Author: +9251

لیہ – ٹی ایچ کیو ہسپتال چوک اعظم میں ذیابیطس کے حوالے سے ایم ایس جاوید اسلم کی قیادت میں واک کا انعقاد کیا گیا،جس میں
ایم ایس جاوید اسلم ڈاکٹر شوکت شاہ ڈاکٹر عمران ڈاکٹر عنبرین دیگر ڈاکٹرز اور ہسپتال سٹاف نے بھر پور شرکت کی ،:واک کا مقصد ذیابیطس کے مرض سے متعلق آگہی دینا اور اس سے بچاو اور احتیاطی تدابیر کے متعلق آگاہ کرنا تھا ،اقوام متحدہ کے عالمی ادارہ صحت کی سروے رپورٹ کے مطابق دنیا بھر میں اس مرض سے تقریبا 80فیصد اموات کم آمدنی والے ممالک میں ہوتی ہیں۔ایم ایس جاوید اسلم نے کہا کہ ذیابیطس سے بچاو کے لئے بروقت تشخیص علاج کے ساتھ احتیاط بھی انتہائی ضروری ہے ۔ذیابیطس کے اسباب میں موٹاپا، تمباکو نوشی اور ورزش نہ کرنا اہم وجوہات ہیں، چند احتیاطی تدابیرپرعمل کرکے اس مرض سے محفوظ رہا جا سکتا ہے جبکہ مرض لاحق ہونے کے باوجود بھی معمول کے مطابق زندگی گزاری جا سکتی ہے۔تحصیل ہسپتال چوک اعظم میں ذیابیطس کے مریضوں کے لئے تمام سہولیات میسر ہیں ۔واک میں ڈاکٹرز اور ہسپتال عملہ نے ذیابیطس مرض کی علامات تشخیص احتیاطی تدابیر اور علاج کے متعلق بینرز بھی اٹھا رکھے تھے

لیہ – نیا پاکستان ہاؤسنگ سکیم ،لیہ میں 20 ایکڑپر124مکانات بنانے کی تیاریاں، موصول1167درخواستوں کی قرعہ اندازی کے لئے صوبائی وزیر ہاؤسنگ اینڈ ٹاؤن پلاننگ محمود الرشید کی لیہ آمد کا شیڈول جاری ،قرعہ اندازی 18 نومبر کو ہوگی، محکمہ ہاؤسنگ اینڈ ٹاؤن پلانن لیہ کے مطابق 20ایکڑ اراضی پر پہلے مرحلے میں پانچ مرلے کے 124 گھر تعمیر کئے جائیں گے، ہاؤسنگ سکیم نمبر 3اور لیہ مائنر کے بیچ پل انگڑا کے نزدیک سرکاری اراضی پر بنائی جانے والی مذکورہ سکیم کے پہلے فیز میں 4کیٹگریزکے مکانات تعمیر کئے جائیں گے، جن میں ایک سے چار بیڈ کے الگ الگ اپارٹمنٹس شامل ہوں گے، خوش نصیب کو قرعہ اندازی کے بعد 20 روز کے اندر 10 فیصد رقم ایڈوانس جمع کرانا ہو گی ، بقیہ دوسال میں اقساط میں اداکرنا ہوں گی، اس دوران دو سال میں مکانات کی تعمیر وتکمیل مکمل کے بعد اقساط پوری ہونے پر چابیاں مالکان کے حوالے کردی جایئں گی،

