Author: +9251

ڈپٹی چیئرمین سینیٹ سلیم مانڈوی والا نے کہا ہے کہ سابق صدر آصف زرداری کو ہسپتال منتقل کیا جائے

باغی ٹی وی کی رپورٹ کے مطابق سلیم مانڈوی والا کا کہنا ہے کہ ڈاکٹروں نے آصف زرداری کو فوری اسپتال منتقل کرنے کی تجویز دی ہے،آصف زرداری کو علاج کیلیے اسپتال منتقل کیا جائے ،حکومت آصف زرداری سےمتعلق ڈاکٹروں کی سفارشات پرعمل درآمد کرے،سلیم مانڈوی والا کا مزید کہنا تھا کہ آصف زرداری کو علاج معالجے کی بہتر سہولیات فراہم کی جائیں ،آصف زرداری کے طبی ٹیسٹ کرائے جائیں.

اڈیالہ جیل میں قید سابق پاکستانی صدر آصف علی زرداری کا بدھ کو جیل میں طبی معائنہ ہوا۔ طبی معائنہ کرنے والی ڈاکٹروں کی ٹیم نے انھیں فوری طور پر ہسپتال منتقل کرنے کی تجویز دے دی۔

قبل ازیں آصف زرداری کی بہن کی حالت کو بھی پولی کلینک ہسپتال کے ڈاکٹروں نے بھی تشویش ناک قرار دیا تھا۔ ڈاکٹروں نے کہا تھا کہ فریا ل تالپور کو ایسی حالت میں جیل منتقل کیا جانا درست نہیں ہو گا۔

دیگر سیاستدانوں کا بھی یہی حال ہے ۔ جب جیل میں جاتے ہیں تو ان کو خطرناک بیماری لاحق ہو جاتی ہے۔ لیکن جب جیل سے باہر ہوتے ہیں تو ان کو کوئی بیماری نہیں ہوتی۔ عوامی حلقوں نے سوال اٹھا یا کہ جب مذکورہ شخصیات لوٹ مار اور منی لانڈرنگ میں مصروف ہوتی ہیں تو تب انہیں کوئی بیماری لاحق نہیں ہوتی۔

آصف زرداری نے جیل میں سہولیات کے لئے عدالت میں درخواست دائر کی تھی جس پر عدالت نے فیصلہ دیتے ہوئے کہا تھا کہ ملزمان کو جیل کی جانب سے اے کلاس کی سہولیات نہیں ملیں گی ،ملزمان کو اپنے اخراجات پر تمام سہولیات رکھنے کی اجازت ہو گی،ملزمان اپنے خرچ پر اے سی، ٹی وی، کوکر،اخبار،فریج رکھ سکیں گے،آصف زرداری اورفریال تالپور کواٹینڈنٹ بھی اپنے خرچ پررکھنے کی اجازت ہو گی .

یاد رہے کہ کہ جعلی اکاونٹس کیس میں سابق صدر آصف زرداری نیب کی حراست میں ہیں، اسلام آباد ہائیکورٹ سے ضمانت کی درخواست مسترد ہونے کے بعد نیب نے زرداری ہاوس سے آصف زرداری کو گرفتار کیا تھا، آصف زرداری جسمانی ریمانڈ پر نیب کی تحویل میں ہیں. ان سے تحقیقات جاری ہیں، آصف زرداری کی ہمشیرہ فریال تالپورکو بھی نیب نے گرفتار کر رکھا ہے۔

وفاقی وزیر داخلہ اعجاز شاہ نے کہا ہے کہ فضل الرحمان کو اگر اسلام آباد کی طرف آنا آتا ہے تو ہمیں روکنا بھی آتا ہے، قانون کے دائرے میں رہ کر احتجاج کریں گے تو کینٹینر بھی دیں گے اور پانی بھی.

