Author: +9251

اترپردیشن :مسلم مخلاف شہریت بل ، بھارت میں بغاوت کی کیفیت کے سا تھ ہی یو پی میں بی جے پی کو سخت مشکلات کا سامنا ہے اور سینکڑوں ارکان اسمبلی نے اپنی ہی حکومت اور وزیر اعلیٰ یوگی آدتیہ ناتھ کے خلاف محاذ کھول دیا ہے۔

اطلاعات کے مطابق تقریبا 150 ارکان نے اسمبلی میں دھرنا بھی دیا ہے، جن میں حزب اختلاف کے ارکان اسمبلی نے بھی شرکت کی۔نائب وزیر اعلیٰ دنیش شرما ارکان اسمبلی کو منانے کی کوشش میں مصروف ہیں اور اسمبلی میں ودھیاک ایکتا (ایم ایل اے یکجہتی) زندہ باد جیسے نعرے گونج رہے ہیں۔

دراصل، غازی آباد سے تعلق رکھنے والے بی جے پی کے رکن اسمبلی نند کشور گوجر ایوان میں تقریر کر رہے تھے لیکن انہیں بولنے کی اجازت نہیں دی گئی ۔ نند کشور کا الزام ہے کہ انہیں غازی آباد پولس نے تشدد کا نشانہ بنایا ہے۔ وہ اس بارے میں اسمبلی میں اپنا مؤقف رکھنا چاہتے تھے لیکن انہیں ایوان کے اندر بولنے کی اجازت نہیں دی گئی

ایس پی ایم ایل سی آنند بھدوریا نے کہا کہ کل تک اسمبلی ملتوی ہونے کے بعد بھی، بی جے پی کے 100 سے زیادہ ایم ایل اے اپنی ہی حکومت میں نظرانداز ہونے کی وجہ سے ایوان میں دھنے پر بیٹھے تھے۔انہوں نے کہا کہ اس وقت حزب اختلاف سمیت 200 سے زیادہ ایم ایل اے حکومت کی آمریت کے خلاف دھرنے پر بیٹھے ہیں، یعنی حکومت اقلیت میں ہے۔ امید ہے کہ وقت سے پہلے ہی عوام کو بدکاروں سے نجات دلا دی جائے گی۔

شاہ سلمان نے یورپی یونین سے کیا امیدیں لگا لیں.

باغی ٹی وی رپورٹ سعودی عرب کے بادشاہ شاہ سلمان بن عبدالعزیز کو پیر کے روز یورپی کمیشن کی سربراہ ارزولا فان ڈیئر لائن کی جانب سے ٹیلی فون کال موصول ہوئی۔

بات چیت کے دوران شاہ سلمان نے سعودی عرب اور یورپی یونین کے درمیان تعلق کو تاریخی قرار دیا۔ انہوں نے یورپی یونین کو اہم ترین بین الاقوامی شراکت داروں میں شمار کیا۔ سعودی فرماں روا نے فریقین کے درمیان شراکت دار کو مضبوط تر بنانے کی خواہش کا اظہار کیا جو مشترکہ مفادات کے کام آئے اور دنیا بھر میں امن و استحکام کو یقینی بنانے کے واسطے حالیہ بین الاقوامی کوششوں کو سپورٹ کرے۔

