Baaghi TV

Author: +9251

  • نیب کا جعلی افسر گرفتار

    نیب کا جعلی افسر گرفتار

    نیب بلوچستان اور پولیس کی مشترکہ کارروائی میں نیب کا جعلی افسر گرفتار کرلیاگیاہے۔ ملزم نے لوگوں کو بلیک میل کر کے لاکھوں روپے وصول کرنے کا اعتراف کر لیا ہے۔

    باغی ٹی وی رپورٹ کے مطابق نیب کی طرف سے ذرائع ابلاغ کے نمائندوں کو بتایا گیاہے کہ چیئرمین نیب کی ہدایت پر جعلی نیب افسر کی گرفتاری عمل میں لائی گئی ہے۔

    قومی احتساب بیورو بلوچستان کی انٹیلی جینس ٹیم کی نشان دہی پر بلوچستان پولیس نے خود کو نیب افسر ظاہر کرکے لوگوں کو بلیک میل کرنے والا جعلسازکو گرفتار کیا۔ میٹروپولیٹن کارپوریشن آفس کوئٹہ کے چھوٹے درجے کے ملازم عدیل شہزاد نے نیب کا نام استعمال کرتے ہوئے لوگوں سے لاکھوں روپے وصول کئے۔

    نیب کو کچھ عرصے سے اطلاعات موصول ہو رہی تھیں کہ نیب کے نام پر چند جعلساز لوگوں کو بلیک میل کرکے پیسے لے رہے ہیں، نیب کی انٹیلی جینس ٹیم نے مختلف محکموں میں ان عناصر کی سرکوبی کیلئے ٹیمیں تشکیل دیں، جسکے نتیجے میں ایک جعلساز کو نیب اور پولیس نے رنگے ہاتھوں گرفتار کرلیا۔

    واضح رہے کہ اس سے قبل سندھ میں نیب کے جعلی افسر بن کر عوام الناس کو لوٹنے والے عناصر کے خلاف قانونی کاروائی عمل میں لائی گئی تھی ۔چئیرمین نیب جسٹس جاوید اقبال نے نیب کے انٹیلی جنس ونگ کی کارکردگی کو سراہا تھا اور امید ظاہر کی ہے کہ وہ اسی طرح محنت اور لگن کے سا تھ مستقبل میں بھی اپنے فرائض سرا نجام دیتے رہیں گے۔ قومی احتساب بیورو کے چیئرمین جسٹس ریٹائر ڈ جاوید اقبال کی ہدایت پر نیب کے انٹیلی جنس ونگ نے محمد الطاف کو نیب کا جعلی افسر بن کر ایک خاتون سے10تولے زیورہتھیانے، کئی افراد کو نوکری دلوانے کا جھانسہ دینے اور بڑے پیمانے پر عوام الناس سے لاکھوں روپے لوٹنے کے مبینہ الزام میں گرفتار کر لیا تھا.

  • سری لنکن ٹیم ٹیسٹ میچز کے لیے دورہ پاکستان کے لیے غیر مطمئن

    سری لنکن ٹیم ٹیسٹ میچز کے لیے دورہ پاکستان کے لیے غیر مطمئن

    2009 میں مہمان سری لنکن ٹیم کے ساتھ ایک افسوس ناک حادثہ پیش آیا تھا جس میں لاہور میں سری لنکن ٹیم پر حملہ ہوا تھا. نتیجے میں پاکستان میں انٹرنیشنل کرکٹ کے دروازے بند ہو گئے تھے. سابقہ پی سی بی کی کوششوں سے پاکستان میں انٹرنیشنل کرکٹ کے دروازے کھلے لیکن صرف محدود اوورز تک.

    اب بورڈ حکام  ملک میں ٹیسٹ کرکٹ کی بھی واپسی لانا چاہتے ہیں، اس حوالے سے سری لنکا کو ہی رواں برس دورے پر قائل کرنے کی کوشش کر رہے ہیں. آئی لینڈز کا ٹور 2 حصوں میں تقسیم ہو گا، ستمبر اور اکتوبر میں دو ٹیسٹ اور پھر دسمبر میں تین ٹی ٹوئنٹی اور تین ون ڈے انٹرنیشنل میچز کھیلے جائیں گے.

