Author: +9251

وائٹ آئی لینڈ:نیوزی لینڈمیں آتش فشاں پھٹنےسے 5سیاح ہلاک جبکہ درجنوں خمی اورلاپتہ ہوگئے ہیں ۔اطلاعات کےمطابق نيوزی لينڈ کےسیاحتی جزیرے وائٹ آئی لینڈ میں ایک آتش فشاں پھٹ گیاجس کےنتیجے میں 5 سیاح ہلاک اوردرجنوں لاپتہ ہوگئے۔

My god, White Island volcano in New Zealand erupted today for first time since 2001. My family and I had gotten off it 20 minutes before, were waiting at our boat about to leave when we saw it. Boat ride home tending to people our boat rescued was indescribable. #whiteisland pic.twitter.com/QJwWi12Tvt

— Michael Schade (@sch) December 9, 2019

وائٹ آئی لینڈ کےڈپٹی پولیس کمشنرجان ٹِمزکاکہناہےکہ قدرتی آفت کےوقت جزیرے پر 50 سےزائد سیاح موجود تھے۔ آتش فشاں پھٹنے کے نتیجے میں 5 سیاح ہلاک ہوگئے۔ 23 سیاحوں کو زخمی حالت میں نکال لیا گیا ہے جن میں سے7سیاحوں کی حالت نازک بتائی جارہی ہے۔جان ٹِمزکےمطابق اب بھی 22 سےزائدسیاح لاپتہ ہیں۔

ریسکیوذرائع کےمطابق آتش فشاں پھٹنےکےبعد شدت کاحامل لاوا چاروں طرف پھیل گیاہےجوسمندرکی جانب رواں ہےجس کے باعث امدادی کاموں کےلیےحالات سازگارنہیں تاہم ریسکیو اداروں کوالرٹ کردیاگیاہے۔ ہیلی کاپٹرکوبھی طلب کرلیاگیاہےاور ہسپتال میں ایمرجنسی نافذ کردی گئی ہے۔ ہلاکتوں میں اضافےکاخدشہ ظاہر کیا جارہا ہے۔

نیوزی لینڈ کی وزیراعظم جیسنداآرڈرن نے تصدیق کرتےہوئےکہاکہ دھماکےمیں پھنسےکچھ افرادغیرملکی تھے۔ان کا کہناتھاکہ ہم جانتے ہیں کہ آتش فشاں پھٹنےکےوقت جزیرے پریااس کےآس پاس متعددملکی اورغیرسیاح موجود تھے۔

واضح رہے کہ نیوزی لینڈ کے شمالی آئی لینڈ سے 48 کلومیٹر کی مسافت پر وائٹ آئی لینڈ واقع ہے جس میں ایک سرگرم آتش فشاں بھی موجود ہے جس سے بھاری پتھر لاوا کے ساتھ پھٹ کر نکلتے ہیں اور سیاح اسی آتش فشاں کے پھٹنے کا منظر دیکھنے کیلیے آئے تھے۔

دُہرانے سے تو گدھا بھی سیکھ لیتا ہے ، عراق میں کینیڈا کے سفیر کی مزاح بھری ٹویٹ

باغی ٹی وی روپورٹ کے مطابق : عراق میں کینیڈا کے سفیر نے اتوار کے روز ایک عبارت کو ری ٹویٹ کر کے پڑھنے والوں کے لیے ظرافت سے لطف اندوز ہونے کا موقع فراہم کر دیا۔ کینیڈا کے سفیر Ulric Shannon نے "الرقيب اللغوي” کے نام سے عربی اکاؤنٹ کی ٹویٹ کو ری ٹویٹ کیا۔ شینن کے مطابق یہ اکاؤنٹ کتابوں، ناولوں، تحقیقی مطالعات، یونیورسٹی کے مقالات اور لسانیات سے کے امور کی غلطیوں سے متعلق مواد فراہم کرتا ہے۔ ان میں عربی گرامر ، املا اور تحریری علامات کی غلطیاں شامل ہیں۔

کینیڈا کے سفیر نے ری ٹویٹ میں لکھا کہ "ہم آپ سے مستفید ہوتے ہیں ، میں غلطیوں کے ساتھ اپنی ٹویٹس خود لکھتا ہوں … ان کی درستی کے لیے شکریہ .. اس لیے کہ میں ایک غیر ملکی پڑھنے والا ہوں اور .. دہرانے سے تو گدھا بھی سیکھ لیتا ہے ..!”
واضح‌رہے کہ اس طرح کا حس مزاح رکھنے والے لیڈر اور سفیر بہت کم پائے جاتے ہیں ، سفیر کی اس ٹویٹ پر قارئین اور فالوورز نے کافی لطف کا سامان حاصل کیا اور اس کو سراہا

ایران میں پھر سے خونریز احتجاج شروع ہونے پر اپوزیشن لیڈر نے کیا انتباہ کیا

باغی ٹی وی : ایران کے ایک محقق اور اپوزیشن شخصیت نے زور دے کر کہا ہے کہ 15 نومبر کو ایران کے مختلف شہروں میں پانچ روز تک جاری مظاہرے اقتصادی اور سیاسی وجوہات کی بنا پر ایک بار پھر "مزاحمتی تحریک” کی صورت میں سامنے آ سکتے ہیں۔

