راولپنڈی :سٹی پولیس آفیسر راولپنڈی کیپٹن (ر) محمد فیصل رانا نے سوشل میڈیا پر ڈھوک کشمیریاں میں بچے کو الٹا لٹکا کر مارنے کی وائرل ویڈیو کا فوری نوٹس لیتے ہوئے ڈویژنل ایس پیز کو مسجد/مدرسہ کا تعین کرکے زمہ داران کے خلاف سخت کاروائی کے احکامات جاری کر دیے ہیں۔ گو کہ ویڈیو موسم سرما کی لگتی ہے اور اس سے قبل واقعہ رپورٹ نہ ہوا ہے، راولپنڈی پولیس تمام تر وسائل بروئے کار لا کر ہر صورت واقعہ میں ملوث زمہ داروں کو جلد گرفتار کرکے ضابطہ کی کاروائی عمل میں لائی جائے گی۔
نیچے ویڈیو کا سکرین شاٹ دیا گیا ہے
Author: +9251
-
راولپنڈی مدرسہ کے بچے کی وائرل ویڈیو سی پی او راولپنڈی نے نوٹس لے لیا
-
لاہور: ڈی جی نیب کی صدارت میں اجلاس اہم فیصلے جانیے تفصیلی رپورٹ میں
ڈائریکٹر جنرل نیب لاہور کی زیر صدارت ریجنل بورڈ میٹنگ کا انعقاد ہوا جس میں لاہور کے ڈپٹی پراسیکیوٹر جنرل، تمام ڈائریکٹرز اور دیگر سینئر افسران نے شرکت کی .
باغی ٹی وی رپورٹ کے مطابق ڈائریکٹر جنرل نیب لاہور کے زیر صدارت ریجنل بورڈ میٹنگ کا انعقاد ہوا جس میں لاہور کے ڈپٹی پراسیکیوٹر جنرل، تمام ڈائریکٹرز اور دیگر سینئر افسران نے شرکت کی .
بورڈ میٹنگ میں ایڈن ہائوسنگ پراجیکٹس کے مالکان و انتظامیہ کیخلاف کرپشن ریفرنس دائر کرنیکی منظوری دی گئی ریفرنس میں ایڈن ہائوسنگ مالکان ڈاکٹر امجد، مرتضی امجد، مصطفی امجد اور انجم امجد مبینہ مرکزی ملزمان نامزد قراردیے گئے میٹنگ میں بتایا گیا کہ ملزمان نے عوام سے مبینہ طور پر 18 ارب 96 کروڑ روپے وصول کئے بعدازاں ملک سے فرار ہوگئےنیب لاہور میں کم و بیش 11000 متاثرین اپنے نقصان کے ازالے کےلئے درخواستیں جمع کروا چکے: ریفرنس حتمی منظوری کیلئے فوری طور پر نیب ہیڈکوارٹر ارسال کیا جائیگا: چیئرمین نیب جسٹس جاوید اقبال سے حتمی منظوری کے بعد ریفرنس احتساب عدالت لاہور میں دائر کر دیا جائیگا: میٹنگ میں ڈی جی نیب نے کہا کہ عوام کے مالی نقصان اور انہیں پہنچنے والی اذیت کے اصل زمہ دار ریگولیٹرز ہیں.انہوں نے کہا ڈویلپمنٹ اتھارٹیز اور رئیل اسٹیٹ ایجنٹس کی نگرانی کیلئے سخت قوانین بنانا ہونگے .ڈی جی نیب نے کہا کہ عوام کو پہنچنے والے نقصانات کے مکمل ازالہ تک چین سے نہیں بیٹھیں گے.
