Baaghi TV

Author: +9251

  • پرائیویٹ کپمنی کو ٹھیکہ ،نمبر پلیٹس اور سمارٹ کارڈز محکمہ ایکسائز کے گلے پڑ گئے

    پرائیویٹ کپمنی کو ٹھیکہ ،نمبر پلیٹس اور سمارٹ کارڈز محکمہ ایکسائز کے گلے پڑ گئے

    لاہور: محکمہ ایکسائز مشکلات میں‌ ، محکمہ ایکسائز کو نمبر پلیٹس ، سمارٹ کارڈز اور فائلیں سکینگ کا کنٹریکٹ پرائیویٹ کمپنیوں کو دینا گلے پڑگیا، 6 لاکھ سے زائد نمبر پلیٹس ، ساڑھے 3 لاکھ سمارٹ کارڈز اور 12 ہزار سے زائد فائلیں التواء کا شکار ہیں۔

    اطلاعات کے مطابق محکمہ ایکسائز کو چیزیں آؤٹ سورس کرنا مہنگا پڑگیا ہے جبکہ دن بدن پرائیویٹ کمپنیوں کی ناقص کارکردگی اور بروقت چیزوں کی ڈلیوری نہ ہونے کی وجہ سے ایکسائز اور شہریوں کی مشکلات میں اضافہ ہوتا جارہا ہے۔ گزشتہ برس دسمبر میں رجسٹریشن بک ختم کرکے سمارٹ کارڈ متعارف کروایا گیا جسکا کنٹریکٹ پرائیویٹ کمپنی کو دیا گیا تھا۔

    ایکسائز ذرائع کے مطابق موجودہ حالات کے مطابق ساڑھے 3 لاکھ سمارٹ کارڈ بروقت ڈلیوری نہ ہونے کی وجہ سے التوا کا شکار ہیں جبکہ اگلے چند روز میں مزید کارڈز کی کمی کا سامنا کرنا پڑسکتا ہے۔ 2006 سے نمبر پلیٹس کا کنٹریکٹ بھی پرائیویٹ کمپنی کو دیا گیا ہے لیکن اب کنٹریکٹ ختم ہونے کے باعث پچھلے چھ ماہ سے 6 لاکھ سے زائد نمبرپلیٹس التواء کا شکار ہیں۔

    محکمہ تاحال فیصلہ نہیں کر پارہا کہ نیا کنٹریکٹ دیا جائے یا پرائیویٹ کمپنیوں کو لائسنس جاری کیے جائیں۔ گاڑیوں اور موٹرسائیکلوں کی فائلیں سکین کیلئے بھی پرائیویٹ کمپنی کو کنٹریکٹ دیا گیا تھا کم سٹاف ہونے کی وجہ سے صرف فرید کورٹ ہاؤس میں رواں ماہ کے دوران 12 ہزار فائلیں التوا کا شکار ہیں۔

    یاد رہےکہ محکمہ ایکسائز کا یہ ٹھیکہ پرائیویٹ کمپنیوں کو دینے پر شدید تنقید کی گئی تھی اور اس وقت انہی خدشات کا اظہار کیا گیا تھا جن کا آج سامنا کرنا پڑ رہا ہے.

  • سرکاری خزانے میں 36کروڑروپے کی ریکوری کی رقم جمع کروائی.سابق ڈپٹی ڈائریکٹرانٹی کرپشن رحیم یار خان

    سرکاری خزانے میں 36کروڑروپے کی ریکوری کی رقم جمع کروائی.سابق ڈپٹی ڈائریکٹرانٹی کرپشن رحیم یار خان

