Author: +9251

بھارتی ایئرفورس کا ایک جنگی طیارہ ریاست آسام میں گر کر تباہ ہو گیا ہے، تباہ ہونے والا طیارہ ایس یو تھرٹی بتایا جاتا ہے جو تیز پور علاقہ میں گر کر تباہ ہواہے،

باغی ٹی وی کی رپورٹ‌ کے مطابق ہندوستانی میڈیا کا کہنا ہے کہ طیارے میں دو پائلٹ سوار تھے جو اس حادثہ میں شدید زخمی ہوئے ہیں، دونوں‌ کو ریسکیو کر لیا گیا اور ہسپتال پہنچا کر طبی امداد فراہم کی جارہی ہے، کہا گیا ہے کہ لڑاکا طیارہ فنی خرابی کی وجہ سے اچانک گر کر تباہ ہوا،

بھارتی میڈیا کا یہ بھی کہنا ہے کہ بھارتی ایئرفورس کے زیر استعمال ایس یو تھرٹی طیارہ خوش قسمتی سے آبادی پر نہیں گرا جس سے بڑے نقصان سے بچت ہو گئی، طیارے کی تباہی کے بعد ملبے کو تحویل میں جبکہ پائلٹس کو ریسکیو کرلیا گیا جبکہ جائے وقوعہ کو سیل کر دیا گیا تاکہ بلیک باکس حاصل کیا جاسکے، یاد رہے کہ 2015 میں بھی تیز پور کے علاقے میں ایس یو تھرٹی جنگی طیارہ گرکر تباہ ہوا تھا، ہندوستانی میڈیا کا کہنا ہے کہ رواں سال فروری سے لے کر اب تک بھارتی فضائیہ کو نقصانات کا سامنا کرنا پڑ رہاہے، فروری میں پاکستانی ائیرفورس نے بھارت کا مگ طیارہ مار گرایا تھا جس کے بعد مارچ میں ایک مگ 27 طیارہ جودھ پور میں تباہ ہوا تھا، قبل ازیں بھارتی فضائیہ نے اپنے ہی ہیلی کاپٹر کو میزائل مار کر گرا دیا تھا جس پر اسے سبکی کا سامنا بھی کرنا پڑا تھا.

بھارتی وزیر اعظم نریندر مودی نے کہا ہے کہ جموں‌ کشمیر کی خصوصی حیثیت ختم کرنے سے جو فائدے بھارت میں عوام کو مل رہے ہیں وہ کشمیریوں‌ کو بھی ملیں گے، انہیں روزگار ملے گا، جموں کشمیر اور لداخ کے لوگوں‌ کو پولیس، فوج اور نیم فوجی دستوں میں بھرتی کیا جائے گا، بھرتی میلہ کا انعقاد کیا جائے گا اور کشمیری روزگار حاصل کر سکیں گے،

باغی ٹی وی کی رپورٹ کے مطابق نریندر مودی نے جمعرات کی رات عوام سے خطاب میں کشمیری عوام کو ترقی و روزگار کے خواب دکھاتے ہوئے کہاکہ سردار پٹیل نے جو خواب دیکھا تھا اسے پورا کیا گیا ہے، آرٹیکل 370 کو ہٹائے جانے کے بعد اب ملک بھر کے تمام شہریوں کے حقوق برابر ہیں اور ان کے فرائض بھی یکساں ہیں، اب جموں و کشمیر کے عوام کو بھی تمام حقوق میسر ہوں گے، جموں‌ کشمیر کی ترقی میں‌رکاوٹیں‌ دور ہو گئی ہیں،

نریندر مودی نے کہاکہ بی جے پی کی حکومت نے جو قدم اٹھائے ہیں ان کی وجہ سے کشمیر کی صورتحال بہتر ہو گی، لداخ اور جموں کشمیر میں ترقی کا نیا دور شروع ہو گا، دہائیوں کی اقربا پروری نے جموں وکشمیر کے نوجوانوں کو قیادت کا موقع ہی نہیں دیا تھا اب جموں‌ کشمیر کے نوجوانوں میں سے قیادت آگے آئے گی، انہوں نے کہاکہ کشمیر میں کچھ دیر تک مرکز کی حکومت ہو گی پھر جموں‌ کشمیر میں یہ نظام نہیں رہے گا اور کشمری کی نوجوان قیادت خود انتظام سنبھالے گی، کشمیری نوجوان مت گھبرائیں یہ ان کی اپنی اسمبلی ہو گی،

واضح‌ رہے کہ بھارت کی اپوزیشن جماعتوں نے آرٹیکل 370 ختم کئے جانے کی شدید مذمت کی ہے، کشمیری عوام نے بھارتی وزیر اعظم کے دعووں‌ کو دھوکہ اور دنیا کو گمراہ کرنے کی کوشش قرار دیا ہے،