وزیر اعلیٰ پنجاب سردار عثمان بزدار نے بدھ کی دوپہر اپنے دورہ فیصل آباد کے دوران سرکٹ ہاؤس فیصل آباد کے گراؤنڈ میں یو کلپٹس کا پودا لگا کر مون سون کی شجر کاری مہم کا آغاز کر دیا۔اس موقع پر گورنر پنجاب چوہدری محمد سرور، کمشنر فیصل آباد محمود جاوید بھٹی،آر پی او فیصل آباد غلام محمود ڈوگر، قائمقام ڈپٹی کمشنر فیصل آباد طارق خان نیازی،صوبائی وزیر اجمل چیمہ، چیئر مین پارکس اینڈ ہارٹیکلچر اتھارٹی چوہدری لطیف نذر گجر،ممبران صوبائی اسمبلی فردوس رائے، میاں وارث عزیز، میاں خیال احمد کاسترو،وفاقی پارلیمانی سیکرٹری برائے ریلویز میاں فرخ حبیب، ممبر قومی اسمبلی شیخ خرم شہزاد اور دیگر اہم رہنمابھی موجود تھے۔
Author: +9251
-
وزیر اعلیٰ پنجاب کا فیصل آباد میں صحافی کالونی کے قیام کا اعلان
وزیر اعلیٰ پنجاب سردار عثمان بزدار نے صحافیوں کے مطالبہ پر فیصل آباد میں صحافی کالونی کے قیام کا اعلان کیاہے اور کہا ہے کہ راولپنڈی اسلام آباد اور لاہور سمیت دیگر بڑے شہروں کی طرح فیصل آباد میں بھی صحافی کالونی کا قیام یہاں کے الیکٹرانک و پرنٹ میڈیا کے صحافیوں کا قانونی، انسانی و اخلاقی حق ہے جس پر عملدر آمد کیلئے فوری اقدامات کو یقینی بنایا جائے گا۔
بدھ کی دوپہر گورنر پنجاب چوہدری محمد سرور کے ہمراہ فیصل آباد آمد اور سرکٹ ہاؤس فیصل آباد میں میڈیا سے گفتگو کے دوران پریس کلب فیصل آباد کے صدر ظفر ڈوگر اور سیکرٹری علی اشفاق ہاشمی نے دیگر سینئر صحافیوں کے ہمراہ وزیر اعلیٰ پنجاب کی توجہ فیصل آباد میں صحافی کالونی نہ ہونے کی جانب مبذول کرواتے ہوئے کہا کہ کئی سالوں سے فیصل آباد کے صحافیوں جو ہمیشہ حکومتی پالیسیوں کی ترویج اور بھر پور کوریج میں پیش پیش رہے ہیں کے ساتھ صحافی کالونی کے قیام کے وعدے کئے جاتے رہے ہیں لیکن ابھی تک اس پر سنجیدگی سے عملدر آمد نہیں کیا گیا لہٰذا فوری طور پر فیصل آباد میں صحافی کالونی کے قیام کا اعلان فرمایا جائے جس پر وزیر اعلیٰ پنجاب نے صحافیوں کا یہ مطالبہ تسلیم کرتے ہوئے فیصل آباد میں صحافی کالونی کے قیام کا اعلان کیا۔وزیر اعلیٰ پنجاب نے کہا کہ فیصل آباد پریس کلب کے عہدیداران پہلی فرصت میں وقت نکال کر ان کے پاس ایوان وزیر اعلیٰ لاہور تشریف لائیں تاکہ اس ضمن میں نہ صرف بیٹھ کر بات کی جائے بلکہ صحافیوں کی تجاویز کی روشنی میں صحافی کالونی کے قیام کے وعدے کو پایہ تکمیل تک پہنچایا جا ئے
۔انہوں نے الیکٹرانک و پرنٹ میڈیا کے صحافیوں سے بھی اپیل کی کہ وہ حکومتی اقدامات سے عوام کو آگاہ کرنے کے ساتھ ساتھ مثبت انداز میں قابل عمل تجاویز کے ساتھ ان کی رہنمائی کریں تاکہ عوامی اور شہری مسائل کے فوری حل کو یقینی بنایا جا سکے۔
