Author: +9251

حکومت نے ایل پی جی انڈسٹری کے لیے طویل المدتی پالیسی تشکیل دینے کا فیصلہ کر لیا ہے۔ایل پی جی انڈسٹری پر کوئی نیا ٹیکس نہیں‌ لگایا جائے گا۔

باغی ٹی وی کی رپورٹ‌ کے مطابق وزارت پٹرولیم میں معاون خصوصی پٹرولیم ندیم بابر کی زیر صدارت ایک اہم اجلاس منعقد ہوا جس میں ایل پی جی پرڈیوسرز۔مارکیٹنگ کمپنیوں’امپورٹرز اور ڈسٹری بیوٹرز کے نمایندوں نے شرکت کی۔ اجلاس میں بتایا گیا کہ قدرتی گیس کی پیداوار میں گزشتہ کئی سالوں سے اضافہ نہیں ہوا جس کی وجہ سے سرما میں خاص طور پر گیس کی قلت کا سامنا رہا۔معاون خصوصی ندیم بابر نے کہا کہ قدرتی گیس کی پیدوار میں متوقع کمی کے پیش نظر دونوں گیس کمپنیوں کے پائپ لائن کے نیٹ ورک میں توسیع نہیں کر سکتے جس کی وجہ سے وفاقی حکومت ایل پی جی کے استعمال کے فروغ کے لیے ایک نئی پالیسی بنا رہی ہے تاکہ تمام سیکٹرز کو ایل پی جی پر منتقل کیا جا سکے.

معاون خصوصی نے کہا کہ وفاقی حکومت دونوں گیس کمپنیوں کے نیٹ ورک میں توسیع کی وجہ سے اربوں روپے کا خسارہ ہو رہا ہے۔ ایل پی جی کے استعمال سے ان کمپنیوں کے خسارہ کو کم کرنے میں مدد ملے گی۔اجلاس میں شامل ایک افسر کا کہنا تھا کہ ایل پی جی پر نیا ٹیکس نہ لگایا جاے گا اور نہ ہی درامدی ایل پی جی پر ریگولیٹری ڈیوٹی بحال کی جاے گی۔ درآمدی ایل پی جی پر ریگولیٹری ڈیوٹی لگانے سے ایل پی جی کی قیمتوں میں اضافہ ہو سکتا ہے۔

ایل پی جی ایسوسی ایشن کے فاونڈر چئیرمین عرفان کھوکھر نے بتایا کہ ایل پی جی آٹو سیکٹر اور متبادل  ایندھن سے65 فیصد اور سی این جی سے 20 فی صد  سستی ہے ۔آٹو سیکٹر میں ایل پی جی کے استعمال سے درامدی بل کم کرکے اربوں ڈالرز کا زر مبادلہ بچایا جا سکتا ہے۔ انہوں نے بتایا کہ گزشتہ دس ماہ میں ایل پی جی کی قیمت اوگرا کی مقررہ کردہ قیمتوں سے کم رہی ہے۔ ایل پی جی ڈسٹری بیوٹرز اور مارکیٹنگ کمپنیوں نے مطالبہ کیا کہ سگنیچر بونس کو بھی ختم کیا جاے۔ معاون خصوصی ندیم بابر نے نئی پالیسی میں سگنیچر بونس ختم کرنے کی یقین دہانی  کرائی ہے.

واضح رہے کہ کچھ عرصہ قبل ایل پی جی انڈسٹری سے وابستہ سٹیک ہولڈرز نے صارفین کو سستی اور میعاری گیس کی فراہمی کے لیے ایل پی جی کی پیداوار میں اضافے اور پالیسی 2016 کے از سر نو جائزے کا مطالبہ کیا تھا ، سٹیک ہولڈرز نے ایل پی جی انڈسٹری میں استعمال ہونے والے غیر معیاری آلات بنانے اور اس کی خریدو فروخت پر فو ری پابندی لگانے کا بھی مطالبہ کیا تھا ، اس ضمن میں ایل پی جی ایسوسی ایشن کی جانب سے صوبائی اور وفاقی حکومت کو آگاہ کیا گیا ہے کہ گیس بحران سے بچنے کیلئے ایل پی جی انڈسٹری کے مسائل کے حل کیا جائے ایل پی جی انڈسٹری ایسوسی ایشن کے چیئرمین عرفان کھوکھر اور دیگر سٹیک ہولڈرز کی جانب سے صوبائی وزیر توانائی ،گورنر پنجاب کو تجویز دی گئی ہے کہ گیس بحران پر قابو پانے کیلیے لوکل پیدا ہونے والی ایل پی جی تمام مارکیٹنگ کمپنیوں میں مساوی بنیاد پر تقسیم کی جائے۔

جماعت اسلامی پاکستان کے امیر سینیٹر سراج الحق نے وفاقی دارالحکومت اسلام آباد میں افغان صدر اشرف غنی سے ملاقات کی اور دوطرفہ امور پر تبادلہ خیال کیا ۔ اس موقع پر امیر جماعت اسلامی نے کہاکہ جماعت اسلامی نے ہمیشہ افغان بھائیوں‌ کی پشت پناہی کی ہے. پاکستان اور افغانستان کے عوام بھائی چارے کے تاریخی رشتوں میں جڑے ہوئے ہیں جنہیں‌ ایک دوسرے سے جدا نہیں‌ کیا جاسکتا.

