پیپلز پارٹی کے چیئرمین بلاول زرداری نے کہا ہے کہ وزیراعظم کی توجہ کشمیر پر نہیں،وہ کراچی فتح کرنا چاہتے ہیں،جمہوریت پر کسی صورت سمجھوتا نہیں کریں گے

باغی ٹی وی کی رپورٹ کے مطابق بلاول زرداری نے اسلام آباد میں پارٹی اجلاس کے بعد زرداری ہاؤس میں میڈیا سے گفتگو کرتے ہوئے کہا کہ ہرصورت میں جمہوریت کاتسلسل برقراررکھا جائے،آئین کی بالادستی ہو،18ویں ترمیم کا تحفظ اور اس پر عمل درآمد یقینی بنایا جائے،ہم چاہتےہیں تمام سرکاری اداروں کااحتساب ایک ہی طریقہ کار کےمطابق ہو،مشرف کاکیا سب کے سامنے ہے ، حکومت میں ہمت نہیں اس مسئلے کو اٹھا سکے،سوموٹواختیارات کےطریقہ کار پر نظرثانی ہونی چاہیے،آرٹیکل 184کی ذیلی شق 3 پر عمل درآمد کےطریقہ کارپرنظر ثانی ہونی چاہیے ،جمہوریت پرکسی صورت سمجھوتا نہیں کریں گے،

بلاول کی مولانا فضل الرحمان کے دھرنے کی حمایت کا اعلان، کہا وفد مولانا کے پاس بھیج رہا ہوں

بلاول زرداری کا مزید کہنا تھا کہ حکومت نےکشمیر کی قیادت جیسی کوئی ذمے داری پوری ہی نہیں کی،وزیراعظم کی توجہ کشمیر پرنہیں ہے،وہ کراچی اورسندھ کو فتح کرنا چاہتے ہیں ،ہم میڈیاکورٹس کو مسترد اور اس کی مذمت کرتےہیں،میڈیاکورٹس کےمعاملےکی ہر فورم پر مخالفت کریں گے،سندھ میں صوبائی خود مختاری پر حملہ کیا جارہا ہے،انتخابی اصلاحات کےبارے سیاسی جماعتوں سےرابطے جاری رکھیں گے ،ہم چاہتے ہیں کہ جمہوری نظام چلے،پارلیمنٹ چلے

نالائق حکومت کو برداشت نہیں‌ کریں گے، بلاول کا اعلان، خورشید شاہ کی گرفتاری کی وجہ بھی بتا دی

بلاول زرداری نے مزید کہا کہ آصف زرداری کہتے رہے کہ معیشت اور نیب ساتھ ساتھ نہیں چل سکتے،چیئرمین نیب وہی کرتےہیں جیسا وزیراعظم عمران خان کہتے ہیں ،عمران خان جسے کہتے ہیں اسےگرفتار کر لیا جاتا ہے، اب وزیراعظم بھی کہتے ہیں کہ نیب اور معیشت ایک ساتھ نہیں چل سکتے،پیپلزپارٹی انتخابات کے لیے تیارہے، پیپلزپارٹی کاموقف ہےکہ اگرانتخابات ہوتےہیں تووہ صاف اورشفاف ہوں،

وزیراعظم عمران خان کل سعودی عرب کے لئے روانہ ہوں گے

باغی ٹی وی کی رپورٹ کے مطابق ترجمان دفتر خارجہ کا کہنا ہے کہ وزیراعظم عمران خان کل جمعرات کو دو روزہ دورے پر سعودی عرب جائیں گے، وزیراعظم سعودی ولی عہد شہزادہ محمد بن سلمان کی خصوصی دعوت پر سعودی عرب جا رہے ہیں

ترجمان دفتر خارجہ کا کہنا ہے کہ وزیراعظم عمران خان سعودی عرب کی اعلیٰ قیادت سے مقبوضہ کشمیر کی صورت حال پر بات چیت کریں گے۔ پاکستان کے وزیر خارجہ شاہ محمود قریشی، مشیر خزانہ عبدالحفیظ شیخ اور مشیر تجارت عبدالرزاق داؤد بھی وزیراعظم کے ہمراہ سعودی عرب جائیں گے.

