Author: +9251

پولنگ ایجنٹ کے انتخابی حلقے سے ہونے پر اعتراضات کی سماعت، فیصلہ محفوظ کر لیا گیا.

الیکشن کمیشن نے پولنگ ایجنٹ کے انتخابی حلقہ ہی سے ہونے کے قانون میں ترمیم پر اعتراضات کے کیس کی سماعت ہوئی، جس پر الیکشن کمیشن نے فیصلہ محفوظ کرلیا۔ سماعت کے موقع پر تحریک انصاف کراچی کے رکن صوبائی اسمبلی کی وکیل الیکشن کمیشن میں پیش ہوئے اور مؤقف اختیار کیا کہ جہاں ووٹر رہتا ہے، وہاں کا پولنگ ایجنٹ ہونا خطرے سے خالی نہیں۔ بطور پی ٹی آئی ووٹر اور سپورٹر کوئی خود کو ایم کیو ایم کے سامنے ایکسپوز نہیں کر سکتا۔ خود کو ایم کیو ایم کے سامنے ایکسپوز کرنا خطرے سے خالی نہیں۔ وکیل عابدہ بخاری نے دلائل میں کہا کہ دوسری یونین کونسل سے ووٹر ہو تو اس کی تفصیلات کا مخالفین کو علم نہیں ہوگا۔ ملک میں شرح خواندگی کم ہے، اس لیے بھی پولنگ ایجنٹس کے لیے علاقہ مختص نہیں کیا جا سکتا۔

الیکشن کمیشن کے ممبر سندھ نثار درانی نے کہا کہ کیا پی ٹی آئی کے پاس پولنگ ایجنٹ بننے کے لیے مقامی لوگ نہیں ہیں؟ جس پر وکیل نے جواب دیا کہ لوگ ہونا مسئلہ نہیں، بات بنیادی حقوق اور قانون کی ہے۔ امیدوار کے لیے حلقے سے ہونا ضروری نہیں تو پولنگ ایجنٹ کے لیے کیسے ہو سکتا؟۔ رکن پختونخوا اکرام اللہ نے کہا کہ پولنگ ایجنٹس کا کام مقامی ووٹرز کی پہچان ہوتا ہے تاکہ جعلی ووٹ نہ ڈل سکے۔ باہر سے آیا پولنگ ایجنٹ مقامی ووٹرز کو کیسے جانتا ہوگا؟۔ جس پر وکیل نے جواب دیا کہ جس علاقے میں میرا ووٹ ہے میں وہاں نہیں رہتی۔ میرے علاقے کا پولنگ ایجنٹ مجھے کیسے پہچان سکتا ہے؟۔

چیف الیکشن کمشنر نے دوران سماعت ریمارکس دیے کہ اجنبی پولنگ ایجنٹ پولنگ اسٹیشن میں کیا کرے گا، جب وہ کسی کو جانتا ہی نہیں ہوگا۔ ووٹرز کی اکثریت وہاں ہی رہتی ہے جہاں ان کا ووٹ ہو۔ جماعت اسلامی کے وکیل سیف اللہ گوندل نے اپنے دلائل میں کہا کہ کراچی بلدیاتی الیکشن کے لیے پولنگ ایجنٹس کی تیاری مکمل کر چکے ہیں۔ انتخابات سے چند دن پہلے رولز میں ترمیم سے سیاسی جماعتوں کو مشکلات ہوں گی۔ رول میں ترمیم کو عام انتخابات سے لاگو کیا جائے۔

ڈی جی لا الیکشن کمیشن نے کہا کہ قانون کے تحت حلقے میں ایک الیکشن ایجنٹ ہوتا ہے وہ بھی حلقے سے ہونا لازمی ہے۔ الیکشن ایجنٹ حلقے سے ہونا لازمی ہے تو پولنگ ایجنٹ بھی مقامی ہونا چاہیے۔ ممبر کے پی نے سوال کیا کہ کیا رولز میں ایسی ترمیم کی جا سکتی ہے کہ وہ ایکٹ کا حصہ نہ ہو؟ جس پر ڈی جی لا نے بتایا کہ رولز میں ترمیم کرنا کمیشن کا اختیار ہے۔ تجویز اور تائید کنندہ حلقے سے نہ ہو تو امیدوار کے کاغذات منظور نہیں ہوسکتے۔
مزید یہ بھی پڑھیں؛
اوگرا نے گیس چوہتر فیصد تک مہنگی کرنے کی منظوری دے دی
عمران خان پاکستان کی نہیں بلکہ کسی اور کی ترجمانی کر رہے. شیری رحمان
ڈاکوؤں نے جہیز کا سامان لوٹ کر گھر کے واحد کفیل کوبھی قتل کردیا
پی ڈی ایم، پی پی پی، پی ٹی آئی ٹرائیکا نے ہماری تہذیب، سماج، سیاست اور معیشت سمیت سب کچھ تباہ کردیانسراج الحق
ممبر بلوچستان نے کہا کہ بعض علاقوں میں کسی کی جرات نہیں کہ دوسرے کا پولنگ ایجنٹ بن سکے۔ ایم کیو ایم کا کسی دور میں سلسلہ تھا کہ کسی دوسرے کو پولنگ ایجنٹ نہیں ملتے تھے۔ دلائل مکمل ہونے کے بعد الیکشن کمیشن نے رول 58 میں ترمیم پر اعتراضات پر سماعت مکمل کر تے ہوئے فیصلہ محفوظ کرلیا۔