    رحیم یارخان( )ڈپٹی ڈائریکٹرانٹی کرپشن لاہورمحمدایوب بخاری نے کہاہے کہ رحیم یارخان میں بطورڈپٹی ڈائریکٹرانٹی کرپشن تعیناتی کے دوران کرپشن کے خاتمے کے لیے انتھک جدوجہدکی اورسرکاری خزانے میں 36کروڑروپے کی ریکوری کی رقم جمع کرانے کے ساتھ ساتھ کرپشن میں ملوث 100سرکاری افسران واہلکاران کوگرفتارکرکے چالان جیل کیا۔ڈسٹرکٹ پریس کلب کے پروگرام ”میٹ دی پریس“ سے اظہار خیال کرتے ہوئے انہوں نے کہاکہ حکومت اورڈائریکٹرجنرل انٹی کرپشن پنجاب صوبہ کوکرپشن فری بنانے کے لیے عملی اقدامات اٹھارہی ہے اورتمام سرکاری محکموں میں کرپٹ عناصرکاقلع قمع کیاجارہاہے انہوں نے کہاکہ رحیم یارخان میں عوام کی شکایات پرکرپشن کے کیسزکومیرٹ پرنمٹایااورملوث سرکاری افسران واہلکاران کوکیفرکردارتک پہنچایااورآج مطمئن ہوکررحیم یارخان سے لاہورروانہ ہورہاہوں کیونکہ اپنی ڈیوٹی کوبطریق احسن سرانجام دیااورمحکمہ کی نیک نامی اورتعمیروترقی کے لیے تمام تروسائل بروئے کار لائے‘ انہوں نے کہاکہ جہاں بھی وہ تعینات رہے کوشش کی کہ عوام کوانصاف کی فراہمی ممکن ہوسکے۔

  • 11 سالہ ملزم 5 روزہ جسمانی ریمانڈ پر پولیس کے حوالے

    11 سالہ ملزم 5 روزہ جسمانی ریمانڈ پر پولیس کے حوالے

    لاہور : 11 سالہ بچہ قتل کے مقدمے میں جودیشیل ریمانڈ پر ، کینٹ کچہری کی جوڈیشل مجسٹریٹ نے 11 سالہ ملزم محمد عمر کو 5 روزہ جسمانی ریمانڈ پر پولیس کے حوالے کردیا ہے۔جوڈیشل مجسٹریٹ مرضیہ علی کے روبرو سرکاری وکیل نے موقف اختیار کیا کہ 11 سالہ ملزم محمد عمر کے خلاف تھانہ گجر پورہ میں 302 کی دفعات کے تحت مقدمہ درج کیا گیا، پولیس نے ملزم کو سی سی ٹی وی فوٹیج کی مدد سے گرفتار کیا۔ پولیس نے شیراز کے قتل میں ملوث ہونے پر 11 سالہ محمد عمر کو گرفتار کیا۔

    ذرائع کے مطابق تفتیشی افسر نے عدالت کو آگاہ کیا کہ 21 جون کو انجنئیرنگ یونیورسٹی کے سوئمنگ پول میں 11 سالہ شیراز ڈوب کر ہلاک ہوا تھا، شيراز اپنے دوست کے ساتھ سوئمنگ پول پر نہانے گيا تھا ملزم نے اپنے دوست کو دھکا دیا تھا اور فرار ہو گیا تھا۔ ملزم سے مزید تفتیش باقی ہے لہذا 7 روز کا جسمانی ریمانڈ منظور کیا جائے۔

    جوڈیشل مجسٹریٹ نے تمام ریکارڈ دیکھنے کے بعد ملزم محمد عمر کو 5 دن کے جسمانی ریمانڈ پر پولیس کے حوالے کردیا ہے۔اس بچے پر قتل کا الزام ہے.جس پر عدالت نے جوڈیشیل ریمانڈ پر دے دیا

  • باونڈری کی بنیاد جیتنے والے برطانوی کپتان نے اسے "غیر منصفانہ "قرار دے کر نئی بحث چھیڑ دی

    باونڈری کی بنیاد جیتنے والے برطانوی کپتان نے اسے "غیر منصفانہ "قرار دے کر نئی بحث چھیڑ دی