باغی ٹی وی کی رپورٹ کے مطابق سراج الحق نے گفتگو کرتے ہوئے کہاکہ پاکستان اور افغانستان کا مستقبل امن سے وابستہ ہے جس کے لیے ضروری ہے کہ افغانستان کی تمام جماعتوں کے درمیان مکالمہ ہو اور باہمی اعتماد و احترام کی فضا پیدا ہو۔ پاکستان اور افغانستان کے مابین مضبوط تعلقات اور دوستی قائم رہنا بہت ضروری ہے. اس کے علاوہ ہماری اور کوئی دوسری چوائس نہیں‌ ہے.

ملاقات کے دوران افغآنستان کے صدر اشرف غنی نے گفتگو کرتے ہوئے کہا کہ ہم پاکستان سے تعلقات کو بڑی اہمیت دیتے ہیں اور ان تعلقات کو مزید بہتر کرنے کے خواہاں ہیں ۔ انہوں نے کہاکہ افغانستان میں بروقت انتخابات ہوں گے، افغانستان کا اقتصادی مستقبل بھی روشن ہے،ہم بہت جلد دوسروں سے امداد لینے کی بجائے دوسروں کی امداد کرنے والے بن جائیں گے ۔

واضح رہے کہ افغان صدر نے آج وزیر اعظم عمران خان سے ون ٹو ون ملاقات کی اور بعد ازاں‌ وفود کی سطح‌ پر بھی مذاکرات ہوئے. افغان صدر کل لاہور آئیں گے. ان کے دورہ پاکستان پر انہیں‌ خصوصی پروٹوکول دیا جارہا ہے اور سکیورٹی کے سخت انتظامات کئے گئے ہیں. افغان صدر کی بلاول بھٹو زرداری، اپوزیشن لیڈر شہباز شریف اور دیگر سے بھی ملاقاتیں‌ ہوئی ہیں.

پاکستان مسلم لیگ ن کی ترجمان مریم اورنگ زیب نے کہا ہے کہ مہنگائی کاڈرامہ نہ کریں،گیس کی قیمتوں میں 200 فیصد اضافےکاجواب دیں، عمران صاحب آئی ایم ایف کی ٹیم کونوکری دےکرپوچھتےہیں مہنگائی کیسےہوئی؟

باغی ٹی وی کی رپورٹ کے مطابق مریم اورنگ زیب نے عمران خان کی طرف سے مہنگائی ختم کرنے کے بیان پر ردعمل ظاہر کرتے ہوئے کہاکہ خودعوام پرمعاشی دہشتگردی،نوٹس کاڈرامہ،عوام کوبیوقوف بناکرتذلیل نہ کریں، عمران صاحب خودمہنگائی13فیصدکرکےنوٹس لےرہےہیں،کس کوبیوقوف بنارہےہیں، عمران صاحب آپ نےنوٹس نہیں لینا،عوام کوجواب دیناہے،

انہوں‌نے کہاکہ واہ عمران صاحب واہ،آئی ایم ایف کوملک حوالےکرکےمہنگائی کانوٹس لےرہےہیں، 10ماہ میں ڈالرکی قیمت،قرضوں میں8ہزارارب ڈالرکےاضافےکی انکوائری عوام کریگی. عمران صاحب مہنگائی آپ کی نالائقی اورنااہلی کووجہ سےہوئی، عمران صاحب مہنگائی کانوٹس لےکرعوام کےزخموں پرنمک نہ چھڑکیں.عمران صاحب آپ کےجھوٹ اورنالائقی کابوجھ عوام کوسہناپڑھ رہاہے.