اے این ایف کارروائیاں؛ مدینہ، جدہ اور ترکیہ جانیوالے مسافروں سے منشیات برآمد

 اے این ایف نے مدینہ، جدہ اور ترکیہ جانے والے مسافروں کے علاوہ دیگر کارروائیوں میں بھاری مقدار میں منشیات برآمد کرلی۔ترجمان اینٹی نارکوٹکس فورس کے مطابق اسلام آباد انٹرنیشنل ائرپورٹ فلائٹ نمبر ER 1805 سے مدینہ جانے والے شخص کے ٹرالی بیگ سے 2 کلو 982 گرام آئس اور 8000 نشہ آور گولیاں برآمد کرلی گئیں۔ ملزم جہلم کا رہائشی ہے۔

دوسری جانب اے این ایف اور اے ایس ایف نے باچا خان انٹرنیشنل ائرپورٹ پشاور پر مشترکہ کارروائی میں فلائٹ نمبر SV 797 سے جدہ جانے والے شخص کے بیگ سے 1 کلو 624 گرام ہیروئین برآمد کرلی۔ ملزم بنوں کا رہائشی ہے۔ تیسری کارروائی لاہور انٹرنیشنل ائرپورٹ پر کی گئی، جہاں فلائٹ نمبر PK 707 سےترکیہ جانے والے شخص کے پیٹ سے 36 ہیروئن بھرے کیپسول برآمد کرلیے گئے۔ ملزم جہلم کا رہائشی بتایا جاتا ہے۔
مزید یہ بھی پڑھیں؛
اوگرا نے گیس چوہتر فیصد تک مہنگی کرنے کی منظوری دے دی
عمران خان پاکستان کی نہیں بلکہ کسی اور کی ترجمانی کر رہے. شیری رحمان
ڈاکوؤں نے جہیز کا سامان لوٹ کر گھر کے واحد کفیل کوبھی قتل کردیا
پی ڈی ایم، پی پی پی، پی ٹی آئی ٹرائیکا نے ہماری تہذیب، سماج، سیاست اور معیشت سمیت سب کچھ تباہ کردیانسراج الحق
علاوہ ازیں کراچی میں کیماڑی کے قریب کارروائی کرتے ہوئے رکشہ سے 12 کلو چرس برآمد کرلی گئی جو مختلف علاقوں میں رکشہ ہی کے ذریعے پھیلائی جانی تھی۔ اُدھر چمن میں فرینڈشپ گیٹ پر 2 افغان باشندوں کو پاکستان منشیات لاتے ہوئے گرفتار کرلیاگیا۔ ملزمان سے 5 کلو 500 گرام آئس اور 490 گرام ہیروئین برآمد کرلی گئی ہے۔ گرفتار افراد نے منشیات ٹرنک (بکس) کے اندر بنائے گئے خفیہ خانے میں چھپائی ہوئی تھی۔ اینٹی نارکوٹکس فورس نے تمام گرفتار ملزمان کے خلاف مقدمات درج کرکے تحقیقات شروع کردی ہے۔

عمران خان پاکستان کی نہیں بلکہ کسی اور کی ترجمانی کر رہے. شیری رحمان

وفاقی وزیر شیری رحمان کا کہنا ہے کہ عمران خان کا پاکستان افغانستان خارجی امور اور دہشت گردی سے متعلق بیان قابل مذمت ہے، جبکہ بطور سابق وزیراعظم عمران خان پاکستان کی نہیں بلکہ کسی اور کی ترجمانی کر رہے ہیں۔ اور عمران خان کو تاریخ کی اتنی ہی جانکاری ہے جتنی جرمنی اور جاپان کی جغرافیہ کی ہے.

ان کا مزید کہنا تھا کہ عمران خان دور میں پاکستان تنہا ہوا ،وہ آج بلاول بھٹو کو خارجہ امور پر بھاشن دے رہے ہیں۔ جبکہ بلاول بھٹو کی 8 ماہ کی سفارتی کامیابی کا عمران خان کے 4 سال کی سفارتی تنہائی سے موازنہ نہیں۔ اور عمران خان ملک کو سفارتی دلدل میں ڈال کر گئے تھے۔ انہوں نے کہا کہ عمران خان نے بہادر پولیس کی بھی دل آزاری کی ہے.

