Author: +9251

اسلام آباد :ڈیزل،پٹرول اورگیس کی قیمتیں کم کرنے کے حوالے سے وزیراعظم عمران خان کے اہم فیصلے ،اطلاعات کےمطابق وزیراعظم عمران خان نے کہا ہے کہ ڈیزل پٹرول اور گیس میں ممکنہ حد تک کمی لانے کی غرض سے جامع روڈمیپ جلد از جلد مرتب کیا جائے۔

تفصیلات کے مطابق وزیراعظم عمران خان کی زیر صدارت پیٹرول اور کیس کی قیمتوں کے حوالے سے اعلیٰ سطحی اجلاس ہوا جس میں پٹرول اور گیس کی قیمتوں میں ممکنہ کمی لانے کے حوالے سے مشاورت کی گئی۔اجلاس میں عام آدمی کو ریلیف کی فراہمی کے حوالے سے سیر حاصل گفتگو کی گئی اور قیمتوں میں ممکنہ حد تک کمی لانے کے بارے میں تفصیلی بریفنگ اور تجاویز بھی پیش کی گئی۔

وزیراعظم نے اجلاس میں ماضی میں غیر منطقی طور پر طویل المدت معاہدوں سے عوام پر پڑنے والے بوجھ کا ذکر کیا گیا اور کہا ہے کہ تمام عوامل کے باوجود حکومت عوام کی مشکلات پر خاموش تماشائی نہیں رہ سکتی ہے۔عمران خان نے کہا کہ عوام کو ریلیف فراہم کرنے کی ہر آپشن پر غور کیا جائے گا اور پٹرول ، ڈیزل اور گیس میں ممکنہ حد تک کمی لانے کی غرض سے جامع روڈمیپ جلد از جلد مرتب کیا جائے گا۔

وزیراعظم کا کہنا تھا کہ سفارشات پیش کی جائیں تاکہ قابل عمل سفارشات پر عمل درآمد کیا جا سکے۔اجلاس میں وزیراعظم کا کہنا تھا کہ ہمارا بنیادی مقصد عوام کو اور خصوصاً کم آمدنی والے افراد کو ممکنہ حد تک ریلیف فراہم کرنا ہے۔انہوں نے کہا کہ حکومت کو احساس ہے کہ کم آمدنی والا اور تنخواہ دار طبقہ مشکلات کا شکار ہے اور ہر ممکنہ کوشش ہے کہ بجلی اور گیس کی قیمتوں میں جہاں تک ممکن ہو سکے ریلیف فراہم کیا جائے۔

ا

اسلام آباد :سوشل میڈیا کے مجوزہ قوانین پر نظرثانی اجلاس، اہم فیصلے ، جوکرے گاپوسٹ وہ کرے گاثابت ورنہ پھرجرمانہ بھی ہوگا جانا بھی ہوگا،اطلاعات کےمطابق وزیراعظم کی زیرصدارت سوشل میڈیا کے مجوزہ قوانین پر نظرثانی اجلاس منعقد ہوا جس میں وزارت اطلاعات، داخلہ، قانون، آئی ٹی اور پی ٹی اے حکام نےشرکت کی۔

اجلاس میں حال میں بنائےگئے سوشل میڈیا رولز پر ردعمل کا تفصیلی جائزہ لیا گیا جب کہ مجوزہ قوانین کے پیش نظر آزادی اظہار پر اثرات کا بھی جائزہ لیا گیا، مشاور کے بعد وزیراعظم نے مجوزہ قوانین پر عملدر آمد سے پہلے اسٹیک ہولڈرز کو اعتماد میں لینےکی ہدایت کی۔

اس موقع پر وزیراعظم کا کہنا تھا کہ سوشل میڈیا سے متعلق قانون لانےکا بنیادی مقصد صرف اور صرف شہریوں کا تحفظ ہے، یہ قانون بچوں اور مذہبی معاملات سمیت قومی سلامتی کےتحفظ کے پیش نظر بنایا جا رہا ہے۔وزیراعظم کا کہنا تھا کہ سنگاپور اور برطانیہ سمیت بہت سے ممالک ایسے قوانین لا رہے ہیں اور اب پاکستان بھی بدلتےحالات و واقعات کے پیش نظر ایسے قوانین لارہا ہے۔

وزیراعظم نے ہدایت دی کہ قانوں پر عملدرآمد سے پہلے تمام اسٹیک ہولڈرز سےمشاورت کی جائے اور ان اسٹیک ہولڈرز کی دی گئی تجاویز کو مجوزہ قانون میں شامل کیا۔زیراعظم عمران خان نے کہا ہے کہ سوشل میڈیا سے متعلق قانون کا مقصد مثبت اظہار رائے یا سیاسی اختلاف کو دبانا نہیں بلکہ قانون لانےکا بنیادی مقصد صرف اور صرف شہریوں کا تحفظ ہے۔یہ بھی معلوم ہوا ہے کہ اس اہم اجلاس میں‌فیک پوسٹیں ، ویڈیوزاوردیگرمتعلقہ چیزیں پوسٹ کرنے والوں کوثابت کرنا پڑے گا ورنہ پھر جرمانے کے ساتھ ساتھ جیل کی ہوا بھی کھا نا ہوگی

