Author: +9251

افغانستان کے دارالحکومت کابل میں کار بم دھماکہ، 16ہلاک جبکہ سینکڑوں زخمی ہو گئے۔ طالبان نے دھماکے کی ذمہ داری قبول کر لی۔ دھماکے سے کئی کلومیٹر دور مکانات میں کھڑکیاں اور دروازے لرز اٹھے ۔
افغان طالبان کا افغانستان کے بڑے شہر قندوز پر حملہ ، افغان کٹھ پتلی ، امریکی اور اتحادوں کو ٹھکانے لگایا
یہ دھماکہ اس وقت ہوا جب امریکی سینئر سفارتکار افغان صدر اشرف غنی کوطالبان کے ساتھ امن معاہدے کے حوالے سے بریفنگ دے رہے تھے۔

دھماکا گرین ولیج کے قریب ہوا ، یہ کمپاونڈ بین الاقوامی تنظیموں کے عملہ کے زیر استعمال تھا۔ بعدازاں دوسرا چھوٹا دھماکہ ہوا جس کمپاونڈ کے اندر جنریٹر پھٹ گئے۔

طالبان کے مرکزی ترجمان ذبیح اللہ مجاہد نے دھماکے کی ذمہ داری قبول کرتے ہوئے بتایا کہ اس حملے میں غیر ملکی افواج کو نشانہ بنایا گیا تھا۔ انہوں نے کہا کہ ایک کار بمبار نے خود کو دھماکے سے اڑا لیا تھا جبہ متعدد حملہ آوروں نے کمپاو¿نڈ پر دھاوا بول دیا تھا۔

وزارت داخلہ کے ترجمان نصرت رحیمی نے بتایا کہ کم از کم پانچ عام شہری ہلاک اور پچاس کے قریب زخمی ہوئے ہیں ، لیکن انہوں نے کہا کہ تعداد اب بھی بڑھ سکتی ہے کیونکہ متعدد مکانات تباہ ہوگئے ہیں۔ بعدازاں ایک اہلکار نے اے پی کو بتایا کہ ان کی تعداد بڑھ کر 16 ہوگئی ہے ، جب کہ 119 زخمی ہوئے۔

انہوں نے تصدیق کی کہ دھماکے کا ہدف گرین ولیج کمپانڈ تھا ، جس میں متعدد بین الاقوامی تنظیمیں اور گیسٹ ہاوسز شامل ہیں۔ دھماکے کی وجہ سے قریبی پٹرول اسٹیشن کی آگ کی لپیٹ میں آگیا۔

ایک عینی شاہد ولی جان نے بتایا کہ یہ ایک خوفناک دھماکہ تھا۔ اسپتال کے ایک ڈائریکٹر ، ڈاکٹر نظام الدین جلیل نے بتایا کہ زخمیوں میں خواتین اور بچے بھی شامل ہیں۔

بھارتی وزیرخارجہ ایس جے شنکر نے پاکستان کے خلاف ہرزہ سرائی کرتے ہوئے کہا ہے کہ پاکستان دہشت گردی کا کھلے عام استعمال کررہا ہے اورجب تک وہ اس کی مالی مدد اوردہشت گرد گروپوں کی بھرتی پرروک نہیں لگاتا تب تک اس کے ساتھ بات چیت کی کوئی گنجائش نہیں ہے۔ یہ بات ای جے شنکر نے وزیراعظم پاکستان عمران خان کے نیویارک ٹائمز میں لکھے گئے کالم کے جواب میں کہی۔
بھارتی فوجی سربراہ کی پاکستان کیخلاف ہرزہ سرائی، عسکریت پسندی کو فروغ دینے کا الزام
بھارت کی طرف سے مقبوضہ کشمیر میں آرٹیکل 370کے ہٹائے جانے کے بعد بھارت کو زبردست بیرونی دباﺅ کا سامنا ہے۔ بین الاقوامی ذرائع ابلاغ بھی بھارتی ریاستی دہشت گردی کو بے نقاب کر رہے ہیں۔ ان حالات میں بھارتی وزرا کشمیر کے حالات سے توجہ ہٹانے کے لیے پاکستان پر ہرزہ سرائی میں مصروف ہیں۔ اس سے پہلے بھارتی وزیردفاع راجناتھ سنگھ نے بھی پاکستان کو ایٹمی حملے کی دھمکی دی تھی۔

یاد رہے کہ جنوبی ایشیا پر جنگ کے سائے منڈلا رہے ہیں۔ پاکستان اور بھارت دونوں ایٹمی قوت ہیں۔

اس سے قبل بھی بھارت کی طرف سے پاکستان پر دہشت گردی کے الزامات عائد کیے جاتے رہے ہیں۔ بھارت ان میں سے کسی ایک کے ثبوت بھی پیش نہیں کر سکا۔

لبنانی تنظیم حزب اللہ نے نیتن یاہو کی آفس کی کھڑکی سے لی گئی ایک تصویر پوسٹ کی ہے جس پر لکھا ہے کہ ہماری صلاحیتوں کو جانچا نہ جائے۔
شام: اسرائیل کا لبنانی ملیشیا حزب اللہ کے ٹھکانوں پر میزائل حملہ

قبل ازیں لبنان کے عسکریت پسند گروپ حزب اللہ نے اسرائیل کے شمالی علاقے میں متعدد ٹینک شکن راکٹ داغے جس میں اسرائیلی فوج کو جانی نقصان اٹھانا پڑا تاہم اسرائیل نے اس دعوے کی تردید کی ہے۔ اسرائیل کے فوجی ذرائع نے اس بات کی تصدیق کی ہے کہ اس کے ایک فوجی اڈے اور فوجی گاڑیوں کی جانب راکٹ داغے گئے ہیں اور سرحدی علاقے میں واقع فوجی اڈے پر دو سے تین ٹینک شکن میزائل گرے ہیں۔دوسری طرف حزب اللہ نے دعوی کیا تھا کہ اس حملے میں متعدد اسرائیلی فوجی زخمی اور ہلا ک ہو گئے تھے۔