    لندن : میں باونڈری کی بنیاد پر فتح کو غیر منصفانہ سمجھتا ہوں ،یہ الفاظ ورلڈ کرکٹ ورلڈ کپ 2019 کے فاتح انگلینڈ ٹیم کے کپتان نے ٹائم کو انٹریو کے دوران کہے ،یار ہے کہ ورلڈ کپ فائنل سنسنی خیز مقابلے کے بعد دو مرتبہ ٹائی ہونے پر انگلینڈ کو متنازع قانون کی روشنی میں چیمپیئن قرار دے دیا گیا

    14جولائی کو لارڈز میں کھیلے گئے سنسنی خیز فائنل میچ میں مقابلہ مقررہ اوورز میں ٹائی رہا جس کے بعد ون ڈے کی تاریخ میں پہلی مرتبہ میچ کا فیصلہ سپر اوور میں کرانے کا فیصلہ کیا گیا شائقین کرکٹ اس وقت دم بخود رہ گئے جب سپر اوور میں بھی مقابلہ ٹائی ہو گیا اور انگلینڈ کو میچ میں زیادہ باؤنڈریز مانرے کی بنیاد پر چیمپیئن قرار دیا گیا۔

    انگلینڈ کو اس انداز میں چیمپیئن قرار دیے جانے پر دنیا بھر کے سابق کرکٹرز اور ماہرین نے اس قانون کو تنقید کا نشانہ بنایا جس کے بعد انٹرنیشنل کرکٹ کونسل(آئی سی سی) نے اپنی کرکٹ کمیٹی کو اس قانون کا جائزہ لینے کی ہدایت کی ہے۔

    مورگن نے ٹائمز کو دیے گئے انٹرویو میں کہا کہ جب دونوں ٹیموں میں اتنا معمولی فرق ہو تو میرے خیال میں اس طرح سے فیصلہ کرنا منصفانہ نہیں، ہم میچ کے کسی بھی لمحے کے بارے میں یہ نہیں کہہ سکتے کہ اس کے نتیجے میں میچ کا فیصلہ ہوا، یہ ایک انتہائی متوازن میچ تھا۔

  • نیٹ بال ورلڈ کپ: سنسنی خیز سیمی فائنل میں آسٹریلیا نے جنوبی افریقہ کو ہرا دیا

    نیٹ بال ورلڈ کپ: سنسنی خیز سیمی فائنل میں آسٹریلیا نے جنوبی افریقہ کو ہرا دیا

    نیٹ بال ورلڈ کپ: سنسنی خیز سیمی فائنل میں آسٹریلیا جنوبی افریقہ کو ہرا کر فائنل میں پہنچ گیا.

    آسٹریلیا ٹیم کی کوچ لیسا الیگزینڈر نے کہا کہ مجھے اپنی ٹیم پر فخر ہے. ٹیم کی ہر کھلاڑی ایک مضبوط فائٹر ہے. پریشر میں ٹیم اچھا کھیل پیش کرتی ہے جب کبھی ہمیں ضرورت ہوتی ہے.

    ایونٹ کی فیورٹ ٹیم آسٹریلیا نے گزشتہ پانچوں میچز میں شاندار کھیل پیش کیا اور اب سیمی فائنل کے بعد فائنل میں جگہ بنائی.

    واضح رہے دوسرے سیمی فائنل میں انگلینڈ کا مقابلہ نیوزیلینڈ سے ہوگا. دونوں ٹیموں میں سے جو فاتح ہوگا فائنل میں آسٹریلیا سے ٹکرائے گا.

