کنور عمران سعید خان
شیخوپورہ (نمائندہ باغی ٹی وی ) پاکستان تحریک انصاف کے صوبائی رہنما چوہدری کنور عمران سعید ایڈووکیٹ نے کہا ہے کہ تحریک انصاف کی حکومت نے ملک کا نظام جس ڈگر پر چڑھا دیا ہے اب کوئی مائی کا لال قومی خزانہ لوٹنے کی جرات نہیں کرے گا انہوں نے یہاں نوجوان تاجر میاں احمد سعید کی شادی خانہ آبادی کے موقع پر میڈیا کے نمائندوں سے گفتگو کرتے ہوئے کہا کہ پاکستان میں انتقامی سیاست ہمیشہ کے لئے ختم ہو چکی ہے اب قومی مجرمان کے فیصلے عدالتوں کے ذریعے ہوں گے نواز لیگ اور پیپلز پارٹی کی لیڈر شپ کے خلاف تحریک انصاف کی حکومت نے کوئی مقدمہ نہیں بنایا ان کے خلاف بننے والے مقدمات ایک دوسرے کے دور حکومت میں بنے تھے رانا ثناء اللہ کے خلاف منشیات کا مقدمہ اے این ایف نے ٹھوس شواہد کی بنیاد پر بنایا ہے جو آزاد ادارہ ہے
Author: +9251
-
اب کوئی مائی کا لعل قومی خزانہ لوٹ نہیں سکے گا
-
ملتان : ڈپٹی کمشنر ملتان کی کھلی کچہری
ملتان (نمائندہ باغی ٹی وی) ڈپٹی کمشنر ملتان عامر خٹک کی اڈا لاڑ میں کھلی کچہری
تفصیلات کے مطابق کھلی کچہری میں تین سو سے زائد افراد کی آمد ایڈیشنل ڈپٹی کمشنر ریونیو آغا ظہیر عباس شیرازی ، اسسٹنٹ کمشنر تحصیل صدر طیب خان ،صحت،تعلیم، واپڈا، سوئی گیس،ضلع کونسل زراعت ،لائوسٹاک اور دیگرتمام محکموں کے افسران کی کھلی کچہری میں موجود تھے ڈپٹی کمشنر نے شہریوں کے مسائل کے حل کے لیے موقع پر احکامات جاری کئے۔ کھلی کچہری کا مقصد عوام کے مسائل ان کی دہلیز پہ حل کرنا ہے ۔ ہر یونین کونسل کی سطح پہ کھلی کچہری لگائے جائے گی۔اڈا لاڑ میں تجاوزات کے خلاف گرینڈ آپریشن کیا جائے گا۔ تجاوزات کی زد میں آنے والی عمارتیں گرا دیں جائیںگی اور سامان قبضہ میں لے لیا جائے گا۔ قبرستان کی زمین پر کسی صورت قبضہ نہیں ہونے دیا جائے گا۔ بند واٹر فلٹریشن پلانٹ کو ایک ہفتہ کے اندر فعال کردیا جائے گا۔
سول کیسسز بارے شکایات کو حل کیا جائے گا۔ عامر خٹک -
ڈی آئی جی آپریشنز لاہورکی ہدایت پرماڈل ٹاﺅن ڈویژن میں کریک ڈاﺅن
ڈی آئی جی آپریشنز لاہوراشفاق خان کی ہدایت پرماڈل ٹاﺅن ڈویژن میں پولیس کا جرائم پیشہ عناصر کے خلاف کریک ڈاﺅن جاری ہے۔
باغی ٹی وی کی رپورٹ کے مطابق ایس پی ماڈل ٹاﺅن ڈویژن عمران احمد ملک کی زیرِنگرانی ماڈل ٹاﺅن ڈویژن پولیس نے اشتہاری و سنگین جرائم میں ملوث عناصر کے خلاف کارروائی کرتے ہوئے گذشتہ ہفتہ کے دوران مختلف جرائم میں ملوث 125ملزمان گرفتار کر لیئے۔ ناجائزاسلحہ کے خلاف کارروائی کے دوران17 ملزمان کے قبضہ سے10 پسٹلز، 04 رائفلز03خنجراور گولیاں برآمد کر لیں۔ منشیات فروشوںکے خلاف کارروائی کرتے ہوئے32ملزمان کے قبضہ سے04کلو 500گرام سے زائد چرس اور307لیٹر شراب برآمد کی گئی۔چوری، امانت میں خیانت، چیک ڈس آنر سمیت دیگر مقدمات میں مطلوب06 اشتہاری و عدالتی مجرمان کو گرفتار کیا گیا ۔ پتنگ بازی،ون ویلنگ، ہوائی فائرنگ، لاﺅڈسپیکر اور پرائس کنٹرول ایکٹ کی خلاف ورزی پر58ملزمان کو بھی گرفتار کیا گیا۔
