راولپنڈی :سرسید ایکسپریس کے موقع پر عمران خان وزیراعظم پاکستان نے چار بجے پہنچنا تھا لیکن پانچ بجنے کو ہیں اور وزیراعظم عمران خان نہیں پہنچے عوام کی بے تابی کو دیکھتے ہوئے وزیر ریلوے مائک کی طرف بڑھے اور کہا کہ وزیراعظم صاحب ہمارے پروگرام میں ہمیشہ جلدی ہی آتے ہیں جس پر شرکاء ہنس دیے اور ساتھ ہی ڈی جے کو مخاطب کرکے کہا کہ وزیراعظم صاحب کا پسندیدہ نغمہ لگاؤ
Author: +9251
-
حاکم شارجہ سلطان بن محمد القاسمی کے فرزند و ولی عہد شہزادہ خالد کی نماز جنازہ ادا
حاکم شارجہ سلطان بن محمد القاسمی کے فرزند و ولی عہد شیخ خالد کی نماز جنازہ ادا شارجہ کی کنگ فیصل مسجد میں ادا کردی گئی، حاکم دبئی شیخ محمد بن راشد المکتوم اور ولی عہد نے امیر شارجہ کے جوان بیٹے کے انتقال پر اظہار تعزیت پیش کیا۔ان کے علاوہ ، شارقہ ،عجمان ،راس الخیمہ اور دیگر علاقائی امراء اور شہزادوں نے جنازہ میںشرکت کی.
تفصیلات کے مطابق متحدہ عرب امارات کے وزیر اعظم و نائب صدر اور ریاست دبئی کے حاکم شیخ محمد بن راشد المکتوم نے منگل کے روز شارجہ کے امیر شیخ سلطان بن محمد القاسمی کے جوان بیٹے شیخ خالد کی اچانک موت پر گہرے دکھ کا اظہار کرتے ہوئے کہا کہ میری ہمدردیاں میرے بھائی شیخ سلطان کے ساتھ ہیں۔
حاکم دبئی نےعربی زبان میں کیے گئے اپنے ٹویٹ میں ریاست شارجہ اور متحدہ عرب امارات کی عوام سے بھی اظہار تعزیت پیش کیا۔
ان کا کہنا تھا کہ ’میں خدا سے دعا کرتا ہوں کہ میرے بھائی شیخ سلطان کے دل کو صبر عطا فرما، ہم نے آپ کا غم اور وطن پرستوں سے محبت دیکھی ہے، ہم نے آ پ کے بڑے اور خوبصورت قلب کو دیکھا ہے۔ میں خدا نے دعا کرتا ہوں کہ آپ کو اس غم کو برداشت کرنے کی قوت عطا کرے۔
حاکم دبئی کے بیٹے اور ولی عہد شیخ حمدان بن محمد نے بھی جوان بیٹے کی موت پر شیخ سلطان القاسمی سے تعزیت کرتے ہوئے کہ خدا اس بڑے نقصان پر شیخ خالد کے والدین کوصبر برادشت دے
اس سے پہلے ڈیلی میل نے رپورٹ کیا تھا کہ خالد بن سلطان بن محمد القاسمی کی موت لندن میںواقع ہوئی.برطانوی اخبار ” ڈیلی میل” نے اپنی رپورٹ میں لکھا ہے کہ کہ شہزاد کے موت ڈرگ کی وجہ سے ہوئی ہے. -
سر سید ایکسپریس افتتاح, وزیراعظم کی آمد, راولپنڈی کے شہری کونسا روٹ استعمال کریں
