Author: +9251

وزیر اعظم کے مشیر برائے موسمیاتی تبدیلی ملک امین اسلم نے کہا ہے کہ پاکستان کا 75 فیصد علاقہ صحراء زدگی کے نشانے پر ہے جبکہ عالمی سطح پر یہ شرح 35 فیصد ہے۔ 10 ارب درختوں کا ہدف وزیر اعظم عمران خان کی قیادت میں محنت اور لگن سے حاصل کریں گے۔

باغی ٹی وی کی رپورٹ کے مطابق آج سے پانچ سال پہلے عمران خان نے جب ایک ارب درخت لگانے کا خواب دیکھا تھا تو کسی کو یقین نہیں آتا تھا۔ آج عالمی سطح پر خیبر پختونخواہ کے منصوبے کی تعریف کی جارہی ہے اور تمام عالمی اداروں نے نہ صرف اس کو اعلیٰ درجہ بندی سے نوازا بلکہ دیگر ممالک کیلئے اس منصوبہ کو بطور مثال بھی پیش کر رہے ہیں۔ یہی وجہ ہے کہ چین جیسے دوست ممالک 10 بلین ٹری سونامی میں گہری دلچسپی لے رہے ہیں۔

ان خیالات کا اظہار انہوں نے روالپنڈی میں ایک سیمینار سے خطاب کرتے ہوئے کیا۔بروز بدھ منصوبہ برائے پائیدار زمینی نظام نے پیر مہر علی شاہ بارانی یونیورسٹی کے تعاون سے صحرا ء زدگی کے تدارک کے موضوع پر ایک سیمینار کا اہتمام کیا۔ سیمینار سے مشیر برائے موسمیاتی تبدیلی اور وائس چانسلر بارانی یونیورسٹی کے علاوہ دیگر نے بھی خطاب کیا۔ سیمینار سے خطاب کرتے ہوئے مشیر نے کہا کہ پاکستان موسمیاتی تبدیلیوں کے حوالے سے بہت حساس ملک ہے۔ یہی وجہ ہے کہ پاکستان کا شمار ان ممالک کی فہرست میں ہوتا ہے جن کو موسمیاتی تبدیلیوں کی پاداش میں شدید خطرات لاحق ہیں۔ انہوں نے بتایا کہ پاکستان کا جغرافیہ ایسا ہے کہ شمال میں رو نما ہونے والے عوامل جنوب میں حوادث کی شکل اختیار کر جاتے ہیں۔ انہوں نے اپنے خطاب میں آکسفورڈ یونیورسٹی کی ایک تحقیق کا حوالہ دیتے ہوئے کہا کہ موسمیاتی تغیرات سے نمٹنے کیلئے سب سے آسان، سستی اور قابل عمل تدبیر شجر کاری ہے۔

انہوں نے کہا کہ صحرا ء زدگی موسمیاتی تبدیلیوں کی ہی مرہون منت ہے۔ موجودہ حکومت منصوبہ برائے پائیدار زمینی نظام اور بارانی یونیورسٹی کی سفارشات پر پہلے ہی عمل کر رہی ہے۔ یہی وجہ ہے کہ وفاقی کابینہ نے فیصلہ کیا ہے کہ زرخیز زمین کو شہری آبادی میں تبدیل نہ کیا جائے اور اس ضمن میں وفاقی کابینہ نے شہروں میں فلک بوس عمارات کی تعمیر کی اجازت دی ہے تاکہ شہری آبادکاری پوری دنیا کی طرح عمودی سمت میں ہو نہ کہ افقی سمت میں۔ یاد رہے کہ 2019 عالمی کنونشن برائے تدارک صحرا زدگی کی سلور جوبلی کا سال ہے جس کا تھیم ہے آؤ اپنا مستقبل اگائیں۔ پاکستان مذکورہ کنونشن کا رکن ہے جبکہ اس کنونشن پر اب تک 197 ممالک دستخط کر چکے ہیں۔ سیمینار سے خطاب کرتے ہوئے مقررین نے منصوبہ برائے پائیدار زمینی نظام کے خدوخال بیان کیے اور اس منصوبہ کے تحت ہونے والی پیش رفت سے آگاہ کیا۔ حاضرین کو بتایا گیا کہ اس منصوبہ کا پہلا مرحلہ کامیابی سے مکمل کر لیا گیا ہے جس کو قومی و عالمی اداروں کی پذیرائی حاصل ہوئی ہے۔ حاضرین کو بتایا گیا کہ اس منصوبہ کی خاص بات اس میں جدید ترین ٹیکنالوجی کا استعمال کیا جانا ہے۔ وفاقی وزیر نے سیمینار کے منتظمین میں امتیازی شیلڈز بھی تقسیم کیں۔
محمد اویس

میٹرو پولیٹن کارپوریشن نے سی ڈی اے سروس ریگولیشن اور فنانشنل رولز ایڈا پٹ کرنے کی منظوری ملتوی کر دی ، مویشی منڈی کی دوبارہ نیلامی ہو گی میئر اسلام آباد شیخ انصر عزیز کا آئندہ ہفتے ایم سی آئی کے اختیارات کے حصول کے لیے سپریم کورٹ جانے کا اعلان ،