-
چینی صنعتوں کا پاکستان میں جال بچھا دیں گے.چینی کمپنیوں کے سربراہان کا عمران خان سے وعدہ
اسلام آباد:ہم چینی صنعتوں کا پاکستان میں جال بچھا دیں گے،بہت جلد چینی صنعتوں کو پاکستان منتقل کرنا شروع کردیں گے .ان خیالات کا اظہار چین سے آئے ہوئے 55 کمپنیوں کے سربراہان نے وزیر اعظم عمران خان سے اسلام آباد میںکیا.ان چینی کاروباری شخصیات کو وزیر اعظم پاکستان نے پاکستان میں سرمایہ کاری کرنے کے حوالے سے دعوت دی تھی
وزیر اعظم عمران خان نے وفد سے کہا کہ پاکستان چین سے اس سلسلے میں فائدہ اٹھانا چاہتا ہے.عمران خان نےکہا کہ پاکستان چینی قیادت کے ویژ ن اور منصوبے بندی سے بہت متاثر ہے.خاص کر امن وامان ،گورننس اور غربت میں کمی کے حوالے سے چینی اقدامات سے متاثر ہیں.
چینی وفد سے بات چیت کرتے ہوئے عمران خان نے کہا کہ بہت جلد اکنامک کوریڈور خطےمیں پاکستان کے لیے ایک گیم چینجر بن جائے گا.پاک چین دوستی پر عمران خان نے کہا کہ اس دوستی سے دنوں ملکوں میں تعلقات مزید بہتر ہوں گے
پاکستان میں چین کے سفیر نے حکومت کی طرف سے معاشی اصلاحات کو سراہا اور کہا کہ مستقبل قریب میں پاکستان کے معاشی حالات بہتر ہوجائیں گے
چینی وفد کے ساتھ اس ملاقات میں وزیراعظم کے علاوہ مشیر خزانہ عبدالحفیظ شیخ،مشیر تجارت عبدالرزاق داود،مخدوم خسرو بختیار،زبیر گیلانی اور چیئر مین ایف بی آر شبر زیدی شریک ہوئے
-
راولپنڈی منشیات فروشوں کے خلاف کاروائی
راولپنڈی :تھانہ پیر ودہائی پولیس کا منشیات فروشوں کے خلاف بھر پور کریک ڈاؤن جاری,منشیات فروش صداقت حسین کو گرفتار کرلیا گیا ,ملزم کے قبضہ سے 130 بوتل ادھیہ شراب برآمد ہوئی,ملزم کے خلاف مقدمہ درج کر کے تفتیش شروع کر دی گئی
-
وہاڑی : ڈی پی او آفس میں تقریب
وہاڑی (نمائندہ باغی ٹی وی) ڈسٹرکٹ پولیس آفیسر وہاڑی ثاقب سلطان المحمود کی ڈی پی او آفس آمد ۔۔پولیس کے چاک و چوبند دستے نے پر جوش سلامی پیش کی۔
عام آدمی کو انصاف کی فراہمی اور ضلع وہاڑی کو کرائم فری بنانے کے لئے تمام توانیاں استعمال کی جائیں گی۔ میرے دروازے تمام شہریوں اورپولیس سٹاف کے لئے ہمہ وقت کھلے ہیں۔ ثاقب سلطان المحمود ڈسٹرکٹ پولیس آفیسر وہاڑی
ڈسٹرکٹ پولیس آفیسر وہاڑی ثاقب سلطان المحمود نے کہا کہ عام آدمی کو انصاف کی فراہمی اور ضلع وہاڑی کو کرائم فری بنانے کے لئے تمام توانیاں استعمال کی جائیں گی میرے دروازے تمام شہریوں اور پولیس سٹاف کے لئے ہمہ وقت کھلے ہیں۔ ان خیالات کا اظہار انہوں نے چارج سنبھالنے کے بعد دفتر پولیس وہاڑی میں کیا۔
