لودھراں (نمائندہ باغی ٹی وی) شے میں بشیر احمد عمر پچاس سال گٹر میں کام کرتے ہوئے اوپر سے اچانک مٹی آ گری جس میں دھنس گیا واقعہ کی اطلاع پر ریسکیو سنٹر لودھراں کی امدادی ٹیم فوری طور پر پہنچ گئی اور پندرہ منٹ آپریشن کے بعد زندہ نکال لیا گیا بشیر احمد کی بازو میں فریکچر ہوا اور مٹی میں دبنے کی وجہ سے حالت نازک ہو گئی جسے ابتدائی طبی امداد دیتے ہوئے ریسکیو 1122 کی ٹیم نے بہاول وکٹوریا ہسپتال میں شفٹ کیا
Author: +9251
-
کہروڑپکا : دو فریقین کے درمیان فائرنگ
کہروڑپکا (نمائندہ باغی ٹی وی) علی پور کانجو میں کانجو اور بلوچ برادری میں جھگڑا
تفصیلات کے مطابق علی پور کانجو میں کسی بات پر اچانک بلوچ برادری اور کانجو برادری میں جھگڑا ہو گیا جس کی وجہ سے فریقین کے درمیان فائرنگ بھی ہوئی فائرنگ کے دوران ایک آصف نامی راہگیر فائرنگ سے زخمی ہو گیا جس کو تحصیل ہسپتال ہیڈکوارٹر کہروڑپکا منتقل کر دیا گیا ہے واقعہ کی اطلاع پر پولیس موقع پر پہنچ گئی اور حالات کو فوری کنٹرول کر لیا گیا ہے واقعہ کی تحقیقات جاری ہیں
-
ڈیلی میل کی خبر، پوچھنا تھا مقدمہ کیلئے شہباز شریف نے لیگل ٹیم پیدل روانہ کی، شہباز گل
وزیر اعلیٰ پنجاب سردار عثمان بزدار کے ترجمان ڈاکٹر شہباز گل نے کہا ہے کہ شہباز شریف نےڈیلی میل کی خبر پہ بیرسٹر شہزاد اکبر پر لندن میں مقدمہ دائر کرنے کا اعلان کیا تھا، پوچھنا یہ تھا کہ کیا یہ ٹیم پیدل روانہ ہوئی؟
شہباز شریف نےڈیلی میل کی خبر پہ بیرسٹر شہزاد اکبر پر لندن میں مقدمہ دائر کرنے کا اعلان کیا تھا
پوچھنا یہ تھا کہ کیا یہ ٹیم پیدل روانہ ہوئی؟ 11روز گزرنے کے بعد پنجاب سپیڈ کی طرف سے کوئی مقدمہ سامنے نہیں آیا. مال بنانے میں ریکارڈ سپیڈ جبکہ مقدمہ کرنے میں پراسرا خاموشی کیوں! pic.twitter.com/OK120kDTjF— Dr. Shahbaz GiLL (@SHABAZGIL) July 25, 2019
باغی ٹی وی کی رپورٹ کے مطابق ڈاکٹر شہباز گل نے سوشل میڈیا سائٹ ٹویٹر پر اپنے پیغام میں کہا ہے کہ 11روز گزرنے کے بعد بھی پنجاب سپیڈ کی طرف سے کوئی مقدمہ سامنے نہیں آیا، مال بنانے میں ریکارڈ سپیڈ جبکہ مقدمہ کرنے میں پراسرا خاموشی کیوں!واضح رہے کہ قومی اسمبلی میں قائد حزب اختلاف شہباز شریف نے برطانوی اخبار ڈیلی میل کے خلاف تاحال دعویٰ دائر نہیں کیا ہے، برطانوی اخبار نے شہباز شریف پر زلزلہ زدگان کے فنڈز کھانے کی خبر شائع کی تھی، دو ہفتے گزرنے کے باوجود شہباز شریف کی جانب سے عدالت میں درخواست دائر نہیں کی گئی ہے،
-
حقیقت میں نہیں تو ایسے سہی، بھارتی فضائیہ پاکستانی ایف سولہ گرانے کیلئے اب کرے گی یہ کام، اہم خبر
