Author: +9251

ترک پارلیمنٹ کے اسپیکر مصطفی سینٹوپ نے کہا کہ ترکی مقبوضہ کشمیرکے معاملے پر پاکستان کے ساتھ ہے۔

جنرل اسمبلی اجلاس، ترک صدر کشمیر پر بولے،کہا مسئلہ حل ہونا چاہئے

ترکی کے دارالحکومت انقرہ میں پارلیمنٹ کے سال کے تیسرے قانون ساز اجلاس سے افتتاحی خطاب کرتے ہوئے اسپیکر نے ترک جنگ آزادی میں ہندوستان کی امداد کا ذکر کرتے ہوئے کہا ، "ہماری قوم ہندوستانی مسلمانوں کی دوستی کو فراموش نہیں کرسکی ،” ۔

واضح رہے کہ بھارت نے 5اگست کو مقبوضہ جموں و کشمیر سے آرٹیکل 370ہٹا دیا تھا اور کشمیر کی خصوصی آئینی حیثیت کو بھی ختم کر دیا تھا۔ مقبوضہ کشمیرمیں 5اگست سے کرفیو نافذ ہے۔ تب سے اب تک بھارت ہزاروںکشمیریوں کو گرفتار یا نظر بند کر چکا ہے۔ مقبوضہ کشمیر کی جیلوں میں مزید قیدیوں کی گنجائش نہیں ہے جس کے کشمیری قیدیوں کو بھارت کی مختلف جیلوں میں بھی منتقل کیا گیا ہے۔

ترکی نے بھی بھارت سے مقبوضہ کشمیر میں ریاستی دہشت گردی بند کرنے کا مطالبہ کر دیا

ترک اسپیکر نے مزید کہا کہ ترکی کی عوام فلسطین میں اسرائیل کی ریاستی دہشت گردی کی مذمت کرتی ہے۔ہماری عوام برادرانہ فلسطین کے شانہ بشانہ کھڑی ہے۔

ترکی نے کشمیریوں کی حمایت میں تاریخ کا سب سے بڑا قدم اٹھا دیا

واضح رہے کہ ترک صدرطیب اردوان نے اقوام متحدہ کی جنرل اسمبلی کے افتتاحی سیشن سے خطاب میں کشمیر کا مسئلہ بھی اٹھایا، ترک صدر کا کہنا تھا کہ مسئلہ کشمیرکوحل کیے بغیرخطے میں خوشحالی ممکن نہیں،اقوام متحدہ کی قراردادوں کے باوجود 80لاکھ کشمیری محصورہیں،مسئلہ کشمیر کوجنگ سےنہیں مذاکرات سےحل ہوناچاہیے

محمد بن سلمان اور اجیت دول کی ملاقات کیا بات ہوئی ؟ اہم تجزیاتی رپورٹ

خصوصی رپورٹ : بھارتی میڈیا نے ایک رپورٹ میں کہا ہے کہ بھارت کے مشیر برائے امور سلامتی اجیت دوول اور سعودی شہزادہ محمد بن سلمان کے درمیان اہم امور پر میٹنگ ہوئی ہے ، جس میں‌ دنوں ممالک کے باہم امور زیر غور آئے ہیں.اس میٹنگ میں کشمیر کا اشو بھی زیر بحث رہا ہے میڈیا رپورٹس کے مطابق محمد بن سلمان نے بھارتی موقف کو غور سے سنا ہے بھارتی میڈیا کے مطابق سعودی ولی عہد محمد بن سلمان نے کشمیر میں بھارت کے اقدام پر اطمینان کا اظہار کیا اور اس کے کیے گئے اقدام کو سراہا ہے .بھاری میڈیا کے مطابق یہ میٹنگ دو گھنٹے تک جاری رہی.

دوسری جانب یہ خبریں بھی ہیں کہ شہزادہ محمد بن سلمان کے توسط سے اجیت ڈوول کو پاکستان نے کشمیر بارے خاص پیغام پہنچا دیاہے. ان حالات میں اگر تو بھارتی میڈیا کی بات سچ ہے کہ محمدبن سلمان نے بھارت کے کشمیر پر موقف اور اقدام کو سراہا ہے تو یہ بات کافی تشویشناک ہے ، سعودی عرب جو کہ پاکستان کا دیرینہ برادر اسلامی ملک ہے اس کو کشمیر پر بھارتی موقف کی خاموش یا واضح حمایت کرنے سے پہلے سو بار سوچنا چاہیے ، اور بحیثیت مسلم ملک مسلمانوں کے مسائل کو ترجیح‌دینی چاہیے.. اس میں‌کوئی شک نہیں ہےکہ بھارت سوا ارب کی مارکیٹ ہے اور سعودی عرب کے اس کے ساتھ بہت سے معاشی مفادات ہو سکتے ہیں . لیکن کبھی کبھی معاشی مفادات سے ہٹ کر بھی سوچنا چاہیے ، اسلام ، مسلمان اور امہ کے مفادات کو ہر طرح کے مفاد پر ترجیح دینی چاہیے.

سعودی عرب پوری مسلم امہ کا مرکز تصور کیا جاتا ہے ، اس لیے اس کو اپنے اس مقام اور مرتبے کا خیال رکھتے ہوئے امہ کی طرف سے وابستہ امیدوں کا بھی خیال رکھنا چاہیے اور اگرا یسانہیں ہے اور صرف مفادات کو ہی ترجیح دینی ہے تو پھر اس کے سیاسی مخالف جو پراپیگنڈہ کرتے ہیں وہ لوگوں میں جگہ پکڑتا چلا جائے گا، جس کا سعودی عرب کو فائدہ نہیں نقصان ہو گا.