    https://www.bbc.com/sport/netball/49057223

  • سرسبز ماحول انسان کی فطرت میں شامل ہے: صدر عارف علوی کا سرسبز تحریک میں خطاب

    سرسبز ماحول انسان کی فطرت میں شامل ہے: صدر عارف علوی کا سرسبز تحریک میں خطاب

    کراچی: سرسبز ماحول انسان کی فطرت میں‌شامل ہے ان خیالات کا اظہار صدر مملکت ڈاکٹر عارف علوی نے کراچی میں ایک تقریب کے دوران کیا .انہوں‌نے کہا کہ سرسبز ماحول انسان کی فطرت میں شامل ہے، نظام قدرت میں ہر ایک چیز کی اپنی اہمیت اور حیثیت ہے۔ان خیالات کا اظہار صدر مملکت نے کراچی میں تعمیر قوم کے تحت سرسبزتحریک سے خطاب کرتے ہوئے کیا، انھوں نے کہا کہ ملک کو سرسبز و شاداب بنانے میں بلین ٹری سونامی منصوبہ اہمیت رکھتا ہے۔

    اپنے خطاب میں ڈاکٹر عارف علوی نے کہا کہ ملک میں جنگلات کی سطح تشویش ناک حد تک کم ہو رہی ہے، ایسے میں وزیر اعظم عمران خان کا ٹری منصوبہ سنگ میل کی حیثیت اختیار کر گیا۔ان کا کہنا تھا خوش قسمتی کی بات یہ ہے کہ ملک کو صاف اور سرسبز بنانے اور گلوبل وارمنگ کے اثرات سے نمٹنے کے لیے موجودہ قیادت پر خلوص ہے۔

    تقریب سے خطاب کے دوران ڈاکٹر علوی نے کہا کہ اسلام ہمیں روحانی اور جسمانی پاکیزگی کی تعلیم دیتا ہے۔ہمارے مذہب میں ماحول کی پاکیزگی پر بہت زور دیا گیا ہے،انھوں نے تقریب سے خطاب میں کہا کہ ملک میں سستی بجلی پیدا کرنے کے لیے توانائی کے متبادل ذرایع بروئے کار لانے کی ضرورت ہے۔

  • وزیر اعظم کی اتنی اوقات نہیں کہ امریکہ میں اکیلے ملک کی نمائندگی کر سکیں، مریم نواز کی عمران خان پر سخت تنقید

    وزیر اعظم کی اتنی اوقات نہیں کہ امریکہ میں اکیلے ملک کی نمائندگی کر سکیں، مریم نواز کی عمران خان پر سخت تنقید

    مسلم لیگ ن کی نائب صدر مریم نواز نے کہا ہے کہ سیلیکٹڈ بھی امریکہ کے وفد میں شامل ہے نا ؟ عوام کا وزیر اعظم ہوتا تو وفد کا سربراہ بن کے وفد کو لیڈ کرتا! جینا ذلت سے ہو تو مرنا اچھا ! ایسے اقتدار سے قید اچھی!


    باغی ٹی وی کی رپورٹ کے مطابق سوشل میڈیا سائٹ ٹویٹر پر وزیر اعظم عمران خان کے دورہ امریکہ پر سخت تنقید کرتے ہوئے انہوں نے کہاکہ پتہ نہیں اصلی قیادت عمران خان کو امریکہ لے گئی ہے یا وہ اصلی قیادت کو لے کر گئے ہیں، ان کی اتنی اوقات نہیں کہ ملک کی اکیلے نمائندگی کر سکیں، عوام کا وزیر اعظم ہوتا تو وفد کا سربراہ بن کے وفد کو لیڈ کرتا، فرانزک رپورٹ آنے کے بعد شک کی کوئی گنجائش نہیں میاں صاحب کو باعزت بری کیا جائے تاکہ عدلیہ کی شفافیت پر موجود سوالیہ نشان ختم ہو اور عدلیہ پر عوام کا اعتماد بحال ہو۔ جو کام بھی سازش یا غلط طریقے سے ہوا ہے ، چاہے چیئرمین سینیٹ ہو یا کوئی بھی ، وہ ریورس ہونا ہی ہونا ہے ،


    مریم نواز نے کہاکہ اب تو سکھا پڑھا کر سامنے بٹھا دینے کے دن بھی گئے۔ دنیا بھی جانتی ہے کہ سیلیکٹڈ سے بات کرنے کا فائدہ نہیں۔ اسکی حیثیت ایک کٹھ پتلی سے زیادہ کچھ نہیں ہے،