راولپنڈی :سرسید ایکسپریس کے افتتاح کے موقع پر وزیر اعظم عمران خان راولپنڈی پہنچ رہے ہیں اور وہ راولپنڈی تا کراچی نان سٹاپ سرسید ایکسپریس کا افتتاح کریں گے اور افتتاحی تقریب سے خطاب کریں گے, اس موقع ریلوے سٹیشن کے اطراف میں تمام راستے بند کردیئے گئے ہیں اور ریلوے سٹیشن مین گیٹ کی طرف جانے والے راستوں میں خاردار تار بچھا دی گئی ہے.مسافروں کے لئے گیٹ نمبر 2 کو کھولا گیا ہے وہیں سے ٹرینیں اپنے اوقات پر روانہ ہونگے. آئی جے پی روڈ کی طرف سے صدر جانے والے شہری پشاور روڈ کا استعمال کریں اور صدر سے آئی جے پی روڈ کی طرف جانے والے افراد بھی یہی روڈ استعمال کریں اس کے علاوہ حیدر روڈ, ریلوے روڈ بنک روڈ بھی بند کردیا گیا ہے شہری وہ بھی استعمال نا کریں ڈھوک رتہ اور اس کے اطراف کے شہری بھی فوارہ چوک والا روٹ استعمال کریں
-
مون سون سے قبل برساتی نالوں کی صفائی کا عمل شروع
شیخوپورہ(نمائندہ باغی ٹی وی) ڈپٹی کمشنر شیخوپورہ سید طارق محمود بخاری نے کہا ہے کہ مون سون کی آمد سے قبل ضلع شیخوپورہ کے برساتی نالوں کی صفائی کو فوری طور پر ممکن بنایا جائے جبکہ آبی گزار گاہوں کی پشتوں کو بھی مضبوط کیا جائے
سیلاب کی ممکنہ تباہ کاریوں سے بچنے کے لیے فوری نوعیت کے اقدامات کیےجائیں ان خیالات کا اظہار انہوں نے اپنے تحصیل فیروز والا وہ علاقے جو سیلاب کی زد میں آسکتے ہیں کے دورے کے دوران کیا۔ سیلاب کی ممکنہ تباہ کاریوں سے بچاؤ کے سلسلہ میں ایکسیئسن محکمہ انہار نے بریفنگ دی اس موقع پر ایڈیشنل ڈپٹی کمشنر ریوینیو رانا شکیل اسلم، محکمہ انہار اور دیگر متعلقہ محکموں کے افسران بھی موجود تھے ڈپٹی کمشنر نے کہا کہ سیلاب کے دوران فصلوں کی تباہ کاریوں سے بچنے کے لیے آبی گزر گاہوں کی صفائی اور پانی کی رکاوٹ کو فوری طور پر ختم کیا جائے تاکہ سیلابی پانی بڑی نہروں اور دریاؤں میں ڈالا جائےانہوں نے کہا کہ دیہی علاقوں میں کچے مکانوں کے مکینوں کو آگاہی دی جائے کہ بارش اور سیلاب کےدوران اپنے کچے مکانوں کی مرمت اور دیکھ بھال ضرور کریں اور سیلاب کےدوران محفوط مقامات کی طرف چلےجائیں،انہوں نے کہا کہ سیلاب کے دوران وبائی امراض سے بچنے کے لیے محکمہ ہیلتھ کی ٹیمیں متعلقہ علاقوں میں جائیں گی جہاں لوگوں کو حفاظتی ٹیکہ جات بھی لگائے جائیں گے . -
مراد سعید نے انکوائری کمیشن کو احسن اقبال کے خلاف کیس بھیج دیا
وفاقی وزیر مراد سعید نے انکوائری کمیشن کو سابق وفاقی وزیر احسن اقبال کے خلاف پہلا کیس بھجوا دیا۔ کیس سے متعلق دستاویزی ثبوت انکوائری کمیشن کو موصول ہوگئے۔
قرضوں کی تحقیقات کرنے والے انکوائری کمیشن کو پہلا کیس ارسال کر دیا گیا، احسن اقبال کیخلاف کیس وفاقی مواصلات وزیر مراد سعید نے بھیجا۔ دستاویزی ثبوت کے مطابق احسن اقبال نے خزانے کو 50 سے 70 ارب روپے کا نقصان پہنچایا۔ ذرائع کے مطابق انکوائری کمیشن نے دستاویز کا جائزہ لینا شروع کر دیا، ضرورت پڑنے پر انکوائری کمیشن احسن اقبال کو طلب کرسکے گا۔
