Author: +9251

اترپردیش:اقوام متحدہ کوبھی اترپردیش کے مسلمانوں پرمظالم نے ہلادیا،انسانی حقوق کے کمیشن کا سخت احتجاج،اطلاعات کےمطابق اقوام متحدہ کے انسانی حقوق کے ادارے نے اترپردیش میں پولیس اورفوج کی طرف سے مسلمانوں پرہونے والے مظالم کا نوٹس لے لیا ہے،

ذرائع کےمطابق اقوام متحدہ کے انسانی حقوق کے ادارے کی طرف سے کہا گیا ہےکہ اترپردیش میں جس طرح بھارتی پولیس اورفوج اقلیتوں پرمظالم ڈھارہی ہے اس نے توبربریت کی تمام حدیں توڑ دی ہیں،یہ بھی معلوم ہوا ہےکہ انسانی حقوق کے ادارے نے تحقیقات کا مطالبہ بھی کردیا ہے

ادھر ایک طرف اقوام متحدہ نے نوٹس لیا ہے تو دوسری طرف عرب میڈیا کے مطابق بھارتی ریاست اترپردیش کے وزیر اعلیٰ یوگی آدتیہ ناتھ نے شہریوں سے متعلق متنازعہ قانون کے خلاف احتجاج کرنے والے لوگوں سے بدلہ لینے کے عزم کا اظہار کیا ہے۔

یوگی آدتیہ ناتھ کے اس بیان کے بعد بھارت کی سب سے زیادہ آبادی والی ریاست اتر پردیش میں پولیس اور انتظامیہ کے عہدیداروں نے مسلمانوں کے خلاف جنگ کا اعلان کر دیاہے۔

اس اعلان کے بعد سے پولیس اور انتظامیہ کی جانب سے کی گئی کارروائیوں میں اب تک مجموعی طور پر 18 افراد لقمہ اجل بن چکے ہیں جن میں سے زیادہ افراد کی موت گولیاں لگنے کے باعث ہوئی ہے۔

اس کے علاوہ پولیس نے نابالغ افراد سمیت سینکڑوں افراد کو تحویل میں بھی لیا ہے اور ہزاروں افراد کے خلاف مقدمہ درج کیا گیا ہے۔ایک اعلی ٰپولیس افسر کے مطابق صرف کانپور شہر میں 21،500 افراد کے خلاف مقدمات درج کیے گئےہیں۔ دوسری جانب پولیس نے مظاہرین پر فائرنگ سے انکار کیا ہے لیکن مختلف میڈیا چینلز نے پولیس افسران کے فائرنگ کی ویڈیوز سماجی رابطے کی ویب سائٹ پر شیئر کی ہیں۔

ابھی تک پولیس نے مظاہرین میں سے صرف ایک کی ہلاکت کا اعتراف کیا ہے ، جو پیٹ میں گولی لگنے کے باعث جاں بحق ہوگیا تھا۔واضح رہے کہ بھارتی ریاست اتر پردیش کے وزیر اعلیٰ یوگی آدتیہ ناتھ نے 20 دسمبر کو کہا تھا کہ شہریت کے خلاف احتجاج کرنے والوں سے بدلہ لیا جائے گا۔

یاد رہے کہ گذشتہ ہفتے بھارتی کی پارلیمنٹ کی جانب سے سی اے اے کے نام سے مشہور شہریت کے قانون کی منظوری کے بعد ملک بھر میں احتجاجی مظاہرے پھوٹ پڑے ہیں۔بھارت سمیت دنیا بھر میں اس متنازعہ قانون کے خلاف شدید احتجاج کیا جارہا ہے اور مودی حکومت کو شدید تنقید کا بھی سامنا ہے۔

ریاض: دوریاں ختم اب کویت اورسعودی عرب دوبارہ مشترکہ طورپرتیل پیدا کریں گے،اطلاعات کےمطابق خلیجی ممالک کویت اور سعودی عرب ایک ڈیل کے تحت مشترکہ طور پر تیل کی تلاش کے سلسلے کو دوبارہ شروع کریں گے۔ کویتی نیوز ایجنسی نے اس معاہدے کی کوئی تفصیلات ظاہر نہیں کی ہیں۔

بتایا گیا ہے کہ تیل کی تلاش کا یہ کام دونوں ملکوں کی سرحد پر واقع دو آئل فیلڈز پر شروع کیا جائے گا۔ یہ دونوں آئل فیلڈز خافجی اور وافرا کے مقام پر ہیں اور یہاں پر پروڈکشن سن 2014 میں بند کر دی گئی تھی۔اُس وقت ان کی تیل کے کنوؤں سے روزانہ کی بنیاد پر پانچ لاکھ بیرل تیل نکالا جاتا تھا۔

یاد رہےکہ اس فیلڈسےپیداواردونوں ممالک کےدرمیان پیداوارکی وجہ سے پیدا ہونے والے تنازعے کی وجہ سے وقتی طورپربندکردیا تھا لیکن یہ تنازع طوراختیارکرتا گیا اوراب جاکردونوں ممالک کے درمیان یہ معاملہ حل ہوا ہے

