Author: +9251

صنعا : حوثی باغیوں نے سعودی عرب میں اتحادی فوجیوں کے ہیڈ کوارٹر پر بیلسٹک میزائل سے ٹارگٹ کرنے کا دعویٰ کیا ہے ۔حوثیوں کے فوجی ترجمان یحییٰ سیری نے المسیرہ ٹیلی ویژن چینل کے لئے جاری کردہ بیان میں کہا ہے کہ ملک کی جنوبی تحصیل نجران میں سعودی زیر قیادت اتحادی افواج کے ہیڈ کوارٹر کو مختصر مسافت کے بیلسٹک میزائل سے نشانہ بنایا گیا ہے۔

ذرائع کے مطابق اس حملے میں کمانڈروں سمیت کثیر تعداد میں افراد ہلاک اور زخمی ہو گئے ہیں۔انہوں نے کہا ہے کہ ہدف بنایا گیا ہیڈ کوارٹر سعودی عرب ۔ یمن سرحد پر جھڑپوں کے کمانڈ مرکز کے طور پر استعمال کیا جا رہا تھا۔

واضح رہے کہ حالیہ دنوں میں حوثی سعودی ائیر ڈیفنس سسٹم کی طرف سے ناکار بنائے جانے والے درمیانی اور مختصر مسافت کے بیلسٹک میزائلوں کے ساتھ ساتھ ڈرون طیاروں کے ساتھ بھی سعودی عرب کے بعض علاقوں کو نشانہ بنا رہے ہیں۔

بیجنگ : بارشوں نے ایشیا کے کی ممالک میں‌ تباہی مچا دی . بھارت، نیپال اور پاکستان کے بعد اب چین میں‌بارشوں سے کافی نقصان ہورہا ہے. تازہ ترین اطلاعات کے مطابق چین کے صوبے گیوجیو میں لینڈ سلائیڈنگ کی وجہ سے ہلاک ہونے والوں کی تعداد 36 سے تجاوز کرگئی ہے . 15 افراد تاحال لاپتہ ہیں اور زخمی ہونے والے 11افراد کا علاج جاری ہے۔

دوسری طرف چین کے ٹیلی ویژن چینل CCTV کے مطابق صوبہ گیوجیو سے منسلک شہرلیوپان شوئی کی تحصیل شیوچنگ میں لینڈ سلائیڈنگ کے نتیجے میں ہلاکتوں کی تعداد 36 تجاوز کرگئی ہے ، 15 افراد تاحال لاپتہ ہیں اور زخمی ہونے والے 11افراد کا علاج جاری ہے۔

واضح رہے کہ ملک میں گذشتہ ہفتے کے اواخر میں پیش آنے والے لینڈ سلائیڈنگ کے واقعے میں 23 میں سے 21 گھر بھی مسمار ہو گئے تھے۔اطلاع کے مطابق مذکورہ 23 گھروں میں 77 افراد رہائش پذیر تھے علاوہ ازیں 8 افراد کام یا تعطیل کی وجہ سے علاقے میں موجود تھے۔لینڈ سلائیڈنگ کے وقت علاقے میں موجود کُل 85 افراد میں سے 23 آفت زدہ جگہ سے باہر تھے ۔

روس:روس میں‌احتجاجی مظاہرے پھوٹ پڑے 300 مظاہرین گرفتار ، روس کے شہر ماسکو کے سٹی کونسل انتخابات میں آزاد امیدواروں کی رجسٹریشن کی منسوخی کے خلاف کئے گئے بلا اجازت احتجاجی مظاہرے میں تقریباً300 افراد اس وقت پولیس کی حراست میں‌ہیں.

روس وزارت داخلہ کی طرف سے جاری کردہ بیان کے مطابق دارالحکومت ماسکو میں کئے گئے بلا اجازت احتجاجی مظاہرے میں تقریباً 3 ہزار 500 مظاہرین نے شرکت کی۔بیان کے مطابق تقریباً 300 افراد کو پبلک آرڈر کی خلاف ورزی کی وجہ سے حراست میں لے لیا گیا ہے۔

حراست میں لئے جانے والوں میں آزاد امیدواروں میں سے روسی انتظامیہ مخالف ایکٹیوسٹ الیکسے ناوالنی کے قائم کردہ "کرپشن کے خلاف جدوجہد فنڈ” کے وکیل لوبوو سوبول، الیا یاشین، یولیا گالیامینا، ایوان دانوف اور دمتری گدکوف بھی شامل ہیں۔

واضح رہے کہ انتظامیہ مخالف ایکٹیوسٹ الیکسے ناوالنی اس سے قبل بھی مظاہروں کے اصولوں کی خلاف ورزی کی وجہ سے 30 دن جیل کاٹ چکے ہیں۔ماسکو کے سٹی کونسل انتخابات میں آزاد امیدواروں کی رجسٹریشن نہ کئے جانے پر گذشتہ ہفتے منعقدہ باقاعدہ مظاہرے میں ناوالنی نے عوام کو ماسکو بلدیہ کے سامنے احتجاج کی دعوت دی تھی۔