Author: +9251

چارسدہ (نمائندہ باغی ٹی وی)چارسدہ پولیس کا ماہ اگست میں سماج دُشمن عناصر کے خلاف جاری بھر پور کاروائیوں کے دوران سنگین مقدمات قتل ،اقدام قتل ،ڈکیتی اور راہزنی میں مطلوب 151 مجرمان اشتہاریوں سمیت 158مشتبہ افراداوربغیر قانونی دستاویزات کرایہ پر رہائش پذیر افراد گرفتار ۔ حساس اور اہم مقامات پر سیکیورٹی اقدامات میں تساہل برتنے پر15 مقدمات مقدمات درج ۔نیشنل ایکشن پلان میں پیش رفت کرتے ہوئے جرائم پیشہ افراد کے خلاف کاروائیوں میںخطرناک اسلحہ جبکہ منشیات کے خلاف کاروائیوں میں چرس ، افیون ، ہیروئن اور آئس بھی برآمد۔عوام الناس کی جان ومال کے تحفظ اور مسائل کے فوری حل کے لیے کمیونٹی پولیسنگ کو فروغ دئے رہے ہیں۔عوام الناس کے تعاﺅن کی بدولت جرائم کا خاتمہ ممکن بناکر دم لیں گے۔(ڈسٹرکٹ پولیس آفیسر چارسدہ عرفان اللہ خان )
تفصیلات کے مطابق ڈسٹرکٹ پولیس آفیسر چارسدہ عرفا ن اللہ خان کے جاری کردہ احکامات سماج دُشمن عناصر کے خلاف جاری بھر پور کاروائیوں کے دوران پولیس کو مختلف مقدمات میں مطلوب151 خطرناک مجرمان اشتہاریوں سمیت158مشتبہ افراد گرفتار کر لیے گئے ۔جرائم پیشہ افرادکے خلاف چارسدہ پولیس کے اسپیشل دستوں کی جانب سے روزانہ کی بنیاد پر نیشنل ایکشن پلان کے تحت 31سرچ اینڈ سٹرائیک آپریشن کے دوران 20خطرناک اشتہاریوں سمیت82افراد گرفتار کئے گئے۔جن کے قبضہ 6ایس ایم جی،139پستول،2رائفل ،شارٹ گن 2،2295کارتوس برآمد کر لیا گیاجبکہ نوجوان نسل کو نشے کی لت میں مبتلا کرنے والے منشیات فروشوں اور ڈرگ سمگلروں کے خلاف کاروائی کرتے ہوئے منشیات فروشوں سے 12990گرام چرس،1260گرام افیون،11320گرام ہیروئن اور10گرام آئس برآمدبھی کر لیا گیا۔ اہم اور حساس مقامات کی سیکیورٹی امور میں تساہل برتنے پر 1مقدمہ درج جبکہ بغیر قانونی دستاویزات کرایہ پر رہائش پذیر15 افرادکے خلاف مقدمات درج کئے گئے۔نیشنل ایکشن پلان کے تحت چارسدہ پولیس نے سنیپ چیکنگ کے دوران311 مختلف مقامات پرناکہ بندیوں کے دوران ایک مجرمان اشتہاری اور 76مشتبہ افراد گرفتار کئے گئے۔ گرفتار افراد کے قبضہ سے 68پستول،ایک رائفل اور 1270کارتوس ،27830گرام چرس اور90گرام آئس برآمد کر لیا گیا۔ APLموٹر سائیکل کے خلاف کاروائیوں کے دوران 915موٹر سائیکلوں کو چالان کیا گیا۔ اسی طرح چارسدہ پولیس نے مختلف چھاپوں ،موبائل گشت دوران 133 مجرمان اشتہاری گرفتار کئے گئے گرفتار افراد کے قبضہ سے2 کلاشنکوف، 3رائفل ،7بندوق،2دستی بم اور 4700کارتوس برآمد کئے گئے مزید منشیات فروشوںسے 75.377گرام چرس ،1.260گرام افیون ،11.445گرام ہیروئن اور.357گرام آئس برآمد کیا گیا۔ڈسٹرکٹ پولیس آفیسر چارسدہ عرفان اللہ خان نے اپنے ایک پیغام میں کہا کہ جرائم سے پاک معاشرئے کی تشکیل کو ممکن بنانے کے لیے جدوجہد جاری ہیں۔عوامی تعاﺅن اور کمیونٹی پولیسنگ کی بدولت یہ خواب بہت جلد شرمندہ تعبیر ہو گا۔

مردان(نمائندہ باغی ٹی وی) مرکزی تنظیم تاجران اور چیمبر آف کامرس کی جانب سے مردان پولیس کواقراء قتل کیس کو ٹریس کرنے بارے میں خراج تحسین پیش کرنے کیلئے اعزازی تقریب کا انعقاد۔ مہمان خصوصی ڈی پی او سجاد خان کی شرکت، صدر تنظیم تاجران اینڈ چیمبر آف کامرس ظاہر شاہ نے ڈی پی او سجاد خان کو اعزازی سونئیر پیش کیے۔
تفصیلات کے مطابق مرکرزی تنظیم تاجران اور چیمبر آف کامرس مردان کی جانب سے مردان پولیس کے اعزاز میں تقریب کا انعقاد کیا گیا جس میں مہمان خصوصی ڈی پی او سجاد خان، ایس پی آپریشن مشاق احمد، اے ایس پی سٹی سرکل علی بن طارق،صدر تنظیم تاجران اینڈ چیمبر آف کامرس ظاہر شاہ، چیئر مین پبلک سیفٹی کمیشن مردان، تاجر ان تنظیموں کے صدور، میڈیا کے نمائندے سمیت دیگر پولیس افسران نے بھی شرکت کی،تقریب سے خطاب کرتے ہوئے ڈی پی او سجاد خان نے کہا کہ اقراء قتل کیس مردان پولیس کیلئے ایک چیلنج تھی جس کو ٹریس کر کے ملزمان تک رسائی اور گرفتاری کیلئے مردان پولیس نے انتھک محنت، جدید سائنسی اور پیشہ ورانہ حکمت عملی کو بروئے کار لایا گیا، جس سے نہ صرف یہ کیس ٹریس ہوا بلکہ ایک معاشرتی معمہ بھی حل ہوا، تاجر برادری نے اس حوالے سے پولیس کیساتھ ہر قسم کی تعاون کی جو کہ قابل ستائش ہیں، انہوں نے مزید کہا کہ محرم الحرام کے دوران امن و امان برقرار رکھنے میں تاجر برادری پولیس کا ساتھ دیکر امن و امان کے قیام کو یقینی بنائیں، دریں اثناء صدر تنظیم تاجران اینڈ چیمبر آف کامرس ظاہر شاہ نے مرکزی تنظیم تاجران اور چیمبر آف کامرس کی جانب سے بہترین محکمانہ خدمات سر انجام دینے پر ڈی پی او سجاد خان، ایس پی آپریشن مشتاق احمد، اے ایس پی سٹی سرکل علی بن طارق کو اعزازی سونیئر اور شیلڈز پیش کیے۔ اس موقع پر صدر تنظیم تاجران اینڈ چیمبر آف کامرس ظاہر شاہ نے تاجر برادری کی طرف سے محرم الحرام اور امن و امان کو برقرار رکھنے کیلئے پولیس کیساتھ ہر قسم کی تعاون کی یقین دہانی کرائی۔