وزیر خارجہ شاہ محمود قریشی نے کہا ہے کہ بھارت ایل اوسی کی مسلسل خلاف ورزیاں کررہا ہے، پاکستان ایل او سی پر بھارتی خلاف ورزیوں کی نشاندہی کرتا رہا ہے،

باغی ٹی وی کی رپورٹ کے مطابق انہوں نے کہاکہ مقبوضہ کشمیرکی صورتحال کے پیش نظر پارلیمنٹ کی کشمیر کمیٹی کا خصوصی اجلاس ہوا ہے جس میں ہم نےکشمیرکی صورتحال اورآیندہ کےلائحہ عمل سےمتعلق تفصیلی گفتگوکی ہے، کشمیرکی صورتحال پرجو نئی بین الاقوامی رپورٹس سامنے آئی ہیں ان پربات ہوئی ہے،

شاہ محمود قریشی نے کہاکہ ہم افغان امن عمل میں اپنا کردارنیک نیتی سے ادا کر رہے ہیں، مشرقی سرحد پر کشیدگی ہمارے لیے تشویشناک ہے، مقبوضہ کشمیرمیں طاقت کا بے دریغ استعمال انتہائی افسوناک ہے، مودی حکومت نے پاکستان مخالف بیانیے پر ووٹ لیے، مودی حکومت پاکستان کیساتھ مل بیٹھنے پرہچکچاہٹ کا شکارہے، کشمیر کمیٹی کے ممبران کو دفترخارجہ میں دعوت دی گئی تھی، مسئلہ کشمیر پر پارلیمنٹ متفق ہے، کل خارجہ تعلقات کمیٹی اجلاس میں بھی تمام جماعتوں کو اعتماد میں لیا جائے گا،آج تمام سیاسی جماعتوں نے مسئلہ کشمیر پر یک زبان ہوکر ایک ہونے کا ثبوت دیا، مقبوضہ کشمیرمیں بھارت کیجانب سے10ہزاراضافی فوجی دستوں کی تعیناتی کی اطلاعات ہیں، مقبوضہ کشمیرمیں سیکیورٹی کی صورتحال کے مزید بگڑنے کا امکانات ہیں،

چیئرمین کشمیر کمیٹی سید فخر امام نے کہا ہے کہ امریکی صدر کے بیان پر بھارت میں شدید رد عمل آیا ہے،

باغی ٹی وی کی رپورٹ کے مطابق انہوں نے کہاکہ ٹرمپ نےعمران خان سےجو بات کی اس سےپہلے70 سال میں ایسی بات نہیں ہوئی، سلامتی کونسل کے5مستقل ممبران جائیں ٹرمپ کےبیان کےبعداس سلورلائن کواجاگر کریں، نریندرمودی کی جانب سے امریکی صدر کے بیان کی تردید نہیں کی گئی،

سید فخر امام نے کہاکہ بھارت کی جانب سے 10 ہزار اضافی فوجی دستوں کی تعیناتی کی اطلاعات تشویشناک ہیں، کشمیریوں‌کی قربانیاں‌ رائیگاں نہیں‌ جائیں گی اور انہیں‌ آزادی مل کر رہے گی،

اکرم خان درانی کی زیرصدارت رہبر کمیٹی کا اپوزیشن چیمبر میں اجلاس ہوا ہے جس میں نیئرحسین بخاری،ایاز صادق،عثمان کاکڑاورطاہر بزنجو شریک ہیں،

باغی ٹی وی کی رپورٹ کے مطابق اپوزیشن کی رہبرکمیٹی کے اجلاس میں ہاشم بابر،شفیق پسروری بھی شریک ہوئے، اجلاس میں میاں افتخار،فرحت اللہ بابر،احسن اقبال شریک نہ ہوئے، اجلاس میں کل چیئرمین سینیٹ کے خلاف تحریک عدم اعتماد کے حوالہ سے مشاورت کی گئی،

واضح‌ رہے کہ چیئرمین سینیٹ کے خلاف تحریک عدم اعتماد کے حوالہ سے اجلاس کل ہو گا. اس سلسلہ میں‌اپوزیشن جماعتوں کی طرف سے بھرپور رابطے کئے جارہے ہیں، دوسری طرف حکومتی ذمہ داران بھی تحریک عدم اعتماد ناکام بنانے کیلئے کاوشیں کر رہے ہیں،