ورلڈ کپ کے ستائیسویں میں سری لنکا نے انگلینڈ کے خلاف ٹاس جیت کر بیٹنگ کا فیصلہ کیا ہے. پوائنٹس ٹیبل کے مطابق سری لنکا چھٹے نمبر پر ہے. سری لنکا پانچ میچز کھیل چکی ہے اور ایک میچ جیت چکی ہے. دو میچز میں شکست ملی اور دو میچز بارش کی وجہ سے نہ کھیلے جا سکے.
سری لنکا کے لیے آج کا میچ جیتنا ضروری ہے ورنہ سیمی فائنل تک کی رسائی مشکل ہے. دونوں ٹیمز کے کپتان میچ جیتنے کے لیے پر امید ہیں. ایون مورگن آج کے میچ میں بھی اچھا کھیلنے کا جزبہ رکھتے ہیں.
امریکہ میں نصف کے قریب شہری اب اپنے اخراجات پورے نہیںکر سکتے
باغی ٹی وی رپورٹ کے مطابق امریکی شہریوں کا لائف سٹائل اب تیزی سےتنزل کا شکار ہو رہا ہے .لوگ اپر کلاس سے مڈل کلاس کی طرف منتقل ہو رہے ہیں .نصف سے زائد آبادی اپنے روز مرہ کے اخراجات پورے نہیں کرسکتے
امریکی شہری اب اپنے ہاؤس رینٹ ، خواراک ،بچوں کی پرورش ، بچوں کی تعلیم پر آنے والے اخراجات کی وجہ سے پریشان کا شکار ہیں.51 ملین امریکی اپنے اخراجات پورے نہیںکر سکتے ان کے اخراجات آمدنی سے کم ہیں.16 ملین غربت کا شکار ہیں
ایران کے ڈرون گرانے پر امریکی صدر نے جنگ کا حکم دے دیا تھا جسے آخری مرحلے پر واپس لے لیا گیا.
باغی ٹی وی رپورٹ کے مطابق. روسی میڈیا نے دعوی کیا ہے کہ ایران نے جب امریکی ڈرون طیارہ گرایا تو اس کے رد عمل میں امریکی صدر ڈونلڈ ٹرمپ نے مخصوص اہداف پر سرجیکل سٹرئیک کا حکم دے دیا تھا جسے آخری لمحوں میں واپس لے لیا تھا.اس میٹینگ میں کانگرس کے آفیشلز اور سیکیورٹی اہلکار بھی شامل تھے جنہوں نے اس جارحیت سے پیدا ہونے والے نتائج سے آگاہ کیاتھا.
واضح رہے کہ ایران نے آج آبنائے ہرمز میں امریکی ڈرون مار گرایا تھا اور اس حوالے سے کمانڈر پاسداران انقلاب کا کہنا ہے کہ ہم نے امریکہ کو واضح پیغام دے دیا ہے کہ ہم جنگ نہیں چاہتے پر جنگ کیلیے تیار ہیں۔ دوسری طرف اب امریکہ نے بھی ایران کی طرف سے ڈرون گرائے جانے کی تصدیق کر دی ہے اور کہا ہے کہ ڈرون ایرانی نہیں بلکہ بین الاقوامی فضائی حدود میں تھا۔
پاکستان کی بد ترین پرفارمنس پر محمد حفیظ نے بیان دیا ہے کہ پوائنٹس ٹیبل پر سب سے نیچے خود کو دیکھ کر ہم پر دباؤ سے زیادہ ہم کو دکھ ہے لیکن اگر ہسٹری کو دیکھا جائے تو پاکستانی ٹیم ہمیشہ ڈاؤن ہو کر ہی اٹھی ہے.
باغی ٹی وی کی رپورٹ کے مطابق محمد حفیظ کہتے ہیں کہ پوری ٹیم کم بیک کے لیے پوری کوشش کر رہی ہے اس لیے قوم سے اپیل ہے کہ ہمیں سپورٹ کرتے رہیں. ہم نے اگلے چار میچ جیتنے کا کوئی پلان نہیں بنایا. ہم صرف اگلے میچ کی تیاری کر رہے ہیں جو 23 جون کو جنوبی افریقہ کے ساتھ انگلینڈ کے شہر لورڈز میں ہونے والا ہے.
جنوبی افریقہ کے ساتھ میچ کی پریکٹس میں کوئی کمی نہیں چھوڑ رہے. ٹیم کا حصہ ہونے کے ناطے میں یہ کہہ سکتا ہوں کہ شعیب ملک کے ساتھ پوری ٹیم پر اعتماد ہے. پچھلے پانچ میچز میں اچھا کھیل نہیں پیش کر سکے لیکن ہم ایک نیا سفر شروع کریں گے. کوشش کر رہے ہیں انشا اللہ کامیاب بھی ہوں گے.
