Author: +9251

فرانس کے صدر عمانویل ماکروں نے کہا ہے کہ ایران اور امریکا کے درمیان دو طرفہ کشیدگی میں کمی کے لیے دونوں ملکوں کی سربراہ قیادت کی ملاقات ممکن ہے۔

تفصیلات کے مطابق کے مطابق فرانسیسی صدر نے پیرس میں اپنے امریکی ہم منصب ڈونلڈ ٹرمپ کے ساتھ مشترکہ پریس کانفرنس سے خطاب میں ایران پر خلیجی خطے کو عدم استحکام سے دوچار کرنے کی سازشیں بند کرنے پرزور دیا۔ ان کا کہنا تھا کہ خلیجی ممالک میں کشیدگی کی گونج پیرس میں گروپ سیون کے سربراہ اجلاس کے موقع پر بھی سنی گئی۔ ان کا کہنا تھا کہ کشیدگی کم کرنے کے لیے ڈونلڈ ٹرمپ اور حسن روحانی کےدرمیان ملاقات ممکن ہے۔ دونوں ملکوں کے صدور ایک دوسرے سے ملنے کو تیار ہیں، تاہم اس کے لیے ماحول کو سازگار بنانا ہوگا۔

صدر عمانویل ماکروں نے مزید کہا کہ گروپ سیون کے اجلاس میں ایران کے معاملے پرہم نے ایک دوسرے سے بات چیت کی ہے۔ ہم نے متفقہ طور پرایران پر زور دیا ہےکہ وہ جوہری معاہدے کی شرائط کی پاسداری کرے۔فرانسیسی صدرنے امید ظاہر کی کہ ایران اور امریکا کے صدور فراخ دلی کا مظاہرہ کرتے ہوئے ملاقات کی کوشش کریں گے۔

لبنان کے صدر میشل عون نے اسرائیل کی طرف سے کیے گئے ڈرون حملوں کی شدید مذمت کرتے ہوئے اسے صہیونی ریاست کی طرف سے ‘اعلان جنگ’ قرار دیا ہے۔

العربیہ چینل کے مطابق صدر میشل عون نے لبنان کے لیے اقوام متحدہ کے خصوصی رابطہ کار یان کوبیچ سے ملاقات کے دوران اسرائیلی حملوں اور اس کے بعد پیدا ہونے والی صورت حال پربات چیت کی۔ انہوں نے کہا کہ لبنان میں الضاحیہ اور ‘قوسیا’ کے مقامات پر اسرائیلی فوج کے ڈرون حملے اقوام متحدہ کی قرارداد 1701 کی کھلی خلاف ورزی ہے۔

انہوں نے کہا کہ لبنان میں ڈرون حملوں کو اسرائیل کا اعلان جنگ تصور کیا جائے گا۔ لبنانی صدر نے واضح کیا کہ اسرائیلی ریاست کی طرف سے جارحیت کے خلاف لبنان کو اپنے دفاع کا حق حاصل ہے۔ لبنان اپنی سلامتی اور خود مختاری کو چیلنج کرنے کی اجازت نہیں دے گا۔

یمن فوج کےساتھ لڑنے والے عسکری گروپوں کو فوج میں شامل کرنے کا اعلان

یمن کے وزیراعظم معین عبدالملک نے کہا ہے کہ حکومت کی وفاداری میں فوج کے ساتھ باغیوں کے خلاف لڑنے والی تمام نجی عسکری تنظیموں کو باقاعدہ طور پرفوج میں شامل کرنے کا فیصلہ کیا گیا ہے۔

تفصیلات کے مطابق یمنی وزیراعظم معین عبدالملک نے ایک بیان میں کہا کہ صدرعبد ربہ منصور ھادی کے حکم کے تحت تمام نجی عسکری گروپوں کو نیشنل آرمی میں شامل کرنے کا فیصلہ کیا گیا ہے۔ اس منصوبے پر جلد ہی کام شروع کردیا جائے گا۔ اس کے ساتھ ساتھ شبوۃ گورنری میں امن واستحکام کی بحالی اور شہریوں کی آباد کاری کے ایک جامع منصوبے پرجنگی بنیادوں پرکام شروع کیا گیا ہے۔

بھارتی شہر علی گڑھ میں تربیتی طیارہ VT-AVVگر کر تباہ ہو گیا۔
بھارتی جنگی طیارہ گر کر تباہ، وجہ کیا بنی؟ آپ بھی حیران رہ جائیں گے
طیارہ انجینئرز کی ٹیم کو لے کر جا رہا تھا۔طیارے میں سوار تمام افراد کو بچا لیا گیاہے۔

یاد رہے کہ پچھلے تین سالوں میں بھارت کے 27 جنگی جہاز تباہ ہو چکے ہیں۔ان میں جیٹ فائیٹر او ہیلی کاپٹر بھی شامل ہیں۔ صرف 11 ایسے واقعات میں بھارت کو 524.64 کروڑ کا نقصان پہنچا ہے۔

بھارتی ریاست جھارکھنڈ میں بچہ چوری کے الزام میں لوگوں کے ہجوم نے ایک خاتون کی پٹائی کر دی۔
بھارت، لوک سبھا میں ’ہجومی تشدد‘ اور’غیرت کے نام پر قتل‘ کو دہشت گردی قرار دینے کا مطالبہ
بھارتی میڈیا کے مطابق واقعہ گریڈیہہ میں پیش آیا جہاں ایک عورت اپنے بچے کو لے کر بینک سے پیسے نکالنے گئی تھی۔ اس دوران بچہ رونے لگ پڑا۔ بچے کو روتا دیکھ ایک اور عورت بچے کو چپ کروانے کے لیے اس کے ساتھ کھیلنے لگی۔ لیکن بچے کی ماں کو لگا کہ وہ بچہ چوری کرنے والی ہے۔

بچے کی ماں نے شور ڈال دیا کہ یہ عورت بچہ اغوا کرنے والی ہے۔ ہجوم نے اس عورت کی پٹائی کردی۔ پولیس نے آکر عورت کو ہجومی تشدد سے بچایا۔

یمن میں آئینی حکومت کی بحالی کے قائم عرب اتحاد کے مطابق سوموار کے روز حوثیوں کا ایک اور ڈرون طیارہ مار گرایا
تفصیلات کے مطابق یمن میں آئینی حکومت کی بحالی کے قائم عرب اتحاد کے مطابق سوموار کے روز حوثیوں کا ایک اور ڈرون طیارہ مار گرایا۔ یہ بمبار ڈرون طیارہ صنعاء سے سعودی عرب کے سرحدی شہر خمیس مشیط کی طرف چھوڑا گیا تھا مگر اتحادی فوج نےبروقت کارروائی کرکے اسے مار گرایا۔

ذرائع ابلاغ کے مطابق عرب اتحاد کے ترجمان کرنل ترکی المالکی نے بتایاکہ ایرانی حمایت یافتہ حوثی ملیشیا نے سوموار کوعلی الصباح صنعاء سے ایک بمبار ڈرون سعودی عرب کے سرحدی علاقے میں خمیس مشیط پر بمباری کے لیے چھوڑا تاہم اسے تباہ کردیا گیا ہے۔