وفاقی وزیر ماحولیاتی تبدیلی شیری رحمان نے کہا کہ ہماری پولیس اور قانون نافذ کرنے والے ادارے دہشتگردوں کے خلاف صف اول میں کھڑے ہیں۔ جبکہ پولیس ہماری دفاع کی پہلی لائن ہے۔ اور پولیس کی حوصلہ افزائی کے بجائے عمران خان ان کی حوصلہ شکنی کر رہے ہیں۔

یاد رہے کہ اس سے قبل سابق وزیر اعظم عمران خان کا کہنا تھا کہ ٹی ٹی پی کے پاس امریکا کا اسلحہ ہے اس لئے خیبرپختونخوا پولیس دہشتگردوں سے نہیں لڑ سکتی۔ ملک میں دہشت گردی کے حوالے سے منعقدہ سینمار سے خطاب کے دوران عمرانخان نے کہا کہ ملک میں دہشت گردی بڑھ رہی ہے، اس سے وقت پر نہ نمٹا گیا تو اس کے منفی اثرات ہوں گے، ماضی میں بھی دہشت گردی کے خلاف جنگ میں پاکستان کو نقصان ہوا۔

عمران خان کا کہنا تھا کہ نائن الیون کے واقعے میں کوئی پاکستانی ملوث نہیں تھا، اس وقت پرویز مشرف نے نائن الیون کے بعد سیاسی جماعتوں کے سربراہان کو مدعو کیا ، سابق صدر پرویز مشرف نے کہا کہ ہم امریکا کی صرف لاجسٹک سپورٹ کریں گے۔ سابق وزیر اعظم نے کہا کہ ہم 20سال تک امریکی جنگ کا حصہ رہے ہیں، امریکی جنگ کے اثرات پاکستان میں اب تک موجود ہیں، میرا ہمیشہ سے موقف رہا کہ امریکا کی جنگ میں نہیں پڑنا چاہیے، میرے موقف کے بعد مجھے برا بھلا کہا گیا، تنقید کی گئی اور طالبان خان کہاگیا۔

اوگرا نے گیس چوہتر فیصد تک مہنگی کرنے کی منظوری دے دی

اوگرا نے گیس چوہتر فیصد تک مہنگی کرنے کی منظوری دے دی ہے، وفاقی حکومت کی منظوری کے بعد نئی قیمتوں کا اطلاق جولائی 2022 سے ہوگا۔ اوگرا نے گیس کی قیمت بڑھانے سے متعلق سوئی گیس کمپنیوں کی درخواستوں پر فیصلہ جاری کیا ہے، سوئی ناردرن کیلئے گیس 74 اعشاریہ 42 فیصد جبکہ سوئی سدرن کےلیے 67 اعشاریہ 75 فیصد مہنگی کرنے کی منظوری دی ہے ۔

اوگرا اعلامیے کے مطابق سوئی ناردرن کیلئے گیس پر چار سو چھ روپے اٹھائیس پیسے جبکہ سوئی سدرن کے لیے چار سو انہتر روپے اٹھائس پیسے فی ایم ایم بی ٹی یو اضافے کی منظوری دی گئی ہے، سوئی ناردرن کے لیے گیس کی نئی قیمت نو سو باون روپے سترہ پیسے ، سوئی سدرن کے لیے نئی قیمت ایک ہزارایک سو اکسٹھ روپ اکانوے پیسے فی ایم ایم بی ٹی یو کرنے کی منظوری دی گئی ہے۔ حکومت نے 40 روز میں منظوری نہ دی تو اوگرا فیصلے پر ازخود عمل درآمد ہوجائے گا ۔

یاد رہے کہ اس سے قبل گزشتہ سال آئل اینڈ گیس ریگولیٹری اتھارٹی (اوگرا) نے قدرتی مائع گیس (ایل این جی) کی قیمت میں کمی کا اعلان کردیا ہے۔ اوگرا کی جانب سے اس ضمن میں جاری کردہ نوٹیفکیشن کے تحت اکتوبر کے لیے ایل این جی کی قیمت میں 12.9 فیصد کمی کی گئی ہے۔ جاری کردہ نوٹیفکیشن کے تحت سوئی ناردرن سسٹم پر ایل این جی 2.19 ڈالرز فی ایم ایم بی ٹی یو سستی ہوگئی ہے جب کہ سوئی سدرن سسٹم پر ایل این جی 2.28 ڈالرز فی ایم ایم بی ٹی یو سستی ہوئی ہے۔

نوٹیفکیشن کے مطابق سوئی ناردرن سسٹم پرایل این جی کی نئی قیمت 14.78 ڈالرز فی ایم ایم بی ٹی یو مقرر کی گئی ہے جب کہ سوئی سدرن سسٹم پر ایل این جی کی نئی قیمت 15.18 ڈالر فی ایم ایم بی ٹی یو مقررکی گئی ہے۔