لاہور: کراچی سے لاہور آنے والی جناح ایکسپریس کوٹ رادھا کشن کے قریب گزشتہ روز بڑے حادثے سے بچ گئی۔جس کی وجہ سے شیخ رشید بھی اپوزیشن کے سخت ردعمل سے محفوظ رہے. ذرائع کے مطابق کوٹ رادھا کشن میں منڈی والے پھاٹک پر ٹرین گزرنے سے کچھ ہی دیر پہلے کنٹینر پھنس گیا تھا، ٹرین ڈرائیور کو بروقت اطلاع دینے پر جناح ایکسپریس کو جائے وقوعہ سے چند میٹر پہلے ہی روک لیا گیا تھا،
کوٹ رادھا کشن سے ذرائع کے مطابق ڈرائیورنے عقلمندی کا مظاہرہ کرتے ہوئے ٹرین کو روک کر بڑے حادثے سے بچا لیا ہے. بعد ازاں اہل علاقہ نے لوڈر کنٹینر کو ٹریکٹر کی مدد سے نکالا جس سے ٹرین کا راستہ بحال ہوا اور وہ لاہور کے لئے روانہ ہو گئی۔یاد رہے کہ ہر ٹرین حادثے کے بعد اپوزیشن اور متاثرین کی طرف سے شیخ رشید پر سخت تنقید کی جاتی رہی ہے اور استعفیٰ کا مطالبہ بھی کیا جاتا رہا ہے. لیکن آج جناح ایکسپریس بڑے حادثے سے بال بال بچ جا نے کے بعد شیخ رشید بھی مخالفین کے عتاب سے بچ گئے ہیں.