باغی ٹی وی کی رپورٹ کے مطابق وزیر داخلہ اعجاز شاہ نے کہا ہے کہ فضل الرحمان نےاسلام آباد کی طرف پیش قدمی کی تو لوگ انھیں خود روک لیں گے ، وفاقی وزیر داخلہ کا کہنا تھا کہ جو قانون کے دائرے میں رہ کر احتجاج کریں گے ان کو سہولیات دی جائیں گے ، کیٹینر اور پانی بھی فراہم کریں گے لیکن اگر قانون ہاتھ میں لیا گیا تو روکیں گے

قبل ازیں مولانا فضل الرحمان کی صدارت میں جے یو آئی کی مرکزی مجلس شوریٰ کا اجلاس ہوا جس میں اسلام آباد میں حکومت کے خلاف دھرنے کے حوالہ سے مشاورت کی گئی

مولانا فضل الرحمان حکومت کے خلاف اسلام آباد میں دھرنا دینے کے لئے متحرک ہو گئے، جے یو آئی کے اجلاس میں پارٹی رہنماؤں نے شرکت کی، اجلاس میں مقبوضہ کشمیرمیں بھارتی اقدام یو این او کی قراردادوں کی کھلی توہین قراردیا گیا،

مولانا فضل الرحمان کی زیر صدارت اجلاس میں اسلام آباد میں دھرنے کے حوالہ سے تاریخ پر مشاورت کی گئی ، باغی ذرائع کے مطابق مولانا فضل الرحمان اکتوبر میں اسلام آباد میں دھرنا دینا چاہتے ہیں.،

واضح رہے کہ اسلام آباد میں بلاول زرداری نے اپوزیشن جماعتوں کے قائدین کو افطار پارٹی دی تھی جس میں فیصلہ کیا گیا تھا کہ اسلام آباد میں عید کے بعد اپوزیشن جماعتوں کی اے پی سی مولانا کی زیر صدارت ہو گی. اس اے پی سی کے بعد چیئرمین سینیٹ کے خلاف عدم اعتماد کی تحریک لائی گئی جس میں اپوزیشن جماعتوں کو ناکامی ہوئی، بعد ازاں ایک اور اے پی سی ہوئی جس میں فیصلہ کیا گیا کہ اسلام آباد مارچ کریں گے،اس سے قبل مولانا فضل الرحمان ملک بھر میں ملین مارچ کر رہے ہیں، کراچی، سکھر لاہور سمیت مختلف شہروں میں ان کے پروگرام منعقد ہو چکے ہیں.

واضح رہے کہ مولانا فضل الرحمان پندرہ برس بعد کشمیر کمیٹی کے چیئرمین سے ہٹائے گئے کیونکہ وہ 2018 کا الیکشن ہار گئے تھے. الیکشن ہارنے کے بعد مولانا نے تحریک انصاف کی حکومت کو تسلیم کرنے سے انکار کرتے ہوئے احتجاجی تحریک کی دھمکی دی تھی جو ابھی تک جاری ہے.

جمعیت علماء اسلام ف کی مجلس شوریٰ‌ کا اجلاس ہوا ہے جس کی صدارت امیرجمعیت علماءاسلام فضل الرحمان نے کی،

باغی ٹی وی کی رپورٹ کے مطابق اجلاس کےپہلےروزمسئلہ کشمیرسرفہرست رہا، اسلام آباد لاک ڈاؤن پر مشاورت کل ہوگی، مولانافضل الرحمان نےاراکین کوملکی اوربین الاقوامی صورتحال پربریف کیا، مجلس شوریٰ اراکین نےبھارتی اقدام کویواین اوکی قراردادوں کی توہین قراردیا،

اجلاس میں‌پاس کردہ قرارداد میں کہا گیا ہے کہ مقبوضہ کشمیرمیں مسلسل کرفیوانسانی حقوق کی دھجیاں بکھیرنےکےمترادف ہے، انسانی حقوق کی تنظیمیں اب کہاں ہیں؟ انسانی حقوق کی تنظیموں کوبھارت کےظالمانہ اقدام کیوں نظرنہیں آئے؟