پاکستان کی طرف سے دو بھارتی طیارے گرائے جانے کے بعد سے ہندوستانی فضائیہ، فوج اور حکومت ابھی تک یہ زخم بھلا نہیں پا رہے، بھارتی فضائیہ کو پلوامہ حملہ کے بعد نام نہاد سرجیکل سٹرائیک کے ذریعہ چند درختوں کو نقصان پہنچائے جانے کے بعد دنیا بھر میں سخت خفت اٹھانا پڑی تھی لہٰذا اب اس خفت کو دور کرنے کیلئے ہندوستانی فضائیہ نے نیا طریقہ تلاش کیا ہے،
باغی ٹی وی کی رپورٹ کے مطابق پاکستان کی طرف سے دو بھارتی طیاروںکی تباہی کے بعد پاکستان نے انڈیا کا ایک پائلٹ ابھی نندن بھی گرفتار کیا تھا جسے بعد میں خیرسگالی کے تحت چائے پلا کر رہا کر دیا گیا تھا، اس دوران بھارتی حکومت اور فضائیہ نے اپنی عوام کو مطمئن کرنے کیلئے پاکستانی ایف سولہ بھی گرانے کا دعویٰ کیا تھا لیکن تمام عالمی اداروں اور ذرائع ابلاغ نے بھارت کے اس دعویٰ کو جھوٹ قرار دیا اور کہا تھا کہ انڈیا کے پاس کوی ثبوت ہے تو وہ اسے دنیا کے سامنے لائے اور ایف سولہ طیارے کا ملبہ ہی دکھا دے مگر انڈیا اپنے اس دعویٰ کو ثابت کرنے میں بری طرح ناکام رہا تھا،
رپورٹ کے مطابق بھارتی فضائیہ نے اب اپنی عوام کو مطمئن کرنے کیلئے پاکستان میں گرفتار ہونے والے بھارتی پائلٹ ابھی نندن سے متعلق ایک ویڈیو گیم لانچ کرنے کا فیصلہ کیا ہے، اس گیم میں ابھی نندن کو ہیرو بنا کر پیش کیا گیا ہے جو مبینہ دہشت گردوں سے بدلہ لیتے ہیں، یہ گیم موبائل پلے اسٹور پر اینڈرائڈ اور آئی اوایس پلیٹ فارم پر دستیاب ہو گی، اس گیم کی خاص بات یہ ہے کہ اس کی شروعات اسی جنگی طیارے مگ۔21 سے ہوتی ہے جس سےابھینندن نے خیالی طور پر پاکستان کے ایک ایف سولہ طیارے کو مار گرایا تھا، گیم میں ابھی نندن مگ۔21 طیارے کے ساتھ کھڑا نظر آتا ہے. اس ویڈیو گیم کے متعلق سوشل میڈیا صارفین نے کہا ہے کہ حقیقت میں نہیں تو ایسے ہی سہی، پاکستانی ایف سولہ طیارے گرانے کا موقع تو ملے گا،
-
ملی یکجہتی کونسل نے ملک بھر میں پروگرامز کا اعلان کردیا
اسلام آباد :ملی یکجہتی کونسل نے تحریک ریاست مدینہ ایکشن کمیٹی کے تحت ملک بھر میں پروگرامز کا اعلان کردیا, 25 اگست لاہور ایوان اقبال, 15 ستمبر کراچی آرٹس کونسل, 29 ستمبر کوئٹہ پریس کلب, 13 اکتوبر پشاور نشتر ہال, 27 اکتوبر مظفر آباد اور 17 نومبر کو اسلام آباد کنونشن سنٹر میں ہوگا, ان پروگراموں کا اعلان ملی یکجہتی کونسل کے زیر اہتمام اجلاس میں کیا گیا .
-
وہاڑی : ڈاکٹروں نے سخت محنت کر کے کیا کارنامہ سر انجام دیا ؟
وہاڑی (نمائندہ باغی ٹی وی) ڈسٹرکٹ ہیڈ کوارٹر ہسپتال میں 50 سالہ شخص کی پیدائشی رسولی کامیاب آپریشن.
ڈیڑھ گھنٹے کے آپریشن میں ۱۰کلو وزنی رسولی کو جسم سے الگ کر دیا.
نمونہ جات تشخیص کے لیے آغا خان لیبارٹری بجھوادیے.