تفصیلات کے مطابق ایس ایس پی ثاقب سلطان المحمود نے بطور ڈی پی او وہاڑی چارج سنبھالتے ہی دفتر کا وزٹ کیا اس دوران ان کے ہمراہ ایس پی انوسٹی گیشن میڈم کوثر پروین ، ڈی ایس پی سرکل صدر وہاڑی طارق پرویز، ڈی ایس پی ٹریفک شہزاد منظور, انسپکٹر لیگل میڈم روبینہ عباس اور جملہ انچار ج برانچ موجود تھے ۔ڈی پی او آفس میں آمد کے موقع پر پولیس کے چاک و چوبند دستے نے پر جوش سلامی پیش کی ۔اچھی پرفارمنس پر سلامی گارد کے لئے سی سی تھری سر ٹیفکیٹ اور انعام کا اعلان کیا گیا۔ بعد ازاں ڈی پی او وہاڑی نے خدمت مرکز اور ڈرائیونگ لائسنس برانچ سمیت مختلف برانچز کا وزٹ کیا اور ورکنگ کا بار ے میں دریافت کیا ۔اس دوران وہ دفتر پولیس میں موجود شہریوں سے بھی ملے اور ان کے مسائل سنے اور ا ن کے فوری حل کے لئے احکامات جاری کئے۔ڈی پی او وہاڑی ثاقب سلطان المحمود نے کہا کہ شہریوں کو تھانوں میں انصاف کی بروقت فراہمی بنیادی ترجیحات میں سرفہرست ہو گی۔ایس ایچ اوز تھانوں میں آنے والے تمام شہریوں اور مظلوموں کی داد رسی کرتے ہو ئے عوام کے مسائل کو حل کرنا اپنا شعار بنائیں۔ پولیس اہلکاروں کی ویلفیئر جبکہ شہداءکے اہلخانہ کے لیے سہولیات فراہم کرنا اہم ترجیحات میں شامل ہے۔
تمام پولیس افسران نیک نیتی ،ایمانداری اور محنت کو اپنا منشور بناتے ہوئے پورے اعتماد کے ساتھ اپنے فرائض سرانجام دیںاور میرٹ پر کام کرتے ہوئے شہریوں کو ریلیف دیں ۔مجرمان،اشتہاریوں، منشیات فروشوں اور دیگر سماجی برائیوں میں ملوث عناصر کی گرفتار ی کیلئے کاروائیاں تیز کی جائیں۔جدید انفارمیشن ٹیکنالوجی کااستعمال کرتے ہوئے شہریوں کی دادرسی کا ذریعہ بنائیں گے۔شہری بلاججھک اپنے مسائل کے حل کے لئے مجھ سے بغیر کسی سفارش کے مل سکتے ہیں۔
#جوگی -
لاہور ڈی آئی جی آپریشنز اشفاق خان کی ایس پیز، ڈی ایس پیز اور ایس ایچ اوز ملاقات
لاہورڈی آئی جی آپریشنزلاہور اشفاق خان نے کہا ہے کہ تمام ایس پیز، ڈی ایس پیز اور ایس ایچ اوز لوگوں کو ان کے گھر کی دہلیز پر انصاف فراہم کریں۔ شہری اپنے مسائل کی شنوائی کے لئے بلا جھجک میرے دفتر تشریف لائیں،
باغی ٹی وی کی رپورٹ کے مطابق میرے دروازے عوام کیلئے ہمہ وقت کھلے ہیں۔تھانوں کی سطح پر بھی سائلین کے مسائل ترجیحی بنیادوں پر حل اور بلا تفریق انصاف کی فراہمی یقینی بنائی جارہی ہے۔ تمام پولیس افسران شہریوں کے ساتھ خوش اخلاقی اور عزت و احترام سے پیش آئیں۔ انہوں نے یہ بات اپنے دفتر میں منعقدہ کھلی کچہری کے موقع پر کہی۔ کھلی کچہری کے دوران شہریوں نے اپنے مسائل سے ڈی آئی جی آپریشنز کو آگاہ کیا۔ انہوںنے شہریوں کے مسائل سنے اور متعلقہ افسران کو ان کے حل کیلئے موقع پر احکامات صادر کئے۔ڈی آئی جی آپریشنز لاہوراشفاق خان نے اس موقع پرمزید کہا کہ امن وامان کا قیام اور لوگوں کی جان و مال کاتحفظ محکمہ پولیس کی اولین ترجیح ہے۔ کھلی کچہریوں کے انعقاد کا مقصد شہریوں کی براہِ راست محکمہ پولیس کے افسران تک رسائی یقینی بنانا ہے تاکہ شہری زیادہ پرُاعتماد انداز میں مسائل کے حل کیلئے رجوع کرسکیں۔
-
گردے تو دل میں ہوتے ہیں ،ڈاکٹر ڈونلڈ ٹرمپ کا دعویٰ
واشنگٹن:دنیا کی سب سے بڑی عالمی طاقت امریکہ کے صدر شعبہ میڈیکل کے لاعلم ڈاکٹر بن گئے .ڈونلڈ ٹرمپ نے ایک تقریب میں شرکاء کو ایک نئی تحقیق سے آگاہ کرتے ہوئے کہا کہ گردہ دل کے ساتھ پیوست ہوتا ہے اور یہ بہت ہی لاجواب چیز ہے .یہ بیان اس نے ایک صدارتی حکم نامے پر دستخط کرتے ہوئے کہا
ڈاکٹر ڈونلڈ ٹرمپ کے اس بیان کے بعد سوشل میڈیا پر بھونچال سا آگیا ہے اور ناقدین نے ٹرمپ کی جاہلانہ بات پر شدید تنقید کی .سوشل میڈیا پر بہت سے امریکی ڈاکٹروں نے ڈونلڈ ٹرمپ کو ڈاکٹر بے علم قرار دیتے ہوئے کہا ہے کہ عالمی طاقت کے صدر کو یہ پتہ نہیں کہ گردے کہاں ہوتے ہیں
Trump thinks the kidney is part of the heart, I kidney you not
بہت سے امریکیوں کا کہنا ہے کہ ڈونلڈ ٹرمپ کا یہ کہنا کہ میرے گردے میرے دل کے ساتھ پیوست ہیں ایک احمقانہ جملہ ہے جسے سے امریکیوں کو ندامت ہوئی ہے
-
لاہورملت پارک انویسٹی گیشن ونگ کی کاروائی
لاہور ملت پارک انویسٹی گیشن ونگ نے چوری کی وارداتوں میں ملوث گینگ کے سرغنہ کواس کے ساتھی
سمیت گرفتار کرکے لاکھوں روپے کا مال مسروقہ برآمد کرلیاباغی ٹی وی کی رپورٹ کے مطابق سمیت گرفتار کرکے لاکھوں روپے کا مال مسروقہ برآمد کرلیا،ملزمان کامختلف علاقوں میں متعدد وارداتوں کا اعتراف ۔تفصیلات کے مطابق انویسٹی گیشن پولیس ملت پارک نے چوری کی وارداتوں میں ملوث گینگ کے سرغنہ بجاش عرف ہنی کو اس کے ساتھی علی سمیت گرفتارکرلیا۔گرفتار ملزما ن نے دوران تفتیش مختلف علاقوں میں چورری کی متعدد وارداتوں کا اعتراف کیااس کے علاوہ پولیس نے ملزمان سے لاکھوں روپے مالیت کے موبائل فونز،نقدی اور موٹر سائیکل برآمدکرتے ہوئے قانونی کاروائی کرنے کے بعد جیل منتقل کردیا۔
-
شیشہ پینےدیا جائے،قائمہ کمیٹی سینیٹ کا مطالبہ
اسلام آباد:دنیا میں جہاں ماہرین صحت شیشہ پینے پر پابندی کا پرزور مطالبہ کررہے ہیں اور اسے صحت کے لیے انتہائی خطر ناک قرار دے رہے ہیں وہاں دوسری طرف پاکستان قانون سازادارے ایوان بالا میں پاکستان میں شیشہ پینے کی آزادی دینے کے لیے حکومت پر ڈباو ڈالا جارہا ہے..