    باغی ٹی وی کی رپورٹ کے مطابق پاکستان کرکٹ بورڈ نے کئی ماہ پہلے سری لنکن بورڈ کو دعوت دی تھی کہ وہ کراچی اور لاہور میں ٹیسٹ میچز کھیلنے کیلیے ٹیم کو بھیجے مگر اس نے تاحال ٹور کی تصدیق سے گریز کیا ہے، لندن میں موجود چیئرمین پی سی بی احسان مانی اب آئی سی سی میٹنگز کے دوران سری لنکنا کو قائل کرنے کی کوشش کریں گے۔

    ذرائع کے مطابق سری لنکا پاکستان میں سیکیورٹی انتظامات سے مطمئن ہے لیکن انہیں کھلاڑیوں کے ہوٹل تک محدود رہنے پر اعتراض ہے، حکام کا خیال ہے کہ ٹیسٹ میچز دس دن تک ہوں گے اور 3دن کا وقفہ بھی لازمی ہے اور کم از کم یہ ٹور 15دن کا ہوگا۔ اس دوران کھلاڑیوں کیلیے یہ ممکن نہیں کہ وہ اسٹیڈیم جائیں اور پھر ہوٹل میں رہیں.

    پاکستان کے حالات ایسے نہیں کہ وہ یو اے ای کی طرح آزاد گھومتے رہیں، بورڈ نے ان کو ایک ٹیسٹ کھیلنے کا بھی آپشن دیا جس کا ابھی تک جواب نہیں ملا، اگر سری لنکا مطمئن نہ ہوا تو پھر محدود اوورز کے چند میچز کے لیے دعوت دی جائے گی جس کو منظور کرنے کا قوی امکان ہے.

  • صادق آباد ٹرین حادثہ میں چنیوٹ سے تعلق رکھنے والے پانچ افراد کی چنیوٹ میں نماز جنازہ ادا کردی گئی

    صادق آباد ٹرین حادثہ میں چنیوٹ سے تعلق رکھنے والے پانچ افراد کی چنیوٹ میں نماز جنازہ ادا کردی گئی

    چنیوٹ
    صادق آباد ٹرین حادثہ میں چنیوٹ سے تعلق رکھنے والے پانچ افراد کی چنیوٹ میں نماز جنازہ ادا کردی گئی نماز جنازہ میں شہر کی سیاسی سماجی رہنماؤں سمیت ہزاروں افراد کی شرکت جبکہ کوئی بھی ضلعی افسر جنازہ کی ادائیگی میں شریک نہیں
    گزشتہ روز صادق آباد ٹرین حادثہ میں جاں بحق ہونے والے بدقسمت خاندان کے پانچ افراد جن کا تعلق چنیوٹ سے تھا کی چنیوٹ مدرسہ فتح العلوم میں نماز جنازہ ادا کردی گئی نماز جنازہ میں شہر کی سیاسی سماجی وکلا صحافی اور دیگر تنظیموں کے نمائندوں کے علاوہ ہزاروں شہریوں نے نماز جنازہ میں شرکت کی جبکہ ضلعی افسران میں سے کوئی بھی نماز جنازہ میں شریک نہ ہوا سیاسی رہنماؤں نے نماز جنازہ کی ادائیگی کے بعد چنیوٹ کے خاندان کے پانچ افراد کی ہلاکتوں کو افسوسناک واقعہ قرار دیا ہے اور کہا ہے کہ حادثہ محکمہ ریلوے کی غفلت کے باعث پیش آیا اور ٹرینوں کے بڑھتے ہوئے حادثات افسوسناک ہیں اس پر حکومت کو سوچنے اور بہتر حکمت عملی ترتیب دینے کی ضرورت ہے محکمہ ریلوے کی نااہلی اور قیمتی انسانی ہلاکتوں پر وفاقی وزیر ریلوے شیخ رشید کو مستعفی ہو جانا چاہئے جبکہ متاثرہ خاندان کی دادرسی اور حکومت کی جانب سے کئے گئے اعلان کے مطابق لواحقین کی مالی مدد کرنے کا مطالبہ کیا گیا ہے

  • فیصل آباد، باصلاحیت اور ہونہار کھلاڑیوں کی جدید خطوط پر عمدہ تربیت کے علاوہ کھیلوں کا سامان فراہم کیا گیا

