Author: +9251

لندن:یورپ کے ساتھ رہنا ہے یا نہیں اس وقت برطانیہ ایک اہم ایشو بنتا جارہا ہے، اسی حوالے سے برطانیہ کے سابق فوجیوں کی تنظیم نے بھی اس خدشے کا اظہار کر دیا ہے کہ اگر برطانوی حکومت نے بریگزٹ کی حمایت کی تو اس سے برطانیہ کی سلامتی کوخطرہ ہوسکتا ہے.

بنیادی طور پر یہ یورپ کے سابقہ فوجیوں کی تنظیم ہے جس میں سب سے زیادہ فوجی برطانیہ کے ہیں،ایک سابق فوجی آفیسر برنرڈ رمبرلڈ نے خبردار کرتے ہوئے کہا کہ عجیب معاملہ ہے کہ ہم برطانیہ کے لیے اور کئی جنگیں لڑ چکے ہیں لیکن ہمیں یہ احساس نہیں کہ یہ بھی ایک جنگ ہے جو بریگزٹ کی صورت میں ہے ہمیں مل کر اس کا مقابلہ کرنا چاہیے،

یاد رہے کہ بریگزٹ نے 2017 میں برطانوی فوجیوں کے اس موقف کو کمزور کرنے کے لیے ایک مہم چلائی تھی،کیونکہ تنظیم کو اس بات کا خدشہ تھا کہ دائیں بازو کے حامی برطانوی فوجی بریگزٹ کے حامی ہیں اور وہ یورپ سے الگ ہونا چاہتے ہیں.

برنرڈ رمبرلڈ نے اس بات کا بھی خدشہ ظاہر کیا ہےکہ برطانیہ کی حالت اس قدر خراب ہے کہ وہ اکیلا اپنے آپ کو قائم نہیںرکھ سکتا ان حالات میں رطانیہ کو اپنےیورپین ساتھیوں سے مل کر رہنا ہوگا .ورنہ پھر کسی بڑے خطرے کے لیے تیار رہے

قبرص:اسرائیلی دیار غیر میں بھی ریپ اور جنسی زیادتیاں کرنے لگے .ایسے ہی ایک واقعہ میں قبرص میں جواں سالہ برطانوی لڑکی کو گینگ ریپ کا نشانہ بنانے والے 11 اسرائیلی نوجوانوں کو گرفتار کر لیا گیا۔غیر ملکی ذرائع کے مطابق اسرائیلی سیاحوں نے متاثرہ لڑکی کو اس کے ہوٹل کے کمرے میں زیادتی کا نشانہ بنایا۔

قبرص حکام کے مطابق زیر حراست اسرائیلی نوجوانوں کو ضلعی عدالت میں پیش کر کے ان ریمانڈ کی استدعا کی۔پارہلی مانی کی ضلعی عدالت میں پیش کردہ اسرائیلی نوجوانوں کے خلاف پولیس نے موقف اختیار کیا کہ ملزمان کو 8 دن کے لیے جسمانی ریمانڈ پر حوالے کیا جائے۔

جرم ثابت ہونے پر عدالت نے 19 سالہ برطانوی لڑکی کو گینگ ریپ کا نشانہ بنانے والے 11 اسرائیلی سیاحوں کو ریمانڈ پر پولیس کے حوالے کردیا۔عدالت میں پیش کردہ ملزمان کی عمریں 16 سے 18 سال کے درمیان تھی۔

دوسری جانب اسرائیل کے وزیر خارجہ نے اعلامیے میں کہا کہ اسرائیل قونصلر یوسی ورمبرانڈ پیش رفت سے آگاہ ہیں اور زیر حراست اسرائیلی نوجوانوں سے رابطے میں ہیں۔

انہوں نے بتایا کہ ریپ کے الزام میں گرفتار اسرائیلی نوجوانوں کے اہلخانہ کو حالیہ پیش رفت سے متعلق آگاہ کردیا گیا ہے۔یاد رہے کہ اسرائیلیوں کے طرف سے دوسرے ممالک میں اس قسم کی قبیح حرکتوں کے کرنے کی اور بھی خبریں گردش کررہی ہیں.

کابل:افغانستان پھر دھماکوں کی زد میں ، افغان دارالحکومت کابل میں یونیورسٹی میں دھماکے کے نتیجے میں 13 افراد ہلاک اور 45 افراد زخمی ہوگئے ہیں۔افغان میڈیا کے مطابق ملک کے دارالحکومت میں کابل یونیورسٹی میں اس وقت زور دار دھماکے کی آواز آئی جب طلبہ صبح کے وقت امتحان دینے کے لیے یونیورسٹی کے اندر موجود تھے،تمام زخمیوں کو قریبی اسپتال منتقل کردیا گیا تاہم متعدد افراد کی حالت تشیویشناک بتائی جارہی ہے۔

کابل سے ترجمان افغان وزارت صحت وحید اللہ میئر نے بھی ہلاکتوں کی تصدیق کرتے ہوئے کہا کہ زخمیوں کو ہر ممکن سہولت فراہم کی جارہی ہے۔ عینی شاہدین کا کہنا ہے کہ دھماکے کے وقت قریب کھڑی 2 گاڑیوں میں آگ لگ گئی اور اس وقت طلبہ کی بڑی تعداد وہاں موجود تھی۔

دوسری جانب کابل پولیس کا کہنا ہے کہ دھماکا علاقے میں پہلے سے نصب آئی ای ڈی سے کیا گیا۔ ادھر کسی گروپ یا تنظیم کی جانب سے اب تک دھماکے کی ذمہ داری قبول نہیں کی گئی ہے۔اطلاعات کے مطابق افغان حکومت کو امریکہ ،نیٹو اور اتحادی ملکو ں کی طرف سے مکمل سپورٹ کے باوجود کابل پر مکمل کنٹرول نہیں ہیں.