  • عمران خان چین اورامریکہ کی شادی کروانے گئے ہیں، انڈو پیسفک تنظیم کا دعویٰ

    عمران خان چین اورامریکہ کی شادی کروانے گئے ہیں، انڈو پیسفک تنظیم کا دعویٰ

    لاہور: پاکستان کی اہمیت پھر بڑھ گئی. پاکستان چین اور امریکہ کے درمیان دوریوں کو کم کرنے میں‌اہم کردار ادا کرسکتا ہے. عمران خان چین اور امریکہ کے درمیان کشیدگی کو کم کرنے کے لیے واشنگٹن جارہے ہیں.ان خیالا ت کا اظہار دنیا ماہراور قابل اعتماد غیر جانبدار تنظیم انڈو پیسفک فورم کی طرف سے کیا گیاہے.

    انڈو پیسفک تنظیم کے ماہرین کا یہ بھی خیال ہےکہ اس وقت پاکستان کے وزیر اعظم عمران خان ہی ایک ایسی شخصیت ہیں جو دو بڑی عالمی قوتوں کے درمیان پیدا ہونے والی کشیدگی کو کم کرسکتے ہیں.اس لیے اگر یہ کہا جائے کہ پاکستان کی اہمیت پہلے سے بڑھی ہے ، تو اس سے کسی کا انکار نہیں

    https://twitter.com/IndoPac_Info/status/1152508957488902144
    رپورٹس پر مبنی تجزیوں میں اس بات کی نشاندہی کی ہے کہ پاکستان پھر ڈبل گیم کرنے جارہا ہے. کیونکہ اس وقت پاکستان کی خغرافیائی پوزیشن ایسی ہے کہ امریکہ پاکستان سے تعلقات بنائے بغیر آگے نہیں چل سکتا .پاکستان ایک معاشی مرکز بننے جارہا ہے جس کے لیے ضروری ہے کہ دنیا کی دوبڑی طاقتیں
    ایک دوسرے سے الجھنے کی بجائے ملکر کام کریں

  • سیلاب سے بچاؤ کے لیے کیسے اقدامات کیے جا رہے ہیں ڈی سی گوجرانوالہ نے بتا دیا

    گوجرانوالہ :ڈپٹی کمشنر گوجرانوالہ نائلہ باقر نے کہاہے کہ سیلاب سے بچاؤ کے سلسلہ میں ضروری اقدامات کو حتمی شکل دی جارہی ہے اور ضلعی انتظامیہ متعلقہ محکموں کے ساتھ مل کر سیلاب کی صورتحال میں انسانی جان ومال کے تحفظ اور سیلاب میں گھرے افراد اورمال مویشی کو محفوظ مقامات پر منتقل کرنے کیلئے ممکنہ مادی اور مالی وسائل بروئے کار لائے گی- انہوں نے کہا کہ فلڈ پلان2019 کے مطابق تمام اضلاع میں محکموں کے افسران کی ذمہ داریوں کا تعین کیا جاچکا ہے اور فلڈ کنٹرول روم قائم کردئیے گئے ہیں – ان خیالات کا اظہارانہوں نے سیلابی صورت حال سے نمٹنے کے لیے محکمانہ انتظامات کا جائزہ اجلاس سے خطاب کرتے ہوئے کیا- اجلاس میں ایڈیشنل ڈپٹی کمشنر ریونیو شاہد حنیف، اے ڈی سی جی ڈاکٹر رابعہ ریاست، تمام تحصیلوں کے اسسٹنٹ کمشنرز صدر حنا ارشد،وزیرآباد وقار حسین، کامونکی شاہد عباس جوتہ، نوشہرہ ورکاں،سی ای او ہیلتھ، ڈی او ہیلتھ ڈاکٹر فرید، ڈی او ایمرجنسی کمال عابد، ڈی او ہلال احمر بلال عنایت، ڈی ڈی زراعت جاوید اختر،اے ایم ایس ڈاکٹر گلزار، ڈی ایس پی پولیس محمد اطہر، میونسپل کارپوریشن، واسا، پولیس ودیگر محکموں کے افسران شریک تھے-
    ڈپٹی کمشنر نے محکمہ انہار اور ڈرینیج، میونسپل کمیٹیز، ضلع کونسل سمیت دیگر کو نالوں کی صفائی کی ہدایت کی جبکہ نالہ ڈیک، نالہ پلکھو، ہسری ڈرین، لُٹرکی ڈرین کی ڈی سلٹنگ، پشتوں، بندوں کی مضبوطی بارے محکمہ انہار و ڈرینیج حکام کو ہدایات جاری کرتے ہوئے سرٹیفکیٹ بھی طلب کرلیا- اجلاس میں تمام محکموں کی شرکت، انتظامات، ڈرین نالوں کی صفائی، مشینری کے فنکشنل ہونے بارے جائزہ لیا گیا-ڈی او ایمرجنسی کمال عابد، ڈی اوہلال احمر بلال عنایت بٹ نے سیلابی صورت میں استعمال ہونے والے آلات اور مشینرvی کے فنکشنل ہونے بارے بریفنگ دی اور بتایا کہ ریسکیو 1122، ہلال احمر، واسا کی طرف سے فرضی مشقیں مکمل کر لی گئیں ہیں –