شاہ سلمان کا کہنا تھا کہ وہ سعودی عرب کی میزبانی میں آئندہ G-20 سربراہ اجلاس میں یورپی یونین کی مؤثر شرکت کا خواہاں ہے۔
دوسری جانب یورپی کمیشن کی سربراہ نے یورپی یونین کے ممالک اور سعودی عرب کے درمیان تعلق کی اہمیت اور مشترکہ مفادات کو یقینی بنانے کی اہمیت کو باور کرایا۔ ارزولا فان ڈیئر لائن نے بتایا کہ وہ اس بات کی بڑی خواہش مند ہیں کہ مملکت میں آئندہ ہونے والے G-20 سربراہ اجلاس میں یورپی یونین کا ایک تعمیری کردار ہو۔
واضح‌رہےکہ سعودی عرب کے وزیر خارجہ شہزادہ فیصل بن فرحان کو جاپان کے وزیر خارجہ توشی مِٹسو موٹیجی نے نیگویا میں منعقدہ ایک تقریب میں گروپ 20 کی صدارت کاعلامتی نشان باضابطہ طور پرحوالے کردیا ہے۔گروپ 20 کا 2020ء میں سربراہ اجلاس سعودی دارالحکومت الریاض میں منعقد ہوگا۔سعودی عرب کو جی 20 کی میزبانی سونپی گئ تھی.

.
ترکی کے "دہشت گرد” کن حالات سے دوچار، رجب طیب اردگان نے بتایا

باغی ٹی وی : صدر رجب طیب ایردوان نے کہا ہے کہ دہشتگرد تنظیم پی کےکے تاریخ کے بد ترین آپریشن سے دوچار ہے جس کی کامیابی میں ہماری فوج کا اہم کردار ہے

ایرودان نے کہا کہ اس وقت دہشتگرد تنظیم پی کےکے تاریخ کے بد ترین آپریشن سے دوچار ہے ، گزشتہ 3سالوں کے دوران ترک دفاعی قوتوں نے ملک کی جنوبی سرحدوں کے قریب دہشتگردوں کا راستہ روکتے ہوئے شام کی علاقائی سالمیت کی بحالی کے لیے اہم قدم اٹھائے ۔ انہوں نے کہا کہ بعض سامراجی قوتوں کی آشیرباد کے زیر سایہ ان دہشتگردوں کی 9 سالہ عرصے کے دوران ترکی کے خلاف سازشوں کے جال کو ہماری بہادر فوج اور شام کی قومی فوج نے ناکام بنا دیا ۔
واضح‌رہے کہ ترکی نے کردوں کے خلاف آپریشن کے لیے شام میں‌کاروائی کی تھی. شامی فوج نے ہیلی کاپٹروں سے ادلب کے اسی علاقے میں واقع ایک گاؤں عبدیتا پرتباہ کن بیرل بم گرائے تھے۔ترکی کے اس اقدام پر امریکہ سمیت یورپ نے شدید تنقید کی تھی.اور ترکی کو اس اقدام پر شدید دھمکیاں بھی دی تھیں.

نیویارک:ایران میں حکومت کے خلاف احتجاج پر304 افراد ہلاک ہوئے،اطلاعات کےمطابق انسانی حقوق کی بین الاقوامی تنظیم ایمنسٹی انٹرنیشنل نے کہا ہے کہ ایران میں حکومت مخالف احتجاج کے دوران انتظامیہ کی کارروائی کے دوران چار روز کے دوران 304 افراد ہلاک ہوئے تھے۔

ایمنسٹی انٹرنیشنل کے مطابق متعدد افراد کے بیانات سے ثابت ہوتا ہے کہ ایران کے اداروں نے سیکڑوں افراد کا قتل عام کیا جب کہ ایسے اقدامات کیے گئے کہ ملکی سطح پر خوف کے باعث کوئی اس احتجاج کے خلاف کارروائیوں پر بات نہ کرے۔اقوام متحدہ کے بیان کا حوالہ دے کر ایمنسٹی انٹرنیشنل نے کہا ہے کہ ہلاک شدگان میں 12 بچے بھی شامل ہیں۔

ایران کے وزیرِ داخلہ عبدالرضا رحمانی فضلی نے دعویٰ کیا تھا کہ ملک میں ہونے والے حالیہ پرتشدد مظاہروں کے دوران مظاہرین نے 731 بینکوں اور 140 سرکاری عمارتوں کو نذرِ آتش کیا۔وزیرِ داخلہ نے کہا تھا کہ مظاہروں کے دوران سیکیورٹی فورسز کے 50 دفاتر اور چوکیوں پر حملے ہوئے جب کہ 70 پیٹرول پمپ بھی جلائے گئے۔