ورثا کا ڈاکٹرز کی ٹیم سے اظہار تشکر تفصیل کے مطابق نواحی گاوں 81 ڈبلیو بی کے رہائشی 50 سالہ عبدالطیف کے دائیں بازو کے نیچے پیدائشی رسولی تھی جو گذشتہ 10 سالوں میں خطرناک حد تک بڑھ چکی تھی اور چلنا پھرنا بھی دوبھر تھا عبدالطیف کے ورثاء کے مطابق پیدائشی رسولی پہلے کم تھی اور اس پر دم وغیرہ بھی کرواتے رہے اب تکلیف بڑھنے پر ڈسٹرکٹ ہیڈ کوارٹر ہسپتال میں چیک کروایا تو ڈسٹرکٹ سرجن ڈاکٹر عنایت حسین انجم سربراہ شعبہ سرجری ڈی ایچ کیوُ ہسپتال نے رسولی کا آپریشن تجویز کیا اور اپنی ڈاکٹرز کی ٹیم ڈاکٹر عثمان ہاشم کنسلٹنٹ سرجن ، ڈاکٹر حسین ساجد اور ڈاکٹر منان شاہد کے ساتھ مل کر ڈیڑھ گھنٹہ کے مسلسل آپریشن کے بعد 10 کلو سے زائد وزنی رسولی کو جسم سے الگ کر دیا گیا اس موقع پر ڈاکٹر عنایت حسین کا کہنا تھا کہ رسولی کے نمونے ٹیسٹ کے لئے آغاخان لیبارٹری بھجوا دیے مریض کی حالت خطرے سے باہر ہے ہماری کوشش ہے کہ اپنی تمام تر صلاحیتوں کو بروئے کار لاتے ہوئے عوام کی خدمت جاری رکھیں کامیاب آپریشن پر ورثاء اور ایم ایس ڈاکٹر فاضل نے پوری ٹیم کو مبارک باد دی -
ملتان : مخدوم رشید میں کھلی کچہری
ملتان (نمائندہ باغی ٹی وی) ڈپٹی کمشنر ملتان نے مخدوم رشید میں آج کھلی کچہری لگائی
تفصیلات کے مطابق ڈپٹی کمشنر ملتان عامر خٹک نے مخدوم رشید میں آج کھلی کچہری لگائی کھلی کچہری سہہ پہر 3 بجے وہاڑی روڈ پر واقع گورنمنٹ ہائی سکول مخدوم رشید میں منعقد ہوئی۔ تمام محکموں کے افسران کھلی کچہری میں شریک ہوئے مقامی لوگوں نے اپنے مسائل کے حل کیلئے فی الفور خواہش ظاہر کی ڈپٹی کمشنر ملتان نے تمام مسائل ان کے متعلقہ اداروں کو فوری طور پر حل کرنے کے موقع پر احکامات جاری کیے -
بھارت، طالبہ سے چلتی گاڑ ی میں ہوئی زیادتی
بھارتی ریاست مدھیہ پردیش کے سنگرولی ضلع سے ایک چونکانے والی معاملہ سامنے آیا ہے۔ جہاں لفٹ دینے کے بہانے تین لوگوں نے ایک طلبہ سے جنسی زیادتی کی۔ اسکول کی شکایت پر پولیس نے ملزمان کو گرفتار کر لیا ہے۔ ملزمان میں ایک لیفٹیننٹ کرنل کا ملازم بھی شامل ہے۔
بھارت ،بہار میں خاتون کو یرغمال بنا کر اجتماعی زیادتی
باغی ٹی وی کی رپورٹ کے مطابق زیادتی کا شکار طالبہ نے بتایا کہ جب وہ اسکول جا رہی تھی تو تین لوگوں نے اسے لفٹ دینے کے بہانے اپنی گاڑی میں بٹھا لیا۔ اسی دوران گاڑی میں بیٹھے دو افراد نے اس کلوروفارم سنگھاکر بیہوش کر دیا اور پھر باری باری اس کے ساتھ جنسی زیادتی کی۔ واقعہ کے بعد ملزمان اسے سٹرک پر پھینک کر فرار ہو گئے۔متاثرہ طالبہ نے گھر پہنچ کر اپنے اہل خانہ کو اطلاع دی۔ جس کے بعد پولیس میں ایف آئی آر درج کروائی گئی۔ پولیس نے تینوں ملزمان کو گرفتار کر لیا ہے۔
-
ملتان : سیلاب متاثرین کیلئے سامان کارپوریشن بلڈنگ میں منتقل
ملتان (نمائندہ باغی ٹی وی) سیلاب متاثرین کے ریلیف کے لئے مسلم سکول میں سٹورکیا گیا سامان کارپوریشن کی بلڈنگ میں منتقل
تفصیلات کے مطابق ڈسٹرکٹ ڈیزاسٹر مینجمنٹ اتھارٹی کا سیلاب متاثرین کے ریلیف کے لیے مسلم ہائی سکول میں سٹور کیا گیا سامان شمس آباد میں واقع میونسپل کارپوریشن کی بلڈنگ میں شفٹ کر دیا گیا ہے۔ ایڈیشنل ڈپٹی کمشنر جنرل محمد حمزہ سالک اور اسسٹنٹ کمشنر سٹی کامران بخاری کی نگرانی میں یہ سامان ٹرکوں اور ٹرالیوں کے ذریعے منتقل کیا گیا۔ اس موقع پر پی ڈی ایم اے اور میونسپل کارپوریشن کے افسران بھی موجود تھے۔ ڈپٹی کمشنر عامر خٹک نے پی ڈی ایم اے کا سامان گزشتہ 6 سال سے زائد عرصہ سے سکول کے ہال میں سٹور کرنے کا نوٹس لیا تھا اور اسے فوری طور پر متبادل جگہ منتقل کرنے کا حکم دیا تھا۔
