Author: +9251

ئی دہلی: اسلام میں نکاح ہے حلالہ نہیں ،پتہ نہیں کسن نے بھارتی صدر کو جاہلانہ تقریر تیار کرکے دی.اسدالدین اویسی بھارتی صدر پر برس پڑے.اطلاعات کے مطابق آل انڈیا مجلس اتحاد المسلمین کے سربراہ اسد الدین اویسی نے ملک میں ہندو فرقہ واریت کو جمہوریت کے لئے خطرہ بتاتے ہوئے پیر کو کہا کہ اگر حکمراں فریق ہندو نظریے کی بجائے ہندوستانی نظریے کی بنیاد پر چلے گا تو ملک میں نفرت اور بھیڑ کی طرف سے پیٹ پیٹ کر قتل کئے جانے کے واقعات بند ہو جائیں گے۔
اسدالدین اویسی نے بھارتی صدر رام ناتھ كووند کے پارلیمنٹ کے مشترکہ اجلاس سے خطاب پر لوک سبھا میں بحث میں حصہ لیتے ہوئے کہا کہ انہیں صدر کے خطاب سے مایوسی ہوئی ہے۔ ملک کی دوسری بڑی آبادی کے ساتھ تکلیف دہ سلوک کیا جارہا ہے۔

مسلمانوں پر پاکستان کے سلسلے میں تہمت لگائے جانے کے بارے میں اویسی نے کہا کہ تقسیم کے وقت انہیں پاکستان جانے کا حق تھا، لیکن انہوں نے ہندوستان کو اپنا وطن بنایااور ملک کو نہیں چھوڑا ہے۔ انہوں نے کہا کہ معاشرے میں ہوتے ہیں تو ہندو مسلمان ساتھ رہتے ہیں اور انہیں کوئی ڈر نہیں لگتا لیکن سیاست کے پلیٹ فارم پر ڈر لگتا ہے۔
مسٹر اویسی نے کہا کہ انہیں وندے ماترم کے ساتھ کوئی گریز نہیں ہے، لیکن زبردستی پڑھوانے کے لئے مجبور کرنے سے تکلیف ہے ۔ انہوں نے شکایت کی ہے کہ انتخابات کے دوران، پولیس اہلکاروں نے 77،000 گھروں کے لوگوں نے ووٹ ڈالنے سے روک دیا تھا۔ انہوں نے کہا کہ اگر آپس کے رشتے کو سنبھالا نہیں جائے گا تو جمہوریت کیسے بچے گی ۔اضح رہے کہ صدر جمہوریہ رام ناتھ کوند نے گذشتہ دنوں پارلیمنٹ کے مشترکہ اجلاس سے خطاب کرتے ہوئے کہا تھا کہ مسلم خواتین کو مساوی حقوق دینے کے لیے تین طلاق اور حلالہ کا خاتمہ ضروری ہے۔

ریاض:سعودی عرب میں دنیا بھر سے عالمی مقابلہ اذان وحسن قرات میں شرکت کے لیے 56 ہزار افراد نے رجسٹریشن کراکر نیا ریکارڈ قائم کردیاہے۔ مقابلے میں 162 ملکوں کے 13 ہزار امیدوار شریک ہوں گے۔ سعودی عرب کی جنرل انٹرٹینمنٹ اتھارٹی کے زیرِاہتمام اذان اور حسنِ تِلاوت قرآن کریم کے بین الاقوامی مقابلے کی 22 مئی کو شروع کردہ رجسٹریشن کا مرحلہ مکمل ہو گیا۔اس مرحلے میں دنیا بھر کے 56 ہزار افراد نے اپنی رجسٹریشن کرائی۔

یہ مرحلہ 22 جولائی تک جاری رہے گا۔دوسرا مرحلہ 22 جولائی کو شروع ہوگا جس امیدواروں کی جانچ پڑتال کے بعد ان کی مقابلے میں نامزدگی کی جائے گی۔ یہ مرحلہ 24 جولائی سے 23 اگست تک جاری رہے گا۔ اس کے بعد 24 اگست سے 23 ستمبرتک کارکردگی کی بنیاد پربہترین قراردیئے جانے والے امیدواروں کی فہرستیں تیار کی جائیں گی اور 25 ستمبرسے 25 اکتوبر تک کامیاب ہونےوالے امیدواروں کا مرحلہ وار اعلان اوران میں انعامات تقسیم کیے جائیں گے۔

سعودی عرب کی جنرل انٹرٹینمنٹ اتھارٹی کے مطابق اس مقابلے کے لیے دنیا بھر میں آن لائن رجسٹریشن کرانے والے کل افراد کی تعداد 56 ہزار ہے، جو ماضی کے مقابلوں کی نسبت کہیں زیادہ ہے۔ مقابلہ جیتنے والے خوش نصیبوں میں ایک کروڑ 20 لاکھ ریال کے نقد انعامات تقسیم کیے جائیں گے، امریکی کرنسی میں انعامی رقم کی مالیت 32 لاکھ ڈالرسے زیادہ ہے۔خیال رہے کہ سعودی انٹرٹینمنٹ اتھارٹی کی جانب سے رواں سال جنوری میں اس مقابلے کا اعلان کیا گیا تھا۔

