Author: +9251

امریکی سینیٹ کے ارکان پرمشتمل ایک وفد نے اتوار کےروز سعودی عرب کے ولی عہد شہزادہ محمد بن سلمان بن عبد العزیز سے جدہ میں ان کے دفتر میں ملاقات کی۔ وفد میں سینیٹ کی خارجہ تعلقات کمیٹی کے رکن ، ٹوڈ ینگ ، اور انٹلیجنس کمیٹی اور سینیٹ کی آرمڈ سروسز کمیٹی کے ممبر سینیٹر انگوس کنگ شامل تھے

سعودی پریس ایجنسی ‘ایس پی اے’ کے مطابق ملاقات کے دوران دونوں دوست ممالک کے مابین دوطرفہ تعلقات کے مختلف پہلوؤں اور باہمی دلچسپی کے دیگر امور پرتبادلہ خیال کیا۔

اس ملاقات میں امریکا میں سعودی عرب کی سفیر شہزادی ریما بنت بندر بن سلطان بن عبد العزیز نائب وزیردفاع شہزادہ خالد بن سلمان بن عبد العزیز ، ، وزیر مملکت برائے امور خارجہ اور کابینہ کے ممبر عادل الجبیر ،انٹیلی جنس چیف خالد الحمیدان اور سعودی عرب میں امریکی سفیر نے شرکت کی جان ابی زید بھی موجود تھے۔

امریکی وزیرخارجہ مائیک پومپیو نے کہا ہے کہ ان کا ملک افغانستان میں قیام امن کے لیے طالبان پر اپنے وعدوں پر عمل پیرا ہونے کے لئے دباؤ ڈالتا رہے گا۔ ان کا کہناہے کہ فی الحال امریکا افغان فورسز کے لئے فوجی مدد کم نہیں کرے گا۔

اتوار کے روز ‘سی این این’ کو دیے گئے کو انٹرویو میں مائیک پومپیو نے کہا کہ اگر طالبان ہم سے کیے ہفتوں پہلے کے اپنے وعدوں کی تعمیل نہیں کرتے ہیں ۔ افغان صدر پردبائو کم نہیں کرتے تو ہم افغان سیکیورٹی فورسز کے لٓیے اپنی مدد جاری رکھیں گے۔

امریکی صدر ڈونلڈ ٹرمپ نے اتوار کے روز کہا تھا کہ انہوں نے جمعرات کے روز کابل میں حملے کا اعتراف کرنے کے بعد طالبان رہ نماؤں کے ساتھ امن مذاکرات منسوخ کردیئے ہیں۔

ٹرمپ نے "ٹویٹر” پر پوسٹ کردہ ایک ٹویٹ میں کہاکہ اگر طالبان امن مذاکرات کے دوران فائر بندی نہیں کرسکتے ہیں تو بامقصد معاہدے کے لیے بات چیت آگے نہیں بڑھ سکتی۔

لبنانی میلشیا نے دعویٰ کیا ہے کہا انہوں نے اسرائیل کا ڈرون طیارہ مار گرایا ہے اور یہ طیارہ اب ہمارے ہاتھوں میں ہے

تفصیلات کے مطابق حزب اللہ نے اسرائیل کا ڈرون طیارہ مارگرانے کا دعوی کیا ہے .اس کےعلاوہ لبنان کے عسکریت پسند گروہ حزب اللہ نے اسرائیل کے شمالی علاقے میں متعدد ٹینک شکن راکٹ داغے ہیں جس میں اسرائیلی فوج کو جانی نقصان اٹھانا پڑا ہے تاہم اسرائیل نے اس دعوے کی تردید کی ہے۔ حزب اللہ کی جانب سے اس کارروائی کو گزشتہ ہفتے بیروت میں اسرائیلی ڈرون حملے کا ردعمل قرار دیا جا رہا ہے۔ برطانوی نشریاتی ادارے کے مطابق اسرائیل کے فوجی ذرائع نے اس بات کی تصدیق کی ہے کہ اس کے ایک فوجی اڈے اور فوجی گاڑیوں کی جانب راکٹ داغے گئے ہیں اور سرحدی علاقے میں واقع فوجی اڈے پر دو سے تین ٹینک شکن میزائل گرے ہیں۔ حزب اللہ نے دعویٰ کیا ہے کہ شام میں اس کے دو کارکنوں کی ہلاکت کے جواب میں اس حملے میں متعدد اسرائیلی فوجی زخمی اور ہلاک ہوئے ہیں حزب اللہ کے حملے کے بعد اسرائیل نے جوابی کارروائی میں جنوبی لبنان میں گولہ باری کی ہے اور اس کا کہنا ہے کہ اس نے 100 کے قریب گولے داغے ہیں اور اس کارروائی میں حزب اللہ کی عسکری ٹھکانوں کو نشانہ بنایا گیا ہے۔

امریکا کو مطلوب ایران کا تیل بردار جہاز بحرمتوسطہ میں سفر کرتا ہوا شام میں اپنی منزل مقصود پر پہنچ گیا ہے اور اس پر لدا ہوا تیل فروخت کردیا گیا ہے۔

ایران کے سرکاری ٹیلی ویژن کے مطابق وزارتِ خارجہ کے ترجمان عباس موسوی نےاتوار کو یہ اطلاع دی ہے لیکن یہ وضاحت نہیں کی ہے کہ یہ کہاں پہنچا ہے اور اس پر لدے ہوئے خام تیل کو کس ملک یا ادارے کو فروخت کیا گیا ہے۔آیا وہ اس کے حوالے کردیا گیا ہے یا ابھی تک ٹینکر پر ہی لدا ہو اہے؟

البتہ ترجمان نے اس امید کا اظہار کیا ہے کہ آبنائے ہُرمز میں تحویل میں لیے گئے برطانوی ٹینکر کو قانونی کارروائی کی تکمیل کے بعد جلد چھوڑ دیا جائے گا۔

ایرانی تیل بردار جہاز ادریان داریا1گذشتہ ہفتے شام کے ساحلی علاقے میں غائب ہو گیا تھا اور پھر اس کی شام کی بندرگاہ طرطوس میں لنگرانداز ہونے کی سیٹلائٹ تصاویر منظرعام پر آئی تھیں۔

جہازرانی کے ذرائع کا کہنا ہے کہ خرید وفروخت کا عمل مکمل ہونے کے بعد اس ٹینکر پر لدے تیل کو کسی اور بحری جہاز پر منتقل کردیا جائے گا۔

واضح رہے کہ امریکا کے محکمہ خزانہ نے گذشتہ سے ہیوستہ جمعہ کو ادریان داریا کو بلیک لسٹ کردیا تھا اور اس نے خطے کے ممالک کو خبردار کیا تھا کہ وہ اس کو قبول کرنے سے گریز کریں۔اس جہاز پر اکیس لاکھ بیرل خام تیل لدا ہوا ہےاور اس کی مالیت تیرہ کروڑ ڈالر بتائی گئی تھی۔