Author: +9251

شام کی مہاجر خواتین سے کرد پارٹی کے لوگ زبردستی شادی رچانے لگے، استحصال کا عمل جاری

تفصیلات کے مطابق ڈیموکریٹک یونین کے ارکان ، شامی پناہ گزین کیمپ خواتین کو نکالنےکے لیے شادی کی شرط لگانے لگے سوشل میڈیا پر شامی اپوزیشن کے فورم اس معلومات سے بھرے پڑے ہیں کہ شام میں ڈیموکریٹک یونین پارٹیPYD (کُردوں کی جماعت) کے ارکان ملک کے مشرق میں اپنے زیر انتظام کیمپوں کے آبادی کو بلیک میل کر رہے ہیں۔

ڈیموکریٹک یونین پارٹی کے ارکان ان کیمپوں میں مقیم گھرانوں پر دباؤ کے لیے کئی طرح کے ذرائع استعمال کر رہے ہیں۔ ان میں تازہ ترین کارستانی ان خواتین کو بلیک میل کرنا ہے جو الحسکہ کے مشرق میں واقع الہول کیمپ سے باہر نکل جانے کی خواہش مند ہیں۔ اس کے واسطے شادی کا ایک فرضی معاہدہ کیا جاتا ہے .. اور فریقین کے درمیان متفقہ معاہدے کے تحت پارٹی کے ارکان مالی رقوم حاصل کرتے ہیں۔

دوسری جانب ایک میڈیا ویب سائٹ نے الہول کیمپ کی ایک خاتون کے حوالے سے بتایا کہ گزشتہ ایام کے دوران پارٹی کے ارکان کے ساتھ شادیوں کی تعداد میں اضافہ ہو گیا ہے۔ یہاں خواتین کی جانب سے پارٹی کے ارکان کو مجبورا ادا کی جانے والی رقم دس لاکھ شامی لیرہ تک پہنچ گئی ہے۔

ایران کے لیے امریکا کے خصوصی ایلچی ‘برائن ہُک’نے کہا ہے کہ خلیج کے سمندری تحفظ کے حوالے سے جلد ہی ایک کانفرنس بحرین میں منعقد کی جائےگی جس میں 65 ممالک کے مندوبین شرکت کریں‌گے۔

ادھر امریکی جوائنٹ چیف آف اسٹاف کمیٹی کے چیئرمین جنرل جوزف ڈانفرڈ نے گذشتہ ہفتے کہا تھا کہ ان کے ملک نے ایران اور یمن کے باغیوں کی طرف سے عالمی اور علاقائی پانیوں‌کے تحفظ کے لیے ایک نیا عالمی عسکری اتحاد تشکیل دینے کا پروگرام بنایا ہے۔ یہ پروگرام ایک ایسے وقت میں وضع کیا گیا ہے جب دوسری جانب خطے کےسمندر میں تیل بردار جہازوں پرحملوں کا الزام ایران اور یمن کے حوثی باغیوں‌پرعاید کیا جاتا ہے۔

جنرل ڈانفرڈ کا کہنا تھا کہ ہم اس وقت اپنے اتحادی ممالک کے ساتھ رابطے میں تاکہ ایک نئے عسکری اتحاد کی تشکیل کے پلان کوعملی شکل دےکر باب المندب اور آبنائے ہرمز میں عالمی جہاز رانی کو تحفظ فراہم کیا جا سکے۔

واضح رہے کہ چند ہفتے قبل دو ٹینکروں مارشل آئس لینڈ کے پرچم بردار فرنٹ آلٹیر اور پاناما کے پرچم بردار کوکوکا کورجیئس پر جمعرات کو خلیج عمان میں آبنائے ہُرمز کے نزدیک بین الاقوامی پانیوں میں دہشت گردانہ حملے کا نشانہ بنایا گیا ہے۔ اس حملے کے بعد ان دونوں جہازوں سے عملہ کو باحفاظت نکال لیا گیا۔ بتایا گیا ہے کہ فرنٹ آلٹیر پر آتش گیر تیل ( نفتھا) اور کوکوکا کورجیئس پر میتھانول لدا ہوا تھا۔ ان میں سے ایک جہاز ایک آبی بم ( تارپیڈو) سے ٹکرایا تھا جس کے بعد اس کے ایک حصے کو آگ لگ گئی تھی جبکہ دوسرے جہاز کے مینجر کا کہنا ہے کہ مشتبہ تخریبی حملے کےبعد اس میں لدے مواد کو کوئی نقصان نہیں پہنچا اور وہ محفوظ رہا ہے۔

روس کی فوج  شام میں اسدی فوج کے ہمراہ زمینی لڑائی بھی لڑے گی .

روس نے شام میں اپنی ایلیٹ فورس یعنی اسپیشل فورسز کو باقاعدہ طور پر بشار الاسد کی فوج کے ساتھ مل کر لڑائی میں حصہ لینے کی اجازت دے دی ہے۔

تفصیلات کے مطابق شام میں مسلح عناصر کی طرف سے بتایا گیا کہ روس نے شام میں اسپیشل فورس پر مُشتمل نئی کمک بھیجی ہے جو شام میں بشار الاسد کی فوج اور اس کی حامی ملیشیا کے ساتھ مل کر لڑ رہی ہے۔

اپوزیشن کے حامی مسلح جنگجوئوں‌ کا کہنا ہے کہ اس سے قبل شام میں روس کی اسپیشل فورس کو صرف آپریشن کارروائیوں کے احکامات دینے کی ذمہ داری تک محدود کیا گیا تھا جو براہ راست لڑائی میں حصہ نہیں لیتی تھی مگر اب روس کی اسپیشل فورس باقاعدہ لڑائی میں‌ حصہ لے گی۔

مسلح عناصر کا کہنا ہے کہ روس کی حکمت عملی میں‌ تبدیلی کا مقصد شمال مغربی شام میں اپوزیشن کے زیر انتظام آخری علاقے میں دو ماہ سے جاری آپریشن کو منطقی انجام تک پہنچانا ہے
شام کے شہر ادلب میں انسانی لاشوں کے انبار

روس کا ایٹمی پاور پلانٹ شارٹ سرکٹ کی وجہ سے بند ہوگیا.البتہ کسی تابکاری کے اخراج کی خبر نہیں ہے.

باغی ٹی وی رپورٹ کے مطابق روس کا ایٹمی پاور پلانٹ شارٹ سرکٹ کی وجہ سے بند ہوگیاالبتہ کسی تابکاری کے اخراج کی خبر نہیں موصول نہیں ہوئی ہے. ٹرانسفارمر بند ہونے کی وجہ سے 3 یونٹ بند ہوگئے.یہ واقعہ روس کے دارلحکومت ماسکو سے 350 کلو میڑ دور شمال مغرب میں واقع ہوا. ماہرین کے مطابق اس اسٹیشن اور قریبی علاقے میں اس قسم کی تابکاری معمول کے مطابق ہوئی.

واضح رہے کہ تابکاری کے واقعات وقتا فوقتا پیدا ہوتے رہے ہیںِ اسی طرح بھارت میں 2009ء سے2013ء کے درمیان گیارہ جوہری سائنسدان غیر حقیقی موت کا شکار ہوئے۔محکمے کے تحقیقی مراکز میں کام کرنے والے آٹھ انجینئرز اورسائنسدان دھماکوں، پھندوں سے یا سمندر میں ڈوب کر مر گئےتھے ۔