وزیر اعظم کے معاون خصوصی برائے اوورسیز پاکستانیز سید ذوالفقار عباس بخاری نے اپنے حالیہ دورہ سعودی عرب کے دوران سعودی اعلیٰ حکام سے ملاقات کی ہے،

سعودی فوٹو گرافر کی حرم مکی میں لی گئی تصویر نے بین الاقوامی ایوارڈ جیت لیا

اسلام آباد ۔ 30 اکتوبر (اے پی پی) پاکستان نے سعودی عرب سے ملٹی بلین ڈالر پراجیکٹ ‘نیو طائف سٹی’ کے لیے پاکستانی افرادی قوت کی تعداد بڑھانے کی درخواست کی ہے۔ وزارت اوورسیز پاکستان ذرائع کے مطابق وزیر اعظم کے معاون خصوصی برائے اوورسیز پاکستانیز سید ذوالفقار عباس بخاری نے اپنے حالیہ دورہ سعودی عرب کے دوران سعودی اعلیٰ حکام سے ملاقات میں پاکستانی افرادی قوت کے لیے کوٹہ بڑھانے کے حوالے سے بات چیت کی۔ نیو طائف سٹی پراجیکٹ میں نئے ایئرپورٹ کا قیام، اوکاز سٹی کی تعمیر، رہائشی ایریاز،ٹیکنیکل اوسس، یونیورسٹی اور انڈسٹریل سٹی کی تعمیر شامل ہے،

سعودی عرب نے پاکستان کو اپنے نئے ریکروٹمنٹ پراسیس ”مسند” کے ذریعے افرادی قوت ایکسپورٹ کرنے کی دعوت دی تھی۔ سعودی عرب نے لیبر ریکروٹمنٹ میں سہولت دینے اور ان کے حقوق کے تحفظ کے لیے جدید پلیٹ فارم ”مسند” لانچ کیا ہے،

وزیر مملکت برائے موسمیاتی تبدیلی زرتاج گل نے اس خبر کی تردید کی ہے کہ فضائی آلودگی کے لحاظ سے لاہور پہلے نمبر پر آ گیا ہے،

امریکہ کی پالیسی چین سے متعلق کیسی ہونی چاہیے؟ چینی سفیر نے واضح‌ کر دیا

اسلام آباد ۔ 30 اکتوبر (اے پی پی) وزیر مملکت برائے موسمیاتی تبدیلی زرتاج گل نے اس خبر کی تردید کی ہے کہ فضائی آلودگی کے لحاظ سے لاہور پہلے نمبر پر آ گیا ہے۔ بدھ کو ایک ٹویٹ میں انہوں نے کہا کہ میں اس خبر کی تردید کرتی ہوں کہ لاہور فضائی آلودگی کے لحاظ سے دنیا میں پہلے نمبر پر آگیا ہے۔ وزیر مملکت نے کہا کہ یہ خبر غلط فہمی پر مبنی ہے،

سعودی فوٹو گرافر کی حرم مکی میں لی گئی تصویر نے بین الاقوامی ایوارڈ جیت لیا

واضح‌ رہے کہ سوشل میڈیا پر بھی یہ خبر بہت زیادہ گردش کر رہی تھی کہ لاہور آلودگی میں پہلے نمبر پر آگیا ہے تاہم یہ خبر درست نہیں ہے،

پاکستان تحریک انصاف کے رہنما سینیٹر فیصل جاوید نے کہا ہے کہ پاکستان مسلم لیگ (ن) کے رہنماء سابق وزیراعظم نواز شریف کی صحت پر سیاست نہ کریں اور اس حوالے سے سیاسی پوائنٹ سکورنگ نہ کریں،

