Author: +9251

اسلام آباد : نواز شریف کی ضمانت کی درخواستوں پر اسلام آباد ہائی کورٹ نے دو صفحات پر مشتمل تحریری حکم نامہ جاری کردیا، حکم نامے پر چیف جسٹس اور جسٹس محسن اخترکیانی کے دستخط موجود ہیں۔اس تفصیلی فیصلے میں کہا گیا ہے کہ وزیراعظم نوازشریف کے بیمارہونے پر پریشان ، صحت کےلیے دعا گو ہیں اورعلاج کے لیے دواچاہتے ہیں ،وزیراعظم کو نوازشریف کی رہائی پر کوئی اعتراض نہیں

ایک کھرب دس ارب ڈالر کا مالک ،بیوی کو خوش نہ کرسکا

ذرائع کے مطابق اسلام آباد ہائی کورٹ کی طرف سے حکم نامہ میں کہا گیا ہے کہ نیب کی جانب سے نیئر رضوی ایڈیشنل پراسیکیوٹر جنرل پیش ہوئے، نیب کے بیورو کو عدالتی احکامات سے آگاہ کرایا گیا ہے، نیب نے نوازشریف کی ضمانت پر رضامندی ظاہر کی۔ہائی کورٹ نے واضح کیا کہ ادارے میاں نوازشریف کی صحت کے لیے نیک خواہشات رکھتے ہیں

10 لاکھ سے زائد افراد کا حکومت مخالف احتجاج، کابینہ برطرف

عدالت کو وزیر اعلیٰ پنجاب کی جانب سے مطمئن کرایا گیا، وزیراعظم اور وزیراعلیٰ کو نوازشریف کی ضمانت پراعتراض نہیں ہے۔نوازشریف کی درخواست ضمانت کو منظور کرنے کا حکم دیتےہیں، نوازشریف کو دو ملین روپے،دو شخصی ضمانت کے عوض ضمانت دی جاتی ہے، ڈپٹی رجسٹرار جوڈیشل کے پاس نوازشریف کے ضمانتی مچلکے جمع کرائے جائیں۔

25 ہزارآنسوگیس شیل، 3 ہزار آنسو گیس بندوقیں، 40 ہزار ہیلمٹس، ایک لاکھ 5 ہزار ڈنڈے

نوازشریف کی درخواست29اکتوبر کے لئے مقرر ہے، وزیراعلیٰ پنجاب29اکتوبرکو ذاتی طورپرپیش ہوں، وزیراعلیٰ پنجاب ڈیڑھ بجے ہائیکورٹ کے ڈویژن بینچ میں پیش ہوں۔ہائی کورٹ ذمہ داران سے اس سلسلے میں کچھ گزارشات کرناچاہتی ہے،

ذرائع کے مطابق اسلام آباد ہائی کورٹ کی طرف سے دوسرے تحریری حکم نامہ کے مطابق وفاقی، پنجاب حکومت سے قیدیوں سے متعلق پوچھا گیا تو انہیں معلوم نہیں تھا، یہ ساری چیزیں فیصلے میں موجود ہیں، وفاقی، پنجاب حکومت قیدیوں کی حدود سے متعلق رپورٹس دیں۔

تمام قیدیوں کی بیماریوں اور دیگر مسائل سے عدالت کو آگاہ کیا جائے، حکومت اپنے آئینی اختیارات استعمال کرے، وفاقی وزیرداخلہ دو ہفتےمیں قیدیوں سے متعلق رپورٹ جمع کرائیں، وزیرداخلہ رپورٹ اسلام آباد ہائیکورٹ کے رجسٹرارکے پاس جمع کرائیں۔

لاہور:آزادی مارچ کو کنٹرول کرنے اور مولانا فضل الرحمن کی تنظیم کی طرف سے کسی بھی فتنے اور انتشارسے نبٹنے کے لیے پنجاب پولیس بالکل تیاربیٹھی ہے ، اطلاعات کے مطابق پنجاب پولیس نے آزادی مارچ کے حوالے سے تیاریوں کو حتمی شکل دے دی، لاہور سمیت پنجاب بھر سے دس ہزار سے زائد اضافی پولیس اہلکار متعلقہ اضلاع میں پہنچ گئے جبکہ لاہور سمیت پنجاب بھر میں راستے بند کرنے کے لیے کنٹینرز بھی پکڑ لیے گئے اور افسران واہلکاروں کی چھٹیاں بھی بند کردی گئیں۔