    فیصل آباد، ڈویژنل کمشنر محمود جاوید بھٹی نے کہا ہے کہ ڈویژنل انتظامیہ کی طرف سے باصلاحیت اور ہونہار کھلاڑیوں کی جدید خطوط پر عمدہ تربیت کے علاوہ کھیلوں کا سامان فراہم کیا جا رہا ہے تاکہ انہیں اپنے کھیل کو نکھارنے میں کوئی کمی محسوس نہ ہو۔انہوں نے یہ بات ڈویژنل انتظامیہ کے زیراہتمام بوہڑانوالی گراؤنڈ میں انڈر17کرکٹ سمر ٹریننگ کیمپ میں شامل کھلاڑیوں میں کرکٹ کٹس تقسیم کرتے ہوئے کہی۔ایم پی اے چوہدری لطیف نذر،اسسٹنٹ کمشنر(جنرل)مصور نیازی،ڈویژنل سپورٹس آفیسر طارق نذیر،کرکٹ سٹار سعید اجمل،ایم این اے میاں فرخ حبیب کے بھائی میاں نبیل احمد،عبدالماجد،کرکٹ کوچ انجم مشتاق ودیگر بھی اس موقع پر موجود تھے۔ڈویژنل کمشنر نے کرکٹ کی تربیت اور مقابلوں میں بہترین کارکردگی کامظاہرہ کرنے پر کھلاڑیوں کو مبارکباد دی اور کہا کہ وہ بھرپور محنت کے ذریعے کرکٹ کے کھیل میں عبور حاصل کرکے ملک وقوم کا نام روشن کریں۔انہوں نے کہا کہ نوجوانوں کو صحت مند سرگرمیوں کی جانب راغب کرنے اور انہیں کھیلوں کی زیادہ سے زیادہ سہولیات فراہم کرنے کے حکومتی ویژن کے مطابق اقدامات کئے جارہے ہیں۔انہوں نے کہا کہ کرکٹ کے علاوہ دیگر کھیلوں کے فروغ کے لئے باصلاحیت کھلاڑیوں کو آگے لایا جائے گا جبکہ ڈویژن بھر میں کھیلوں کے گراؤنڈ کے قیام کیلئے مربوط انداز میں منصوبہ بندی کی جارہی ہے۔انہوں نے انڈر 17کرکٹ سمر ٹریننگ کیمپ کے کامیاب انعقاد کے سلسلے میں ڈویژنل سپورٹس آفیسر طارق نذیر اوران کی دیگر ٹیم کی کاوشوں کو سراہا اور کہا کہ کھیلوں کی سرگرمیوں میں مزید اضافہ کرنے کے لئے مختلف سطح کے مقابلوں کے انعقاد کا سلسلہ جاری رہنا چاہیے تاکہ نوجوانوں کو کھیلوں ہی میں مصروف رکھ کر صحت مند معاشرے کی بنیادوں کو مضبوط بنایا جاسکے۔ایم پی اے چوہدری لطیف نذر نے اظہار خیال کرتے ہوئے کرکٹ سمر ٹریننگ کیمپ کے انعقاد کو انتہائی خوش آئند قرار دیا اور کہا کہ کھیلوں کے میدان آباد کرنا وزیراعظم عمران خان کی قیادت میں پی ٹی آئی حکومت کا مشن ہے اس ضمن میں نوجوانوں کو مختلف معیاری کھیلوں میں شمولیت کے بھرپور مواقع فراہم کرنے کے مربوط پروگرام پر عملدرآمد کیا جارہا ہے۔انہوں نے کرکٹ کے فن کا بہترین اظہار کرنے پر انڈر 17کھلاڑیوں کو داددی اور کہا کہ کرکٹ کا سامان فراہم کرکے انہیں خود انحصار اورپر اعتماد بنایا گیا ہے۔کرکٹ سٹار سعید اجمل نے کرکٹ کے فروغ میں ڈویژنل کمشنر محمود جاوید بھٹی کی خصوصی دلچسپی کو سراہتے ہوئے کرکٹ سمر ٹریننگ کیمپ کو احسن قدم قرار دیا اور کرکٹ کی ہر اکیڈمی میں نوجوان کھلاڑیوں کو بلامعاوضہ تربیت فراہم کرنے کی پیش کش کی۔انہوں نے کرکٹ کے زیادہ سے زیادہ گراؤنڈ تیار کرنے کی ضرورت پر زور دیا اور کہا کہ وسیع سہولیات سے نوجوانوں کے ٹیلنٹ کو فروغ حاصل ہوگا۔ڈویژنل سپورٹس آفیسر طارق نذیر نے بتایا کہ ڈویژنل کمشنر کی ہدایت پرفیصل آباد ڈویژن کے انڈر17کھلاڑیوں کے لئے کرکٹ سمر ٹریننگ کیمپ ایک ماہ جاری رہا جس میں 200کھلاڑیوں میں سے منتخب ہونے والے 40ہونہار کھلاڑیوں نے شرکت کی۔ان کھلاڑیوں کی چار ٹیمیں تیار کرکے میچز کا انعقاد کیا گیا۔انہوں نے بتایا کہ کیمپ کے اختتام پر ان کھلاڑیوں میں کرکٹ بیٹ،پیڈ،گلوز اوردیگر سامان پر مشتمل کٹس فراہم کی گئی ہیں.