اسلام آباد سے ذرائع کے مطابق سینیٹ کی قائمہ کمیٹی برائے قومی صحت نے ریسٹورنٹس میں شیشہ پینے پر پابندی اٹھانے اور مناسب قانون سازی کی سفارش کردی۔
وزرات صحت کے حکام کا کہنا ہے کہ وہ بھی پابندی کے حق میں نہیں جبکہ سینیٹر میاں عتیق شیخ بولے کہ لندن میں ہمارے کرکٹرز شیشہ پیتے رہ گئے اور ہم میچ ہار گئے، افسوس ہے کہ شیشے پر پابندی لگوانے کیلئے میں نے سب سے زیادہ شور ڈالا لیکن ریسٹورنٹس میں شیشے پر پابندی لگی تو شیشہ گھروں میں آگیا۔
سینیٹر میاں عتیق نے کہا کہ ریسٹورنٹس میں شیشہ پر عائد پابندی اٹھالی جائے، ترقی یافتہ ممالک میں شیشے پرپابندی نہیں۔میاں عتیق نے کہا کہ پاکستان میں ریستورانوں میں شیشہ پینے کی کھلی چھوٹ ہونے چاہیے
قائمہ کمیٹی برائے قومی صحت کی صدارت کرتے ہوئے سینیٹر میاں عتیق شیخ نے کہ لندن میں ہمارے کرکٹرز شیشہ پیتے رہ گئے اور ہم میچ ہار گئے۔ رکن منظور کاکڑ نے کہا کہ پہلے ایک فرد ریسٹورنٹ جا کر شیشہ پیتا تھا اب سارا گھر پیتا ہے۔ وزرات صحت کے حکام بولے کہ وزارت بھی پابندی کے حق میں نہیں ہے، پابندی سپریم کورٹ کے حکم پر لگی۔ میاں عتیق شیخ نے کہا کہ وزرات قومی صحت مناسب قانون سازی کیلئے قوائد وضوابط تشکیل دے۔
سینیٹ کی قائمہ کمیٹی کے اجلاس کے دوران سرعام دکانوں پر سگریٹ، پان کی فروخت پر پابندی کے معاملے پر بات کرتے ہوئے کمیٹی ممبران نے کہا کہ اس صنعت کے ساتھ 7 لاکھ افراد وابستہ ہیں، پابندیوں سے بے روزگاری بڑھے گی جس کے بعد کمیٹی نے اس معاملے پر تفصیلات طلب کر لیں۔
یاد رہے کہ پاکستان میں شیشہ کا نشہ کرنے والوں کی تعداد مں روز بروز اضافے کے بعد اس کے استعمال پر پابندی لگائی گئی تھی.یہ پابندی اسلام آباد،لاہور ،کراچی اور دیگر بڑے شہروں میں تعلیمی اداروں میں شیشے کے نشے کے شکار ہونے والے طلباوطالبات کے منظر عام ہونے پر لگائی گئی تھی .