ٔپنجاب پولیس حکام کے مطابق جے یو آئی (ف ) کے امیر مولانا فضل الرحمن کی جانب سے 27 اکتوبر کو آزادی مارچ کی کال کے پیش نظر پنجاب پولیس نے تیاریاں مکمل کرلی ہیں۔ اس وقت پنجاب پولیس کے پاس 25 ہزار سے زائد آنسوگیس کے شیل، 3 ہزار آنسو گیس بندوقیں، 40 ہزار ہیلمٹس، ایک لاکھ 5 ہزار ڈنڈے اور 3 ہزار سے زائد انٹی رائٹس کٹس موجود ہیں جبکہ تمام اضلاع کی انٹی رائٹ فورس ڈیوٹی پر موجود ہوگی۔

آئی جی پنجاب کے حکم پر لاہور سمیت پنجاب بھر میں ضلعی پولیس اور انٹی رائٹ پولیس کی سپورٹ کے لیے پنجاب کانسٹیبلری اور ٹریننگ سکولوں سے 503 ریزرویں اضافی نفری کے طور پر بھجوادی گئی ہیں۔ پنجاب پولیس نے 4 واٹر کیننز میں سے ایک لاہور، ایک ملتان اور 2 واٹرکیننز راولپنڈی بھجوادی ہیں تاکہ ایمرجنسی حالات میں مظاہرین سے نمٹاجاسکے۔

صوبہ بھرمیں پولیس نے سینکڑوں کی تعداد میں کینٹنرز قبضے میں لے لیے ہیں، جن کی نقل وحمل کے لیے کرینیں بھی بھجوادی گئی ہیں۔ لاہور سمیت پنجاب بھر سے 60 سے زائد اضافی پریژن وینز مانگی گئی تھی جو کہ آئی جی پنجاب نے فوری بھجوانے کا حکم دیا تھا جبکہ حکومت کو رینجرز کو حساس اضلاع میں بیک اپ کے طور پر مہیا کرنے کا مراسلہ بھجوایا ہے۔

اسلام آباد:اس ملک میں رہنے والی اقلیتیں‌بھی پاکستان کے دیگر شہریوں کی طرح اپنے بنیادی حقوق کی حقدارہیں ، وزیراعظم نے اپنے پیغام کو سچ کردکھایا ، اطلاعات کے مطابق آج 27 اکتوبرکو ہندووں کے مذہبی تہوارکے موقع پروزیراعظم نے کہا ہے کہ "ہمارے تمام ہندو شہریوں کو دیوالی کی خوشیاں مبارک”ہوں

یاد رہے کہ دنیا بھر میں تمام مذاہب سے وابستہ کچھ ایام ایسے ہوتے ہیں جنہیں خصوصی اہمیت حاصل ہوتی ہے اوران تہواروں کو مذہبی عقیدت اور جوش و خروش سے منایا جاتا ہے۔آج کل ہندو مذہب کے تہوار دیوالی کے دن ہیں جو کہ ہندوبرادری کے مذہبی تہواروں میں انتہائی اہمیت کا حامل ہے ۔آئیے یہ جانتے ہیں کہ دیوالی کے تہوار کاتاریخی اور مذہبی پس منظر کیا ہے ۔

دیوالی جو دیپاولی اور عید چراغاں کے ناموں سے بھی معروف ہے ایک قدیم ہندو تہوار(کہیں کہیں تیوہار بھی کہا جاتا ہے) ہے، جسے ہر سال موسم بہار میں منایا جاتاہے۔یہ تہوار یا عید چراغاں روحانی اعتبار سے اندھیرے پر روشنی کی، نادانی پر عقل کی، برائی پر اچھائی کی اور مایوسی پر امید کی فتح کی علامت سمجھی جاتی ہے۔