نادرا نے نئ ویب سائٹ کا اجرا کر دیا جس سے تمام پاکستانی شہری اعلانیہ اور غیر اعلانیہ جائیداد کی معلومات حاصل کر سکیں گے.
باغی ٹی وی رپورٹ کے مطابق نادرا نے نئ ویب سایٹ کا اجرا کر دیا جس سے تمام پاکستانی شہری اعلانیہ اور غیر اعلانیہ جائیداد کی معلومات حاصل کر سکیں گے نادرا نے نیا لنک کھول دیا ہے جس پر جا کر کوئ بھی پاکستانی اپنے نام تمام جائیداد وغیرہ کی معلومات حاصل کرسکے گا ۔ یعنی ایف بی آر اور نادرا کے پاس ہر شہری کی ڈیکلیئرڈ اور ان ڈیکلیئرڈ علانیہ اور غیر اعلانیہ پراپرٹی کی معلومات موجود ہی. نادرہ کا جاری کردہ لنک یہ ہے جس سے جائیداد کی تفصیل حا:صل ک جاسکتی ہے .https://taxnet.nadra.gov.pk/itax/
واضح رہے کہ موجودہ حکومت ٹیکس کی ریکوری کے لیے اہم اقدام کررہی ہے اور معاملات کو سسٹم کے تحت لاکر ٹیکس وصولی میں بہتری لانے کے لیے کوشاں ہے اس طرح ٹیکس چوری کی حوصلہ شکنی ہو گی
ایل ڈی اےسٹی میں اربوں روپےفراڈمیں ملوث ملزم احدچیمہ کےکیس پرسماعت پراحتساب عدالت نےملزم احدچیمہ کےجوڈیشل ریمانڈمیں13روزکی توسیع کردی.
باغی ٹی وی رپورٹ کے مطابق.ایل ڈی اےسٹی میں اربوں روپےفراڈمیں ملوث ملزم احدچیمہ کےکیس پرسماعت پراحتساب عدالت نےملزم احدچیمہ کےجوڈیشل ریمانڈمیں13روزکی توسیع کردی.
واضح رہے کہ نیب حکام کے مطابق ملزم کی جائیدادوں میں متعدد پلاٹس، زرعی زمینیں، فلیٹس اور مکانات شامل ہیں۔ دیگر جائیدادوں میں ایل ڈی اے ایونیومیں پلاٹ نمبر 701، بینک الفلاح امپلائیز ہاؤسنگ سوسائٹی میں 2 پلاٹس، بھیک احمد یارحافظ آباد میں 311 کنال 31 مرلہ زرعی زمین جبکہ آئی بی کوآپریٹو ہاؤسنگ سوسائٹی اسلام آباد میں پلاٹ بھی شامل ہیں۔
خیال رہے کہ نیب لاہور نے ملزم احد خان چیمہ کو 15 فروری 2018 کو آشیانہ اقبال کرپشن کیس میں گرفتار کیا تھا، دوران تحقیقات ملزم کے نام اربوں روپے مالیت کے اثاثہ جات ہونے کا انکشاف ہوا تھا۔
بستی ملوک ( نمائندہ باغی ٹی وی ) تھانہ کی حدود میں نیشنل ایکشن پلان کے تحت سرچ آپریشن،دوران آپریشن قانون نافذ کرنے والے اداروں کو مزحمت کا سامناکئی افراد گرفتار کر لئے گئے ہیں مختلف ذرائع کے مطابق پولیس اہلکاروں کی منشیات فروشوں کوسرچ آپریشن کی مخبری بڑے منشیات فروش مال سمیت فرار،مخبری میں ملوث اہلکاروں کے خلاف رپورٹ تیار کر لی گئی ہے بستی ملوک نیشنل ایکشن پلان کے تحت تھانہ بستی ملوک کی علاقہ یونین کونسل روڈ، اسلام پور، مبارک پور وغیرہ میں سرچ آپریشن جس میں پنجاب پولیس،رینجر،جی ٹی ٹی،اسپیشل برانچ کی ٹیم نے حصہ لیا دوران آپریشن کئی گھروں کی تلاشی لی گئی جس میں ریاست علی،عاشق علی ولد ممتاز،طارق محمود ولد رفیق،نواب خان ولدمحرم خان،نور جمال ولدعبدالغفور، یونس ولد وزیر علی،عابد حسین ولد فیاض وغیرہ سے لائسنسی اسلحہ برآمدہوا کچھ افراد جن میں ملک ذکاء حسین بھٹی،ریاض حسین بھٹی، فخر ریاض بھٹی ولد عبدلکریم بھٹی اور علی ریاض بھٹی ولد ریاض بھٹی شامل ہیں نے سرچ آپریشن ٹیم سے مزحمت بھی کی اور ہاتھا پائی ہوئی تاہم پولیس ودیگر قانون نافذ کرنے والے اداروں نے شرپسندعناصر کو ناکام بناتے ہوئے گرفتار کر لیا ان افراد کے قبضہ سے ایک عد دپسٹل بھی برآمد ہوا ہے جبکہ ذرائع سے معلوم ہوا ہے کہ تھانہ بستی ملوک میں تعینات پولیس اہلکار وں نے منشیات فروشوں کے معاون خاص ہوٹل والے کو اس آپریشن کی پہلے ہی خبر دے دی جس کی وجہ سے منشیات فروش فریاد عرف فادی،ساجد ولد اللہ بخش وغیرہ پولیس کے ہتھے نہ چڑھ سکے ذرائع سے یہ بات بھی معلوم ہوئی ہے کہ آپریشن کی اطلاع منشیات فروش تک پہنچانے پر ان اہلکاروں کے خلاف رپورٹ تیار کی جارہی ہے اسی طرح تھانہ بستی ملوک دیگر علاقوں میں دوران سرچ آپریشن اسلحہ، منشیات وشراب برآمد ہوئی.