-
چیئرمین سینیٹ کے عشائیہ میں شرکت، مسلم لیگ ن نے کیا حکومتی سینیٹرز کیخلاف بڑا فیصلہ
چیئرمین سینیٹ کےعشائیےمیں سینیٹرکلثوم پروین اورسینیٹردلاورخان کی شرکت کے معاملہ پر مسلم لیگ ن نے ایکشن لینے کا فیصلہ کیا ہے،
حکومتی وفد کی مولانا فضل الرحمان سے اچانک ملاقات، کیا بات ہوئی؟ اہم خبر
چیئرمین سینیٹ کی تبدیلی،اپوزیشن کا اجلاس جاری، چیئرمین سینیٹ نے بھی بڑا فیصلہ کر لیا
باغی ٹی وی کی رپورٹ کے مطابق سینیٹر مشاہداللہ خان نے کہا ہے کہ مسلم لیگ ن کی طرف سے دونوں سینیٹرز کوشوکاز دینے کا فیصلہ کیا گیا ہے، ن لیگ کے رہنماؤں نے اعتراف کیا ہے کہ دونوں سینیٹرزنےعشائیےمیں جانے کی اطلاع نہیں دی،
چیئرمین سینیٹ کی تبدیلی بنی درد سر، اپوزیشن جماعتوں کا اجلاس پھر طلب
چیئرمین سینیٹ کی تبدیلی، ن اور پیپلزپارٹی کے اندر بغاوت کا خدشہ؟ اہم خبر
سینیٹر مشاہداللہ خان کا کہنا ہے کہ سینیٹرز سے پوچھنے کے بعد ان کیخلاف ڈسپلنری ایکشن بھی ہوسکتاہے، واضح رہے کہ چیئرمین سینیٹ صادق سنجرانی کی جانب سے حکومتی سینیٹرز کے اعزاز میں دیے گئے عشائیے میں اپوزیشن سے تعلق رکھنے والے 2 سینیٹرز کلثوم پروین اور آزاد سینیٹر دلاور خان نے شرکت کی تھی، یہ بھی کہا گیا کہ انہوں نے چیئرمین سینیٹ کو تحریک عدم اعتماد میں اپنی حمایت کا یقین بھی دلایا۔
-
کیسی افلیک کی نئی فلم "لائٹ آف مائی لائف” کا ٹریلر جاری
نامورہالی ووڈ اداکار کیسی افلیک کی نئی فلم ”لائٹ آف مائی لائف”کا ٹریلرریلیز ہوتے ہی مداحوں میں مقبول-
”فلم”لائٹ آف مائی لائف” میں کیسی افلیک ایک باپ کا کرداراداکر رہے ہیں،فلم کی سٹوری ایک ایسی دنیا کی ترجمانی کرتی ہیں جس میں ایک بیماری کے باعث دنیا میں خواتین کی تعداد کم ہوتے ہوئے ختم ہو جاتی ہیں،فلم میں کیسی افلیک ایک باپ کے کردار میں اپنی بیٹی کوجان لیوا بیماری سے بچانے کی ہر ممکن کوشش کرتے ہیں-
کیسی افلیک کی نئی فلم ”لائٹ آف مائی”کی سٹوری عورت کے بغیر دنیا کا تصور پیش کرتی ہے،فلم کے ٹریلر سے شائقین کی انزئیٹی عروج پر مداحوں کو فلم کی ریلیز کا انتظار- -
بھارت، نئی دہلی میں پانچ منزلہ عمارت منہدم
بھارتی دارالحکومت نئی دہلی کے علاقے صدر بازار کے نبی کریم میں بدھ کو ایک پانچ منزلہ پرانی عمارت گر گئی۔ اس حادثے میں کسی جانی نقصان کی کوئی اطلاع نہیں ہے۔
بھارت، ہماچل پردیش میں عمارت گرنے سے 13بھارتی فوجی ہلاک
حادثہ کی اطلاع ملتے ہی فائر بریگیڈ فوراً جائے وقوع پر چار گاڑیوں کو روانہ کردیا۔