امریکہ کی پالیسی چین سے متعلق کیسی ہونی چاہیے؟ چینی سفیر نے واضح‌ کر دیا

اسلام آباد ۔ 30 اکتوبر (اے پی پی) پاکستان تحریک انصاف کے رہنما سینیٹر فیصل جاوید نے کہا ہے کہ پاکستان مسلم لیگ (ن) کے رہنماء سابق وزیراعظم نواز شریف کی صحت پر سیاست نہ کریںاور اس حوالے سے سیاسی پوائنٹ سکورنگ نہ کریں۔ نجی نیوز چینل سے گفتگو کرتے ہوئے انہوں نے کہا کہ مسلم لیگ (ن) سیاسی پوائنٹ سکورنگ کے لئے نان ایشو پر سیاست کررہی ہے، مسلم لیگ (ن) کو نواز شریف کی صحت پر جھوٹے بیانات سے قوم کو بے وقوف بنانے کی کوشش بند کرنی چاہئے۔انہوں نے کہا کہ وزیر اعظم عمران خان کی قیادت میں پاکستان تحریک انصاف کی حکومت عدلیہ کی مضبوطی اور قانون کی بالادستی کے لیے سرگرم ہے، عدالت نواز شریف کے حوالے سے جو بھی فیصلہ کرے گی حکومت اس پر عمل کرے گی اور ماضی میں بھی عدالتی فیصلوں پر عمل درآمد کیا جاتا رہا ہے اور آئندہ بھی کرے گی۔ سینیٹر فیصل جاوید نے محمد نواز شریف کی جلد صحتیابی کے لئے نیک خواہشات کا بھی اظہار کیا۔نوازشریف کے علاج کے حوالے سے قائم میڈیکل بورڈ اور عدالت فیصلہ کرے گی،

انہوں نے کہا کہ تحریک انصاف اپوزیشن رہنماؤں کے خلاف کوئی ذاتی انتقام نہیں لے رہی بلکہ قومی دولت کی لوٹ مار کا ان سے حساب لیا جائے گا۔ انہوں نے کہا کہ مسلم لیگ (ن) کے رہنما احسن اقبال سیاسی پوائنٹ اسکورنگ کے لئے نواز شریف کی صحت سے متعلق بیان دینا چھوڑ دیں کیونکہ نواز شریف خود اپنے علاج سے مطمئن ہیں۔ انہوں نے کہا کہ مسلم لیگ (ن) کے قائدین کو چاہئے کہ وہ نواز کی صحت سے متعلق الجھے ہوئے بیانات دینا چھوڑ دیں اور انہیں عوامی ہمدردی حاصل کرنے کے بجائے نواز کی صحت پر توجہ دیں۔ سینیٹر فیصل جاوید نے کہا کہ نواز شریف کے بیٹے میڈیا پر اپنے والد کی بیماری کو بڑھا چڑھا کر پیش کرنا چاہتے ہیں ، انہوں نے کہا کہ جب وزیر صحت پنجاب یاسمین راشد نے ہسپتال کا دورہ کیا تو نواز شریف نے بھی علاج پر اطمینان کا اظہار کیا۔ انہوں نے کہا کہ پوری قوم وزیر اعظم اور مسلح افواج کے ساتھ متحد کھڑی ہیں جبکہ ملک نے ترقی کی راہ پر ایک نیا سفر شروع کیا ہے اور تمام شعبوں میں کامیابی حاصل کرنے والی ہے،

خاتون اول ثمینہ عارف علوی نے کہا ہے کہ صدر پاکستان عارف علوی کی خصوصی ہدایات کے مطابق حکومت پاکستان بریسٹ کینسر آگاہی مہم پرمکمل طور پر عمل پیرا ہے تاکہ اس مرض کی ابتدائی مراحل میں کی تشخیص کے امکانات میں اضافہ ہوسکے،

اسلام آباد ۔ 30 اکتوبر (اے پی پی) خاتون اول ثمینہ عارف علوی نے کہا ہے کہ صدر پاکستان عارف علوی کی خصوصی ہدایات کے مطابق حکومت پاکستان بریسٹ کینسر آگاہی مہم پرمکمل طور پر عمل پیرا ہے تاکہ اس مرض کی ابتدائی مراحل میں کی تشخیص کے امکانات میں اضافہ ہوسکے کیونکہ اس طرح 80 فیصد سے زائدکیسز میں مکمل بچاؤ کے امکانات روشن ہو جاتے ہیں۔ وہ بدھ کو شفا انٹر نیشنل ہسپتال میں بریسٹ کینسر آگاہی مہم سیمینار کے شرکاء سے خطاب کر رہی تھیں۔ انہوں نے ملک کی ترقی اور خوشحالی میں پاکستانی خواتین کے کلیدی کردار پر روشنی ڈالی اور تمام خواتین کوبریسٹ کینسر کے حوالے سے کسی بھی ابتدائی بے اعتدالی اور پیچیدگی سے محتاط رہنے کی تاکید کی اور 40 سال سے زائد عمر خواتین کو تلقین کی کہ سال میں ایک بار میموگرافی ضرور کرائیں تاکہ بریسٹ کینسر ماضی کا حصہ بن سکے۔ انہوں نے تمام متعلقہ اداروں پر زور دیا کہ وہ اس قومی مقصد کا حصہ بنیں اوربریسٹ کینسر کے مریضوں کو باقاعدہ معائنے کا مشورہ بھی دیا۔انہوں نے اس بات پر زور دیا کہ صحت کے شعبے سے متعلق نجی اداروں کو اپنی مہارت سے حکومت کو بھی آگاہ رکھناچاہیے تاکہ پاکستانی خواتین کو بریسٹ سکریننگ تک آسان رسائی میسر ہوسکے۔انہوں نے وفاقی وزارت صحت کے ساتھ شفا کے مشترکہ اقدام کی تعریف کرتے ہوئے کہا کہ خواتین کو اس بیماری سے متعلق معلومات فراہم کرنے اوران کی حوصلہ افزائی کیلئے اس طرح کے بریسٹ کینسر آگاہی سیمینار منعقدہونے چاہییں۔ یہ بھی ایک حقیقت ہے کہ خواتین اس قسم کی بیماریوں کے متعلق بات کرتے ہوئے اچھا محسوس نہیں کرتیں،

