لاہور: کون ہو گا فیل اور کون ہوگا پاس سب حقیقتیں 9 نومبر کوآشکارہوجائیں گی ، اسی سلسلے میں ترجمان لاہوربورڈ سجاد علی بھٹی نے کہا ہےکہ لاہور بورڈ میٹرک ضمنی امتحان کے نتائج کا اعلان 9 نومبر کو کرے گا۔ رواں سال امتحان میں ستائیس ہزار ایک سو چھیاسی امیدواروں نے شرکت کی

تفصیلات کے مطابق لاہور بورڈ آف انٹرمیڈیٹ اینڈ سکینڈری ایجوکیشن میٹرک ضمنی امتحان سال 2019 کے نتائج کا اعلان 9 نومبر کو کرے گا۔ ترجمان لاہور بورڈ سجاد علی بھٹی کے مطابق رواں سال امتحان میں ستائیس ہزار ایک سو چھیاسی امیدواروں نے شرکت کی۔

سجاد علی بھٹی کا کہنا ہے کہ امیدوار اپنےنتائج آن لائن بھی معلوم کرسکیں گے اور رواں سال کسی بھی امیدوار کا رزلٹ لیٹر آن نہیں رکھا جائے گا۔ترجمان کا یہ بھی کہنا ہے کہ رزلٹ آوٹ ہونے کے بعد شکایات کے حوالے سے گائیڈ لائن بھی دے دی جائے گی

چارسدہ (نمائندہ باغی ٹی وی) تفصیلات کے مطابق خیبر پختونخوا سے عوامی نیشنل پارٹی کے سینکڑوں کارکنان ملی قائد اسفندیار ولی خان کی سربراہی میں آزادی مارچ شرکت کرنے کیلئے اسلام آباد روانہ، جگہ جگہ کارکنوں کی جانب سے پرجوش نعرے اور پارٹی ترانوں کی گونج ،مارچ کیلئے کل ہی خصوصی کنٹینر کی تیاری مکمل ہونے کے بعد پشاور شہر میں نمائش کی گئی تھی جسے آج قافلے میں شامل کرلیاگیا ہے۔

سکھر: نیب نے 2 سال میں 600 سے زائد ریفرنس دائرکیے، احتساب عدالتوں میں 900 ارب کے1235 ریفرنس دائر ہیں ، نیب کی کارکردگی کے حوالے سے چیئرمین نیب جسٹس (ر) جاوید اقبال نے سکھر میں تقریب سے خطاب کرتے ہوئے کہا کہ نیب نے 2 سال میں آزاد ادارہ ہونے کا ثبوت دیا، ہماری کامیابی ٹیم ورک کا نتیجہ رہی۔

چیئرمین نیب جسٹس (ر) جاوید اقبال نے تقریب سے خطاب کرتے ہوئے کہا کہ ماضی بھول جانے کے لیے نہیں سبق سیکھنے کے لیے ہوتا ہے، ماضی کو کارکردگی بہتر کرنے کے لیے یاد رکھنا ضروری ہے۔جاوید اقبال نے کہا کہ نیب کرپشن کیسز کے جلد فیصلوں کے لیے کوشاں ہے، نیب کا احتساب تو گرفتاری سے ہی شروع ہو جاتا ہے، کہا جاتا ہے کہ نیب مقدمات میں تاخیر کرتی ہے۔

چیئرمین نیب جسٹس (ر) نے کہا کہ نیب نے 2 سال میں 600 سے زائد ریفرنس دائرکیے، احتساب عدالتوں میں 900 ارب کے1235 ریفرنس دائر ہیں۔ انہوں نے کہا کہ نیب جن مقدمات کو ڈیل کرتی ہے وہ وائٹ کالر کرائم ہے، وائٹ کالر کرائم 100 فیصد دستاویزات پرمنحصر کرتا ہے۔

چیئرمین نیب نے کہا کہ ریفرنس فائل ہونے کے بعد نیب کا کوئی کردار نہیں رہتا، گرفتاری کے 24 گھنٹے بعد ہی عدالت میں پیش کرنا ہوتا ہے۔ انہوں نے کہا کہ ہمارے چند جاندار کیسز اصل دستاویز نہ ہونے کی وجہ سے متاثر ہوئے۔انہوں نے کہا کہ بددیانتی اور نا اہلی برداشت نہیں کی جائے گی، جب تک مجھے رہنے دیا گیا، بددیانتی پر سمجھوتہ نہیں کروں گا۔