یہ عمارت کافی پرانی بتائی جاتی ہے اور اسے خطرناک قرار دیا جا چکا تھا۔ یہ عمارت صدر بازار کے سنگھاڑا چوک میں واقع تھی۔ -
پاکستان علماء کونسل کے زیر اہتمام استحکام پاکستان کانفرنس آج منعقد ہوگی
سرگودھا۔24جولائی(اے پی پی)پاکستان علماء کونسل کے زیر اہتمام استحکام پاکستان کانفرنس آج منعقد ہوگی۔ اس کانفرنس میں علامہ حافظ طاہر محمود اشرفی چیئرمین متحدہ علماء کونسل خصوصی خطاب کرینگے۔ یہ بات محسن العلماء حاجی عتیق الرحمن‘ قاری محمد عقیل الرحمن زبیری‘ مولانا علامہ عبدالرؤف ڈوگر نے اپنے مشترکہ بیان میں بتائی۔انہوں نے کہا کہ کانفرنس جامع مسجد رحمانیہ رحمان پورہ میں بعد از نماز عشاء شروع ہوگی۔حاجی عتیق الرحمن نے کہا کہ اس کانفرنس میں مولانا محمد اشفاق‘ مولانا عزیز اکبر قاسمی‘ محمد اُسید الرحمن سعید‘ علامہ شکیل الرحمن‘ طاہر الحسن‘ مفتی سعید ارشد‘ حافظ محمد ذیشان وزیر، مولانا مطیع اللہ سعیدی‘ ملک عتیق الرحمن اور دیگر علماء کرام خطاب کرینگے۔ استحکام پاکستان کانفرنس کے انتظامات کو حتمی شکل دیدی گئی ہے قائدین کا سرگودھا پہنچنے پر شاندار استقبال کیا جائیگا۔
-
ورلڈ کپ میں شکست آج بھی ہضم نہیں ہو رہی، سوکر اٹھنے پر زیادہ درد ہوتا ہے، ویرات کوہلی
بھارتی کرکٹ ٹیم کے کپتان ویرات کوہلی نے کہا ہے کہ نیوزی لینڈ سے شکست اور ورلڈ کپ سے باہر ہونے پر آج بھی اس وقت زیادہ درد محسوس ہوتا ہے جب سو کر اٹھتا ہوں،
باغی ٹی وی کی رپورٹ کے مطابق کوہلی نے کہاکہ ہندوستانی ٹیم ورلڈ کپ میں اچھی جارہی تھی اور سمجھا جارہا تھا کہ ہماری ٹیم ورلڈکپ جیت جائے گی لیکن نیوزی لینڈ سے شکست کے بعد مداحوں کے خواب بھی بکھر گئے، کسی کو سمجھ نہیںآئی کہ اچانک کیا ہوا ہے تاہم اب کھلاڑی آہستہ آہستہ اس صورتحال سے باہر آرہے ہیں اور آگے بڑھنے کی کوشش کر رہے ہیں،
ویرات کوہلی نے کہاکہ یہ ہار اس لئے بھی بھلانا مشکل ہے کہ جب آپ کو معلوم ہو کہ آپ نے زیادہ غلطیاں نہیں کیں اور آپ عالمی کپ سے باہر ہو گئے، یہ شکست ہضم کرنا مشکل ہے، کوہلی نے کہاکہ اگر آپ غلطی کرتے ہیں تو آپ کے پاس قبول کرنے کی وجہ ہوتی ہے لیکن بغیر زیادہ غلطی کئے ایسے باہر ہوجانا اس وقت زیادہ چبھتا ہے جب آپ سوکر اٹھتے ہیں اور سوچتے ہیں کہ آپ نے زیادہ کچھ غلط نہیں کیا لیکن آپ باہر ہوگئے تو درد ہوتا ہے، اسے قبول کرنا مشکل ہوتا ہے، واضح رہے کہ ہندوستانی ٹیم کو ورلڈکپ سے باہر ہونے پر سخت تنقید کا سامنا ہے،
-
جعلی زرعی ادویات بیچنے والوں کے خلاف سخت ایکشن