  • چنیوٹ میں ایک گھنٹہ ہونے والی موسلادھار بارش سے سیوریج کا نظام تباہ

    چنیوٹ میں ایک گھنٹہ ہونے والی موسلادھار بارش سے سیوریج کا نظام تباہ

    چنیوٹ
    میونسپل کمیٹی چنیوٹ اور دیگر متعلقہ افسران کی مجرمانہ غفلت کے باعث 6 روز پہلے چنیوٹ میں ایک گھنٹہ ہونے والی موسلادھار بارش سے سیوریج کا نظام تباہ گندے پانی میں ڈوبے ہوئے درجنوں علاقوں اور قبرستان اور مشکلات سے دوچار شہریوں کو اذیت سے باہر نکالا نہیں جا سکا۔
    چنیوٹ میں 6روز پہلے ایک گھنٹہ ہونے والی موسلادھار بارش سے شہر کا سیوریج سسٹم ناکارہ ہوگیا تھا جس کے باعث شہر کے درجنوں علاقے اور جھنگ روڈ پر واقع قبرستان گندے پانی میں ڈوب گئے تھے جنہیں چھ روز گزر جانے کے باوجود بھی گندے پانی سے نکالا نہیں جا سکا ہے اور میونسپل کمیٹی چنیوٹ سمیت دیگر متعلقہ افسران گزشتہ چھ روز سے مجرمانہ غفلت کی انتہاءکئے ہوئے ہیں ۔جبکہ چنیوٹ جھنگ روڈ پر واقع چنیوٹ کا سب سے بڑا قبرستان پیر حافظ دیوان قبرستان بھی سیوریج کے گندے پانی کی لپیٹ میں ہے اور سینکڑوں قبریں مکمل طور پر گندے پانی میں ڈوبی ہوئی ہیں جبکہ سینکڑوں قبریں سیوریج کے گندے پانی سے منہدم بھی ہوگئی ہیں جس پر متعلقہ ضلعی افسران کی جانب سے شہریوں کو اس اذیت سے نکالا نہیں جاسکا ہے ۔اور سیوریج سسٹم کی بحالی اور گندے پانی کو روکنے اور مستقل طور پر سدباب کیلئے تاحال کوئی اقدامات نہ کئے جا سکے ہیں۔

  • ڈی ایچ کیو ہسپتال سرگودہا میدان جنگ بن گیا ڈاکٹرز کا گارڈز کے ہمراہ مریضوں پر تشدد ویڈیو موصول

    ڈی ایچ کیو ہسپتال سرگودہا میدان جنگ بن گیا ڈاکٹرز کا گارڈز کے ہمراہ مریضوں پر تشدد ویڈیو موصول

    سرگودھا(نمائندہ باغی ٹی وی) ڈسٹرکٹ ہیڈ کوارٹر ٹیچنگ ہسپتال سرگودہا کی ایمرجنسی میں 89 شمالی سے آئے مریض اور ورثاء پر ڈاکٹر معاذ ,ڈاکٹر عاصم اور ڈاکٹر مزمل کا گارڈز کے ہمراہ شدید تشدد ایمرجنسی وارڈ 2 گھنٹے تک میدان جنگ بنا رہا تفصیلات کے مطابق
    سرگودھا ایمرجنسی میں چیک اپ کے لئے آنے والے 89 شمالی کے رہائشی کو ڈاکٹر مزمل , ڈاکٹر عاصم اور ڈاکٹر معاذ نے گارڈز کے ہمراہ ایمرجنسی وارڈ کو بند کرکے مریض افتخار احمد اور اس کے بھائی کو تشدد کا نشانا بنایا,تھانہ فیکٹری ایریا کے ایس ایچ او نے بھاری نفری کے ہمراہ ڈاکٹرز سے مریض اور اس کے لواحقین کی جان بخشی کروائی. اس واقع کی ویڈیوز باغی ٹی وی نے حاصل کر لیں جس میں تشدد اور ہنگامہ دکھایا جا سکتا ہے لواحقین کا وزیر اعظم پاکستان سے نوٹس لینے کا مطالبہ

