Author: +9251

بھارتی فوج کےایک جوان کی ویڈیو سوشل میڈیا پر وائرل ہوئی ہے جس میں بھارتی فوجی اپنے افسران کےرویے کی شکایت کررہاہے، اس ویڈیو کے وائرل ہونے کے بعد شدید ردعمل آ رہا ہے،

باغی ٹی وی کی رپورٹ کے مطابق مذکورہ بھارتی فوجی فیملی ویلفیئرمیں فوجیوں کی بیگمات کےاستحصال کی بھی شکایت کر رہا ہے اور کہا گیا ہے کہ فوجی افسران کےسامنے جوانوں کی بیگمات کو رقص پر مجبور کیا جاتا ہے،

ابتک ٹی وی کی رپورٹ‌ کے مطابق بھارتی فوجی احتجاج کرتے ہوئے کہتا ہے کہ بھارتی فوج کےجوانوں کوافسران کےرویوں نےمسلسل تناؤمیں مبتلاکر رکھا ہے، ہندوستانی فوجی نے مطالبہ کیا ہے کہ فیملی ویلفیئرمیں جوانوں کےخاندانون کےاستحصال کوختم کیاجائے، واضح‌ رہے کہ اس سے پہلے بھی بھارتی فوجیوں‌کی اس نوعیت کی ویڈیوز منظر عام پر آتی رہتی ہیں،

سعودی عرب، متحدہ عرب امارات سمیت خلیجی ریاستوں میں عیدالاضحیٰ مذہبی عقیدت و احترام کے ساتھ منائی جا رہی ہے۔

عیدالاضحیٰ کا سب سے بڑا اجتماع مسجدالحرام میں ہوا جبکہ مسجد نبوی ﷺ میں بھی نماز عید ادا کی گئی۔ متحدہ عرب امارات میں نماز عید کا بڑا اجتماع شیخ زاید مسجد ابوظہبی میں ہوا۔

سعودی عرب سمیت خلیجی ممالک میں آج عیدالاضحی منائی جا رہی ہے، مسجد الحرام اور مسجد نبوی میں نماز عید کے سب سے بڑے اجتماعات ہوئے جن میں لاکھوں فرزندان توحید اپنے مالک کے حضور سربسجود ہو کر اس دنیا میں عطا کردہ بے پایاں نعمتوں کا شکر بجا لاتے نظر آئے۔
دنیا بھر سے آئے لاکھوں مسلمان گزشتہ روز حج کے رکن اعظم کے بعد آج عید الاضحی منانے میں مصروف ہیں، مسجد الحرام اور مسجد نبوی میں نماز عید کے روح پرور اجتماعات منعقد ہوئے جن میں امت مسلمہ کی خوشحالی اور کامیابی کے لیے دعائیں مانگی گئیں۔ اس موقع پر آئمہ کرام نے خطبہ عید میں فلسفہ قربانی کی اہمیت پر روشنی ڈالی اور مسلمانوں کو اسوہ حسنہ پر عمل کرنے کی ہدایت کی۔ انھوں نے خدا کے احکامات کے تحت اس فانی دنیا کی بجائے آخرت کیلئے زندگیاں وقف کرنے کا درس دیا۔

حجاج کرام نماز عید کے بعد منیٰ روانہ ہو گئے جہاں سنت ابراہیمی کی پیروی کرتے ہوئے قربانی کی جا رہی ہے۔ منیٰ، مکہ، جدہ مدینہ اور دیگر شہروں میں خصوصی مذبح خانوں کا اہتمام کیا گیا۔ حجاج شیطان کو کنکریاں مارنے، قربانی کے بعد سر منڈوا کر احرام کھول دیں گے اور طواف زیارت کریں گے۔
دبئی، شارجہ اور دیگر ریاستوں میں بھی نماز عید کے اجتماعات منعقد ہوئے۔اس کے علاوہ فلسطین، عراق، افغانستان، انڈونیشیا اور تھائی لینڈ میں بھی مسلمان عیدالاضحیٰ منا رہے ہیں۔
ترکی، کویت کے علاوہ نائیجیریا سمیت کئی افر یقی ممالک میں بھی عیدالاضحی آج مذہبی جوش و خروش کے ساتھ منائی جا رہی ہے