راولپنڈی۔ (نمائندہ باغی ٹی وی ) جعلی زرعی ادویات وکھادوں کی روک تھام کے سلسلہ میں شکایات کے ازالہ کیلئے منفرد نوعیت کاکمپلینٹ مینجمنٹ سسٹم متعارف کرادیا جس کے تحت شکایت موصول ہونے کے 24 گھنٹوں کے اندر کارروائی عمل میں لائی جاتی ہے۔زرعی اجلاس کے موقع پر ایڈیشنل سیکرٹری زراعت ٹاسک فورس پنجاب رانا علی ارشد نے کہا کہ زراعت ہماری معیشت کا سب سے بڑا شعبہ ہے اور زیادہ تر لوگوں کا روزگار بھی اسی شعبہ سے منسلک ہے۔موجودہ حکومت کے نئے اقدامات کی بدولت محکمہ زراعت کی کارکردگی کا گراف بھی بلندی کی طرف بڑھ رہا ہے۔انہوں نے مزید کہا کہ زرعی ٹاسک فورس کے تحت جعلی زرعی ادویات وکھادوں کے ناسور کو جڑ سے اکھاڑ نے کیلئے متعدد عملی اقدامات اٹھائے گئے ہیں۔شکایات درج کرانے کیلئے عوامی مقامات، پیسٹی سائیڈزوفرٹیلائزر دکانات اور سرکای دفاتر پر بینرزآویزاں کر دئیے گئے ہیں۔جعلی زرعی ادویات وکھادوں کے گھناونے دھندے میں ملوث کالی بھیڑیں کسان اور زراعت کی دشمن ہیں۔ٹاسک فورس کے تحت جاری عملی کارروائیوں کے نتیجہ میں یہ جلد میدان چھوڑ کر بھاگ جائیں گے۔
-
ژونل ایڈمنسٹریٹر اوقاف سرگودھا ڈویژن کی علماء سے بھائی چارے اور امن وآشتی کاپیغام عام کرنے کی اپیل
ژونل ایڈمنسٹریٹر اوقاف سرگودھا ڈویژن کی علماء سے بھائی چارے اور امن وآشتی کاپیغام عام کرنے کی اپیل
سرگودھا۔24جولائی(اے پی پی) ژونل ایڈمنسٹریٹر محکمہ اوقاف چوہدری عبدالشکور نے علمائے کرام سے اپیل کی ہے کہ وہ منبر ومحراب سے بھائی چارے‘ امن وآشتی کاپیغام عام کریں۔ محرم الحرام کی آمد آمد ہے ہم حقیقی بھائی چارے او ر یکجہتی کا مظاہرہ کرکے ملک دشمن عناصر کے عزائم کو خاک میں ملا سکتے ہیں۔ وہ ڈویژن بھر کے علمائے کرام‘آئمہ اور ضلعی خطباء کے اجلاس سے خطاب کر رہے تھے۔ اجلا س میں ژونل خطیب قاری وقار عثمانی نے بھی شرکت کی۔ زونل ا یڈ منسٹریٹر نے علماء کرام پر زور دیا کہ وہ عوام الناس میں انسداد ڈینگی کے بارے حکومتی اقدامات سے بھی آگاہ کریں جبکہ صاف اور سرسبز پاکستان مہم کو کامیاب بنانے کیلئے بھی اپنا کردار ادا کریں۔ -
کسانوں کو زرعی اراضی کی الاٹمنٹ بڑی خبر آگئی
راولپنڈی:(نمائندہ باغی ٹی وی ) پنجاب حکومت نے بنجر زمینوں کی آبادکاری کرنے والے کسانوں کو سوا لاکھ ایکڑ زمین کی الاٹ منٹ کرنے کا فیصلہ کر لیا۔محکمہ زراعت پنجاب کے ترجمان نے میڈیا کو بتایاکہ پنجاب کابینہ نے لینڈ لیز پالیسی کے تحت صوبے کے30اضلاع میں ایک لاکھ 20 ہزار 7 سو ایکڑ زمین کسانوں کو الاٹ کرنے کا فیصلہ کیا ہے۔باغی ٹی وی کو موصول اطلاعات کے مطابق کسانوں کو ساڑھے بارہ ایکڑ تک رقبہ الاٹ کیا جائے گا۔اس ضمن میں سٹیٹ لینڈ کی ڈسپوزل پالیسی کے بھی جامع اصولوں کی منظوری دی گئی ہے۔