-
ملتان : پلانٹ فار پاکستان مہم کا آغاز کب ہو گا ؟
ملتان (نمائندہ باغی ٹی وی) پلانٹ فار پاکستان مہم یکم، پلانٹ فار پنجاب 8 اگست سے شروع ہو گی
تفصیلات کے مطابق حکومت پنجاب کی ہدایت پر ڈویژن بھر میں یکم اگست کو پلانٹ فار پاکستان مہم اور پلانٹ فار پنجاب ہفت روزہ مہم 8 اگست سے شروع ہو گی جو 14 اگست تک جاری رہے گی۔ ان خیالات کا اظہار کمشنر ملتان عمران سکندر بلوچ نے گرین پاکستان اور شجرکاری مہم بارے اجلاس کی صدارت کرتے ہوئے کیا۔ انہوں نے کہا کہ ملتان ڈویژن میں مہم کے دوران 4لاکھ 60ہزار پودے لگائے جائیں گے جن میں سے 33ہزار900پودے عوام میں مفت تقسیم کئے جائیں گے۔ قلعہ کہنہ قاسم باغ اور اطراف میں 1830تیار درخت لگائے جائیں گے۔ انہوں نے ہدایت کی کہ تمام سرکاری محکمے شجرکاری مہم کے حوالے سے اپنی پلاننگ مکمل کریں جن جگہوں پر پودے لگانے ہیں ان کی نشان دہی کریں اور پودے لگانے اور ان کی مناسب دیکھ بھال بارے انتظام کو حتمی شکل دی جائے۔کمشنر ملتان نے کہا کہ ڈویژن بھر میں بڑے پیمانے پر شجرکاری مہم کا آغاز کیا جا رہا ہے، پودے لگانے سے زیادہ اہم ان کی حفاظت کا مناسب بندوبست کرنا ہے۔ کمشنر ملتان نے ڈی جی پی ایچ اے زاہد اکرام کو ہدایت کی کہ قلعہ کہنہ قاسم باغ اور اطراف میں گزشتہ سال لگائے جانے والے پودوں بارے انکوائری کی جائے، ذمہ داروں کا تعین کر کے ان کے خلاف کارروائی کی جائے اور شجرکاری مہم کو کامیاب بنایا جائے۔ کمشنر نے مزید کہا کہ پی ایچ اے شہر کے مختلف پارکوں باالخصوص امیر آباد پارک کی حالت بہتر کرے، پارکوں کی حالت بہتر کرکے عوام میں تفریح کی مثبت سرگرمیوں کو فروغ دیا جاسکتا ہے۔ عمران سکندر بلوچ نے ڈویژن بھر کی اہم عمارات اور خالی جگہوں پر بھی شجرکاری کرنے کی ہدایت کرتے ہوئے کہا کہ تیار درخت لگانے سے نہ صرف ان کی حفاظت میں آسانی ہوگی بلکہ گرین کور میں بھی اضافہ ہوگا۔کمشنر ملتان نے کہا کہ پی ایچ اے شہر کے اہم چوکوں، گرین بیلٹس اور میٹرو کے فلائی اوورز کے نیچے نئے سرے سے پودے لگائے اور ان کی مناسب حفاظت کا اہتمام کرے۔ انہوں نے ایم ڈی اے، میونسپل کارپوریشن، ضلعی انتظامیہ اور ضلع کونسل سے کہا کہ ہاؤسنگ کالونیوں، پیٹرول پمپس، فیکٹریوں و دیگر کمرشل سرگرمیوں کے این او سی میں شجرکاری مہم کے حوالے سے شامل شق پر عمل در آمد یقینی بنائیں، بصورت دیگر این او سی معطل کریں۔ اس موقع پر بریفنگ دیتے ہوئے ضلعی فاریسٹ افسر رانا طارق محمود نے بتایا کہ حکومت پاکستان کی ہدایت پر 100بلین ٹری سونامی مہم میں ملتان ڈویڑن میں سال 20۔ 2019 کے لئے 40لاکھ 12ہزار پودے لگانے کا ہدف مقرر کیا گیا ہے۔ سرکاری دفاتر، تعلیمی اور صحت کے اداروں اور دیگر خالی جگہوں پر مقامی اقسام کے پودے لگائے جائیں گے۔اجلاس میں ڈی جی ایم ڈی اے تنویر اقبال، ایڈیشنل ڈپٹی کمشنر آغا ظہیرعباس شیرازی، سی او میونسپل کارپوریشن اقبال فرید، کنزرویٹو فاریسٹ محمد صدیق ڈوگر، ڈپٹی ڈائریکٹر پھاٹا راؤ شفیق الرحمن ودیگر متعلقہ افسران جبکہ ویڈیو لنک پر ڈویژن بھر کے ڈپٹی کمشنرز بھی موجود تھے