  • چولستان کے کاشتکاروں کو سرکاری اراضی کی الاٹمنٹ، پی پی ایل کو تیل کی تلاش کیلئے دی جائے گی اراضی

    چولستان کے کاشتکاروں کو سرکاری اراضی کی الاٹمنٹ، پی پی ایل کو تیل کی تلاش کیلئے دی جائے گی اراضی

    وزیراعلیٰ پنجاب سردار عثمان بزدارکی زیر صدارت آج و زیراعلیٰ آفس میں صوبائی کابینہ کا اجلاس منعقد ہوا جس میں پولیس کا 2005 سے منجمد فکس ڈیلی الاؤنس 2013 کی شرح کے مطابق بحال کرنے کی منظوری دی گئی، پولیس کے ساتھ پنجاب ہائی وے پٹرولنگ پولیس اورٹریفک وارڈنز کو بھی فکس ڈیلی الاؤنس 2013ء کی شرح سے ملے گا،

    باغی ٹی وی کی رپورٹ کے مطابق اجلاس میں کیڈرپوسٹ پر تعینات سول افسران کیلئے ایگزیکٹو الاؤنس کی منظوری د ی گئی۔سول افسران کوان کی بنیادی تنخواہ کے1.5گنا کے تناسب سے ایگزیکٹو الاؤنس دیا جائے گا۔وزیراعلیٰ کی خصوصی ہدایت پر پنجاب کابینہ نے سول سیکرٹریٹ کے گریڈ ایک تا 16 ملازمین کیلئے بنیادی تنخواہ کے 1.5گنا کے تناسب سے خصوصی الاؤنس کی منظوری بھی دی۔اجلاس میں چولستان کے بے زمین کاشتکاروں کو سرکاری اراضی کی الاٹمنٹ کی منظوری دی گئی اور اس ضمن میں آئندہ سے زمین شفاف طریقے سے الاٹ کی جائے گی اور اس مقصد کیلئے سکروٹنی کمیٹیاں تشکیل دینے کی بھی منظوری دی گئی۔اجلاس میں تحصیل صادق آباد کے علاقے چولستان میں پی پی ایل کو تیل کی تلاش کے لئے اراضی دینے کی منظوری دی گئی۔کابینہ اجلاس میں حالیہ بارشوں،طوفان اورژالہ باری کے باعث کاشتکاروں کی فصلوں کو پہنچنے والے نقصان کے ازالے کیلئے امدادی پیکیج کی منظوری دی گئی۔27 اضلاع کے 55 متاثرہ دیہات کو آفت زدہ قرار دے دیا گیا،آبیانہ اور مالیہ معاف ہوگا،