نئی دہلی :پاکستان کی سر زمین میں گھسنے والے بھارتی فضائیہ کے در انداز ونگ کمانڈر ابھی نندن کے جنگی طیارے کو مار گرائے جانے کے بعد اور پھر نندن کی پاکستانی شاہینوں کے ہاتھوں گرفتاری کے زخم کو بھارتی ابھی نہیں‌بھولے .اطلاعات کے مطابق لوک سبھا میں کانگریسی رہنما ادھیررنجن چوہدری نے ایک عجیب مطالبہ کرتے ہوئے کہا کہ بھارت کو چاہیے کہ وہ ابھی نندن کو حوصلہ بندھانے کے لیے اس کی موچھوں کو ہی کوئی نہ کوئی اعزاز دے .اپنی تجویز میں رنجن چوہدری نے کہا کہ حکومت کو چاہیے اور ان کی مونچھوں کو ’قومی مونچھ‘ قرار دیا جانا چاہیے۔‘‘

خیال رہے کہ بالاکوٹ ائیر اسٹرائیک کے دوران ابھینندن کے طیارہ کو پاکستان نے مار گرایا تھا جس میں وہ زخمی ہو کر وہ پاکستانی حدود میں جا گرے تھے جس کے بعد انہیں پروٹوکول کے تحت واپس ہندوستان بھیج دیا گیا تھا ، چونکہ یہ معاملہ الیکشن کے دوران پیش آیا تھا اس لئے بی جے پی نے اس معاملہ کو اچھالتے ہوئے اس کا سیاسی فائدہ حاصل کرنے کی کوشش تھی ، اور انہیں اس میں بڑی حد تک کامیابی بھی ملی تھی

ریاض:حوثی باغیوں کی طرف سے سعودی عرب کے مختلف علاقوں میں گاہے بگاہے میزائل حملے .مشہور ابہا ایئر پورٹ پر تازہ حملے میں حملے میں ایک شامی باشندہ جاں بحق اور 21 زخمی ہوگئے۔سعودی خبر ایجنسی کے مطابق ملک کے جنوب مغربی علاقے کے ابھا کے ایئرپورٹ پر حوثی باغیوں کی طرف سے رواں ماہ دوسرا حملہ کیا گیا ہے، اس حملے میں ایک شامی باشندہ جاں بحق ہوا جب کہ 21 افراد زخمی ہیں۔زخمی ہونے والوں میں 13 سعودی شہری، 4 بھارتی، 2 مصری جب کہ 2 بنگلہ دیشی شہری شامل ہیں۔ سعودی حکام کا کہنا ہے کہ زخمیوں کو قریبی اسپتال میں طبی امداد فراہم کی جارہی ہے جن میں سے 2 کی حالت نازک ہے۔

سعودی عرب میں اتحادی افواج کے ترجمان کرنل ترکی المالکی نے بھی اس حملے کی تصدیق کرتے ہوئے کہا ہے کہ حوثی باغیوں کے حملے میں زخمی ہونے والوں میں 3 خواتین اور 2 بچے بھی شامل ہیں جب کہ ایئرپورٹ کے ایک ریسٹورینٹ اور 18 گاڑیوں کو نقصان پہنچا تاہم کرنل ترکی نے حملے کی نوعیت کے حوالے سے تفصیلات ظاہر نہیں کیں۔واضح رہے ابھا ایئرپورٹ سعودی عرب کا ایک مصروف ہوائی اڈہ ہے جہاں روزانہ کی بنیاد پر ہزاروں لوگ آمد ورفت کے لیے موجود ہوتے ہیں حوثی باغیوں نے 12 جون کوبھی اسی ایئرپورٹ پر حوثی باغیوں کے میزائل حملے میں 26 افراد زخمی ہوگئے تھے۔

کلکتہ:بھارت مسلمانوں پر حملوں میں تیزی مغربی بنگال میں بھی حافظ قرآن ہندو دہشت گردوں کا ظلم کا شکار.بھارت سے آمدہ اطلاعات کے مطابق مغربی بنگال کے علاقے کلکتہ کے امہرسٹ اسٹریٹ کے ایک پارک میں ایک جلسے کے موقع پر یہ واقع پیش آیا.ہندو دہشت گردوں نے حافظ قرآن سمیت دیگر دس مسلمانوں کو جئے شری رام نہیں کہنے کی پاداش میں بری طرح زدوکوب کیا گیا ہے۔ شردھا نندا پارک میں ’ہندو سمہاتی‘ نامی ایک جنونی ہندو تنظیم کی جانب سے جلسہ کا انعقاد کیا گیا تھا۔