وزیراعظم عمران خان کا سعودی ولی عہد سے رابطہ، تیل تنصیبات پر حملوں کی مذمت

 

وزیراعظم عمران خان نے سعودی ولی عہد شہزادہ محمد بن سلمان سے رابطہ کیا ہے اور تیل تنصیبات پر حملوں کی مذمت کی ہے،. وزیراعظم عمران خان نے تخریبی کاروائیوں کے خلاف سعودی عرب کی مکمل حمایت اور ساتھ دینے کا اعلان کیا ہے، وزیراعظم عمران خان نے کہا ہے کہ سعودی عرب کےامن اورعالمی معیشت کونشانہ بنانےکی ہرکوشش سےمقابلہ کیاجائےگا

ترجمان دفتر خارجہ نے کہا ہے کہ پاکستان نے سعودی عرب میں آئل پمپنگ اسٹیشن پرڈرون حملے کی شدید مذمت کی ہے ،ترجمان دفتر خارجہ نے کہا کہ پاکستان توقع کرتا ہے اس قسم کے حملے نہیں دہرائے جائیں گے ،پاکستان موجودہ حالات میں سعودی عرب کے ساتھ مکمل ہمدردی اور حمایت کرتا ہے ،اس قسم کے حملے جس سے تجارتی سرگرمیوں میں تعطل اور خوف پیدا ہو معاف نہیں کئے جا سکتے ،پاکستان سعودی عرب کے امن و سلامتی میں ساتھ کھڑا ہے

وزیراعظم عمران خان بھی اقوام متحدہ کی جنرل اسمبلی میں خطاب کے لئے امریکا سے قبل سعودی عرب کا دورہ کریں گے جہاں وہ سعودی حکام سے ملاقاتیں کریں گے.

قبل ازیں رواں ہفتے سعودی عرب کے وفد نے وزیر توانائی کی سربراہی میں پاکستان کا دورہ کیا، سعودی وفد نے مشیر تجارت عبدالرزاق داود سے ملاقات کی ، جس میں سعودی عرب کی جانب سے بیس ارب ڈالر کی سرمایہ کاری پر پیش رفت کا جائزہ لیا گیا۔ سعودی وزیر توانائی نے پاکستان میں کی گئی سرمایہ کاری کے معاہدوں پرعمل درآمد کو تیز بنانے کی یقین دہانی کراتے ہوئے کہا پاکستان میں پیٹرو کیمیکل ریفائری لگائی جائے گی جو کہ ایک بڑا اور اہم منصوبہ ہوگا۔

واضح رہے کہ سعودی ولی عہد شہزادہ محمد بن سلمان کے دورہ پاکستان کے موقع پر20ارب ڈالر کے معاہدے ہوئے تھے ، جن میں قلیل مدتی، درمیانی اور طویل مدت کے منصوبے شامل ہیں، توانائی ، سیاحت ، معدنیات ، پیٹرو کیمیکلز ، ہوٹل انڈسٹری کے شعبوں میں سات معاہدوں پر دستخط کئے گئے تھے۔

قبل ازیں سعودی وزیر خارجہ عادل الجبیر نے بھی پاکستان کا دورہ کیا تھا،وزیراعظم عمران خان سے سعودی وزیر خارجہ عادل بن احمد الجبیر اور متحدہ عرب عمارات کے وزیر خارجہ شیخ عبداللہ بن زید بن سلطان النہیان نے بدھ کو وزیراعظم آفس میں ملاقات کی۔ وزیر خارجہ شاہ محمود قریشی بھی ملاقات میں موجود تھے

وزیراعظم سےسعودی عرب اوریواےای وزرائےخارجہ کی ملاقات کا اعلامیہ جاری کر دیا گیا، اعلامیہ کے مطابق دونوں رہنماؤں نے مقبوضہ کشمیرکی بگڑتی صورتحال پراظہارتشویش کیا،سعودی عرب،یو اے ای موجودہ چیلنجزسے نمٹنے کیلئےرابطے میں رہیں گے، امن وسلامتی کے فروغ کیلئےدونوں ممالک رابطےمیں رہیں گے،

پیپلز پارٹی کے چیئرمین بلاول زرداری نے کہا ہے کہ ہم نے احتجاج کا لائحہ عمل بنا لیا ہے، احتجاجی پروگرام اب پنجاب میں داخل ہو گا،مولانا کے پاس کل وفد بھیج رہے ہیں.