ایف بی آر نے بڑی مچھلیوں پر ہاتھ ڈالنے کا فیصلہ کر لیا.
باغی ٹی وی رپورٹ کےکے مطابق ٹیکس چوروں کے خلاف سخت ایکشن لیتےہوئے یہ فیصلہ کیا گیا ہے کہ اب ملک میں بڑی اسامیوں پر ھاتھ ڈالا جائے گا اس طرح اساسے چھپانے والوں کو انعام بھی دیا جائے گا.ایف بی آر حکام کا کہنا ہے کہ یکم جولائی سے اثاثے چھپانے والوں کے خلاف کارروائی ہو گی، پہلے بڑی مچھلیوں پر ہاتھ ڈالا جاسکتا ہے۔کسی کے چھپے اثاثے بتانے والے کو پانچ فیصد انعام ملے گا۔
چیف کمشنر ریجنل ٹیکس آفس بدر الدین قریشی نے کراچی میں پریس کانفرنس میں کہا کہ ہزاروں لوگوں کے خلاف کارروائی میں بڑے اثاثے چھپانے والوں کے خلاف پہل کی جائے گی۔
بدر قریشی کے مطابق کوئی یہ نا سمجھے کہ ایف بی آر کے پاس معلومات کا ذخیرہ نہیں، صرف کراچی میں 13000 لگژری گاڑیاں ہیں اور یہ لوگ نان فائلر ہیں لیکن یکم جولائی کے بعد کوئی نہ بچ سکے گا۔
بستی ملوک ( نمائندہ باغی ٹی وی ) دن دہہاڑے واردات نجی کمپنی کا سیل مین نقدی سے محروم
تفصیلات کے مطابق گزشتہ شام بستی ملوک چوک نزد پاکستان فارمیسی بلمقابل الرحمان شاپنگ پلازہ کے سامنے محمد ریاض جو کہ نجی کمپنی میں سیل مین اور شہزور ڈالا پر مال سپلائی اور ریکوری کرتا پھر رہا تھا کہ پاکستان فارمیسی بستی ملوک کے قریب 3 نامعلوم مسلح ملزمان نے اسے گن پوائنٹ پر روکا اور 30 ہزار نقدی اسلحہ کے زور پر لے کر فرار ہوگئے واقعہ کی اطلاع پولیس تھانہ بستی ملوک کو دی گئی تو پولیس نے موقع پر پہنچ کر کاروائی کا آغاز کردیا۔
میانوالی،سرگودہا (نمائندہ باغی ٹی وی )ریجنل پولیس آفیسرسرگودھا سید خرم علی نے میانوالی کے دورہ کے موقع پر ڈی پی او حسن اسد علوی کے ہمراہ ڈی پی او آفس میں پولیس خدمت مرکز وین کا ملاحظہ کیا۔ ڈی پی او میانوالی نے ان کو بریف کرتے ہوئے بتایا کہ پولیس خدمت مرکز وین کے ذریعے وہ تمام 14 سہولیات جو پولیس خدمت مرکز سنٹر میں دی جارہی ہیں اب ایسے دور دراز کے علاقوں میں بذریعہ موبائل پہنچائی جائیں گی جہاں سے شہری خدمت مرکز تک نہیں پہنچ سکتے تھے۔ اس کے لیے علیحدہ ٹرینڈ سٹاف لگایا گیا ہے جو کہ لوگوں کو تمام سہولیات مہیا کریں گے.