بیرون ملک اپوزیشن جماعت "ڈیموکریٹک فرنٹ” کے سکریٹری عباس خرسندی نے میڈیا کو دیے گئے خصوصی انٹرویو میں کہا کہ "2017 میں ہونے والے عوامی احتجاج کے بعد ایران میں مظاہرین کو سڑکوں پر موت کے گھاٹ اتارا گیا اور جیلوں میں تشدد کے ذریعے موت کی نیند سلا دیا گیا۔ ملک میں گذشتہ ماہ ہونے والے عوامی احتجاج کے دوران بھی اسی طرح ہوا”۔

خرسندی کے مطابق عوامی احتجاج کی بہت سی وجوہات ہیں جن میں مظاہرین کا بہتر معاشی حالات اور شخصی آزادی کا مطالبہ شامل ہے۔ یہ امور مستقبل میں عوامی احتجاج کو ایران میں حکمراں نظام کے خلاف حقیقی انقلاب میں بدل سکتے ہیں۔

ایرانی حکومت نے15نومبر کو پیٹرول کی قیمت میں 50 سے 300 فی صد تک اچانک اضافہ کردیا تھا۔اس اقدام کے خلاف ملک بھر میں پُرتشدد ہنگامے شروع ہوگئے تھے اور یہ ایک سو شہروں اور قصبوں میں پھیل گئے تھے۔بعض شہروں میں نقاب پوش نوجوانوں نے پیٹرول اسٹیشنوں ، بنکوں اور دوسری سرکاری املاک کو نذر آتش کردیا تھا اور ان کی سکیورٹی فورسز کے ساتھ جھڑپیں ہوئی تھیں۔

اس احتجاج میں کافی ساری ہلاکتیں ہوئی تھیں.جس میں‌کہا گیا تھا کہ ہلاکتوں کی تعداد کم از کم 143 ہے۔ تقریبا تمام اموات آتشیں اسلحہ کے استعمال کی وجہ سے ہوئی ہیں۔ لندن میں قائم انسانی حقوق کی تنظیم کا کہنا تھا کہ ایک شخص آنسو گیس کی شیلنگ سے ہلاک ہوا تھا اور ایک کی موت تشدد کے نتیجے میں واقع ہوئی۔

لبنان میں پھر سیاسی بحران کیوں کھڑا ہو گیا

باغی ٹی وی رپورت کے مطابق : لبنان میں انجینئر سمیر الخطیب کی جانب سے اتوار کے روز وزارت عظمی کے لیے اپنی نامزدگی سے دست بردار ہونے کے بعد نئی حکومت کی تشکیل کا معاملہ ایک بار پھر زیرو پوائنٹ پر چلا گیا ہے۔

سابق وزیراعظم سعد حریری نے 29 اکتوبر کو اپنے منصب سے استعفا دیا تھا۔ اس کے بعد سے سیاسی جماعتیں نئی حکومت کے واسطے کسی ایک نام پر متفق ہونے سے قاصر نظر آ رہی ہیں۔ اس دوران سیاسی چہروں کی واپسی پر عوام کی جانب سے احتجاج اور مظاہروں کا سلسلہ جاری ہے۔ عوام کا مطالبہ ہے کہ سیاست دانوں کو دور رکھ کر ٹنکوکریٹس کی حکومت بنائی جائے۔ مظاہرین سیاست دانوں پر بدعنوانی کا الزام عائد کرتے ہیں۔

لبنانی صدر کی جانب سے اتوار کی شام پارلیمانی مشاورت کو ملتوی کرنے کا اعلان کر دیا گیا۔ یہ مشاورت آج پیر کے روز سے رواں ماہ کی 16 تاریخ تک منعقد ہونا تھی۔ اس اعلان کے بعد ملک کا سیاسی مستقبل اندھیری سرنگ میں چلا گیا ہے۔ لبنانی حکام ایک ٹیکنوپولیٹیکل حکومت (یعنی سیاست دانوں اور ٹکنوکریٹس دونوں پر مشتمل) تشکیل دینے پر اصرار کر رہے ہیں جب کہ عوامی تحریک اس کو مسترد کرتی ہے۔
واضح رہے کہ لبنانی وزیر اعظم کے استعفے کے بعد بھی مظاہروں کا یہ سلسلہ جاری ہے .لبنانی مظاہرین نے اپنے بیان میں ایک عارضی چھوٹی حکومت تشکیل دینے کا مطالبہ کیا ہے۔ یہ حکومت حکمراں طبقے سے باہر کے افراد پر مشتمل ہو .. مالی بحران کے امور کو حل کرے اور بدعنوانی ے خلاف ایک نئی مہم انجام دے۔ اس میں عدلیہ کی خود مختاری اور لوٹی ہوئی عوامی دولت کی واپسی سے متعلق قوانین کی منظوری شامل ہو.ادھر امریکا کی طرف سے لبنان کی فوجی امداد سے متعلق اس وقت امریکا میں دو الگ الگ آراء سامنے آئی ہیں۔ واشنگٹن کے ایک ذریعے کا کہنا ہے کہ بیروت کو امداد روکنے سے متعلق موقف میں کوئی تبدیلی نہیں لائی جا رہی ہے۔