-
حجاب اپناؤ، دین و دنیا بچاؤ ۔۔۔ ام ابیہا صالح جتوئی
قرآن پاک میں ارشاد ہوا ہے: اور تم اپنے گھروں میں قرار سے رہو اور قدیم زمانہ جاہلیت کے مطابق مت پھرو۔
اس حکم کا منشا یہ ہے کہ عورت اپنی زینت اور محاسن کو اس طرح ظاہر نہ کرے کہ اس سے دیکھنے والوں کے دلوں میں میلان اور شہوت پیدا ہو۔
عورتوں اور مردوں کو حکم دیا گیا کہ
غض بصر کرو عموماً ان الفاظ کا ترجمہ
نظریں نیچی رکھو
یا
نظریں پست رکھو کیا جاتا ہے مگر اسکا مدعا دراصل یہ ہے کہ اس چیز سے پرہیز کیا جاۓ جس کو حدیث میں آنکھوں کا زنا کہا گیا ہے۔
اجنبی عورتوں کے حسن اور ان کی زینت کی دید سے لذت اندوز ہونا مردوں کے لیے اور اجنبی مردوں کو مطمع نظر بنانا عورتوں کے لیے فتنے کا موجب ہے۔
فساد اور خرابی کی ابتداء طبعاً وعادتاً یہیں سے ہوتی ہے اسی لیے اس دروازے کو بند کرنے کو کہا گیا ہے۔ فسادِ زمانہ کی بنا پر اسباب فتنہ کی روک تھام کے لیے عورتوں کا با پردہ ہونا ضروری ہے۔خواتین کے لباس کی چند حدود و قیود
پردہ پورے بدن کو چھپانے کا نام ہے۔
ایسا حجاب استعمال نہ کیا جاۓ جو بذاتِ خود زینت بن جاۓ۔
لباس باریک کپڑے کا نہ ہو جس سے بدن چھلکے۔
کشادہ لباس ہو، تنگ نہ ہو۔
خوشبو میں بسا ہوا نہ ہو۔
مرد کے مشابہ نہ ہو۔
کافر عورتوں کے مشابہ نہ ہو۔
شہرت کا لباس نہ ہو۔
حجاب کرنے اور باپردہ ہونے کے لئے حضرت فاطمہ رضی اللہ عنھا کی مثال ہمارے سامنے ہے اور ہماری رہنمائی کرتی ہے کہ انہوں نے اس بات کو بھی ناپسند کیا کہ مرنے کے بعد عورت کو ایسے کپڑے میں لپیٹا جاۓ جس سے اس عورت کا ہونا ظاہر ہو۔
حیا مومنوں کی خاص صفت ہے حیا اور ایمان لازم و ملزوم ہیں یا تو دونوں رہیں گے یا دونوں رخصت ہو جائیں گے۔
بے پردگی اور اس کے لوازم اور دواعی سب کے سب اہل کفر کی دیکھا دیکھی مسلم معاشرے میں رواج پاگئے ہیں۔ جو لوگ بے پردگی کو رواج دینے کی کوشش میں ہیں اور اپنی بہو، بیٹیوں کو یورپین عورتوں کی طرح بے حیا اور بے شرم بنا چکے ہیں۔
مادر پدر آزاد خیال اور آزاد لباس ان میں بہت سے تو ایسے ہیں جو محض نام کے مسلمان ہیں اور شرم وحیاء کے ساتھ ایمان کی دولت بھی کھو چکے ہیں اور بہت سے ایسے ہیں جنھیں کسی درجے یورپ کا مزاج اور بے حیائی اور بے شرمی کی طبیعت آہستہ آہستہ اسلام سے ہٹاۓ جارہی ہے۔
مسلمانوں پر فرض ہے کہ اسلامی قوانین کی پابندی کریں اور اسلام کے روشن اصولوں پر چل کر اپنی دنیا اور آخرت سنواریں۔
دعا گو ہیں اللہ سبحانہ و تعالیٰ ہمیں اسلامی تعلیمات پر عمل پیرا ہونے کی توفیق عطا فرمائے اور ہم سے راضی ہوجاۓ۔ -
اقوام متحدہ رپورٹ نے جمال خشوگی کی ہلاکت کا ذمہ دار کسے قرار دے دیا ، جانیے تفصیل میں
اقوام متحدہ کےتفتیش کاروں نے جمال خشوگی کے قتل کی ذمہ داری سعودی ولی عہد پر ڈآل دی.رپورٹ میں کہا گیا ہے کہ شواہد محمد بن سلمان کو ذمہ ادر قرار دے رہے ہیں.