باغی ٹی وی کی رپورٹ کے مطابق بلاول زرداری نے اسلام آباد میں پارٹی اجلاس کے بعد میڈیا سے گفتگو کرتے ہوئے کہا کہ اب پیپلز پارٹی کااحتجاجی پروگرام سندھ سےشروع ہوکرپنجاب میں داخل ہوگا،پیپلز پارٹی الیکشن ریفارمز کے بغیر نیا الیکشن نہیں چاہتی،شہر اور علاقوں کی نشاندہی کی گئی جہاں احتجاج کریں گے، ہم نےاپنااحتجاج کا لائحہ عمل بنایا ہے،ہم مہنگائی سمیت عوامی ایشوز پر احتجاج کریں گے ،اب اس حکومت کوہم برداشت نہیں کرسکتے،

بلاول زرداری کا مزید کہنا تھا کہ ساری اپوزیشن سےہماری ورکنگ ریلیشن شپ ہے ،اگر آپ اپنے ملک کولیڈنہیں کرسکتے تو باہر جا کر کیا کرسکتےہو،ہم نے اپوزیشن کے ساتھ ملکر کام کیا پھر بھی ملکر کریں گے، قابل عمل حکمت عملی بنانےکے لیے مولانا کے پاس وفد بھیج رہا ہوں ،مولانا کےاکتوبر کےدھرنےکی اخلاقی اور سیاسی حمایت کرتے ہیں.

 

مولانا فضل الرحمان نے مجلس عاملہ کے اجلاس کے بعد میڈیا سے گفتگوکی ،اس موقع پر اکرم درانی و دیگر بھی موجود تھے، مولانا فضل الرحمان کا کہنا تھا کہ آزادی مارچ کے لیے بنائی گئی کمیٹیاں اپنا کام جاری رکھے ہوئے ہیں ،آزادی مارچ ہر حال میں اکتوبر میں اور 16 سے 31 اکتوبر کے درمیان ہو گا تا ہم حتمی فیصلہ مسلم لیگ ن کی قیادت سے مشاورت کے بعد ہو گا.

مولانا فضل الرحمان کا مزید کہنا تھا کہ آزادی مارچ کے لئے ہمارا ارادہ یکم تا 15 اکتوبر کا تھا، تاہم دوسری جماعتوں سے مشاورت کی وجہ سے 16 سے 31 اکتوبر تک مارچ کرینگے،خورشید شاہ کی گرفتاری سے متعلق مولانا فضل الرحمان نے کہا کہ ادارے نااہل حکومت کی پشت پناہی نہ کریں، خورشید شاہ کی گرفتاری بھی سیاسی ہے اور ہم اس کی مذمت کرتے ہیں۔ یہ احتساب نہیں ہے۔ اگر ہمارا راستہ روکا گیا تو پاکستان جام کر دیں گے، ناجائز حکومت کے خلاف ہمارا احتجاج جائز ہے.

مولانا فضل الرحمان کا مزید کہنا تھا کہ سعودی عرب کی آئل تنصیبات پر حملے کی بھرپور مذمت کرتے ہیں اور سعودی عرب کو یقین دہانی کرواتے ہیں کہ مشکل کی اس گھڑی میں ان کے ساتھ ہیں،

 

حکومت کے گھیراؤ کے لئے مولانا فضل الرحمان نے پھیلائی جھولی

مولانا کا آزادی مارچ، مولانا متحرک، رابطے، ملاقاتیں شروع

آزادی مارچ مزید تاخیر کا شکار، مولانا نے شہباز شریف کو کر لیا راضی

مولانا فضل الرحمن نے رابطہ کمیٹیوں کو رابطہ مہم تیز کرنے کی ہدایت کر دی،اجلاس میں آزادی مارچ کے لئے جاری فنڈز ریزنگ مہم کا بھی جائزہ لیا جائے گا، اجلاس میں بتایا گیا کہ خیبر پختون خواہ تنظیم کی جانب سے 5 کروڑ روپے جمع کروا دیئے گئے، تمام صوبوں سے چندہ وصولی کا عمل جاری ہے

مولانا فضل الرحمن نے صوبائی رہنماوں کو کارکنوں کو متحرک کرنے کی ہدایت کی.مجلس عاملہ آزادی مارچ کی ممکنہ تاریخ اور انتظامات کو حتمی شکل دے گی

 

مولانا کا آزادی مارچ،ملک کے بڑے سجادہ نشین نے کی حمایت

مولانا فضل الرحمان کا لانگ مارچ، ن لیگ اختلافات کا شکار، اراکین اسمبلی کا نواز شریف کی بات ماننے سے انکار

لانگ مارچ، اپوزیش کا جواب، مولانا نے سجادہ نشینوں سے مانگی مدد

آزادی مارچ، مولانا فضل الرحمان گرفتار ہوئے تو قیادت کون کرے گا؟ اہم خبر

بلاول نے دیا مولانا فضل الرحمان کو دھوکہ

مولانا فضل الرحمان سے پہلے دے گی پیپلز پارٹی دھرنا.اعلان کر دیا

آزادی مارچ سے قبل گرفتاریاں ہوئیں تو لائحہ عمل کیا ہو گا؟ اکرم درانی نے بتا دیا

پیپلز پارٹی کے چیئرمین بلاول زرداری نے کہا ہے کہ ہم نالائق حکومت کو مزید برادشت نہیں کریں گے، خورشید شاہ کو مسئلہ کشمیر سے توجہ ہٹانے کے لئے گرفتار کیا گیا،ہم مولانا فضل الرحمان کےدھرنےمیں بھرپورتعاون کریں گے، حکومت کوسال کےآخرتک ڈیڈ لائن دی ہے

باغی ٹی وی کی رپورٹ کے مطابق بلاول زرداری نے پارٹی کے اجلاس کے بعد زرداری ہاؤس میں میڈیا سے گفتگو کرتے ہوئے کہا کہ آج ایگزیکٹوکمیٹی کا اجلاس ہوا،آئندہ کا لائحہ عمل طے کیا ،نیب نے آج خورشیدشاہ کوگرفتارکیا،خورشید شاہ کی گرفتاری کی مذمت کرتے ہیں،اپوزیشن رہنماوَں کوسیاسی انتقام کانشانہ بنایا جا رہا ہے ،مقبوضہ کشمیرپریکجہتی کاموقع تھا،حکومت نےنیب کااستعمال کیا،سیاسی انتقام نیب سےشروع ہوتاہےاورنیب پرختم ہوتاہے ،فریال تالپورکورات کے اندھیرے میں اسپتال سےجیل منتقل کیاگیا ،عوام کی توجہ مسئلہ کشمیر سے ہٹانے کے لیےخورشید شاہ کوگرفتارکیا گیا ،

بلاول زرداری کا مزید کہنا تھا کہ حکومت نیب کے زوراوردباوَپرچل رہی ہے،نیب سیاسی انجینئرنگ کے لیے بنایا گیا،یہ کالا قانون مشر ف نے بنایا،عمران خان کے نااہل ہونے کا نقصان کشمیرکازکوپہنچ رہاہے،کشمیرکانفرنس میں تمام جماعتوں کے لوگ شریک تھے ،بہترہوتا اسٹیک ہولڈریکجہتی کی طرف قدم بڑھاتے ،ہم کشمیری بھائیوں کےساتھ کھڑےہیں،

بلاول زرداری نے مزید کہا کہ پیپلزپارٹی نےحکومت اوران کےسہولت کاروں کوڈیڈلائن دی ہے،پیپلزپارٹی عوامی مسائل پراحتجاج کررہی ہے، حکومتی بجٹ غریب کیلیے تکلیف اور امیر کیلیےریلیف ہے ،ہم اس حکومت کی نالائقی کوبرداشت نہیں کریں گے،ہم مولانافضل الرحمان کےدھرنےمیں بھرپورتعاون کریں گے،اکتوبرمیں مولانافضل الرحمان کادھرناہے،اخلاقی حمایت کااعلان کیاہے،ہم عوامی ایشوز پراحتجاج کریں گے،مہنگائی اور معاشی صورتحال کی خرابی کوبنیاد بنا کراحتجاج کریں گے،حکومت نےکسانوں سےسبسڈی چھین لی،حکومت نےارب پتی اورسرمایہ کاروں کےلیےسبسڈی دی،حکومت نےسارابوجھ غریب پرڈال دیاہے ،