یاد رہے کہ چند روز قبل حکومت نے پہلی بار آن لائن سہولیات سے فائدہ اٹھانے والے صارفین کی مدد کے لیےنئے قواعد و ضوابط متعارف کروائے تھے۔وزارت آئی ٹی نےآن لائن صارفین کےتحفظ کے لیے نئے قواعد و ضوابط متعارف کروا دیے ہیں جبکہ ایک نئی اتھارٹی کا قیام بھی عمل میں لایا جائے گا ۔

وزارت آئی ٹی کے تحت نیشنل کورآڈینیٹر آفس قائم کیا جائے گا۔کورآڈینیٹر تمام اسٹیک ہولڈرز اور وفاقی و صوبائی حکومتوں سے رابطے میں رہے گا۔ذرائع کا مزید کہنا ہے کہ سوشل میڈیا کمپنیز 3 ماہ میں پاکستان میں اپنا آفس قائم کرنے کی پابند ہوں گی جبکہ انہیں ایک سال میں پاکستان میں اپنے ڈیٹا سرور بنانا ہوں گے۔

اسلام آباد:مریم اورنگزیب کے "گھرکو آگ لگ گئی گھرکے چراغ سے”پارلیمنٹ لاجزکی تیسری منزل کےفلیٹ میں آگ بھڑک اٹھی ،اطلاعات کےمطابق ، آج پارلیمنٹ لاجزکی تیسری منزل کےفلیٹ میں آگ لگ گئی۔اس آگ کی لپیٹ میں‌مریم اورنگزیب کا فلیٹ بھی آگیا اورجل کرخاکسترہوگیا

تفصیلات کے مطابق پارلیمنٹ لاجزکی تیسری منزل کےفلیٹ میں آتشزدگی کے بعدفائربریگیڈ کی 2گاڑیاں آگ بجھانے میں مصروف تھیں تاہم آگ پر قابو پالیا گیا اور بلڈنگ میں کولنگ کا عمل جاری ہے۔ریسکیو ذرائع کے مطابق آگ لگنے کے واقعے کے بعد پارلیمنٹ لاجز کی گیس اور بجلی منقطع کردی گئی۔

ذرائع کے مطابق آتشزدگی کے باعث مسلم لیگ ن کی ترجمان مریم اورنگزیب کا فلیٹ لپیٹ میں آیاتاہم کوئی جانی نقصان نہیں ہوا۔آگ ارکان قومی اسمبلی کے لیے بنائے گئے پارلیمنٹ لاجز کی تیسری منزل پر بنے فلیٹ میں لگی تاہم مریم اورنگزیب اس وقت وہاں موجود نہیں تھیں،وہ اپنے اہل خانہ کے ہمراہ بیرون ملک ہیں اور انہوں نے اپنے بھائی کو جائے وقوعہ پر پہنچنے کی ہدایت کی ہے۔

آگ کا دھواں پارلیمنٹ لاجز بلاک اے پھیل گیااور وہاں رہائش پذیر خاندان گھروں میں محصور ہوگئے۔ فائر بریگیڈ کے عملے اور رہائش پذیر لوگوں کو سانس لینے میں مشکلات کا سامنا کرنا پڑا۔ڈائریکٹر پارلیمٹ لاجز نے ذرائع ابلاغ کو بتایا کہ آگ پر قابو پالیا گیا ہے اور مریم اورنگزیب کے 2ملازمین کو بروقت فلیٹ سے نکال لیا گیا تھا۔

لاہور: جنّے لہورنئہیں ویکھیا اوجمیا ای نئہیں،لہور لہور ای اے ، اقوام متحدہ کے جنرل سیکرٹری جاتے جاتے لاہوریوں کودل دے گئے ،اطلاعات کےمطابق اقوام متحدہ کے سیکریٹری جنرل انتونیو گوتیریس کا کہنا ہے کہ لاہوریوں کی مہمان نوازی کا لطف برسوں نہیں بھلا پاؤں گا۔

تفصیلات کے مطابق وزیراعلیٰ پنجاب عثمان بزدار اور گورنر پنجاب چوہدری محمد سرور نے اقوام متحدہ کے سیکریٹری جنرل کا حضوری باغ پہنچنے پر استقبال کیا۔
وزیراعلیٰ پنجاب اور گورنر کی جانب سے انتونیوگوتریس کے اعزاز میں عشائیہ دیا گیا عشائیہ میں بلوچی، چولستانی، پنجابی موسیقی اور ثقافتی شو پیش کیا گیا۔ عثمان بزدار نے انتونیوگوتریس کو پنجاب کے ثقافتی ورثے کے بارے میں آگاہ کیا۔

اس موقع پر اقوام متحدہ کے سیکریٹری جنرل انتونیو گوتیریس نے کہا کہ پنجاب ثقافتی حسن سے مالا مال ہے، لاہوریوں کی مہمان نوازی کا لطف برسوں نہیں بھلا پاؤں گا۔عثمان بزدار نے یواین سیکریٹری جنرل کو دورہ لاہور کی تصویری البم پیش کی، سیکریٹری جنرل انتونیو گوتریس نے تصویری البم دیکھ کر اظہار مسرت کیا۔ وزیراعلیٰ عثمان بزدار نے انتونیوگوتریس کو شاہی قلعہ کی پینٹنگ بھی پیش کی۔