Author: +9251

سپریم کورٹ نے بابری مسجد کی شہادت میں ملوث ایل کے ایڈوانی اور دیگر ملزمان کے خلاف ٹرائل نو ماہ کے اندر مکمل کرنے کی ہدایت کی ہے۔
بابری مسجد کیس کی سماعت باقاعدہ طور پر 2 اگست سے شروع
ملزمان میں میں بی جے پی کے رہنما ایل کے اڈوانی کے علاوہ مرلی منوہر جوشی، اوما بھارتی، کلیان سنگھ وغیرہ رہنما ملزم ہیں۔

جمعہ کو کیس کی سماعت کے دوران سپریم کورٹ نے کہا کہ چھ ماہ کے اندر گواہوں کے بیانات درج جبکہ نو ماہ کے اندر فیصلہ سنا دیا جاناچا ہئے۔
جسٹس روہنگٹن اور جسٹس سوریہ کانت پر مشتمل بینچ نے اتر پردیش کی حکومت کو ہدایت کی کہ کیس کی سماعت کرنے والے مرکزی تفتیشی بیورو (سی بی آئی) کے خصوصی جج ایس کے یادو کی میعاد کوبھی بڑھایا جائے۔یاد رہے کہ مذکورہ جج 30ستمبر کو ریٹائر ہو رہے ہیں۔

امریکہ نے ایران سےتعلق رکھنے والے عراقی ملیشیائوں کے چار رہنماؤں کو بلیک لسٹ کردیا گیا ہے۔

تفصیلات کے مطابق امریکی نائب صدر کا کہنا تھا کہ ایرانی دہشت گردی کو فروغ دینے والی ملیشیائوں کے ساتھ کوئی نرمی نہیں برتی جائے گی اور امریکا دہشت گردوں کے حوالے سے ہاتھ باندھ کر نہیں بیٹھے گا۔

امریکی وزارت خزانہ کی ویب سائٹ پر جاری ایک بیان میں کہا گیا ہے کہ چار عراقی شخصیات پر انسانی حقوق کی سنگین پامالیوں اور ملک میں کرپشن کی سرگرمیوں میں ملوث ہونے کے ٹھوس شواہد ملے ہیں جس کے بعد انہیں بلیک لسٹ کردیا گیا ہے۔

بلیک لسٹ ہونے والوں میں ایرانی جنرل قاسم سلیمانی کےمقرب بابلیون ملیشیا کے سربراہ ریان الکلدانی، الشبک ملیشیا کے وعد قدو، نینویٰ کے سابق گورنر نوفل العاکوب اور صلاح الدین گورنری کے سابق گورنر اور المحور اتحاد کے چیئرمین احمد الجبوری شامل ہیں.

عراقی شہر اربیل میں گزشتہ دنوں ایک ریستوران میں مسلح حملے کے مرتکب افراد میں سے ایک کی شناخت کر لی گئی ہے۔

تفصیلات کے مطابق عراق کی کردی انتظامیہ سے وابستہ محکمہ پولیس کے مطابق، 1 ترک سفارت کار سمیت دو عراقی شہریوں کی موت کے موجب اس حملے میں مظلوم داع نامی شخص بھی ملوث ہے جو کہ سن 1992 میں ترک ضلع دیار بکر میں پیدا ہوا تھا۔

پولیس نے اس مشتبہ شخص کی تصویر بھی جاری کر دی ہے اور شہریوں سے درخواست کی ہے کہ وہ اس شخص کے بارے میں کسی بھی قسم کی معلومات اگر رکھتےہوں تو پولیس کو مطلع کریں۔

واضح رہے کہ کل عراق میں مسلحہ حملے کے دوران حملے میں ایک شخص کے زخمی ہونے کی بھی اطلاع موصول ہوئی تھی ۔کثیر تعداد میں سکیورٹی فورسز کو جائے وقوعہ کی طرف منتقل کر دیا گیا ہے۔

بعض ذرائع کے مطابق حملہ آوروں کے مفرور ہونے کی وجہ سے اربیل میں داخلے و خروج کے تمام راستوں کو بند کر دیا گیا ہے۔

ریسٹورنٹ کے مالک کی فراہم کردہ معلومات کے مطابق قونصل خانے کے عملے کے ریسٹورنٹ میں داخل ہونے کے بعد سول کپڑوں میں ملبوس اور دو عدد اسلحے سے لیس حملہ آور نے براہ راست قونصل خانے کے عملے کو ہدف بنا کر فائر کھول دیا۔

غلاف کعبہ کو اونچا کر دیا گیا اس کی ایک اہم وجہ ہے

تفصیلات کےمطابق الحرمین الشریفین کے امور کی انتظامیہ کی جانب سے آج جمعے کے روز غلافِ کعبہ (کِسوہ) کے نچلے حصّے کو زمین سے 3 میٹر بلند کر دیا گیا ہے۔ ساتھ ہی بلند کیے جانے والے حصّے کو چاروں طرف سے سفید کاٹن کے کپڑے سے ڈھانپ دیا گیا جس کا عرض دو میٹر کے قریب ہے۔حج سیزن کے بعد غلاف کو اس کی پرانی حالت پر کر دیا جاتا ہے۔

کِسوہ کو زمین سے بلند کرنے کے اقدام کا مقصد غلاف کعبہ کی صفائی برقرار رکھنا اور اس کی حفاظت کو یقینی بنانا ہے۔ اس لیے کہ حج سیزن میں حجاج کرام کی ایک بڑی تعداد غلاف کعبہ کو چُھونے اور اس سے لپٹنے کی خواہش مند ہوتی ہے جس کے نتیجے میں غلاف کو کچھ نقصان بھی پہنچ سکتا ہے۔

حرمین شریفین کے امور کی انتظامیہ کی جانب سے غلافِ کعبہ کے نچلے حصّے کو زمین سے تین میٹر بلند کر دیا جاتا ہے۔ ساتھ ہی بلند کیے جانے والے حصّے کو چاروں طرف سے سفید کاٹن کے کپڑے سے ڈھانپ دیا دیا جاتا ہے جس کا عرض دو میٹر کے قریب ہے۔