انسانی حقوق کی تنظیم کا دعویٰ ہے کہ ہلاک ہونے والوں میں اکثریت ان افراد کی ہے جن کو گولیوں سے نشانہ بنایا گیا جبکہ اکثر افراد کو سر، گردن یا جسم کے ایسے اعضا پر گولیاں ماری گئی ہیں جن سے ان کی موت ہو جائے۔ایمنسٹی انٹرنیشنل کا یہ بھی کہنا ہے کہ سیکیورٹی ادارے اب بھی مظاہروں میں شریک افراد کو گرفتار کرنے کے لیے کارروائیاں کر رہی ہے جبکہ انسانی حقوق کے رضا کار بھی بڑی تعداد میں زیر حراست ہیں۔

واضح رہے کہ ایران نے نومبر کے دوسرے ہفتے میں پیٹرولیم مصنوعات کی قیمتوں میں 50 فی صد تک اضافہ کیا تھا جس کے بعد ملک گیر احتجاج شروع ہو گیا تھا۔ایران کے سیکیورٹی اداروں نے پُرتشدد احتجاج میں امریکہ کے خفیہ ادارے سینٹرل انٹیلی جنس ایجنسی (سی آئی اے) سے رابطے کے الزام میں بھی کئی افراد کو گرفتار کیا تھا۔

نئی دہلی :’بھارت رہنے کے قابل نہیں رہا‘متنازع شہریت قانون پر ہندو طالبہ کے ردعمل سے انقلابی صورت حال بن گئی ،ادھر اطلاعات کےمطابق بھارتی پارلیمنٹ سے منظوری اورصدر کے دستخط کے بعد قانون بن جانے والے بھارت کے متنازع ’شہریت ترمیمی بل 2019‘ کے بعد بھارت بھر میں مظاہرے جاری ہیں۔

دارالحکومت نئی دہلی کی سب سے بڑی یونیورسٹی کا درجہ رکھنے والی قدیم ترین یونیورسٹی ’ جامعہ ملیہ اسلامیہ یونیورسٹی‘ کے طلبہ کی جانب سے سب سے زیادہ اس بل پر مظاہرے کیے گئے اور پولیس نے طلبہ کے ان مظاہروں کو روکنے کے لیے اپنی حدود ہی پار کرلیں۔

بھارتی نشریاتی ادارے ’این ڈی ٹی وی‘ کے مطابق متنازع شہریت قانون پر جامعہ ملیہ اسلامیہ یونیورسٹی کے طلبہ کی جانب سے کیے جانے والے مظاہروں کو روکنے کے لیے پولیس کی بھاری نفری غیر قانونی طور پر یونیورسٹی میں داخل ہوئی اور بڑے پیمانے پر طلبہ کو ہراساں کرنے سمیت انہیں تشدد کا نشانہ بنایا۔

رپورٹ کے مطابق پولیس کے تشدد کا نشانہ بننے والوں میں نہ صرف مسلمان اور مرد طلبہ شامل ہیں بلکہ پولیس کی جانب سے بڑی تعداد میں طالبات کو بھی ہراساں کرنے اور تشدد کا نشانہ بنائے جانے کے واقعات پیش آئے۔این ڈی ٹی وی کے مطابق جامعہ ملیہ کی ہندو طالبہ انوگیا نے یونیورسٹی کے باہر روتے ہوئے میڈیا کو پولیس کے ظلم کی داستان سنائی۔

پولیس کی جانب سے غیر قانونی طور پر طلبہ کے ہاسٹلز سمییت طالبات کی ہاسٹلز میں داخل ہونے کے خلاف نہ صرف مسلمان بلکہ ہندو طالبات نے بھی مظاہرہ کیا اور بتایا کہ کس طرح پولیس نے ہاسٹلز میں گھس کر طالبات کو ہراساں کیا۔