نئی دہلی:مسلم مخالف متنازعہ شہریت قانون بھارت کے گلے کی ہڈی،بغاوت،توڑپھوڑ،قتل وغارت اورپکڑدھکڑجاری،اطلاعات کے مطابق بھارت میں متنازعہ شہریت ترمیمی قانون مودی حکومت کے گلے کی ہڈی بن گیا ، معروف پنجابی ریپر “رفتار”نے بھی متعصبانہ قانون کیخلاف آواز بلند کردی ،

انسانی حقوق کی تنظیم ہیومن رائٹس واچ کا پولیس کی جانب سے مظاہرین پر بدترین تشدد کی مذمت سامنے آگئی ، اتر پردیش کی پولیس مسلم بچوں کو بھی بربریت کا نشانہ بنانے لگی، معروف پنجابی ریپر رفتار بھی متعصبانہ قانون کیخلاف کھل کر سامنے آگئے ، کنسرٹ کے دوران کھل کر اپنے جذبات کا اظہار کیا۔

رفتار نے کہا کہ کل میرا کیرئیر چلے یا نہ چلے مجھے فرق نہیں پڑتی ،انہوں نے اپنے مسلمان ساتھی کو کندھے سے پکڑتے ہوئے کہا کہ اگر کسی نے اسے دیش سے نکالنے کی کوشش کی تو برداشت نہیں کروں گا ، سامنے گولی کھاؤں گا، چاہے ہندو ہے ، سکھ ہے ، عیسائی ہے یا مسلم سب ہمارے بھائی ہیں میں کسی کو بھی باہر نہیں جانے دوں گا ، اس کے بعد اب جو بھی میرے کیرئیر کا ہوتا ہے مجھے پرواہ نہیں ہے ۔

انسانی حقوق کی عالمی تنظیم ہیومن رائٹس واچ نے مظاہرین پر ہونے والے تشدد کی شدید مذمت کی ، ہیومن رائٹس واچ کا کہنا تھا کہ پولیس کی جانب سے طلبا سمیت تمام مظاہرین پر طاقت کا غیر ضروری استعمال کیا گیا ، بھارتی حکومت متنازعہ قانون پر عوام کے خدشات فوری دور کرے ۔

دوسری طرف عالمی ذرائع ابلاغ کا کہنا ہےکہ بی جے پی کا گڑھ سمجھے جانے والی ریاست اترپردیش کی پولیس نے بچوں پر بھی مظالم ڈھانے شروع کردئیے، بھارتی اخبار کے مطابق بیس دسمبر کو کریک ڈاؤن کے دوران پانچ مسلم بچوں کو گرفتار کرکے جیل میں ڈالا گیا اور دو روز تک بدترین تشدد کا نشانہ بنایا گیا۔

بھارت سےآمدہ اطلاعات کےمطبق ایک بچے پر اتنا تشدد کیا گیا کہ اُس کے ٹانگ کی ہڈی ٹوٹ گئی ۔متنازعہ قانون کیخلاف بارہ دسمبر سے جاری احتجاج میں اب تک پچیس افراد ہلاک اور سیکڑوں زخمی ہوچکے ہیں ۔

صوفیہ : 2020 میں‌ ڈونلڈ ٹرمپ دماغی کینسرمیں مبتلا ہوجائیں گےاوردنیا میں کیا کچھ ہوگا؟بابا وانگا نامی خاتون کی پیش گوئی،اطلاعات کےمطابق بلغاریہ سے تعلق رکھنے والی 85 سالہ خاتون بابا وانگا جو 23 سال قبل ہلاک ہوچکی ہیں ،کی گئی پیش گوئی کے مطابق 2020 میں امریکی صدر ٹرمپ اور روسی صدر ولادی میر پیوتن کی جان کو خطرہ ہے۔

تفصیلات کے مطابق بلغاریہ سے تعلق رکھنے والی 85 سالہ خاتون بابا وانگا جو 23 سال قبل ہلاک ہوچکی ہیں نے اپنی موت سے قبل 9/11 واقعے اور بریگزٹ سے متعلق پیش گوئی کی تھی جو سچ ثابت ہوئی اور انہوں نے اپنی موت سے قبل 2020 سے متعلق سے بھی متعدد پیش گوئیاں کی تھیں۔

غیر ملکی خبر رساں ادارے کا کہنا تھا کہ انکھوں کی بینائی سے محروم خاتون بابا وانگا کو ان کی پیش گوئیوں کی وجہ سے ’بلقان کا نوسٹراڈمس‘ کا لقب دیا گیا تھا۔میڈیا رپورٹس کے مطابق 23 سال قبل مرنے والی خاتون نے دعویٰ کیا تھا کہ 5079 میں یہ دنیا ختم ہو جائے گی

بابا وانگا نامی خاتون نے دعویٰ کیا تھا کہ امریکی صدر ڈونلڈ ٹرمپ 2020 آئندہ ایک پراسرار بیماری میں مبتلا ہوجائیں گے جس کے باعث یا تو وہ بہرے ہوجائیں گے یا ان کے دماغ میں رسولی ہوجائے گی۔