  • ٹرمپ اور نیتن یاہو ایران کے خلاف ایک ہو گئے

    ٹرمپ اور نیتن یاہو ایران کے خلاف ایک ہو گئے

    امریکی صدر ڈونلڈ ٹرمپ اور اسرائیلی وزیراعظم بنیامین نیتن یاہوایران کےخلاف اتحاد ی بن گئے مل کر ایرانی عزائم کو روک لگانے کا عندیہ دے دیا

    باغی ٹی وی رپورٹ کے مطابق امریکی صدر ڈونلڈ ٹرمپ اور اسرائیلی وزیراعظم بنیامین نیتن یاہوایران کےخلاف اتحاد ی بن گئے مل کر ایرانی عزائم کو روک لگانے کا عندیہ دے دیا . وائٹ ہاؤس کے ترجمان نے جمعرات کے روز بتایا کہ دونوں شخصیات نے قومی سلامتی کے مشترکہ مفادات کو مضبوط بنانے کے سلسلے میں امریکا اور اسرائیل کے درمیان تعاون پر بات چیت کی۔ اس کے علاوہ خطے میں ایران کی سرگرمیوں پر روک لگانے کی کوششیں بھی زیر بحث آئیں۔

    اس موقع پر نیتن یاہو نے تہران پر نئی پابندیاں عائد کرنے سے متعلق ٹرمپ کے ارادے کا خیر مقدم کیا۔

    مئی 2018 میں واشنگٹن کی جانب سے ایرانی جوہری معاہدے سے یک طرفہ طور پر علاحدہ ہونے کے بعد سے خلیج کے تزویراتی علاقے میں کشیدگی میں اضافہ ہو گیا ہے۔

    اس علیحدگی کے بعد واشنگٹن نے ایک بار پھر تہران پر سخت پابندیاں عائد کر دیں۔ اس کے نتیجے میں ایران مذکورہ جوہری معاہدے سے متوقع اقتصادی فائدوں سے محروم ہو گیا۔ معاہدے کے بقیہ فریق روس، چین، فرانس، برطانیہ اور جرمنی ابھی تک سمجھوتے میں شامل ہیں۔

  • نیب کی ایک اور کاروائی۔

    کوئٹہ:نیب بلوچستان اور پولیس کی مشترکہ کارروائی کرتے ہوۓ جعلی نیب افسر گرفتار کرلیا ملزم نے ابتدائی تفتیش میں بلیک میلنگ کے ذریعے لوگوں سے لاکھوں روپے بٹورنے کا اعتراف کیا اور ملزم میٹروپولیٹن کارپوریشن میں نچلے درجے کا ملازم ہے اور نیب کے نام پر لوگوں کو بلیک میل کرنے والوں کے خلاف کارروائی جاری رہے گی،نیب حکام۔

  • رحیم یارخان پرنسپل شیخ زید میڈیکل کالج ڈاکٹر ظفر حسین تنویر کا ہسپتال دورہ اور پریس بریفنگ

    رحیم یارخان پرنسپل شیخ زید میڈیکل کالج ڈاکٹر ظفر حسین تنویر کا ہسپتال دورہ اور پریس بریفنگ

    رحیم یارخان پرنسپل شیخ زید میڈیکل کالج ڈاکٹر ظفر حسین تنویر کا ہسپتال دورہ اور پریس بریفنگ
    تفصیلات کے مطابق پرنسپل شیخ زید میڈیکل کالج ڈاکٹر ظفر حسین تنویر نے پریس بریفنگ دی اور انھوں نے کہا کہ اس وقت تک 13 لوگ لائے گئے تھے جن میں 3 سیریس ہیں زخمیوں کا علاج مفت کیا جارہا ہے اور ان کو کپڑے بھی دئیے گیئے ہیں.جبکہ صادق آباد میں ٹوٹل 63 مریض لائے گئے جس میں سے 60 مریضوں کا علاج جاری ہے جبکہ 3 مریض شیخ زید ہسپتال رحیم یار خان ریفر کئے گئے ہیں.