وفاقی وزیرمذہبی امورپیرنورالحق قادری نے کہاہے کہ پاکستان اورسعودی عرب امہ کے مسائل حل کرسکتے ہیں دونوں ممالک کے باہمی تعاون سے مسئلہ کشمیر،یمن ،فلسطین اورشام جیسے مسائل حل ہوسکتے ہیں،ملک کے نامورعلماء کرام ومشائخ عظام نے کہاہے کہ ایک عالمی منصوبے کے تحت مشرق وسطی کے حالات خراب کیے جارہے سعودی عرب کے گرد گھیرا تنگ کیا جارھا ھے۔ پاکستان اورسعودی عرب کے مابین تعلقات کو دنیا کی کوئی طاقت ختم نہیں کرسکتی، پاکستانی قوم، پاکستانی فوج، پاکستان کے علماارض الحرمین الشریفین کے دفاع، سلامتی اور استحکام کیلئے کسی قربانی سے دریغ نہیں کریں گے۔

باغی ٹی وی کی رپورٹ کے مطابق ان خیالات کااظہارانہوں‌نے مشائخ وعلماء کونسل اورپاکستان قومی تحریک کے چیئرمین صاحبزادہ سلطان فیاض الحسن قادری کی طرف سے منعقدہ پاک سعودی تعلقات اورہماری ذمے داری ،،سیمینارسے خطاب کرتے ہوئے کیا. اس موقع پر پیرسلطان فیاض الحسن کاکنونشن سنٹرمیں پاک سعودی تعلقات پربین الاقوامی سیمینارمنعقدکرنے کااعلان کیا.

سیمینارسے وفاقی وزیرمذہبی امورپیرنورالحق قادری ،سابق وزیراعلی خیبرپختونخواہ سینیٹرپیرصابرشاہ ،سعودی عرب کے نائب سفیرڈاکٹرحبیب اللہ بخاری ،سابق وفاقی وزیرمذہبی اموراعجازالحق ،تحریک دفاع حرمین شریفین کے سیکرٹری جنرل مولانافضل الرحمن خلیل ،درگاہ بھیرہ شریف کے سجادہ نشین صاحبزادہ ابراہیم شاہ ،صاحبزادہ سعیدالرشیدعباسی ،سجادہ نشین دربارمانکی شریف پیرمحمدجنیدامین ،سجادہ نشین دربارچورہ شریف پیرسیدسعادت علی شاہ ،مرکزی علماء کونسل پاکستان کے چیئرمین علامہ زاہدمحمود قاسمی ،صاحبزادہ ڈاکٹرساجدالرحمن ،بریگیڈئیر(ر)اعظم آفریدی ،مولاناتنویراحمدعلوی ،بریگیڈئیراخترنوازجنجوعہ ،بحراللہ ہزاروی ،سیدضیاء النورشاہ ،اشرف چغتائی میجررعمرشاہدزمان ،پیرسرکار جی ،مولاناسجادشاہدودیگرنے بھی خطاب کیا.

پیرسلطان فیاض الحسن نے مشترکہ اعلامیہ جاری کرتے ہوئے کہاکہ بہت جلدکنونشن سنٹرمیں پاک سعودی تعلقات پربین الاقوامی سیمینارمنعقدکیاجائے گا پاک سعودی تعلقات کومزیدمضبوط بنانے کے لیے کرداراداکیاجائے سعودی عرب کے ساتھ ہمارے تاریخی،معاشی،سیاسی،تجارتی،سماجی،تزویراتی،عسکری،ثقافتی تعلقات کے ساتھ ساتھ سب سے بڑھ کرہمارا روح اوردین کا رشتہ ہے،حرمین شریفین کی حفاظت ہمارے ایمان کا حصہ ہے پاکستان میں سعودی سفیر نواف بن سعید احمد المالکی کواعلی سفارت کاری پر کوخراج تحسین پیش کرتے ہیں اور سعودی حکومت کے اس فیصلہ کی تحسین کرتے ھیں،پاکستان اورسعودی عرب کے مابین جو رشتہ ہے اسے دنیا کی کوئی طاقت ختم نہیں کرسکتی۔۔مشکل معاشی حالات میں سعودی عرب کی پاکستان کے مختلف شعبوں میں اربوں ڈالر کی سرمایہ کاری سے پاکستانی معیشت کو سہارا ملاہے۔سعودی عرب پاکستان کے ساتھ معاشی تعلقات کو مزید وسعت دینے کا خواہاں ہے۔

