باپ کو بچانے کے لیے بیٹی نے شعلوں میں کود گئی،اطلاعات کےمطابق گھر میں بھڑکنے والی ہولناک آگ سے معذور باپ کو بچاتے ہوئے بیٹی نے اپنی جان قربان کرکے ایثار و قربانی کی نئی مثال قائم کردی۔نویر السیسی کے ایثار و قربانی کی کہانی سوشل میڈیا پر وائرل ہوئی تو صارفین نے اس بہادر بیٹی کو شاہ عبدالعزیز تمغے سے نوازنے کا مطالبہ کیا۔

عرب خبر رساں ادارے کی رپورٹ کے مطابق ایثار و قربانی کی یہ اعلیٰ مثال سعودی عرب کے مکہ ریجن میں قائم ہوئی ہے جہاں ایک بیٹی نے والد کی جان بچانے کےلیے اپنی جان قربان کردی۔نویر السیسی نامی خاتون کے گھر میں اچانک آگ بھڑکی تو انہوں اپنے معذور والد کو گھر سے نکالنے کی سرتوڑ کوششیں کی لیکن جب اپنی کوشش ناکام ہوتی نظر آئی تو السیسی نے خود کو والد سے لپٹا لیا تاکہ آگ والد کو نہ جھلسا سکے۔

مقامی میڈیا کے مطابق اس دوران السیسی کی ماں لوگوں کو مدد کےلیے پکارتی رہی لیکن جب تک اہل محلہ گھر میں داخل ہوئے تو یہ دیکھ کر حیران رہ گئے کہ السیسی نے بری طرح جھلسنے کے باوجود خود کو باپ سے لپٹایا ہوا ہے۔

علاقہ مکینوں نے باپ بیٹی کو فوری طور پر اسپتال منتقل کیا جہاں وہ تین ہفتے تک زندگی و موت کی کشمکش میں رہنے کے بعد بالآخر زخموں کی تاب نہ لاتے ہوئے دم توڑ گئی جبکہ والد اب بھی اسپتال کے انتہائی نگہداشت کے وارڈ میں زیر علاج ہے۔اس سے قبل ماضی میں نویر السیسی کا شوہر بھی ایک ڈوبتے ہوئے شخص کو بچاتے ہوئے اپنی جان گنوا بیٹھا تھا، مقامی شہریوں نے نویر السیسی کو ‘ام الایتام’ یعنی یتیموں کی ماں کا لقب دے رکھا تھا۔

قندوز: افغانستان میں طالبان کے حملوں میں تیزی، 16 فوجی ہلاک، کئی کو یرغمال بنا لیا،اطلاعات کےمطابق افغان طالبان پرامریکہ کی طرف سے حملے کے بعد افغان طالبان کے افغان فوج پر حملے میں 16 فوجی اہلکار ہلاک ہو گئے جب کہ کئی فوجیوں کو طالبان نے یرغمال بھی بنا لیا۔

افغان میڈیا کے مطابق طالبان نے صوبہ قندوز کے ضلع امام صاحب میں فورسز پر حملہ کیا جس کے نتیجے میں 16 فوجی ہلاک ہوگئے۔افغان فورسز کی جانب سے بھی طالبان کے حملے میں فوجیوں کی ہلاکت کی تصدیق کی گئی ہے۔

افغان میڈیا کا کہنا ہے کہ طالبان کی جانب سے افغان حکومت پر حملوں کے دوبارہ آغاز کرنے کے اعلان کے بعد سے ملک بھر میں حملوں میں تیزی آ گئی ہے۔دوسری جانب افغان وزارت داخلہ کی جانب سے جاری بیان میں دعویٰ کیا گیا ہے کہ افغان فورسز نے قندوز، تخار شاہراہ، اکبر خان، قلبراس گاؤں میں طالبان کا حملہ پسپاکیا۔

