Author: +9251

وزیراعظم عمران خان کی زیر صدارت قومی ترقیاتی کونسل کا پہلا اجلاس ہوا ہے جس میں‌ بلوچستان کی ترقی،گوادر کے ماسٹر پلان،سی پیک اتھارٹی کے قیام پر غور کیا گیا،

باغی ٹی وی کی رپورٹ کے مطابق اجلاس کے بعد جاری کردہ اعلامیہ میں کہا گیا ہے کہ ضم شدہ قبائلی اضلاع کے لیےترقیاتی منصوبے تیز کرنے پرتبادلہ خیال کیا گیا ہے، اجلاس کے دوران فیصلہ کیا گیا ہے کہ بلوچستان کیلیےاگلے9سال تک سالانہ ترقیاتی اخراجات بڑھانےکی ہرممکن کوشش ہوگی،

اعلامیہ میں یہ بھی کہا گیا ہے کہ سالانہ ترقیاتی اخراجات بڑھانے سے بلوچستان کے ترقیاتی چیلنجز پر قابو پایا جا سکے گا،

وزیر خارجہ شاہ محمود قریشی کی جانب سے مقبوضہ جموں وکشمیر کی صورتحال پرڈپلو میٹک کور کو بریفنگ دی گئی ہے. اس دوران گفتگو کرتے ہوئے انہوں نے کہا ہے کہ بھارت کی کشمیرکی آئینی حیثیت کوختم کرنےکی کوشش کوہم مسترد کرتےہیں، بریفنگ میں ڈپلومیٹک کورکی کثیر تعداد میں شرکت اور غیر معمولی دلچسپی ظاہر کی گئی،

باغی ٹی وی کی رپورٹ کے مطابق شاہ محمود قریشی نے کہاکہ وزیراعظم نےکہا تھا کہ اگر بھارت ایک قدم بڑھائے گا تو ہم دو قدم بڑھائیں گے، پاکستان اوربھارت تصفیہ طلب امورکودوطرفہ مشاورت سےحل کرنےکےپابندتھے، بھارت نےہمیشہ مذاکرات سےراہ فرار اختیار کی، یورپی یونین کی نمائندہ سےرابطےمیں اس معاملےپرتفصیلی تبادلہ خیال ہوا، اقوام متحدہ سیکیورٹی کونسل نے کشمیر کے متنازع معاملےکو تسلیم کیا، انہوں نے کہاکہ بھارت ہمدردی حاصل کرنےکےلیےپلوامہ طرزکاکوئی ڈرامہ کرسکتاہے،

شاہ محمود قریشی نے کہاکہ یہ سیکیورٹی کونسل کےایجنڈاپرموجودہے، بھارت کایہ اقدام کشمیر پر بھارتی تسلط کومزید بڑھانے کے لیےکیا گیا، بھارت نےگورنرراج کےبعدصدارتی راج لگایااوراب مزیدآگےبڑھنےکی کوشش کی، جموں وکشمیرکوایک یونین علاقہ اورلداخ کودوسرایونین علاقہ قراردیاگیا، لائن آف کنٹرول کی خلاف ورزیوں میں بھارت کی جانب سےتیزی آئی ہے،