باغی ٹی وی رپورٹ کے مطابق سعودی صحافی جمال خاشقچی کے قتل کی پہلی آزادنہ تحقیقاتی رپورٹ میں اقوام متحدہ کے تفتیش کاروں نے کہا ہے کہ اس قتل کی ذمہ داری سعودی ولی عہد پر عائد کرنے کے لیے کافی شواہد ملے ہیں۔
اقوام متحدہ میں انسانی حقوق کی ایک آزاد ماہر نے، جو سعودی صحافی جمال خاشقچی کے قتل کی چھان بین کر رہی ہیں، یہ سفارش کی ہے کہ اس ہلاکت میں، سعودی ولی عہد، شہزادہ محمد بن سلمان کے کسی ممکنہ کردار کی چھان بین کی جائے۔ جس کی واضح شہادت موجود ہے۔
انہوں نے کہا کہ اگرچہ وہ یہ واضح نہیں کر سکتیں کہ کس نے اس قتل کا حکم دیا، تاہم سعودی مملکت واضح طور پر اس کی ذمے دار ہے۔
وہ کہتی ہیں کہ یہ ممکن ہی نہیں کہ مملکت اور سعودی شہزادہ، قانون کی خلاف ورزی سے آگاہ نہ ہوں۔
اقوام متحدہ کی اس رپورٹ میں سعودی شہزادے محمد بن سلمان اور ان کے بیرون ملک ذاتی اثاثوں پر پابندی عائد کرنے کی سفارش بھی کی گئی ہے۔
لیکن واشنگٹن پوسٹ کے کالم نگار اوراس سے وابستہ صحافی جمال خاشقچی نے اس واقعہ سے لاعلمی کا اظہار کیا تھا بعد میں حکام نے تسلیم کیا تھا کہ ان کے قتل کا ذمہ دار سعودی شہزادے کے محافظوں کا ایک گروپ ہے۔
-
سپریم کورٹ نے رائل پام کنٹری کلب اراضی کس کے حوالے کر دی اہم فیصلہ آگیا
سپریم کورٹ نے معاہدہ کالعدم کرتے ہوئے رائل پام کنٹری کلب اراضی کو ریلوے کے حوالے کرنے کا فیصلہ دے دیا ، کمپنی کو تین ماہ کے اندر اندر اراضی پاکستان ریلوے کے حوالے کرنے کا حکم دیا ہے .
باغی ٹی وی رپورٹ کے مطابق سپریم کورٹ لاہوررجسٹری نےرائل پام کنٹری کلب معاہدےکوکلعدم قراردےدیا اور اراضی پاکستان ریلوے کے حوالے کرنے کا حکم دیا ہے.عدالت نے تین ماہ کا وقت دیا ہے کہ اس مدت کے اندر اندر زمین ریلوے کے حوالے کی جائے اور پاکستان ریلوے کو حکم دیا ہے کہ وہ بہترین انتظامات کرے
خیال رہے کہ گزشتہ برس اپریل میں احتساب کے قومی ادارے کی جانب سے رائل پام گالف کلب اسکینڈل کیس سے متعلق ریفرنس دائر کیا گیا تھا۔
نیب کی تحقیقات میں یہ بات سامنے آئی تھی کہ 2001 میں پاکستان ریلوے نے لاہور میں نہر کنارے اپنے گالف کلب کی اراضی 33 سالہ لیز کے لیے پیش کش کی تھی، جس کے لیے متعدد کمپنیوں نے بولیاں جمع کروائیں تھی، جس میں نجی کمپنی میکس کورپس بھی شامل تھی، تاہم بولی کے عمل کے دوران لیز کے دورانیے کو غیر قانونی طور پر 33 سے بڑھا کر 49 سال کردیا گیا۔
اس کے علاوہ پیش کش کی گئی کہ زمین کے رقبے کو بھی غیر قانونی طور پر ریلوے آفیسرز کالونی گرا کر 103 سے 140 ایکڑ کردیا گیا، لہٰذا پاکستان ریلوے کی زمین کا قیمتی ٹکرا غیر شفاف طریقے سے غیر قانونی طور پر لیز ہوا، جس کا مقصد غیر قانونی طریقے سے لیز رکھنے والے اور ایک نجی کمپنی مین لینڈ حسنین پاکستان لمیٹڈ کے مالک کو فائدہ پہنچانا تھا۔
نیب تحقیقات کے دوران یہ بات سامنے آئی تھی کہ ملزمان نے اختیارات کا غلط استعمال کرتے ہوئے 2001 میں تجارتی مقاصد کے لیے مین لینڈ حسنین پاکستان لمیٹڈ کو ریلوے گالف کلب کی 49 سالہ لیز اور 140 ایکڑ زمین غیر قانونی طور پر دے کر مبینہ طور پر کرپشن کی، جس کی وجہ سے قومی خزانے کو تقریباً 2 ارب 20 کروڑ روپے کا نقصان ہوا۔
-
غلط مراسم نہ رکھنے پر نوجوان کو موت کے گھاٹ اتار دیاگیا
چارسدہ: علاقہ نستہ کا رہائشی نوجوان لکی مروت میں فائرنگ سے جانبحق.