    وزیر اعلی پنجاب سردار عثمان بزدار نے دریائے جہلم سے بعض علاقوں میں سیلاب سے متاثرہ کاشتکاروں کے نقصانات کا تخمینہ لگانے کی ہدایت کی۔صوبائی کابینہ کے اجلاس میں پنجاب کی پہلی سیاحتی پالیسی کی اصولی منظوری دی گئی۔وزیراعلیٰ نے کہا کہ سیاحوں کی دلچسپی کے حصول کیلئے خصوصی مراعات کا پیکیج تیار کیا جائے گا۔ سیاحت کے فروغ سے پنجاب اور پاکستان کا سافٹ امیج ابھرے گا۔انہوں نے کہا کہ سیاحت میں سرمایہ کاری میں دلچسپی رکھنے والے نجی سرمایہ کاروں کو خصوصی مراعات دی جائیں گی۔اجلاس میں میٹرک اورایف اے،ایف ایس سی کے امتحانات کے لئے گریڈنگ سسٹم مرحلہ وار متعارف کرانے کا فیصلہ کیا گیا اور پہلا مرحلہ نافذ کرنے کی منظوری دی گئی۔وزیراعلیٰ نے کہا کہ امتحانات کیلئے گریڈنگ سسٹم یکساں نظام تعلیم کی جانب اہم قدم ہے جس سے رٹہ سسٹم کا خاتمہ ہوگا۔ایسا نظام تعلیم دیں گے کہ ہمارے بچے انٹرنیشنل لیول پر مقابلہ کرسکیں۔وزیر اعلی نے ہدایت کی کہ گریڈنگ سسٹم کے دوسرے اور تیسرے مرحلے کا جائزہ لینے کیلئے کمیٹی تشکیل دی جائے۔

    اجلاس میں سرکاری اراضی ڈسپوزل پالیسی میں ترامیم کی منظوری دے دی گئی۔پنجاب کابینہ نے آئندہ سے سرکاری اراضی اوپن آکشن کے تحت لیزپر دینے کی منظوری دی۔بے زمین کاشتکاروں کو لیز پر دی جانے والی اراضی کے مالکانہ حقوق دینے کا فیصلہ کیا گیا،جن کاشتکاروں نے 80فیصد اراضی کو آباد کیا ہے انہیں مالکانہ حقوق دیئے جائیں گے۔اجلاس میں پارکس اینڈ ہارٹیکلچر اتھارٹی سیالکوٹ کے بورڈ آف ڈائریکٹرز کے ممبران کی نامزدگی کی منظوری دی گئی۔کابینہ اجلاس میں مالی سال2016-17اور2018-19کے پنجاب حکومت کے اکاؤنٹس کی آڈیٹر جنرل آف پاکستان کی جانب سے مرتب کی جانیوالی آڈٹ رپورٹس کی منظوری دی گئی۔کابینہ کی منظوری کے بعد آڈٹ رپورٹس پنجاب اسمبلی میں پیش کی جائیں گی۔وزیراعلیٰ پنجاب کی جانب سے اس ضمن میں قائم کی جانے والی کمیٹی کی سفارشات کی منظوری دی گئی،

    صوبائی کابینہ کے 13ویں اور14ویں اجلاسوں کے منٹس کی توثیق کی گئی۔ کابینہ کی سٹینڈنگ کمیٹی برائے فنانس اینڈ ڈویلپمنٹ کے 10ویں اور11ویں اجلاسوں کے فیصلوں کی توثیق کی گئی۔اجلاس میں صوبائی وزراء،مشیران،معاونین خصوصی،چیف سیکرٹری اوراعلی حکام نے شرکت کی، اس دوران دیگر اہم امور پر بھی تبادلہ خیال کیا گیا.