وفاقی وزیر امور کشمیر و گلگت بلتستان علی امین خان گنڈا پورنے گلگت بلتستان کے یوم آزادی پرگلگت بلتستان کی عوام کو مبارک باد پیش کی ہے،

اسلام آباد ۔ 31 اکتوبر (اے پی پی) وفاقی وزیر امور کشمیر و گلگت بلتستان علی امین خان گنڈا پورنے گلگت بلتستان کے یوم آزادی پرگلگت بلتستان کی عوام کو مبارک باد پیش کرتے ہوئے کہا ہے کہ آج سے 72 سال قبل گلگت بلتستان کے غیور اور بہادر عوام نے ڈوگر راج کی غلامی کی زنجیروں کو توڑتے ہوئے ڈوگروں اور سکھوں سے 28 ہزار مربعہ میل کا علاقہ آزاد کرانے میںجو کامیابی حاصل کی اس کی بدولت آج گلگت بلتستان کے عوام اپنے نظریات کے مطابق آزادی سے زندگی بسر کر رہے ہیں۔ انہوںنے کہا کہ 72 سال قبل گلگت بلتستان کے اسلاف کی قربانیوں کے باعث آج گلگت بلتستان کے عوام آزاد فضائوں میں سانس لے رہے ہیں۔ وفاقی وزیر نے کہاکہ وزیراعظم عمران خان گلگت بلتستان کی ترقی و خوشحالی میں گہری دلچسپی رکھتے ہیں۔ انہوںنے کہاکہ گلگت بلتستان میں اقتصادی راہداری ،سیاحت اور معدنیات کے شعبوں میں بے پناہ صلاحیت موجود ہے جس سے فائدہ اٹھانے کے لیے سب کو مل کے کام کرنا ہو گا،

انہوں نے کہا کہ 72 سال قبل ہمارے آبا و اجداد کی قربانیاں ہم سے اس امر کا بھی تقاضا کرتی ہیں کہ ہم گلگت بلتستان کی ترقی وخوشحالی کے لیے خلوص نیت سے کام کریں۔ علی امین خان گنڈا پور نے کہا کہ یکم نومبر کا دن اس امر کی تجدید کا بھی دن ہے کہ گلگت بلتستان کے عوام مذہبی ہم آہنگی اور بھائی چارے کی فضا کو برقرار رکھتے ہوئے اس خطے کی تعمیر و ترقی میں بڑھ چڑھ کر حصہ لیں گے۔انہوںنے کہاکہ گلگت بلتستان کے عوام مخلص ہیں اور وہ پاکستان سے بے پناہ محبت کرتے ہیں اور اس محبت کا یہ تقاضا ہے کہ ہم گلگت بلتستان کی ترقی کے لیے تمام وسائل بروئے کار لائیں جس پر وفاقی حکومت بڑی سنجیدگی سے عمل پیرا ہے،

وزیر خارجہ شاہ محمود قریشی نے کہا ہے کہ پاکستان ملائشیا کے ساتھ دو طرفہ تعلقات کو انتہائی اہمیت دیتا ہے،

مقبوضہ جموں و کشمیر کی تقسیم کو مسترد کرتے ہیں ، پاکستان کا دوٹوک موقف

اسلام آباد ۔ 31 اکتوبر (اے پی پی) وزیر خارجہ شاہ محمود قریشی نے کہا ہے کہ پاکستان ملائشیا کے ساتھ دو طرفہ تعلقات کو انتہائی اہمیت دیتا ہے۔ترجمان دفتر کے مطابق انہوں نے یہ بات ملائیشیا کے اپنے ہم منصب سیف الدین عبداللہ سے ٹیلی فون پر گفتگو کرتے ہوئے کہی۔ ترجمان کہنا کہ ملائیشیا کے وزیر خارجہ نے جمعرات کو شاہ محمود قریشی سے ٹیلفونک رابطہ کیا۔بات چیت کے دوران دو طرفہ تعلقات، خطے میں امن و امان کی صورتحال سمیت باہمی دلچسپی کے امور پر تبادلہ خیال کیا گیا۔شاہ محمود قریشی نے کہا کہ پاکستان ملائشیا کے ساتھ دو طرفہ تعلقات کو انتہائی اہمیت دیتا ہے۔وزیر خارجہ مخدوم شاہ محمود قریشی نے اپنے ملائشین ہم منصب کو مقبوضہ جموں و کشمیر میں جاری بھارتی مظالم سے آگاہ کیا اورکہا کہ بھارت نے 5 اگست سے مقبوضہ جموں و کشمیر میں بدترین کرفیو نافذ کر رکھا ہے۔مقبوضہ جموں و کشمیر کے اسی لاکھ نہتے کشمیری بھارتی استبداد سے نجات کیلئے اقوام عالم بالخصوص مسلم امہ کی طرف نظریں جمائے ہوئے ہیں،

وزیر خارجہ مخدوم شاہ محمود قریشی نے مقبوضہ کشمیر کے حوالے پاکستان کے موقف کی تائید پر ملائشین وزیر خارجہ کا شکریہ ادا کیا۔وزیر خارجہ مخدوم شاہ محمود قریشی نے ملائشین ہم منصب کو اپنے دورہ ملائشیا اور کوالالمپور کانفرنس میں شرکت کے حوالے سے آگاہ کیا۔دونوں وزرائے خارجہ نے مابین خطے میں امن و امان سمیت اہم امور پر مشاورت کا سلسلہ جاری رکھنے پر بھی اتفاق کیا۔