  • خیبرپختونخوا کے ڈاکٹروں نے وزیر اعلیٰ پر کیا الزام لگا دیا

    خیبرپختونخوا کے ڈاکٹروں نے وزیر اعلیٰ پر کیا الزام لگا دیا

    خیبرپختون میں ضلعی اسپتالوں کی نجکاری کے لئے ممکنہ قانون سازی کی تیاری کرلی گئی۔ڈاکٹروں میں شدید بے چینی پھیل گئی.

    باغی ٹی وی رپورٹ کے مطابق خیبرپختون میں ضلعی اسپتالوں کی نجکاری کے لئے ممکنہ قانون سازی کی تیاری کرلی گئی۔ڈاکٹروں میں شدید بے چینی پھیل گئی.
    خیبرپختونخوا کے ڈاکٹروں نے وزیر اعلیٰ پر وعدہ خلافی کا الزام عائد کردیاہے ۔

    کے پی اسمبلی میں ضلعی اسپتالوں کی نجکاری کے لئے ممکنہ قانون سازی پرخیبرپختونخوا کے ڈاکٹروں میں بے چینی پھیل گئی ہے اور انہوں نے وزیر اعلی محمود خان پر وعدے کی خلاف ورزی کا الزام عائد کیاہے۔

    ڈاکٹروں کی تنظیم گرینڈ ہیلتھ الائنس (جی ایچ اے) کے ترجمان کی طرف سے جاری بیان میں کہا گیاہے کہ کے اسمبلی ایجنڈے پر DHA/RHA ایکٹ ڈاکٹر برادری کے لیئے تشویش ناک ہے ۔ حکومت نے وعدہ کیا ہے ہمیں مطمئین کئے بغیر ایکٹ پر کوئی کارروائی نہیں ہوگی ۔

    انہوں نے کہا کہ وزیرِ اعلیٰ ہمارے ساتھ کئے گئے وعدوں کا پاس رکھیں۔ وزیرِ اعلیٰ کی کرسی کو عزت دے کر احتجاج ختم کیالیکن وعدوں کا پاس نہیں کیا گیا۔ ہمیں مطمٔن کیا گیا نہ ہی منسٹیریل کمیٹی بنائی گئی۔

    ڈاکٹروں کے اتحاد گرینڈ ہیلتھ الائنس کے ترجمان نےدھمکی دی ہے کہ اگر اسمبلی سے بل پاس کرنے کی کوشش کی گئی تو ہیلتھ سسٹم کا مکمل لاک ڈاؤن کردیا جائیگا۔
    واضح رہے کہ صوبے میں ڈاکٹروں اور حکومت کے مابین تصادم ،خیبر پختون خوا میں تحریک انصاف کی حکومت کی جانب سے صحت کے بنیادی ڈھانچے میں تبدیلی سے شروع ہوا۔ سب سے پہلے تحریک انصاف کی صوبائی حکومت نے خیبرپختون خوا کے چھ بڑے اسپتالوں لیڈی ریڈنگ اسپتال، خیبر ٹیچنگ اسپتال، حیات آباد میڈیکل کمپلیکس، خلیفہ گل نواز اسپتال بنوں، باچا خان میڈیکل کمپلیکس مردان اور ایوب ٹیچنگ اسپتال ایبٹ آباد میڈیکل ٹیچنگ انسٹیٹیوٹ میں میڈیکل ٹیچنگ انسٹیٹیوشنز (MTI ) کے نام سے اسمبلی سے ایک ایکٹ منظور کرکے ان تمام اسپتالوں کو محکمہ صحت کے اختیار سے نکال کر بورڈ آف گورنرز یعنی ایک پرائیویٹ ادارے کے اختیار میں دے دیا اور ساتھ ہی ان تمام بڑے اسپتالوں کاسالانہ بجٹ بند کرکے اْن کو کچھ عرصے کے لیے گرانٹ دینے کے بعد کہا گیا کہ یہ اسپتال اپنے اخراجات خود برداشت کریں گے .