وزارت داخلہ کے مطابق افغان فورسز کی کارروائی میں 3 طالبان جنگجو ہلاک، 4 زخمی اور ایک گرفتار ہوا۔افغان حکام نے کارروائی میں طالبان ملٹری کمیشن چیف مولوی بشیر کی ہلاکت کا بھی دعویٰ کیا ہے۔

ادھر ترجمان گورنر اروزگان کا کہنا ہے افغان صوبے اورزگان میں طالبان کے حملے میں افغان نیشنل پولیس کے 6 افسر ہلاک ہوئے جب کہ ضلع ترنکوت میں طالبان کے حملے میں 8 افسران زخمی ہوئے، جوابی کارروائی میں طالبان کے 8 جنگجو مارے گئے اور 4 زخمی بھی ہوئے۔

ایران کا کوئی صوبہ ایسا نہیں جو کورونا وائرس سے متاثر نا ہو، رپورٹ نے ہلچل مچادی
باغی ٹی وی :ایرانی صدر روحانی کے مطابق ایران کا کوئی صوبہ ایسا نہیں جو کورونا وائرس سے متاثر نا ہوا ہو۔ چین کے بعد ایران وہ واحد ملک ہے جس میں کورونا وائرس کے متاثرین سب سے زیادہ ہیں. پاکستان کے ہمسایہ ملک ایران کے 23 ممبران پارلیمنٹ میں کورونا وائرس کی تصدیق، ایران میں مہلک کورونا وائرس سے ہلاکتوں کی تعداد 77 ہوگئی۔ایران میں کورونا وائرس تیزی سے پھیل رہا ہے اور اب تک سیکڑوں افراد میں مہلک وائرس کی تصدیق ہوچکی ہے۔سی این این کے مطابق 8 فیصد پارلیمنٹ ممبرز کرونا کے متاثر ہیں.سپیکٹیٹر انڈیکس ویب سائٹ نے اس بات کا انکشاف کیا ہے.کہ ایران کا کوئی صوبہ ایسا نہیں ہے جس میں کرونا وائرس کا مریض نہ ہو.

ایرانی وزارت صحت کے نائب سربراہ علی رضا رئیسی نے تہران میں پریس کانفرنس کرتے ہوئے بتایا کہ گزشتہ 24 گھنٹوں میں کورونا وائرس سے مزید 11 افراد ہلاک ہو چکے ہیں جس کے بعد مرنے والوں کی مجموعی تعداد 77 ہوگئی ہے۔انہوں نے بتایا کہ مزید 835 افراد میں مہلک کورونا وائرس کی تصدیق ہوئی ہے جس کے بعد متاثرہ افراد کی تعداد 2336 تک جاپہنچی ہے۔
دوسری جانب پاکستان میں کرونا وائرس کا پانچواں کیس سامنے آگیا، گلگت بلتستان کی 45 سالہ خاتون میں وائرس کی تصدیق ہوگئی، متاثرہ خاتون نے حال ہی میں ایران کا سفرکیا۔

کرونا وائرس، چین سے طالب علم پاکستان پہنچا تو اسکے ساتھ کیا ہوا؟

کرونا وائرس،پاکستان نے کی ایران کے ساتھ ریل سروس معطل، شیخ رشید کا بڑا اعلان

پاکستان میں وائرس ایران سے آیا، کتنے مزید مشتبہ مریض ہیں؟ ڈاکٹر ظفر مرزا کی بریفنگ

کورونا وائرس سے نمٹنے کے لیے وفاق نے حکمت عملی تیار کرلی، ایران سے آنیوالے 13 ہزار افراد کی فہرست صوبائی حکومتوں کو ارسال کر دی۔ فہرست میں شامل افراد کے شناختی کارڈ، رابطہ نمبرز اور دیگر معلومات بھی دی گئی ہیں۔ کرونا وائرس کے پیش نظر سندھ بھر میں تمام تعلیمی ادارے 13 مارچ تک بند ہیں، سکول کھولنے والوں کیخلاف حکام کا ایکشن بھی جاری ہے، کئی سکولوں کی رجسٹریشن بھی معطل کی گئی ہے۔