قبل ازیں مسلم لیگ ن کے سابق وزیر احسن اقبال نے نیب کے سامنے پہلی حاضری دی۔ نیب راولپنڈی نے ابتدائی پوچھ گچھ کے بعد سوالنامہ احسن قبال کو تھما دیا۔ نیب کے مطابق احسن اقبال نے نارووال میں اپنے حلقے میں خلاف قانون تین ارب روپے کا سپورٹس سٹی منصوبہ شروع کیا، پاکستان سپورٹس بورڈ نے بھی سپورٹس سٹی کی تعمیر میں اختیارات سے تجاوز کیا اور قومی خزانے کو بھاری نقصان پہنچایا۔
-
3 رکنی بین الاضلاعی ڈکیت گینگ گرفتار
شیخوپورہ (نمائندہ باغی ٹی وی) ڈی پی او شیخوپورہ غازی محمدصلاح الدین کی خصوصی ہدایت پر اور اے ایس پی سٹی توحید الرحمن کی زیر نگرانی تھانہ اے ڈویژن پولیس نے خطرناک بین الاضلائی 03رکنی آسو ڈکیت گینگ کو گرفتار کر لیا۔ملزمان اسلحہ کے زور پر گھر میں گھس کر اہل خانہ کو یرغمال بنا کر لوٹ مار کرتے تھے.شیخوپورہ گرفتار ملزمان نے 3 روز قبل بھی تھانہ اے ڈویژن کے علاقے میں گھروالوں کو یرغمال بنا کر لوٹ مار کی تھی۔شیخوپورہ پولیس نے جدید ٹیکنالوجی سے 72 گھنٹوں میں ٹریس آوٹ کر کے ملزمان سے لوٹی جانے والی رقم اور سونا برآمد کیا۔ ملزمان سے 21لاکھ 50ہزار روپے مالیت کے طلائی زیورات. نقدی.موبائل فونز.لیپ ٹاپ.3 عدد پسٹل.اور موٹر سائیکلیں برآمد۔ پکڑے جانے والے ملزمان گوجرانوالہ. لاہور.اور شیخوپورہ کے مختلف 18 مقدمات میں مطلوب تھے۔
-
وزیراعظم عمران خان نے نئے کرکٹ ڈھانچے میں اہم قدم اٹھا لیا
وزیراعظم عمران خان نے پاکستان کرکٹ بورڈ کی جانب سے نظرثانی شدہ سسٹم منظور کرلیا، وزیراعظم نے بطور پیٹرن ان چیف پی سی بی نئے نظام کی منظوری دی جس کا باضابطہ نوٹی فکیشن بھی جاری کردیا گیا۔
تفصیلات کے مطابق وزیراعظم ہاؤس کی جانب سے جاری نوٹی فکیشن میں وزیراعظم عمران خان نے ڈیپارٹمنٹس کو نئے نظام میں تعاون کی ہدایات کرتے ہوئے کہا کہ کرکٹ ٹیمیں رکھنے والے تمام سرکاری ڈیپارٹمنٹس پاکستان کرکٹ بورڈ کے ساتھ ہر ممکن تعاون کریں وزیراعظم ہاؤس کی جانب سے گیارہ اداروں کو ہدایت نامہ بھجوایا گیا ہے۔
جن اداروں کو ہدایت نامہ بھجوایا گیاہے ان میں واپڈا،ایس این جی پی ایل،اسٹیٹ بینک،نیشنل بینک،کے آر ایل ،پی ٹی وی،زیڈ ٹی بی ایل،پی آئی اے،ریلوے اور سول ایوی ایشن شامل ہیں۔
