Author: +9251

بھارت میں ہجومی تشدد کے واقعات کے بعد اب لوگوں کو زندہ جلا دینے والا واقعہ بھی سامنے آ گیا ہے۔
بھارت، ہجومی تشدد کا ایک اور واقعہ
بھارتی میڈیا کے مطابق بھارتی ریاست بہار میںرماشنکر سنگھ نامی ٹھیکیدار پیسے لینے گیا لیکن اس کو زندہ جلا دیا گیا۔ آگ میں شدید زخمی اس ٹھیکیدار کوعلاج کے لئے گورکھپور ہسپتال بھیجا گیا تھا لیکن راستے میں ہی اس کی موت ہو گئی۔

مذکورہ واقعہ گوپال گنج کی گنڈک کالونی میں واقع محکمہ گنڈک کے چیف انجینئر کے گھر پر پیش آیا۔ رما شنکر سنگھ کے بیٹے نے الزام عائد کیا ہے کہ گھر بننے کے بعد باقی رقم کی ادائیگی کے لئے چیف انجینئر کی جانب سے 15 لاکھ روپے کی رشوت مانگی جا رہی تھی۔

یاد رہے کہ بھارت میں ہجومی تشدد کے واقعات عام ہیں۔ ہجومی تشدد کا نشانہ زیادہ تر اقلیتیں خصوصاً مسلمان بنے ہیں۔

ترکی کے وزیرِ خارجہ میولود چاوش اولو نے کہا ہے کہ شام میں سیاسی حل کے حصول کی صورت میں ترک مسلح افواج علاقے سے نکل جائیں گی۔

میولود چاوش اولو ناروے انٹرنیشنل ریلیشنز انسٹیٹیوٹ میں منعقدہ گول میز کانفرس میں سوالات کے جوابات دے رہے تھے۔

شام کی صورتحال کا جائزہ پیش کرنے والے وزیر چاوش اولو نے بتایا کہ جب شام میں سیاسی حل تلاش کر لیا جائیگا تو ترک فوج کے فرائض بھی وہاں پر مکمل ہو جائینگے۔

ادلیب میں حملوں پر ایک سوال کے جواب میں ترک وزیر نے بتایا کہ روس نے ادلیب میں ترکی سے تعلق رکھنے والی چیک پوسٹس پر ملکی انتظامیہ کے حملے نہ کرنے کی ضمانت دی ہے۔

یاد رہے کہ قبل ازیں ترکی کے صدر رجب طیب اردوان نے کہا تھا کہ ترکی کی زمینی فوج "بہت جلد” شام میں فرات کے مشرق میں داخل ہوجائے گی اور "دہشت گردوں” کے علاقے کو صاف کرنے کے عزم کا اعادہ کرے گی۔ ترک افواج شمالی شام میں ایک محفوظ زون کے قیام کے سلسلے میں آہستہ آہستہ علاقے کو کلیئر کر رہی ہیں۔