اس تہوار کی تیاریاں 9 دن پہلے سے شروع ہوجاتی ہوتی ہیں اور دیگر رسومات مزید 5 دن تک جاری رہتے ہیں۔ اصل تہوار اماوس کی رات یا نئے چاند کی رات کو منایا جاتا ہے۔ یہ تہوار شمسی-قمری ہندو تقویم کے مہینے کاتک میں منایا جاتا ہے۔ گریگورین تقویم کے مطابق یہ تہوار وسط اکتوبر اور وسط نومبر میں واقع ہوتا ہے۔

دیوالی کی رات سے پہلے ہندو پیروکار گھروں کی مرمت، تزئین و آرائش، رنگ و روغن کرتے ہیں۔ دیوالی کی رات کو ہندو پیروکار نئے کپڑے پہنتے ہیں، دیے جلاتے ہیں، کہیں روشن دان، شمع اور کہیں مختلف شکلوں کے چراغ جلائے جاتے ہیں، یہ دیے گھروں کے اندر اور باہر، گلیوں میں بھی رکھے ہوتے ہیں۔

دولت اور خوشحالی کی دیوی لکشمی کی پوجا کی جاتی ہے اورپٹاخے داغے جاتے ہیں۔ بعد میں سارے خاندان والے اجتماعی دعوتوں کا اہتمام کرتے ہیں، مٹھائیاں تقسیم کی جاتی ہیں۔ دوست احباب کو مدعو کیا جاتا ہے، تحفے تحائف تقسیم کیے جاتے ہیں۔ جہاں دیوالی منائی جاتی ہے وہاں دیوالی کو ایک بہتریں تجارتی موسم بھی کہا جاتا ہے۔

دیوالی ہندووں کا اہم تہوار ہی نہیں بلکہ اہم رسم یا رواج بھی ہے، اس کا دارومدار بھارت کے علاقوں کی بنیاد پر ہے۔ بھارت کے کئی علاقوں میں،یہ تہوار دھنتیراس سے شروع ہوتا ہے، ناراکا چتردسی دوسرے دن منائی جاتی ہے، تیسرے دن دیوالی، چوتھے دن دیوالی پاڑوا،جو کہ شوہر بیوی کے رشتوں کے لیے وقف ہے، اور پانچواں دن بھاوبیج، بھائی بہن کے رشتوں لیئے مخصوص ہے، اس طرح یہ تہواراپنے انجام کو پہنچتا ہے۔

جس رات کو ہندو دیوالی مناتے ہیں، اسی رات کو جین پیروکار مہاویر کے موکش (نجات) پانے کی خوشی میں جشنِ چراغاں دیوالی مناتے ہیں، سکھ پیروکار اس تہوار کو بندی چھوڑ دیوس کے نام سے مناتے ہیں۔بھارت میں، دیوالی کے ایام ایک سرکاری تعطیل ہے۔بھارت کے ساتھ ساتھ نیپال، ماریشس، سری لنکا، میانمار، گیانا، ٹرینیڈاڈ و ٹوباگو، سرینام، ملیشیا، سنگاپور اور فجی میں بھی دیوالی سرکاری تہوار ہے۔

اسلام آباد : سوات، شانگلہ، دیربالا، ملاکنڈ ، بٹگرام اور اس کے گرد ونواح میں زلزلے کے جھٹکے محسوس کئے گئے، جس سے لوگوں میں خوف وہراس پھیل گیا۔رات گئے زلزلے کے جھٹکوں نے سب کی نیندیں اڑادی ہیں

تفصیلات کے مطابق خیبر پختونخوا میں سوات، شانگلہ دیربالا، ملاکنڈ ، بٹگرام کے مختلف علاقوں میں زلزلے کے جھٹکے محسوس کئے گئے ہیں جبکہ زلزلے کے جھٹکوں سے شہریوں میں خوف وہراس پھیل گیا۔

لوگ گھروں سے کلمہ طیبہ کا ورد کرتے ہوئے باہر نکل آئے۔ زلزلہ پیما مرکز کے مطابق زلزلے کی شدت 4.3 جبکہ گہرائی 222 کلو میٹر تھی اس کا مرکز کوہہ دوکش کا پہاڑی سلسلہ تھا۔زلزلہ پیما مرکز سے اب تک زلزلے سے کسی بھی جانی نقصان کی اطلاع موصول نہیں ہوئی۔ زلزلے کی وجہ سے ہر طرف خوف کا عالم پھیل گیا۔