ہگلی کے آرام باغ کے پاس حیات پور مدرسہ کے بچوں کو قرآن سکھانے والے حافظ شارہ رخ ہلدارعید کی چھٹیاں منانے کے بعد واپس اپنے مدرسہ جارہے تھے۔اطلاعات کے مطابق شارہ رخ ہلدار کیننگ اسٹیشن سے سیالدہ جانے والی ٹرین پر سوار ہوئےتوکم وبیش 500 لوگ اسی ٹرین کے مختلف بوگیوں میں سوار ہوگئے۔ ٹرین میں داخل ہونے کے ساتھ ہی یہ لوگ اپنے دھرم کے نعرہ دینے لگے حافظ شاہ رخ کے مطابق ان میں سے چند لوگوں نے مجھے غور سے دیکھا، میں ٹوپی اور داڑھی پہنے ہوئے تھا اور بھی کچھ لوگ تھے جو مسلمان تھے اور وہ اپنے داڑھی کے سبب پہچانے جاسکتے تھے، کچھ ہی دیر بعد بعد ہندو سمہاتی کے لوگوں نے مجھ سے اور دیگر مسلمانوں سے آکر بھدی زبان میں گالیاں دینی شروع کردی اور ٹرین جب کچھ دیر بعد بالی گنج اسٹیشن پہنچا تو مجھے اور دیگر مسلمانوں کو بے تحاشہ مارنا پیٹنا شروع کردیا، اور مجھے اس قدر مارا پیٹا گیا کہ میری آنکھوں میں اب بھی خون جمی ہوا ہے اور میری بائیں آنکھ اب بھی بند ہے

بالی گنج اسٹیشن کی جی آر پی میں ہندو سمہاتی نامی تنظیم کے خلاف شکایت درج کرائی گئی ہے۔ حالانکہ تین دن گزر جانے کے باوجو بھی ریلوے پولیس نے ابھی تک کسی کو گرفتار نہیں کیا ہے .حافظ شاہ رخ کے مطابق پہلے تو ریلوے پولیس یہ ماننے کو تیار نہیں تھی کہ جئے شری رام کا نعرہ نہیں لگانے پر انہیں مارا گیا ہے لیکن چند عینی شاہدین کے اصرا ر پر پولیس نے ان کی شکایت کو بالآخر درج کی۔

نئی دہلی :آپ اپنا نیا ہندوستان اپنے پاس رکھیں ہمیں پرانا ہندوستان ہی لوٹا دیجیئے .ہمیں اس ہندوستان کی ضرورت نہیں جہاں دلتوں اور مسلمانوں کا قتل عام ببانگ دہل ہوتا ہو.راجیہ سبھا میں اپوزیشن لیڈر غلام نبی آزاد بھارت میں دلتوں اور مسلمانوں پر ہونے والے مظالم پر بول اٹھے.غلام نبی آزاد نے مرکز کی مودی حکومت سے مخاطب ہوتے ہوئے کہا کہ ”میں آپ سے گزارش کرتا ہوں کہ آپ اپنا نیا ہندوستان اپنے پاس رکھیں ہمیں پرانا ہندوستان ہی لوٹا دیجیئے

غلام نبی آزاد نے جھار کھنڈ میں پے در پے مسلمانو ں پر ہندو انتہا پسندوں کے حملوں پر سخت ناراضگی کا اظہار کرتے ہوئے کہا کہ جھارکھنڈ کے سرائے کیلا میں بھیڑ کے ذریعہ ایک مسلم نوجوان کا قتل کر دیا گیا جس سے علاقے میں ماحول بہت کشیدہ ہیں۔ یہ معاملہ آج راجیہ سبھا میں بھی اٹھایا گیا۔ ایوان بالا میں اپوزیشن لیڈر غلام نبی آزاد نے اس موب لنچنگ کے واقعہ پر افسوس ظاہر کرتے ہوئے کہا کہ ”جھارکھنڈ لنچنگ اور تشدد کا کارخانہ بن گیا ہے۔ ہر ہفتے وہاں دلت اور مسلمان مارے جاتے ہیں۔ ’سب کا ساتھ سب کا وِکاس‘ کی لڑائی میں ہم پی ایم کے ساتھ ہیں، لیکن اسے دیکھنے کے لیے لوگ ہونے چاہئیں۔“
غلام نبی آزاد نے کہا اس ہندوستان کی بات کرتے ہیں‌ جہاں محبت اور تہذیب تھی۔ جب مسلمان اور دلت مشکل میں ہوتے تھے تو ہندووں کو بھی درد محسوس ہوتا تھا۔ جب کوئی تکلیف ہندووں کی نظر میں آتی تھی تو مسلم اور دلت ان کے لیے آنسو بہاتے تھے۔“انہوں نے مزید کہا کہ ”پرانے ہندوستان میں نفرت، غصہ یا جھوٹے الزامات نہیں تھے۔