نوجوان کے قتل کے خلاف فاروق اعظم چوک پر لواحقین کا احتجاجی مظاہرہ.ملزم عطاءاللہ نے مقتول سے غلط مراسم رکھنا چاہا تھا, انکار پر فائرنگ کردی. مقتول عزیز اللہ کو بہن ہی کے گھر میں بہن کے سامنے قتل کر دیا گیا.
چارسدہ: ملزم اپنے گھر میں موجود رہتا ہے لیکن پولیس گرفتار نہیں کر رہی, لواحقین
چارسدہ: لواحقین کا آئی جی پولیس خیبرپختونخوا سے فوری نوٹس لینے کا مطالبہ.
چارسدہ: ملزم کو فی الفور گرفتار نہ کیا گیا تو عوامی نیشنل پارٹی احتجاج کا دائرہ وسیع کریگی, ضلعی رہنما قاسم علی خان -
گجرات میں ظلم کی نئی داستان رقم، 8 سالہ بچہ خنجر کے وار سے قتل
گجرات (نمائندہ باغی ٹی وی )گجرات میں ظلم کی نئی داستان رقم۔ تھانہ صدر گجرات کے علاقہ ٹبی سیکھواں میں بیرون ملک مقیم شخص کے 8 سالہ بیٹے علی جنید کو ٹیوشن سنٹر سے واپس گھر آتے نامعلوم شخص نے گلے پر چھری کے وار کر کے موت کے گھاٹ اتار دیا اور ملزم فرار ھو گیا اطلاع ملتے ھی ایس ایچ او بابر زمان بٹ معہ نفری موقع پر پہنچےاور معصوم بچے کی نعش قبضہ میں لے کر پوسٹ مارٹم کے لئے ھسپتال پہنچائی اس بات کا بھی شبہ ھے کہ معصوم بچے علی جنید کو دوران جنسی زیادتی مزاحمت کرنے یا ملزم کو پہچان لینے پر قتل کیا گیا ھے تاھم اس بات کی تصدیق نہ ھو سکی ھے پولیس نے معصوم بچے کے اندھے قتل کا سراغ لگانے کے لئے گاؤں ٹبی سیکھواں کے چند مشکوک افراد کو حراست میں لیا ھے
-
چارسدہ 3 بھائیوں کا قتل G-3 سے ہوا نئے انکشافات سامنے آگئے.
ذرائع کے مطابق مرکزی ملزم نادر خان کی والدہ کی مقتول بھائیوں کی والدہ سے ملاقات ہوئی ہے جس میں مقتول کے خاندان کو راضی نامے کے بدلے بہت بڑے پیکج کی پیشکش کی گئی ہے. مقتولین کے بچوں کو اعلی تعلیمی ادارے میں پڑھانے اور نقد اور زرعی اراضی دینے کی بھی پیشکش ہوئی ہے جبکہ مقتولین کے خاندان کی جانب سے چہلم کے بعد اس پیشکش کا مناسب جواب دینے کا کہا گیا ہے. دوسری جانب واقعے کے دوسرے مرکزی ملزم ناصر جمال کا کہنا ہے کہ واردات کے وقت وہ جائے وقوعہ پر موجود نہیں تھا اور اسے واقعات کا علم بعد میں ہوا. ذرائع کے مطابق نادر خان نے جی تھری رائفل سے مقتولین کو نشانہ بنایا تھا. گرفتار ملزم ناصر جمال جوکہ مرکزی ملزم نادر خان کا خالہ زاد بھی ہے، کے مطابق نادر خان اپنے ساتھیوں کے ہمراہ روزانہ منشیات کے استعمال پر ڈھائی لاکھ روپے لٹاتا تھا اور یہ اسکا روزمرہ کا معمول تھا. والدین کا اکلوتا بیٹا ہونے کے سبب اس نے جائیداد اور والد کے بنگلے بیچ کر اربوں روپے منشیات استعمال، رنگ رلیوں اور عیش و عشرت کے نظر کئے ہیں. وقوعہ کے وقت نادر خان اور مقتولین کے درمیان تنازعہ اراضی کے انتقال پر کھڑا ہوا کیونکہ نادر کے پاس مذکورہ اراضی کا صرف قبضہ تھا لیکن اسکے پاس فروخت کردہ زمین کا انتقال نہیں تھا جبکہ مقتولین اراضی کے انتقال لینے پر بضد تھے. وقوعہ کے وقت نادرخان کے ساتھ اسکی گرل فرینڈ بھی موجود تھی جو واردات کے بعد نادر کے ساتھ ہی ملائشیا فرار ہو گئی. نادر خان کی اسلام آباد ائرپورٹ پر ٹریول ایجنٹ رباب نسیم کے ساتھ ملائشیا کےلئے بورڈنگ کی سی سی ٹی وی فوٹیج بھی پولیس نے حاصل کی ہے جبکہ ملزم نادر کے حوالے سے کے پی کے پولیس کے اعلی افسران اور ملائشین پولیس حکام کے درمیان مسلسل رابطہ ہے. پولیس ذرائع کے مطابق نادر خان کو منشیات استعمال اور اپنی عیش عشرت جاری رکھنے کے لیے کافی پیسوں کی ضرورت ہے چنانچہ اسکو پاکستان سے رقم کے ٹرانسفر پر کڑی نظر رکھی گئی ہے لیکن ملزم کو اب تک کوئی رقم ٹرانسفر نہیں ہوئی. ملائشین پولیس ملزم کی لوکیشن کے قریب پہنچ چکے ہیں تاہم انہیں اب بھی سو فیصد کامیابی کے لیے کچھ وقت درکار ہے تاھم ڈی پی او چارسدہ اور اسکی ٹیم مرکزی ملزم کی گرفتاری کیلئے کافی پر امید دکھائی دیتے ہیں.
-
اسرئیل کے جی پی ایس سسٹم پر مسلسل کون حملے کر رہا بڑی خبر
اسرائیل کے فضائی نیوی گیشن سسٹم کو کچھ دنوں سے بار بار جام کیا جا رہا ہے جس کے نتیجے میں صہیونی حکام سخت پریشان ہی
تفصیلات کے مطابق ‘دنیا بھر میں ائیر ٹریفک نظام کو کنٹرول کرنے والے سسٹم کو پچھلے چند دنوں سے ہیک کیے جانے اور چھیڑ چھاڑ کی کوشش نے اسرائیلی انتظامیہ کو پریشان کر رکھا ہے.جی پی ایس سسٹم گلوبل جیوگرافک پوزیشننگ سسٹم’ یعنی "GPS” کو گذشتہ تین ہفتوں سے بار بار خرابی کا سامنا ہے۔ بعض ذرائع ابلاغ نے اس خرابی کے پیچھے روس کا ہاتھ بتایا ہے۔
اسرائیلی حکام اور انتظامیہ اس مداخلت کی وجہ سے احتیاطی طور پر اپنا شیڈیول تبدیل کر رہے ہیں تاکہ کسی ناخوش گوار وا قع سے بچا جا سکے .ہوائی اڈوں کی ذمہ دار اتھارٹی کے ترجمان کا کہنا ہےکہ فضائی طیاروں کی درست سمت کی نشاندہی کرنے والے نظام میں خرابی کا سبب معلوم نہ ہونے سے حکام پریشان ہیں، جس کے باعث بعض فلائیٹس کے روٹ تبدیل کردیے گئے ہیں۔
ذرائع کا کہنا ہے کہ اسرائیلی حکام فضائی جہاز رانی کے نظام میں بار بار خلل پیدا ہونے پر تشویش کا شکار ہیں اور انہوں نے تنگ آکر بعض فضائی روٹس تبدیل کردیے ہیں۔ ہوائی اڈوں کے حکام نے ہوابازوں کو کہا ہےکہ وہ موجودہ ‘جی پی ایس’ سسٹم پر زیادہ انحصار نہ کریں۔ ان کا کہنا ہے کہ اس فنی خرابی سے ابھی تک کوئی نقصان نہیںہوا ہے۔
اسرائیلی فضائیہ کے ماہرین خلل پیدا کرنے کے مصدر کا پتا چلانے کے لیے تحقیقات کررہےہیں۔
دوسری طرف بین الاقوامی کمرشل فلائیرز ایسوسی ایشن نے بھی شکایت کی کہ ان کی فلائٹ پر مخصوص علاقے میں سگنل نہیں پہنچ پا رہے.اسرائیل کے بن گوریون بین الاقوامی ہوائی اڈے کے اطراف میں ‘جی پی ایس’ کے سگلنل نہیں ہو رہے ہیں۔ البتہ اسرائیلی ریڈیو نے بیان دیا کہ اس مداخلت میں کوئی بیرون ہاتھ شامل ہے ‘جی پی ایس’ سسٹم میں خرابی کے پیچھے روس کا ہاتھ ہے۔ اسرائیلی فوج کی طرف سے اس حوالے سے کوئی موقف سامنے نہیں آیا۔اور نہ ہی روس نے اس پر اپنا رد عمل دیا ہے،
-
ٹیم پاکستان کو اپنی جیت کے سوا اورکیا سہارا چاہیے جانیے اس رپوٹ میں
ورلڈ کپ 2019ء میں پاکستان کرکٹ ٹیم کوجہاں خود کی پرمارمنس دکھانی ہو گی وہاں دیگر ٹیموں کی فتح و شکست کے مرہون منت بھی ہونا پڑے گا اگر مگر یعنی کون جیتی توکون آگے آئے گا یہ سلسلہ بہت اہم ہے.
