جمعیت علماء اسلام ف کے سربراہ مولانا فضل الرحمن نے چمن میں ہونے والے بم دھماکے کی شدید مذمت کی ہے،

چمن دھماکہ میں شہید ہونے والوں کی تعداد 3 ہو گئی، جے یو آئی ف رہنما مولانا محمد حنیف بھی شامل

باغی ٹی وی کی رپورٹ کے مطابق مولانا فضل الرحمان کی طرف سے کل بلوچستان میں شٹرڈاؤن ہڑتال کا اعلان کیا گیا ہے، انہوں نے کہاکہ دھماکہ میں شہید ہونے والے مولانا محمد حنیف ہمارے قریبی ساتھی تھے، متاثرہ خاندانوں کےغم میں برابرکےشریک ہیں، موجودہ حکومت عوام کی جان ومال کےتحفظ میں ناکام ہو چکی ہے، ایسےواقعات ہمارے حوصلے پست نہیں کرسکتے، واضح‌ رہے کہ چمن میں ہونے والے دھماکے میں جے یو آئی (ف) کے رہنما مولانا محمد حنیف سمیت 3 افراد شہید ہوئے ہیں، بلوچستان میں چمن کے تاج باغ علاقہ میں دھماکا ہوا ہے جس میں زخمی ہونے والے افراد کو ہسپتال منتقل کیا گیا ہے زخمیوں میں جعمیت علماء اسلام ف کے رہنما مولانا محمد حنیف بھی شامل تھے جو جاں‌ بحق ہو گئے ہیں، پولیس کے مطابق دھماکا خیز مواد موٹر سائیکل میں نصب تھا، یہ دھماکہ چمن میں تاج روڈ پر دھماکا ہوا ہے جس سے 10 افراد زخمی ہوئے اطلاع ملنے پر پولیس و ریسکیو حکام موقع پر پہنچ گئے ہیں، سیکورٹی اداروں نے علاقہ کو گھیرے میں لے لیا ہے، زخمیوں کو ہسپتال میں طبی سہولیات فراہم کی جارہی ہیں،

بلاول بھٹو کا جے یو آئی ف رہنما مولانا محمد حنیف کی شہادت پر رنج و غم کا اظہار

بتایا گیا ہے کہ دھماکے کے بعد گاڑی میں آگ لگ گئی، اس دھماکے کی آواز اتنی زور دار تھی کہ قریبی عمارتوں کے شیشے ٹوٹ گئے، علاقہ میں اس واقعہ کے بعد سخت غم اور افسوس کی کیفیت ہے،

عمر قید کے تعین کا معاملہ پر سپریم کورٹ آف پاکستان نے 7 رکنی لارجربینچ تشکیل دیا ہے،

العزیزیہ ریفرنس کیس،نواز شریف کے وکیل اور نیب کو ملیں بیان حلفی کی مصدقہ نقول

باغی ٹی وی کی رپورٹ کے مطابق سپریم کورٹ کا لارجر بینچ 2 اکتوبر کو معاملے کی سماعت کرے گا، جسٹس منظور ملک،جسٹس طارق مسعود اورجسٹس فیصل عرب بینچ کا حصہ ہونگے، جسٹس مظہرعالم میاں خیل،جسٹس سجاد علی شاہ،جسٹس قاضی امین احمد بھی بینچ میں شامل ہیں، چیف جسٹس آصف سعید کھوسہ 7 رکنی لارجر بینچ کے سربراہ ہوں گے، اس سلسلہ میں اٹارنی جنرل،صوبائی ایڈووکیٹ جنرلز اورپراسیکیوٹرجنرل کو نوٹسزجاری کئے گئے ہیں،

نوازشریف و زرداری کو چھوڑنے کا اعلان، پاکستانی سیاست میں ہلچل مچ گئی

العزیزیہ ریفرنس،نوازشریف کی سزا کے خلاف اپیل سماعت کے لئے مقرر

سپریم کورٹ‌ کا لارجر بینچ فیصلہ کرے گا کہ عمر قید کی مدت 25 سال ہو گی یا تا حیات، چیف جسٹس نے عمر قید کے تعین بارے ازخود نوٹس ایک کیس کی سماعت کے دوران لیا تھا، چیف جسٹس آصف سعید کھوسہ کی سربراہی میں 7 رکنی لارجر بینچ عمر قید کا تعین کرے گا،

وزیراعلیٰ پنجاب سردار عثمان بزدار کی معائنہ ٹیم کے ارکان رانا فضل عباس اور نوید رضا راولپنڈی پہنچ گئے ہیں،

باغی ٹی وی کی رپورٹ کے مطابق سی ایم آئی ٹی ممبران نے ضلعی انتظامیہ کے افسران سے ملاقات کی ہے، ٹیم ممبران نے راولپنڈی میں انسداد ڈینگی سرگرمیوں کی تفصیلات سے آگاہی حاصل کی، وزیراعلیٰ کی معائنہ ٹیم کےاراکین نےڈینگی سےمتاثرہ علاقوں کادورہ بھی کیا، وزیراعلیٰ معائنہ ٹیم کےاراکین کامختلف اسپتالوں کادورہ بھی کیا، ٹیم ڈینگی کی صورتحال کےبارےمیں حتمی رپورٹ وزیراعلیٰ پنجاب کوپیش کرے گی،

حمزہ شہباز کی مریم نواز سے ملاقات،حکومت نے معیشت کا بیڑا غرق کر دیا،حمزہ شہباز

مریم نواز اب کھائیں گی جیل کا کھانا، گھر کا کھانا ہوا بند

نواز شریف چوتھی اور پانچویں بار بھی وزیراعظم بنیں گے، داماد کی پیشنگوئی

واضح رہے کہ وزیراعظم کے معاون خصوصی برائے صحت ڈاکٹر ظفر مرزا نے بتایا ہے کہ ملک بھر میں اب تک ڈینگی کے 11 ہزار 783 کیسز رپورٹ ہوچکے ہیں، انہوں نے کہا کہ سندھ میں رپورٹ ہونے والے 95 فیصد کیسز کا تعلق کراچی سے جبکہ پنجاب میں 84 فیصد ڈینگی کے کیسز راولپنڈی میں رپورٹ ہوئے ہیں، ان کا کہنا تھا کہ ان اعدادو شمار سے ظاہر ہوتا ہے کہ یہ دونوں علاقے ڈینگی کی آماج گاہ بن گئے ہیں اور فیومیگیشن کے ذریعے مچھروں اور ان کے انڈوں کے خاتمے کے لیے کوششیں کی جارہی ہیں، ڈینگی کے 2 ہزار 827 کیسز پنجاب، 2 ہزار 474 کیسز سندھ، 2 ہزار 260 کیسز خیبر پختونخوا، 2 ہزار 46 کیسز اسلام آباد اور ایک ہزار 780 کیسز بلوچستان میں سامنے آئے اس کے علاوہ کچھ کیسز آزاد کشمیر اور گلگت بلتستان میں بھی رپورٹ ہوئے،

ڈاکٹر ظفر مرزا کا یہ بھی کہنا تھا کہ ماضی میں اس سے زیادہ کیسز رپورٹ ہوچکے ہیں اس لیے سیاسی جماعتوں کو چاہیے کہ اس پر پوائنٹ اسکورنگ نہ کریں بلکہ کچھ ممالک میں اس طرح کے لاکھوں کیسز رپورٹ ہوچکے ہیں، راولپنڈی اور دیگر علاقوں‌ میں ڈینگی پر قابو پانے کیلئے حکومت اپنی بھرپور کوششیں‌ جاری رکھے ہوئے ہے،