انہوں نے کہاکہ سی پیک میں سعودی عرب کی شمولیت کاخیرمقدم کرتے ہیں اورسمجھتے ہیں کہ سی پیک میں سعودی عرب کی شمولیت سے یہ منصوبہ مزیدعظیم ترہوگیاہے۔ ارض الحرمین الشریفین کے دشمن پاکستان اور عالم اسلام کے دشمن ہیں۔ پاکستانی قوم، پاکستانی فوج، پاکستان کے علماارض الحرمین الشریفین کے دفاع، سلامتی اور استحکام کیلئے کسی قربانی سے دریغ نہیں کریں گے۔انہوں نے مزیدکہاکہ اقوام متحدہ کی طرف سے صحافی جمال خاشقجی کے قتل میں سعودی عرب ولی عہدمحمدبن سلمان کوملوث قراردینے کومستردکرتے ہیں،وفاقی وزیرمذہبی امورپیرنورالحق قادری نے کہاکہ اس وقت پارلیمنٹ میں کانٹے دارمقابلہ ہے کل اپوزیشن جماعتیں اکٹھی ہوئی تھیں اپوزیشن بجٹ میں رکاوٹ بنناچاہتی ہے جبکہ ہم بجٹ پاس کرواناچاہتے ہیں اس لیے ایک ایک ووٹ قیمتی ہے مگرسعودی عرب کے حوالے سے منعقدہ سیمینارمیں شرکت میں اپنی سعادت سمجھتاہوں پاکستان کی کسی بھی حکومت کے لیے متوازن خارجہ پالیسی کی پہلی سطرسعودی عرب ہے ہرحکومت کے لیے خارجہ پالیسی کی ابتداء سعودی عرب سے کرناپڑتی ہے پاکستان کے لیے سعودی عرب سے تعلقات کی الگ اہمیت ہے حرمین شریفین سے ہمارادینی،ایمانی اورروحانی تعلق ہے حرمین شریفین کی حفاظت کرنے والوں کے ساتھ بھی ہمارایہی تعلق ہے سعودی ولی عہدمحمدبن سلمان کوپاکستان دورے کی تاریخی پزیرائی ملی اورمحمدبن سلمان نے ایک تاریخی جملہ کہہ کرتاریخ رقم کردی ہے جس میں انہوں نے کہاکہ سعودی عرب میں پاکستان کاسفیرہوں پاکستان اورسعودی عرب امہ کے مسائل حل کرسکتے ہیں اوراس گرداب سے نکال سکتے ہیں دونوں ممالک کے باہمی تعاون سے مسئلہ کشمیر،یمن ،فلسطین اورشام جیسے مسائل حل ہوسکتے ہیں

سابق وفاقی وزیرمذہبی اموراعجازالحق نے خطاب کرتے ہوئے کہاکہ سعودی عرب نے یمن کے مسئلے پرعسکری مددمانگی توہماری حکومت نے اس معاملے کوپارلیمنٹ میں لے جاکرسعودی دوستوں کوناراض کیا حالانکہ سعودی عرب کے ساتھ عسکری تعلقات کافی دیرینہ ہیں ہمیں تمام تراختلافات کوبالائے طاق رکھتے ہوئے سعودی عرب سے تعلقات کوآگے بڑھاناہوگا

مسلم لیگ کے سینیٹروسابق وزیراعلی پیرصابرشاہ نے خطاب کرتے ہوئے کہاکہ سعودی عرب حرمین شریفین کی وجہ سے ہمارے لیے قابل احترام ہے اور اس کی حفاظت اور دفاع ہم سب کی ذمہ داری ہے حرمین شریفین کی حفاظت ہمارے ایمان کا حصہ ہے ،سعودی عرب کی طرف سے مشکل حالات میں پاکستان کی مالی امدادکی جس پراہل پاکستان سعودی عرب کے اس تعاون کاخیرمقدم کرتے ہیں اورسعود ی عرب کے اس کردارکوسراہتے ہیں سعودی عرب دوقومی نظریہ اورکلمے کی بنیادپرامت کواکٹھاکریں

مولانافضل الرحمن خلیل نے کہاکہ سعودی عرب کے گرد گھیرا تنگ کیا جارھا ھے۔ مقصد صرف یہی ہے کہ سعودیہ جس تیزی سے دفاعی لحاظ سے مضبوط ہورہا ہے اوراس کی کوششوں سے مسلمان ملک مضبوط و مستحکم قوت بن کر سامنے آرہے ہیں، کسی طرح اس سلسلے کو روکا جائے۔یک عالمی منصوبے کے تحت مشرق وسطی کے حالات خراب کیے جارہے ہیں مشرق وسطی میں جنگ کے شعلوں کوہوادی جارہی ہے جس کابراہ راست نشانہ سعودی عرب ہے، ہم ان سازشوں کی مذمت کرتے ہیں اوراسلامی ممالک سے مطالبہ کرتے ہیں وہ حرمین شریفین کے تحفظ کے لیے متحدہوجائیں۔حوثی باغی حرمین شریفین کومتعددبارنشانہ بنانے کی کوششیں کرچکے ہیں،حوثی باغیوں کی طرف سے سعودی عرب اوریمن میں دہشت گردانہ حملوں کی مذمت کرتے ہیں۔ اسی طرح تیل بردارجہازوں ا ورتیل کے ذخائرحملوں کی بھی مذمت کرتے ہیں، سعودی عرب اورپاکستان مل کرمسلم ممالک کومتحد کرسکتے ہیں دونوں ممالک کوا س سلسلے میں قائدانہ کرداراداکرناچاہیے۔یہ اجتماع سعوی حکومت کو حجاج کرام اور عمرہ زائرین کے لیے بہترین انتظامات پر خراج تحسین پیش کرتاہے۔