بیگم عارف علوی نے کہا کہ میں ان خواتین کو مشورہ دینا چاہتی ہوں کہ وہ اپنی ہچکچاہٹ کو ایک طرف رکھیںکیونکہ آپ کی صحت کی دیکھ بھال ہونا زیادہ ضروری ہے۔ ڈاکٹر عائشہ عیسانی مجید،جو کہ منسٹری آف نیشنل ہیلتھ سروسز، ریگولیشن اینڈ کوآرڈینیشن کی نیشنل بریسٹ کینسر آگاہی مہم کی مرکزی شخصیت ہیں اور پاکستان بھر میں آگاہی مہم کی منتظم ہیں، نے بریسٹ کینسر کے خطرناک محرکات یعنی جینیاتی تغیرات، موٹاپا، جسمانی ورزش کی کمی، تابکاری اثرات کی حامل شعاعوں، وغیرہ پر روشنی ڈالی۔ انہوں نے کہا کہ وزارت، خواتین میں بریسٹ کینسر کی بذاتِ خود جانچ کے حوالے سے شعور اجاگر کرنے کیلئے لیڈی ہیلتھ ورکرز کی تربیت ممکن بنارہی ہے۔ شفا انٹر نیشنل ہسپتال کے کنسلٹنٹ ریڈی ایشن آنکولوجسٹ ڈاکٹر ایم فرخ نے کہا کہ ایشیاء میں بریسٹ کینسر کی شرح پاکستان میں سب سے زیادہ ہے، یہ خواتین میںا موات کی دوسری بڑی وجہ ہے۔ایک انداز ے کے مطابق ہمارے ملک میں سالانہ 90,000واقعات رپورٹ ہورہے ہیں اور 40,000سے زائد اموات اس کی وجہ سے ہوتی ہیں۔ ہر نو میں سے ایک پاکستانی خاتون کو اپنی زندگی کے کسی نہ کسی مرحلہ پر بریسٹ کینسر کا خطرہ لاحق ہوتا ہے۔ مزید برآں، وفاقی وزارت صحت کے اشتراک سے شفا انٹر نیشنل ہسپتال، آگاہی کیلئے جڑواں شہروں کی مختلف یونیورسٹیز میں بریسٹ کینسر آگاہی مہم کا اہتمام کر رہا ہے۔ اس مہم کا اہتمام بحریہ یونیورسٹی ، فاطمہ جناح ویمن یونیورسٹی، کامسیٹس یونیورسٹی ،اور فاسٹ یونیورسٹی میں کیا گیا۔ شفا نے بریسٹ کینسر سے متعلقہ تفصیلات کے معلوماتی پمفلٹ یونیورسٹی کے طلباء میں تقسیم کئے۔ شفا اپنے مریضوں کو مفت سکریننگ اور پچاس فیصد رعایتی بریسٹ میمو گرافی فراہم کررہا ہے، شفا کے چیئر مین بورڈ آف ڈائریکٹرز ڈاکٹر حبیب الرحمن ، ڈاکٹر منظور ایچ قاضی (چیف ایگزیکٹو آفیسر)، تیمور شاہ (چیف آپریٹنگ آفیسر)، فیکلٹی ممبران، عملے اور بڑی تعداد میں شہریوں نے اس تقریب میں شرکت کی۔