لیہ – کروڑ لعل عیسن میں 132 کے وی گرڈ اسٹیشن کی افتتاحی تقریب ، ایم این اے عبدالمجید خان نیازی ،ڈائر یکٹر گرڈ سسٹم کنسٹرکشن میپکو انجئینر عبدالکریم جمالی نے فیتہ کاٹ کر افتتاح کیا ،اس موقع پرعبدالمجید خان نیازی ایم این اے نے کہا کہ ملک میں بجلی کے سسٹم کو مزید مظبوط بنانے کے لئے حکومت اقدامات اٹھا رہی ہے ، لوڈ شیڈنگ کا مکمل خاتمہ کردیا گیا ہے ،صارفین کو بہتر وولٹیج کے ساتھ بجلی کی فراہمی کی جارہی ہے ، وزارت توانائی نے ملکی تاریخ میں پہلی بار صارفین بجلی کو ریلیف دیتے ہوئے سستے نرخوں پر نومبر تا فروری بجلی فراہم کرنے کا فیصلہ کیا ہے ، ملک بھر میں نئے گرڈ اسٹیشنزقائم کر کے صارفین کی کم وولٹیج اور ٹرپنگ کی شکایات کا خاتمہ کیا جا رہا ہے ، ڈائر یکٹر گرڈ سسٹم کنسٹرکشن میپکوانجئنیرعبدالکریم جمالی نے کہا کہ 66 کے وی کے گرڈ اسٹیشن کو اپ گریڈ کر کے اس کی جگہ 132 کے وی استعدادکارکا گرڈ اسٹیشن بنایا گیا ہے ، جب کہ لیہ سے کروڑ لعل عیسن تک 28.8کلو میٹر 132کے وی استعداد کی نئی لائن بچھائی گئی ،اس منصوبے کی تکمیل پر 47کروڑ روپے لاگت آئی،

لیہ – ضلع لیہ میں پندرہ نومبر سے شروع ہونے والی تین روزہ چوتھی تھل جیپ ریلی اور لیہ تھل میلہ کے تمام تر انتظامات مکمل کر لیے گئے ۔ڈپٹی کمشنر ذیشان جاوید پندرہ نومبر بروز جمعہ دو بجے دن تحصیل چوبارہ میں رکھ خیرے والا کے مقام پرپرچم کشائی کرکے باقاعدہ افتتاح کریں گے۔تقریب میں قومی ترانہ پڑھا جائے گا۔فضاءمیں غبارے چھوڑنے کے علاوہ جھومر ،سٹیج پرفارمنس ،ثقافتی و فلاور شواور فوڈ سٹریٹ کا افتتاح بھی ہوگا۔پروگرام کے مطابق محکمہ سپورٹس کے زیر اہتمام چاربجے شام والی بال کا میچ ہوگاجس میں قومی سطح کے کھلاڑی حصہ لیں گے ۔افتتاحی دن کے پروگرام کے مطابق شام چھ بجے سے رات آٹھ بجے تک فوک گلوکار ندیم عباس لونے والااور صوفی گلوکار زین اور زوہیب اپنے فن کا مظاہر ہ کریں گے اسی طرح تھل میلہ کے دوسرے روز 16نومبر کو تقریبا ت کا آغاز بارہ بجے دن کردیاجائے گاجس میں ثقافتی جھومر ،سٹیج پرفارمنس،نیزہ بازی،گھوڑاواونٹ ڈانس پیش کیے جائیں گے اسی دن شام ساڑھے پانچ بجے محفل مشاعرہ پنڈال میں منعقدہوگاجس میں مقامی شعراءکرام کے علاوہ شہرت یافتہ شاعر تہذیب حفی اور رات آٹھ بجے آتش بازی کا شاندار مظاہرہ کیاجائے گااورمعروف گلوکار شفاءاللہ روکھڑی اپنے فن کا مظاہرہ کریں گے ۔لیہ تھل میلہ اور تھل میلہ جیپ ریلی کی اختتامی تقریب 17نومبر کو شام ساڑھے چار بجے منعقدہوگی اسی روز کبڈی ،رسہ کشی ،ثقافتی جھومر،سٹیج شوکے پروگرامز ہوں گے اور بہترین کارکردگی کے حامل افراد کو انعامات ،شیلڈ ،ٹرافیاں و دیگر انعامات دیے جائیں گے