باغی ٹی وی کی رپورٹ کے مطابق میٹرو پولیٹن کارپوریشن کا 31 واں اجلاس میئر شیخ انصر عزیز کی زیر صدارت پاک چائینہ فرینڈ شپ سنٹر میں منعقد ہوا اراکین نے اے سی اور پنکھوں کے بغیر اجلاس اٹینڈ کیا اجلاس میں سی ڈی اے سروس ریگولیشنز اینڈ فنانشنل رولز ایڈاپٹ کرنے کی منظوری ملتوی کر دی گئی پی ٹی آئی نے سی ڈی رولز ایڈاپٹ کرنے کی مخالفت کی راجہ شیرزا کیانی نے کہا کہ آپ لوگ اکثریت میں ہیں لیکن ہم سی ڈی اے رولز اپنانے کی منظوری نہیں دیں گے چوہدری اظہر نے کہا کہ ڈی ایم اے میں کرپشن کے خلاف آج تک نیب کو کیس کیوں نہیں بھیجا گیا ڈ ی ایم اے افسران فون نہیں اٹھاتے اور ایوان کی ٹیکس ریٹس کی نظر ثانی کمیٹی کے ساتھ تعاون نہیں کیا جا رہا ہمیں ریکارڈ نہیں دیا جا رہا منڈی مویشاں ٹھیکے پر دینے کی بجائے ایون کی کمیٹی بنائی جائے تو ڈی ایم اے کے ساتھ ملکر منڈی مویشیاں چلائے سپریم کورٹ کے حکم پر بلدیاتی الیکشن ہوئے میئر صاحب بتائیں کہ وہ اختیارات کے حصول کے لیے سپریم کورٹ کیوں نہیں گئے ساڑھے تین سال میں ایک احتجاج کی کال نہیں دی ڈی چوک میں بھی نہیں گئے اس ایوان نے آپ کو منتخب کیا ہے اس کے تقدس کا خیال کریں میں آپ کی جگہ ہوتا تو کب کا میئر کے عہدے سے استعفیٰ دے چکا ہوتا خواتین ممبران کو اجلاس میں بلایا جات اہے لیکن آج تک انکو اختیارات نہیں ملے،

ساجد عباسی نے کہا کہ ڈی ایم اے کی جانب سے منڈی مویشاں کی نیلامی ڈمی تھی میری تجویز ہے کہ منڈی مویشاں کا ٹھیکہ نہ دیں485 کھوکھوں کی منظوری قومی اسمبلی اور ایم سی آئی دے چکی ہے سپریم کورٹ کے سامنے حقائق رکھیں جائیں یا ان غریب لوگوں کے متبادل روزگار کا بندو بست کیا جائے ملک عامر نے کہا کہ تجاوزات کے خلاف آپریشن بلا امتیاز کیا جائے سردارمہتاب نے کہا کہ چیئرمین سی ڈی اے وائسرائے بن چکے ہیں ان کو تبدیل کیا جائے،

یوسی چیئرمین کھنہ ڈاک ملک ثناءنے کہا کہ میری یوسی کی منڈی سے لاکھوں روپے بھتہ افسران کو جاتا ہے میری یوسی میں تجاوزت کے خلاف کاروائی کی جائے 485 کھوکھوں کے خلاف کاروائی ہونے سے فرق نہیں پڑتا ڈسپلن اور فیصلے تمام لوگوں کے لیے ایک جیسے ہونے چاہیے اس موقع پر میئر شیخ انصر عزیز نے کہا کہ منڈی مویشاں ایک مرتبہ پھر آکشن کریں گے کم بولی آنے کی صورت میں قانون کے مطابق کریں گے مسلم لیگ ن کے دور حکومت میں یونین کونسلوں کے لیے منظور ہو نے والے فنڈز حکومت تبدیل ہونے کے بعد نہیں ملے ممبران قومی اسمبلی پی ٹی آئی یا مسلم لیگ ن کے ہوںوہ نہیں چاہتے کہ بلدیاتی سسٹم کامیاب ہو سی ڈی اور ایم سی آئی سٹاف تجاوزات کے خلاف جاری آپریشن میں بھتہ دینے والوں کے خلاف کاروائی کے وقت غائب ہو جاتا ہے ایم سی آئی کا سی ایم او چیف کمشنر آفس یا سی ڈی اے سے ہی آتا ہے وزارت داخلہ میں ایم سی آئی کی جنگ لڑنے کے لیے رراجہ شیراز کیانی اور ذیشان نقوی سمیت اراکین پر مشتمل کمیٹی بنائی اب اجلاس کرنا اور وزارت داخلہ میں ایم سی آئی کے لیے بات کرنا کمیٹی کا کام ہے میں کمیٹی کے ساتھ تعاون اور رہنمائی کے لیے موجود ہوں آ ئندہ ہفتے ایم سی آئی کے اختیارات کے حصول کے لیے سپریم کورٹ جاﺅں گا،
محمد اویس