انگلینڈ میں جاری آئی سی سی ورلڈکپ 2019ء میں پاکستان، انگلینڈ، سری لنکا، بنگلہ دیش اور کسی حد تک نیوزی لینڈ بھی اگر مگر میں گھرا ہوا ہے۔
قومی کرکٹ ٹیم کوبظاہر خطرہ بنگلہ دیش اور افغانستان سے نہیں بلکہ انگلینڈ اور سری لنکا سے ہے، کیوں کہ بنگلہ دیش اور افغانستان سے پاکستان خود نمٹے گا اور اس کا انحصار قومی ٹیم کی کارکردگی پر ہو گا۔
سابق آسٹریلوی بیٹسمین رکی پونٹنگ کا کہنا ہے کہ پاکستان وہ واحد ٹیم ہے جو کسی کو بھی ہرا سکتی ہے اور کسی سے ہار بھی سکتی ہے۔
ورلڈ کپ کے سیمی فائنل راؤنڈ میں فی الحال آسٹریلیا واحد ٹیم ہے جس نے کوالیفائی کرلیا ہے جبکہ ممکن ہے بھارت بھی کوالیفائی کر جائے گا مگر تیسری اور چوتھی پوزیشن کے لیے پاکستان، انگلینڈ سری لنکا، بنگلہ دیش اور نیوزی لینڈ دوڑ میں شامل ہیں۔
اگر مگر کے کھیل میں قومی ٹیم پوائنٹس ٹیبل پر 7 پوائنٹ کے ساتھ چھٹے نمبر پر ہے جبکہ نیوزی لینڈ، انگلینڈ، بنگلہ دیش اور سری لنکا بالترتیب تیسرے، چوتھے، پانچویں اور ساتویں نمبر پر براجمان ہیں۔
انگلینڈ، نیوزی لینڈ، پاکستان اور بنگلہ دیش کے دو، دو میچز باقی ہیں جبکہ سری لنکا کے تین میچ رہتے ہیں۔ بظاہر پاکستان کا سیمی فائنل میں جانے اور نہ جانے کا فیصلہ انگلینڈ اور سری لنکا کی ہار اور اپنی کارکردگی پر منحصر ہے۔ انگلینڈ اور سری لنکا کی ہار کے باوجود پاکستان کو اپنے باقی دو میچز جیتنے ہوں گے۔
پاکستان کو سب سے بڑا خطرہ انگلینڈ سے ہے کیوں کہ انگلینڈ ورلڈ کپ کے ابتدا سے ہی فیورٹ رہا ہے اور یہ ٹیم کسی بھی وقت کم بیک کرسکتی ہے۔ انگلینڈ کے مزید دو میچز نیوزی لینڈ اور بھارت سے ہوں گے۔
دریں اثنا آج سری لنکا کا مقابلہ جنوبی افریقا سے جبکہ پاکستان کل افغانستان کے مدمقابل ہوگا، کل نیوزی لینڈ کا سامنا آسٹریلیا سے ہو گا اور انگلینڈ کا مقابلہ اتوار کو ناقابل شکست بھارت سے ہو گا۔
ان چار میچز کے بعد کسی حد تک فیصلہ ہو جائے گا وہ کونسی دو ٹیمیں ہیں جو سیمی فائنل میں جانے کے لیے فیورٹ ہو ں گی۔