اسی طرح پندرہ ریجنل کرکٹ ایسوسی ایشنز کو بھی چھ میں تبدیل کر دیا گیا ہے۔ نئے سیٹ اپ میں پنجاب سینٹرل،پنجاب سدرن،سندھ،خیبر پختونخوا،بلوچستان اور ناردرن کے ریجنز اور ٹیمیں نئے سیٹ اپ میں شامل کی گئی ہیں۔
یاد رہے 9مئی کو پاکستان کرکٹ بورڈ ( پی سی بی ) کی طرف سے کہا گیا تھا کہ ڈومیسٹک کرکٹ اسٹرکچر کو تبدیل نہیں کیا جا رہا اور ریجنل کرکٹرز کی میچ فیس میں اضافہ کرنے کا فیصلہ کیا گیا ہے۔ اسی طرح پیٹرینز ٹرافی گریڈ 2 میں ٹیموں کی تعداد 16 کردی گئی ہے۔
پی سی بی کے ترجمان کی طرف سے کہا گیا تھا کہ قومی کرکٹرز کی غیر ملکی لیگ کرکٹ کھیلنے پر پالیسی واضح کردی ہے جس کے مطابق سنٹرل کنٹریکٹ میں شامل کھلاڑی ایک سال کے دوران 2 لیگز میں حصہ لے سکتے ہیں۔
-
میئر کی مگر مچھ سے شادی کی انوکھی رسم
میکسکو کے ایک قصبے میں میئر بننے والے افراد کو ایک منفرد رسم نبھانی پڑتی ہے کیونکہ مقامی افراد کے عقیدے کے مطابق اس سے خوشحالی آتی ہے۔
تفصیلات کے مطابق ماہی گیروں کے اس قصبے میں مقامی کسانوں اور ماہی گیروں کی قسمت چمکانے کے لیے قصبے کے میئر کی شادی مگرمچھ سے کروائی جاتی ہے۔
باضابطہ طور پر منعقد کی جانے والی اس شادی کی تقریب میں قصبے کے تقریباً سب ہی افراد شریک ہوتے ہیں۔
اس موقع پر ڈھول اور بینڈ بجاتے ہوئے خوشی سے سرشار مقامی افراد میئر اور مگر مچھ کے ہمراہ قصبے کے بازاروں کا چکر لگاتے ہیں۔میئراور مگرمچھ یعنی دلہے دلہن کی سج دھج بھی دیکھنے سے تعلق رکھتی ہے اور مگر مچھ کو اس موقع پر دلہنوں کا روایتی سفید لباس زیب تن کرایا جاتا ہے۔
-
تھانہ مندرہ کی کاروائی ایک ملزم گرفتار
راولپنڈی:تھانہ مندرہ پولیس نے کاروائی کرتے ہوئے ملزم گلفراز عرف گلہ سے ناجائز اسلحہ 01 عدد کلاشنکوف برآمد کر لی۔ ملزم کے خلاف مقدمہ درج کر کے مزید تفتیش جاری ہے۔
-
جھیل میں کشتی الٹ گئی ،100 سے زائد افراد ڈوب گئے
ہری پور جھیل میں مسافروں سے بھری کشتی الٹ گئی ،100 سے زائد افراد ڈوب گئے
تفصیلات کے مطابق ہری پور تربیلہ جھیل میں مسافروں سے بھری کشتی الٹ گئی ،100 سے زائد افراد ڈوب گئے ،ریسکیو کی ٹیمیں جائے حادثہ کی طرف روانہ کردی گئیں۔نجی ٹی وی ہم نیوز کے مطابق تربیلہ جھیل میں مسافروں سے بھری کشتی الٹ گئی،کشتی میں 100 سے زائد افراد سمیت مویشی بھی سوار تھے،
کشتی گاﺅں برگ سے گاﺅں جا رہی تھی کہ حادثے کا شکار ہو گئی ،حادثے کی اطلاع ملتے ہی ریسکیوٹیمیں جائے حادثہ کی طرف روانہ کردی گئیں،دشوارگزارراستوں کی وجہ سے ریسکیوٹیموں کو مشکلات کا سامنا ہے
۔دو خواتین کی لاشیں نکال لی گئیں.15 افراد کو بچا لیا گیا .